Post: #1
Title: هل هى نذر الحرب ...!!!
Author: دينا خالد
Date: 05-16-2011, 05:07 AM
Parent: #0
لا اعتقد ..
حضرت المؤتمر الصحفى لاعلان نتايج الانتخابات التكميلية
لجنوب كردفان امس ...
ايقنت انو الحركة الشعبية باعت القضية ..
وان مساومة قد تمت مع قادتها فى الموضوع ..
وشكلو الموضوع ح يمر كما مرت القضايا الكبرى
وانو ما ظلت الحركة الشعبيه تهدد به ..
ماشى لى انو يتحول الى تسوية كبيرة تبتلع جنوب كردفان
بحلوها ومرها ..
ـــــــــــــــــــــ
ياااا سلفا مااااااااااا عذبتنا !!
|
Post: #2
Title: Re: هل هى نذر الحرب ...!!!
Author: Tragie Mustafa
Date: 05-16-2011, 05:10 AM
Parent: #1
أمانه ما عذبتنا يا سلفا
Quote: ياااا سلفا مااااااااااا عذبتنا !!
|
دينا سلام
وطلعوا زيتنا زاته...قولي يا لطيف!
|
Post: #3
Title: Re: هل هى نذر الحرب ...!!!
Author: دينا خالد
Date: 05-16-2011, 05:16 AM
Parent: #2
يا لطيف يا تراجى ..
شوفتى كيف !!
|
Post: #4
Title: Re: هل هى نذر الحرب ...!!!
Author: Murtada Gafar
Date: 05-16-2011, 05:27 AM
Parent: #3
Quote: حضرت المؤتمر الصحفى لاعلان نتايج الانتخابات التكميلية
لجنوب كردفان امس ...
ايقنت انو الحركة الشعبية باعت القضية .. |
هذه الحبكة تحتاج إلى إخراج جيّد. كيف؟؟؟؟
علمي، ومن خلال متابعتي للمؤتمر الصحفي للمفوضية عبر قناة الشروق الفضائية أنه قد تحدث كلٌّ من البروفسير عبد الله أحمد عبد الله ود. مختار الأصم. بالتالي لم يكن المؤتمر الصحفي بوضعه هذا صالحاً لإستقراء (أن الحركة الشعبية باعت القضية) وبالتالي تقريرها أو قل تغريرها كحقيقة مسلم بها. هذا إستقراء مغرض. مواقف الحركة الشعبية من تزوير الانتخابات موثقة في بيانات صادرة عنها وفي تصريحات قياديها، وبدأت تتحرك فعلياً في تنفيذ مقاومتها لتزوير انتخابات جنوب كردفان. فقط ينبغي التذكير بأن اليوم هو الـ16 من مايو موعد اجتماع المكتب السياسي للحركة الشعبية الأخبر بمدينة بور. وغداً لناظره قريب.
|
Post: #5
Title: Re: هل هى نذر الحرب ...!!!
Author: دينا خالد
Date: 05-16-2011, 05:28 AM
Parent: #2
Quote: وقالت المفوضية القومية للانتخابات، في مؤتمر صحافي بالخرطوم،
أمس، إن أحمد هارون فاز بفارق نحو 6 آلاف صوت عن مرشح الحركة الشعبية لتحرير السودان عبد العزيز الحلو،
مشيرة إلى أن هارون حصل على 201،455 صوتاً مقابل 194،955 صوتاً للحلو .
فيما حصل تلفون كوكو أبوجلحة مستقل على تسعة آلاف ومئة وثلاثين صوتاً .
وحصل حزب المؤتمر الوطني على معظم مقاعد المجالس التشريعية القومية
والولائية التي ستتولى الإشراف على المشورة الشعبية بولاية جنوب كردفان،
والتي تنص عليها اتفاقية السلام الشامل . |
|
Post: #6
Title: Re: هل هى نذر الحرب ...!!!
Author: Murtada Gafar
Date: 05-16-2011, 05:31 AM
Parent: #5
هذه الحبكة تحتاج إلى إخراج جيّد. كيف؟؟؟؟
علمي، ومن خلال متابعتي للمؤتمر الصحفي للمفوضية عبر قناة الشروق الفضائية أنه قد تحدث كلٌّ من البروفسير عبد الله أحمد عبد الله ود. مختار الأصم. بالتالي لم يكن المؤتمر الصحفي بوضعه هذا صالحاً لإستقراء (أن الحركة الشعبية باعت القضية) وبالتالي تقريرها أو قل تغريرها كحقيقة مسلم بها. هذا إستقراء مغرض. مواقف الحركة الشعبية من تزوير الانتخابات موثقة في بيانات صادرة عنها وفي تصريحات قياديها، وبدأت تتحرك فعلياً في تنفيذ مقاومتها لتزوير انتخابات جنوب كردفان. فقط ينبغي التذكير بأن اليوم هو الـ16 من مايو موعد اجتماع المكتب السياسي للحركة الشعبية الأخبر بمدينة بور. وغداً لناظره قريب.
|
Post: #7
Title: Re: هل هى نذر الحرب ...!!!
Author: ود الباوقة
Date: 05-16-2011, 05:57 AM
Parent: #6
عموما نحن جاهزين لكافة الاحتمالات
شكرا دينا
مودتي
|
Post: #8
Title: Re: هل هى نذر الحرب ...!!!
Author: دينا خالد
Date: 05-16-2011, 06:02 AM
Parent: #6
مرتضى جعفر
ما تحرر نفسك وفعلا ان غدا لناظره قريب ..
الحركة الشعبية كرهتتنا فى الشمال بالمساومة فى القضايا
التى لا تخص الجنوب ..
وانا شامة ريحة تسوية تطبخ الان ...
ــــــــــــــــ
تصرفات الطرف الاول وثقته فى نفسه ممكن
تكون قراية لما عليه لطرف التانى ...
|
Post: #9
Title: Re: هل هى نذر الحرب ...!!!
Author: دينا خالد
Date: 05-16-2011, 06:10 AM
Parent: #8
ود الباوقة سلامات
هل كافة الاحتمالات دى تشمل احتمال
تركك للماكدونالز والايسكريم والهواء البارد
فى الرياض ! وتوجهك لنجدة الريس هارون اذا ما اشتد البأس ؟
ــــــــــــ
انشالله اكبر من دى ما نشوفها !
|
Post: #10
Title: Re: هل هى نذر الحرب ...!!!
Author: عمر الفاروق
Date: 05-16-2011, 07:02 AM
Parent: #9
Quote: حضرت المؤتمر الصحفى لاعلان نتايج الانتخابات التكميلية
لجنوب كردفان امس ... |
غايتو يا دينا الشاف البورداب تاني سكوا المؤتمرات الصحفية أصلللو ما كضب ..
واتوقع أن تشهد المؤتمرات الصحفية القادمة حضوراَ أكثر بكثير من رحلات بورداب الخرطوم وحفلات الإستقبال .
بس الخوف حضورك يكون زي حضووور مرتضى ده عن طريق قناة الشروق ..
تخريمة :
ياخ كم مرة كلمممتك وقلت ليك لما تكوني ماشة أديني غشوة بمشي معاك ..حاجات زي دا ما بتتفوووت
|
Post: #11
Title: Re: هل هى نذر الحرب ...!!!
Author: محمد عبد الماجد الصايم
Date: 05-16-2011, 07:08 AM
Parent: #10
الحركة الشعبية اتعودت تبيع الشعب السوداني في أقرب ملف!!
|
Post: #12
Title: Re: هل هى نذر الحرب ...!!!
Author: بدر الدين احمد موسى
Date: 05-16-2011, 07:22 AM
Parent: #11
دينا خالد
انقري كم واحد بقلب في الصورة عشان يعرفوا انت ايهن?
حا يفرزوك باي اكسكلوشن by exclusion!
بعدين كلامك دي :
Quote: تصرفات الطرف الاول وثقته فى نفسه ممكن
تكون قراية لما عليه لطرف التانى ... |
كلام صحيح مية المية!
انا والله قنعت من الحركة الشعبية من الانتفاضة لما قالت ان حكومة الانتفاضة "مايو تو"!!
|
Post: #13
Title: Re: هل هى نذر الحرب ...!!!
Author: الصادق يحيى عبدالله
Date: 05-16-2011, 07:40 AM
Parent: #12
| Quote: الحركة الشعبية اتعودت تبيع الشعب السوداني في أقرب ملف!! |
صدقت ود الصايم عشان كده تستأهل ما يحدث لها
و يستأهل المتعاطفون معها خيبات الامل المتواصلة!
|
Post: #20
Title: Re: هل هى نذر الحرب ...!!!
Author: محمد عبد الماجد الصايم
Date: 05-16-2011, 08:36 AM
Parent: #13
شكرا د. الصادق على تثنية الرأي
|
Post: #14
Title: Re: هل هى نذر الحرب ...!!!
Author: aydaroos
Date: 05-16-2011, 07:46 AM
Parent: #12
كيفك يا بدر الدين
Quote: دينا خالد
انقري كم واحد بقلب في الصورة عشان يعرفوا انت ايهن? |
لبه هي مش خاته صورتا؟!! (وش مستهبل و مبتسم)
كدي يا جماعه بلو الصبر وشوفو قطاع الشمال حا يرد بي شنو
و ما تستعجلو الشينه
|
Post: #15
Title: Re: هل هى نذر الحرب ...!!!
Author: عمر الفاروق
Date: 05-16-2011, 07:50 AM
Parent: #12
مسابقة العدد :
أين دينا خالد في هذه الصورة ؟
انا غايتو وبي نسبة 85% برشح رقم ( 1 ).
|
Post: #16
Title: Re: هل هى نذر الحرب ...!!!
Author: صبري طه
Date: 05-16-2011, 08:04 AM
Parent: #12
Quote: دينا خالد كتبت: ود الباوقة سلامات
هل كافة الاحتمالات دى تشمل احتمال
تركك للماكدونالز والايسكريم والهواء البارد
فى الرياض ! وتوجهك لنجدة الريس هارون اذا ما اشتد البأس ؟
|
يا دينا شكراً ليك ريّحتِ الكيبورد بتاعي شوية
|
Post: #17
Title: Re: هل هى نذر الحرب ...!!!
Author: وليد محمد المبارك
Date: 05-16-2011, 08:21 AM
Parent: #16
كونفدرالية
|
Post: #18
Title: Re: هل هى نذر الحرب ...!!!
Author: عمر الفاروق
Date: 05-16-2011, 08:24 AM
Parent: #17
أبطال ..ودوري محلي .. ده المتاح السنة دي..
الأبطال زي ما عارف مشو ليهو الأبطال ..فدحين خليك في المحلي..
|
Post: #19
Title: Re: هل هى نذر الحرب ...!!!
Author: وليد محمد المبارك
Date: 05-16-2011, 08:35 AM
Parent: #18
عرفففففففففففففففففففتك
ياتو محلي ظ
الرشيناكم فيه اخر مرة ولا واحد تاني ؟
|
Post: #21
Title: Re: هل هى نذر الحرب ...!!!
Author: فايزودالقاضي
Date: 05-16-2011, 09:42 AM
Parent: #19
انتو ياناس الشمال فاكرين الحركة دي عايشة عشان خاطر تحقق امانيكم واحلامكم وتحلحل مشاكلكم ؟!!! دي عندها مصالح وطنية(جنوبيه) هي فوق كل شي ..واى موقف تتخذه مابكون بعيد عن هذه المصالح حتى لو اقتضى الامر بدعم المؤتمر الوطني ضد مرشحها ...فزى ماسحبوا ياسر عرمان من سباق الانتخابات الرئاسية في بيعة ذات الفصل فعادى جداً يعملوا اى حاجة من اجل ان يتم الانفصال بسلاسة ففي النهاية الحركة لاتنظر للشمال الا من خلال الحزب الذي يحقق لها الانفصال وستحافظ على هذه العلاقة لان الحزب الحاكم هو الضامن الوحيد ومن يملك الامر في الشمال ..
كله لعب على الدقون ..
سلام ومشتاقين يادينا ..
|
Post: #22
Title: Re: هل هى نذر الحرب ...!!!
Author: Ahmed Yousif Abu Harira
Date: 05-16-2011, 10:10 AM
Parent: #21
| Quote: أين دينا خالد في هذه الصورة ؟ |
الحميراء رقم (3)
هن ما طلعت خواجية
اياها دينا بي ذاتا
ــــــــــــــ
يا دينا
الحركة الشعبية سقطت من وجدان مؤيدو برنامجها الاساسي قبل ان تسقط في الانتخابات السابقة وللا اللاحقة.
فان اراد قادتها ان ينجحوا فعليهم اولا ان يقصوا اثارهم بالعاقب ليروا where they went wrong
|
Post: #23
Title: Re: هل هى نذر الحرب ...!!!
Author: محمد أبوالعزائم أبوالريش
Date: 05-16-2011, 10:40 AM
Parent: #22
Quote: حضرت المؤتمر الصحفى لاعلان نتايج الانتخابات التكميلية
لجنوب كردفان امس ... |
إنتو (البيحضر) المسلسل، بيكون واحد من الممثلين؟
موضوع البوست عملتو لينا فيهو شنو؟
|
Post: #24
Title: Re: هل هى نذر الحرب ...!!!
Author: دينا خالد
Date: 05-16-2011, 04:28 PM
Parent: #23
عمر الفاروق !!
انت محموم ؟
الليلة مالك مددت اقامتك فى هذا البوست !
انت قايلو ريال وبرشلونة ..
هنا فى بنادق ورش جد جد اخد ساتر ..
ناس جبال النوبة ديل حاربو مع الحركة الشعبية لما قالوا كفى
وكانوا اساسيين فى جيوشها لما الجنوب انفصل باركوا
وواصلوا وقفتهم معاه ..
اها جا الوقت البمتحنوا فيه رفاقهم فى الجنوب ح يقيفوا معاهم
ولا ح يخرخروا ؟؟
|
Post: #25
Title: Re: هل هى نذر الحرب ...!!!
Author: دينا خالد
Date: 05-16-2011, 04:36 PM
Parent: #23
| Quote: الحركة الشعبية اتعودت تبيع الشعب السوداني في أقرب ملف!! |
ود الصايم لقيتك احسن من عمر بتعرفهم ال اتنين !
ـــــــــــــــ
لكن اقول ليك كلام ! رفعتك للبوست دا مرتين
تحتها كلاااااااام فهمتك فهمتك ..
لووووووووووووووب
|
Post: #26
Title: Re: هل هى نذر الحرب ...!!!
Author: محمد عبد الماجد الصايم
Date: 05-18-2011, 09:47 AM
Parent: #25
|
Post: #27
Title: Re: هل هى نذر الحرب ...!!!
Author: دينا خالد
Date: 05-20-2011, 07:05 AM
Parent: #26
فاجاتنا الاخبار ببيان عسكرى عاجل !!
فاذا بالبيان يقول ::::::::::
هاجمتنا قوات الحركة ...
وسنحتفظ بحقنا فى الرد !!!!
ليييتر يعنى
طيب العاجل شنو ؟؟؟؟؟؟؟
ـــــــــــــــــــ
السؤال هو هل سينصب هارون
واليا على جنوب كردفان فعلا ؟؟ وهل كما قال
ابان حملته الانتخابية سياتى بالحلو نائبا له ؟؟
اصلو الحلو ما بيكملش ...
|
|