الي المسمي والياً علي ( مدينتي ) الخرطوم: الخضر صاحب البلوفة .. صورة تعكس واقع الحال

أنا بخاري عثمان الامين سوداني بالميلاد

أكتب اليك عبر هذا الموقع لان الصحف السودانية

( قد ) لا تنشر مقالي بسبب الرقيب المعين من قبل

حكومتكم ..

المــــــــوية راقـــــــــــــدة بالالوان كمـــــــــــــــــــــان




سلام يا بخارى والولاد


وكامل التضامن

Quote: أنا بخاري عثمان الامين سوداني بالميلاد

سبحان الله ....ما بالتجنس يعنى

بخاري الامين:

يازول اعترف القفل البلوفة منو.
بعدين جايب لينا مويات غسيل عرديب و وعطرون صعوط
عشان تغفلنا، من والينا الذي يشتغل 24 ساعة باليوم
لاجلنا.
اعترف القفل البلوفة منو .

هذه الصورة مهداة اليك السيد / عبد الرحمن الخضر

الصورة تعبر عن نفسها .. بس نقول لك سعر البرميل

الواحد خمسة جنيهات .. يعني بكرة لمن ( نقفل ) الشارع

ونهتف بسقوط منظومتكم غرضنا الاول بكون الحصول علي حقنا

حقنا من مياه النيل الذي وهبنا اياه الله لا الجبهة الاسلامية

نعم سنخرج للشارع وستكون تظاهراتنا سياسية .. طبعاً أنا

مندهش جدا لقدرة سيادتكم في الفصل بين ما هو سياسي وما هو اجتماعي

يا بخارى يا اخوى

ما توجع قلبك ساى

هؤلاء الناس لا يهمهم ان شرب الناس ماءا أو زرنيخا

ولا تهزهم اى صورة او اى شئ منطقى او حضارى أو معقول

هذه الحكومة توفر لها من الاموال ما كان يكفى لتغيير وجه السودان و يبديل حياة مواطنيه نحو الاحسن

ولكنها اختارت ان تسرق نصف الاموال وتصرف النصف الباقى على استمرارها فى الحكم غصبا عن أى واحد

ولا يهمها لو شربتم ماءا او لم تشربوا

ولا حتى لو حييتم او متم

تتصور يا معاوية بالميلاد وكمان في قلب العاصمة

ومكتوب في شهادة ميلادي مركز صحي السجانة ....

اما من حقي ان انال نصيبي من مياه النيل

ولا النيل دا حكر علي من تربعوا علي انفاسنا

ويجئ يقول لك في جهات سياسية قفلت البلف

امس قلت كدي نفتش بلف حلتنا دا وين ؟ عشان

نشوف الزول القافلو منو ؟ فقط وجدنا اننا نبعد

عن نهر النيل العظيم ( علي قول القذافي ) مرمي حجر

ولا نشرب منه ..

Quote: بخاري الامين: يازول اعترف القفل البلوفة منو. بعدين جايب لينا مويات غسيل عرديب و وعطرون صعوط عشان تغفلنا، من والينا الذي يشتغل 24 ساعة باليوم لاجلنا. اعترف القفل البلوفة منو .

أخ الفاضل .. أنا الموقع علي ( الهتاف ) التالي

أعترف قدام الله وشعبي : البلف قفلو جشع من جاءنا بليل

علي فهوة المدفع وصندوق الذخيرة

قفله من لم يخشي الله فينا فاصيب بالتخمة من حليب اطفالنا

( حليب اطفالنا دي فيها ذاتية شوية لانو بتي بتشرب حليب

أسمه

liptomil LF

سعره طار من 25 جنيه لي 33 جنيه ساي كده )

عموما هم من قفلوا البلف بسياساتهم الاقتصادية الرعناء التي راعت

مصالحهم هم لا مصالح السواد الاعظم من السودانيين

Quote: يا بخارى يا اخوى ما توجع قلبك ساى هؤلاء الناس لا يهمهم ان شرب الناس ماءا أو زرنيخا ولا تهزهم اى صورة او اى شئ منطقى او حضارى أو معقول هذه الحكومة توفر لها من الاموال ما كان يكفى لتغيير وجه السودان و يبديل حياة مواطنيه نحو الاحسن ولكنها اختارت ان تسرق نصف الاموال وتصرف النصف الباقى على استمرارها فى الحكم غصبا عن أى واحد ولا يهمها لو شربتم ماءا او لم تشربوا ولا حتى لو حييتم او متم

هشام كلامك طبعاً وقع لينا من زمان

نحن لا نناشد الوالي .. غداً سيهزهم

هتافنا : بالدم بالروح نفيدك يا سودان

الاخ بقال شكرا للصور ولكن يبدو انها من خارج ولاية الخرطوم

والبوست بصدد تنبيه السيد الوالي الخضر بواجبه اتجاه سكان

ولايته والخرطوم شبه جزيرة فيها يلتقي اكبر نهرين في الدنيا

بالمناسبة يا سعادة الوالي الموية ما قعد تجئ

لكن المحصلين بتاعنكم ما شاء الله عليهم طوالي اول

الشهر معانا واللذيذة قال كان ما دفعتو لينا حا نقطع

منكم الموية .. قلت له ياخ عليكم الله لا ما تقطعوها ..

ايوة نسيت اقول لك حاجة العشرة جنيه الاشتريت بيها الموية

ما عافيها لكم لا دنيا لا آخرة .. دي قروش بتاعت اكل عيالي

Quote: هذه الحكومة توفر لها من الاموال ما كان يكفى لتغيير وجه السودان و يبديل حياة مواطنيه نحو الاحسن

أحمد الشايقي

بدل تسيل الموية في مواسيرنا

تسيل دموعنا بفعل البمبان ان احتجينا

اموال الشعب ذهبت لحماية النظام

بمبمان .. سلاح .. عساكر .. دساتر

احتياطي مركزي وغير مركزي

دفاع شعبي

شرطة شعبية

وهلم جرا ..

الفاضل بخاري
ســـــــــــــــــــــــــــلام

Quote: بالمناسبة يا سعادة الوالي الموية ما قعد تجئ لكن المحصلين بتاعنكم ما شاء الله عليهم طوالي اول الشهر معانا واللذيذة قال كان ما دفعتو لينا حا نقطع منكم الموية

وبعين قوية كمان يجيك المحصل يوم واحد في الشهر
بدون اي تأخير مبااااااااااالغة لكن