مدرب حراس مرمى الاهلى المصري: كنت اتمنى مواجهة فريق عربي وليس افريقي مثل الهلال السوداني

Quote: اكد الكابتن احمد ناجى مدرب حراس مرمى الفريق الاول بالاهلى انه كان يتمنى مواجهة الفرق العربية على عكس البعض الذى كان يتمنى مواجهة الفرق الافريقية وبرر ناجى امنيته بان الفريق يواجه مشقة كبيرة عند مواجهته للفرق الافريقية خاصة الهلال السودانى وانيمبا فيما يتعلق بالاقامة والانتقالات وسوء ارضية الملعب وهو ما يؤثر على الاداء بشكل عام داخل الملعب هذا فضلا عما يتردد عن وجود مجاملات من التحكيم خاصة لفريق انيمبا النيجيرى .. واضاف ناجى ان لاعبى الاهلى لديهم خبرة كبيرة بمواجهه الفرق العربية وقد تعددت اللقاءات خلال الفترة الاخيرة ولا يوجد قلق فيما يتعلق بمواجهه تلك الفرق فقد انتهت عقدة االشمال الافريقيى منذ فترة وقال مدرب حرس الاهلى ان الفريق الذى يبحث عن اللقب لا ينظر من سيواجه وانما يضع امامه هدف واحد وهو الفوز والتاهل الى الادوار النهائية بصرف النظر عمن سيواحه والاهلى لدية الخبرة والامكانيات التى توهلى لتحقيق نتائج طيبة والتأهل الى الادوار النهائية وشدد ناجى على ان لاعبى الاهلى مطالبون ببذل المزيد من الجهد واثبات جدراتهم بالتاهل الى الادوار النهائية للبطولة خاصة وان الجماهير تنتظر منهم الكثير والكثير خلال الفترة القادمة ..

Quote: مواجهته للفرق الافريقية خاصة الهلال السودانى وانيمبا فيما يتعلق بالاقامة والانتقالات وسوء ارضية الملعب

يحول للفكي الطيب مصطفى لمعالجته بواحد انتباهة مع كل كورة تتشات في الحارس لووووول



ــــــــــــــــــــ
يا شماتت بشاشا فيكم يا هلالاب

الرجل لم يقل غير الحقيقة واجد فى كلامه الصدق وكل من يعتقد بان السودان بلد عربى عليه ان يفيق من غيبوبته فنحن بلد افريقي
ومن يعتقد بان الرجل انقص من قدر السودان عليه ان يراجع نفسه لان الذى يسيئ الى السودان واهله حقاهو من يريد تعريبنا قسرا لنكون تمامة جرتك ويعتقد فى نفس الوقت انتماءنا الافريقى سبة ويحاول التبرء منها بكل السبل
الله هونينى

واصل سلامات
ياخ ما قلنا للناس ديل
انو السودان في ذهنية اي عربي مصنف افريقياً
ياخ نحنا ما بنشبه الناس ديل ولا شئ
وانا ما شايف كلامو ده فيه اساءه ولا شئ
لانو قال حقيقه لما قال كلام مجرد من المجاملات والحسابات السياسيه
كلام اسقطو لا وعيو المستبطن فيهو انو السوداني افريقي
وهذا الكلام موجه للمتمسحين في احذية العرب استجداءً عشان احسبوهم عرب
لكن للاسف هم ولا تمامة عدد ما حاسبنهم

المباريات دى حتفرز جنس شى

حتبقى حرب اعلاميه

والصحفيين يشيلو ويجيبو




----------------------
يا خساره البقر فيكم :-(

Quote: فاروق عثمان كتب: واصل سلامات ياخ ما قلنا للناس ديل انو السودان في ذهنية اي عربي مصنف افريقياً ياخ نحنا ما بنشبه الناس ديل ولا شئ وانا ما شايف كلامو ده فيه اساءه ولا شئ لانو قال حقيقه لما قال كلام مجرد من المجاملات والحسابات السياسيه كلام اسقطو لا وعيو المستبطن فيهو انو السوداني افريقي وهذا الكلام موجه للمتمسحين في احذية العرب استجداءً عشان احسبوهم عرب لكن للاسف هم ولا تمامة عدد ما حاسبنهم

ما قُلنا حاجة وأعتز إننا أفارقة ...
ولكن هل المصريين ودول شمال إفريقيا عرب ؟

من هم العرب ؟
هل العربي هو كل من يحمل بشرة بيضاء ؟

ـــــــــــــ
يعني الجزائر عربية باللون والسودان ما عربي باللون في نظر المدرب دة ولاّ عندو مقياس تاني ؟



ولكّ ودّي ،،،


ـــــــــــ

Quote: ما قُلنا حاجة وأعتز إننا أفارقة ... ولكن هل المصريين ودول شمال إفريقيا عرب ؟ من هم العرب ؟ هل العربي هو كل من يحمل بشرة بيضاء ؟ ـــــــــــــ يعني الجزائر عربية باللون والسودان ما عربي باللون في نظر المدرب دة ولاّ عندو مقياس تاني ؟

الاخ الكريم صبري
تعرف انو القضيه ما واقفة عند حد الاعتزاز أو التبرأ من أفريقانيتنا نحن السودانيين.. فالمشكل أكبر من ذلك بكثير لأن حسم امر الهوية أقلاها علي المستوي الشعبي تعاني من أشكال ثقافة الدون لصالح العروبية .. ولو أعدت قراءة مداخلتك تجد أنك قد أستكثرت الأنتماء للقومية العربية علي البعض بأعتبارهم لا يستحقونها .. وهذا يستبطن في داخله الأحساس بشرف الأنتماء لها الذين هم دونه كما تفضلت أو كما أوحيت أو بدقة أكثر كما فهمت من صياغك ..
ما يؤيد وجهتي فيما يخص الدونية لصالح العروبية هو الشعور بالأساءة الذي ينتابنا كسودانيين عندما نوصف بأفريقانيتنا .. وأحساس الزهو عند البعض عندما يصنف السودان ضمن العرب .. فأن كنا بالفعل نعتز بأنتمائنا للافارقة كنا قبلنا منذ بواكير الاستقلال أن نكون قادة التحرر لأفريقيا بدلا من أن نكون زيلا للعرب .. لو كنا نفخر بأنتمائنا للعرق الافريقي لما توقفنا عند تعليق مدرب حراس يرانا أفارقة دون أن يسئ للعرق الأفريقي بل علي العكس فقد أشار لتخوفه منه .. أزمه الهوية والانتماء بدأت سياسية ولكن مآلاتها الآن أجتماعية وثقافية بنحو أشمل .. والحديث يطول ولا يمل في هذا الامر الازمة
تحياتي للزميل واصل علي صاحب البوست

Quote: إبراهيم محيسي كتب: الاخ الكريم صبري تعرف انو القضيه ما واقفة عند حد الاعتزاز أو التبرأ من أفريقانيتنا نحن السودانيين.. فالمشكل أكبر من ذلك بكثير لأن حسم امر الهوية أقلاها علي المستوي الشعبي تعاني من أشكال ثقافة الدون لصالح العروبية .. ولو أعدت قراءة مداخلتك تجد أنك قد أستكثرت الأنتماء للقومية العربية علي البعض بأعتبارهم لا يستحقونها .. وهذا يستبطن في داخله الأحساس بشرف الأنتماء لها الذين هم دونه كما تفضلت أو كما أوحيت أو بدقة أكثر كما فهمت من صياغك .. ما يؤيد وجهتي فيما يخص الدونية لصالح العروبية هو الشعور بالأساءة الذي ينتابنا كسودانيين عندما نوصف بأفريقانيتنا .. وأحساس الزهو عند البعض عندما يصنف السودان ضمن العرب .. فأن كنا بالفعل نعتز بأنتمائنا للافارقة كنا قبلنا منذ بواكير الاستقلال أن نكون قادة التحرر لأفريقيا بدلا من أن نكون زيلا للعرب .. لو كنا نفخر بأنتمائنا للعرق الافريقي لما توقفنا عند تعليق مدرب حراس يرانا أفارقة دون أن يسئ للعرق الأفريقي بل علي العكس فقد أشار لتخوفه منه .. أزمه الهوية والانتماء بدأت سياسية ولكن مآلاتها الآن أجتماعية وثقافية بنحو أشمل .. والحديث يطول ولا يمل في هذا الامر الازمة تحياتي للزميل واصل علي صاحب البوست

يا عمّك وين استكثرت أنا على البعض الانتماء للقومية العربية ؟!
ياخي اليومين ديل أنا إتعوّدت على برنامج تقويلي ما لم أقله !!!

أشرح ليك أنا ليه تساءلت:-
عرب شمال إفريقيا وعرب السودان مش عرب مستعربة وليس فيهم عرب عاربة (ولا أعتقد أن العرب العاربة حالياً موجودين حتى في الجزيرة العربية) ... متفق معاي لحدّي هنا ...
طيّب عمّك المدرّب دة فرز السودان إنو دولة إفريقية وليست عربية وفرز دول شمال إفريقيا دول عربية ... طيّب ممكن توضّح المعيار شنو ؟

لو قلنا اللسان هل عرب شمال إفريقيا ينطقون العربية ولا ينطقها عرب السودان أو ينطقونها بشكل أفضل من السودان ؟ (وأحلق شنبي بي قزازة ميتة لو كان دة معيارو) !!!

وعشان كدة تساءلت هل عمّك المدرب دة عندو العروبة تعني اللون ولاّ عندو مقياس تاني ؟
لو عندو مقياس تاني وإنت عارفو قولو لي هنا ...



ولك ودّي ،،،

هي عربي والله افريقي دي بحددا مدرب حرّاس؟؟؟

Quote: يا عمّك وين استكثرت أنا على البعض الانتماء للقومية العربية ؟! ياخي اليومين ديل أنا إتعوّدت على برنامج تقويلي ما لم أقله !!! أشرح ليك أنا ليه تساءلت:- عرب شمال إفريقيا وعرب السودان مش عرب مستعربة وليس فيهم عرب عاربة (ولا أعتقد أن العرب العاربة حالياً موجودين حتى في الجزيرة العربية) ... متفق معاي لحدّي هنا ... طيّب عمّك المدرّب دة فرز السودان إنو دولة إفريقية وليست عربية وفرز دول شمال إفريقيا دول عربية ... طيّب ممكن توضّح المعيار شنو ؟ لو قلنا اللسان هل عرب شمال إفريقيا ينطقون العربية ولا ينطقها عرب السودان أو ينطقونها بشكل أفضل من السودان ؟ (وأحلق شنبي بي قزازة ميتة لو كان دة معيارو) !!! وعشان كدة تساءلت هل عمّك المدرب دة عندو العروبة تعني اللون ولاّ عندو مقياس تاني ؟ لو عندو مقياس تاني وإنت عارفو قولو لي هنا ...

ياصبرى انت تاعب نفسك ليه الزول دا قاصد انو نحن زنوج أفارقة بس يعنى حاول يخفف العبارات شوية لكن المعنى واضح.

هذا الرجل من خلال صورته يبدو انه يعاني من خلل دماغي

اشبه بحالة الجنون المؤقت

هس تلقاه من اب طجكستاني ووالدته مصرية

Quote: عابدون محمد عابدون كتب: ياصبرى انت تاعب نفسك ليه الزول دا قاصد انو نحن زنوج أفارقة بس يعنى حاول يخفف العبارات شوية لكن المعنى واضح.

ويا عمّك مش زي الكلام دة ياهو الخلاّني أسألوا عن العروبة يعني شنو ؟
ويقصد الهو عايزو حتى لو ودّانا البرازيل حيث الحسناوات مافي مشكلة


غايتو يا عمّك زولك دة لو كان قاصد يعبّر عن رداءة خدماتنا وخانو التعبير بأقترح عليهو يستعين بواحد من أعضاء سودانيز أونلاين عشان يكتبها ليهو بالعربي كويس



دمت بود ،،،

Quote: خاصة الهلال السودانى وانيمبا فيما يتعلق بالاقامة والانتقالات

نبتسم بصدق ونتراجف عشان ضيافة نوع الوَســــــــخ ده !!
غيرنا يبتسم بخبث ودهاء ويضرب تحت الحزام ليتحصل على ما يريد
أتركو سزاجة وطيبة ولاد البلد دي واعطوها لمن يستحق ( إن وجد ) !!
جهزوا الرسم الكاريكاتوري لهذا الخبل من الآن
زي ما فعلناها للحضري ودفع تمنها ثلاثة أهداف كانت فضيحة وما زالت مسجلة كعلامة إمتياز ضد العجرفة المصرية

Quote: موجه للمتمسحين في احذية العرب استجداءً عشان احسبوهم عرب لكن للاسف هم ولا تمامة عدد ما حاسبنه ""فلعلك باخع نفسك على آثارهم ان لم يؤمنوا بهذا الحديث أسفاً"" صدق الله العظيم. تحياتي

---

Post: #14 Title: Re: مدرب حراس مرمى الاهلى المصري: كنت اتمنى مواجهة فريق عربي وليس افريقي مثل الهلال السوداني Author: Emad Mohamed Date: 05-16-2011, 08:59 AM Parent: #12 كلام الاخ صبرى صحيح مية المية....فعرب اليوم من ناحية دم كلهم 50 - 50. فعرب الشمال الافريقى خليط من العرب والبربر وعرب الشام خليط من العرب والاتراك والارمن وعرب العراق خليط من العرب والاكراد وعرب الخليج خليط من العرب والفرس وعرب السودان خليط من العرب والافارقة, اما المصريين خصوصا فمعظمهم من اصول غير عربية شاءوا ام ابو, حيث يمثل اصحاب الاصول التركية والاقباط والارناؤط والالبان و الاغريق والفرنسيين والنوبة اكثرية الشعب المصرى. اضرب ليك مثل بسيط....جيهان السادات امها بريطانية, سوزان مبارك امها برضو بريطانية, ليلى علوى امها يونانية, حسين فهمى امو فرنسية. ويكفى النظر سريعا لمعظم الاسماء المصرية للتاكد من عدم عروبيتها, مثالا وليس حصرا: شوكت, ميرفت, رافت, طلعت, بهجت, نشات, نعمت,رفعت, دولت, زهدى, وجدى, رشدى, فهمى, سرى, فكرى, شوقى, اباظة, رستم, ادهم, مظهر, ترك, الشوربجى, الازبجى, البلتاجى, الاسلامبولى, الحامولى,وهلمجرا.

---

Post: #16 Title: Re: مدرب حراس مرمى الاهلى المصري: كنت اتمنى مواجهة فريق عربي وليس افريقي مثل الهلال السوداني Author: dardiri satti Date: 05-16-2011, 09:03 AM Parent: #14 Quote: وهذا الكلام موجه للمتمسحين في احذية العرب استجداءً عشان احسبوهم عرب لكن للاسف هم ولا تمامة عدد ما حاسبنهم فلعلك باخع نفسك على آثارهم ان لم يؤمنوا بهذا الحديث أسفاً صدق الله العظيم تحياتي