المنتدى الأسري يبدع في ليلة أفريقية عربية متميزة (صور)

بدعوة كريمة من المنتدى الأسري السوداني لجميع السودانيين بمدينة الرياض وماجاورها لحضور أحتفاليته المميزة التي أقامها تحت مسمى ( السودان بعيون أفرو عربية )
كان الوعد يوم الأربعاء الموافق 4/5/2011م .. حيث إزدانت قاعة التهاني ( الدائري الجنوبي – شارع معن زائد – غرب النقل الجماعي) بحضور بهئ من الجالية السودانية .. والجاليات الألإريقية والعربية .

دعوة من المنتدى الأسري السوداني (الرياض) لحضور ليلة أفر...ة عربية من طراز فريد

كورال المنتدى الأسري بقيادة الإبنة المبدعة لينا ياسر والمبدع خالد ..

إفتتحوا لنا الحفل برائعة الخليل ( الشرف الباذخ ) .. فكانوا قمة التطريب .. وروعة في الأداء ..

الشرف الباذخ ~ خليل فرح
************************
نحن ونحن الشرف الباذخ
دابي الكر شباب النيل
قوم قوم كفاك يا نايم
شوف شوف حداك يا لايم
مجدك ولي وشرفك ضل
إمتي تزيد زيادة النيل
نحن نطارد العنزة الفاردة
نحن نزود مشارع النيل
نحن برانا نحمي حمانا
نحن نموت ويحيا النيل
ما بنندس ما بنتوصي
نحن نكيل برانا نشيل
نحن الطينة ومطر العينة
نحن الوادي برقه يشيل
نحن الصولة سيوف الدولة
نحن كنانة اسماعيل
بابه العالي وشرفه الغالي
كان لجدودنا ظله ظليل
يا حكامنا جيبوا البينه
ولا انقرعوا كفوا الشينه
ده ود عمي وده ضريب دمي
انت شنو طفيلي دخيل
يا نزلانا أمرقوا الذمة
كيف ينطاق هوان الأمة
شالوا حقوقنا وزردوا حلقونا
ديل عاوزين دمانا تسيل
من تبينا قمنا ربينا
ما اتفاسلنا قط في قليل
ما فيش تاني مصري سوداني
نحن الكل ولاد النيل

ثم لم يمهلونا .. فتغنوا بالليمونه ..
الزول البندوره ..
الليمونه وين ياناس ..
مانعني مانزوره ..

فهاجت بنا الأشجان .. وتمنينا كل من منعتنا الغربة من زيارته ..
وحرمنتنا المهاجر من الزول البندوره ..

حقاً مبدعين .. يستحقون وسام إبداع ..

ثم رحلنا إلى كردفان الغرة ..

أتمنى يوم .. زولي القبيل ..
يطلع معاي .. درب عديل
رحلة عمر .. مشوار طويل ..
نقضيه في أرض الجدود في كردفان ..

مكتول هواك أنا من زمان ..


لهم التحية وللمنتدى الأسري ألاف التحية .. فقد وهبونا إبداع نقي .. وإختيار موفق للأغاني ..

شكلت الجالية المالية برئاسة السيد الفاضل / محمد الأنصاري ( رئيس الجالية المالية بالرياض) ،
حضوراً زاهي .. بأزيائهم الوطنية الجميلة










كلمة الأستاذ / محمد الأنصاري ( رئيس الجالية المالية بالرياض)

الفنان المالي المبدع / نور الدين موها

الفرقة المالية ( رقص)

الفرقة المالية ( رقص)

أشهد أن هذا الشاب الصومالي مبدع .. وأن الصوماليين شعب جميل يعشق الفن والغناء السوداني ..
فقد أشعلوا الطرب في القاعة عندما تغنوا برائعة أمبراطور أفريقا الأستاذ وردي ..

لو بالصد أبيتيني
ولو بالنار صليتيني
أنا لا ...
ما بنساك

لو حاولت تهجرني
أو تنساني من تاني
ترجع يوم تجد حبك
بدد شكي وأحزاني
بدل همي في الدنيا
وعاد بالفرحة ألحاني
أنا لا..
ما بنساك

لو تعرفني إني أمين
أنا ريدك براعيهُ
قلبي الراجي ليك سنين
ما ممكن تجازيهُ
أكان راجيك وبيتألم
وكيف إن كنت ناسيهُ
أنا لا ..
ما بنساك

لو بس شفت آهاتو
ما كل يوم بتتبسم
لو تابعت دقاتو
ما بتقدر براك تحلم
لو حسيت بأناتو
وطول أيامو بيتظلم
كنت رجعت صافيت
ونسيتو الدموع والهم
أنا لا ..
ما بنساك

مهما جُرت صديتني
بدون أسباب وبكيتني
على درب الهوى والشوق
براي يا ناس خليتني
أداري دموعي من الناس
وأقول يا ريتني يا ريتني
نعود من تاني نتلاقي
وآه لو مرة صافيتني
أنا لا ..
ما بنساك

الممثل المبدع عمرو الفيشاوي .. مشاركاً الفرقة الصومالية

الدكتور/ أبوبكر عبد الرحمن ( رئيس الجالية الصومالية بالرياض ) وصديق المنتدى الأسري



التحية للجالية الصومالية ولرئيسها الدكتور/ أبوبكر عبد الرحمن وجميع الحضور الذين جملوا ليلتنا ..
وأهديهم الفنان الصومالي احمد ناجي - حان الزفاف - في رائعة الراحل المقيم الأستاذ/هاشم مرغني

[youtube]http://www.youtube.com/v/LPi0DNT4-S8?version=3"[/youtube]

كانت بحق ليلة أبداع

حباب الدخري ميزان الدهب

التحيات الطيبات لك ولجميع أعضاء المنتدى الأسري المبدعين ..

لكم التحية اخي خالد وتحية خاصة للاخت ست البنات ابو عبيدة
لهذا الجهد الشخصي الذي تبذله لعكس تراث وثقافة السودان
بدول المهجر دون اي دعم من اي جهة رسمية او شعبية.

حبيبنا صالح عبده

التحيات الطيبات لك ولجميع أعضاء جمعية التراث والثقافة السودانية ..
والتحية لبراعم الجمعية ولمكتبكم الثقافي الذي يشكل حضور مميز في كل الفعالية التي تقام في رياض الخير ..


دم بخير،
أخوك/ الأرباب

عمل كبير يستحق القائمون عليه وسام النيلين من الطبقة الأولى وذلك لأنهم يرفعون إسم السودان عالياًفي محافل مثل هذه ،
بس يا الأرباب انا اول مرة اعرف إنو في منتدى اسري وين الإعلام بتاع المنتدى ده ،، على العموم ليتنا كنا هناك ..

تحياتي : ياسر العيلفون

حبيبنا ياسر العليفون ..

الود أطنان والشوق كيمان ياخي ..
المنتدى الأسري السوداني ..ذو مشاركات فعالة في كل المناسبات الوطنية ..
فكوراله يضم نخبة من الأصوات المميزة التي تستحق الإستماع والإشادة فإنني كمستمع أتوقع لهم مستقبل فني مشرف ..
زلزلوا وجداني في أحدى ليالي رمضان قبل أكثر من خمسة أعوام .. عندما مدحو ( جافيت الذكر قربت لي حولي ..
كيفن النجاة يانفسي قوليي ) .. ثم رأيتهم في هذا الإحتفال أكثر نضج وأكثر أبداع ..
ياريت نشوفك في كل الإحتفالات ..

دم بخير،
اخوك/ الأرباب

وكان للشباب صوتهم المسموع ...

قدموا لنا الراب .. والكثير من قضايا الشباب التي تستحق الإستماع .. والمعالجة ..

التحية لبراعم أبناء النوبة ولكل القائمون على جمعية أبناء النوبة ..
فقد أمتعوا الحضور بفقرتهم الجميلة التي تفاعل معها جميع من بالصالة ..
شاركهم حبيبن المبدع إيهاب نميري ( زميل المنبل ) والعازف الجميل متوكل الذي عزف للفرقة الصومالية وكورال المنتدى الأسري ..
كما شارك جميع الجالية عازف الإيقاع بدر






تعبت خلاص من الغرام توبة
شوف الزمن ساقني مشيت جبال نوبة
قابلت لي ظبية سموها زنوبة
شالت خلاص قلبي حبيتا زنوبة
حبيتا زنوبة زنوبة زنوبة .....

عيونا زنوبا تشبه عيون الريل
في المشية تتنا خلت قليبي يميل
شالت خلاص وحبيتا زنوبة
حبيتا زنوبة زنوبة زنوبة


يوم في عز الليل ... صوت الكرن جاااااااني
مشيت للحفلة لقيتا زنوبة
داير أقول ليها أحكيلا عن ريدي
داير أقول ليها أحكيلا عن حبي
شعرت برعشة طار الكلام مني
وحبيتا زنوبة شالت خلاص قلبي
وحبيتا زنوبة زنوبة زنوبة

تبت خلاص من الغرام توبة
شوف الزمن ساقني مشيت جبال نوبة
قابلت لي ظبية سموها زنوبة
شالت خلاص قلبي حبيتا زنوبة
حبيتا زنوبة زنوبة زنوبة

شغلكم نضيف يا خالد ونحى المناضله ست البنات ابوعبيده
واركان سلمها الميامين ولى قدام..
قالو التقيل وراء قطعا لى عوده لهذا البوست ،،،