Post: #1
Title: حسام البدري يكذب أم يتجمل ؟
Author: طلحة عبدالله
Date: 05-14-2011, 09:49 AM
أرجح الاتنين ... 
يتبع ......
|
Post: #2
Title: Re: حسام البدري يكذب أم يتجمل ؟
Author: طلحة عبدالله
Date: 05-14-2011, 10:04 AM
Parent: #1
قال المصري حسام البدري ممرن فريق نادي المريخ في حواره مع قناة الشروق (بتاعت جمال الوالي رئيس نادي المريخ)
إنه لن يتراجع عن عقوبة إيقاف بلة جابر لأنه لا يجامل في الأمور المتعلقة بالانضباط وهذا كذب
صريح يجب أن يخجل منه الممرن المصري الكذاب حسام البدري لأنه عندما كان ممرنا لنادي الأهلي
المصري وبعد أن استبدل اللاعب أحمد حسن خلال إحدى المباريات خرج هذا الأخير غاضبا وشات حافظة
المياه الموضوعة أمام دكة الاحتياطي في وجه حسام البدري الذي لا يجامل في الانضباط لكن هذا الأخير
الذي يريد ان (يأكل يعقلنا حلاوة ملبن) وهو يدعي الحسم والصرامة لم يجرؤ حتى على مجرد رفع عينيه
في وجه اللاعب الذي تفلت أمامه ولم يتبق له إلا (ياخدو بالقلم) ..
السؤال للممرن المصري الكذاب: هل الانضباط يتجزأ أو يختلف بين اللاعب المصري والسوداني ؟؟
وسؤال آخر: إذا كنت أنت نفسك غير منضبط وسجلك يحتشد بالتفلت والتمرد والسلوك
العدائي الذي لم ينج منه لا لاعب ولا مدرب ولا حكم ولا جمهور فهل تعطي لغيرك شيئا أنت فاقده ؟
يتبع ......
|
Post: #3
Title: Re: حسام البدري يكذب أم يتجمل ؟
Author: محمد البشرى الخضر
Date: 05-14-2011, 10:09 AM
Parent: #2
والله يا تنظير اراك ماشي تفقد منطقك - القليل اصلا - حبة حبة
اولا هو مدير فني وليس ممرن كما تطلق عليه
ثم ياخي اذا قال ما بجامل في الانضباط فدي حاجة كويسة تقعد تقول ليه كضاب وزمان فعلت وتركت
ياخي ما الناس بتتطور مع الزمن و التجارب و اكتساب الخبرات , اسي انت ما تراكا جيت الخرطوم وعرفت للنت و الكمبيوتر و الحريق 
زمان كنت بتعرف ليهن
|
Post: #4
Title: Re: حسام البدري يكذب أم يتجمل ؟
Author: طلحة عبدالله
Date: 05-14-2011, 10:29 AM
Parent: #2
الممرن المصري حسام البدري بدا فرحا وهو يتحدث في جزل عن صدارة المريخ للدوري الممتاز
وعند سؤاله عن سبب خروج الفريق مبكرا من دوري أبطال أفريقيا قال أنه حديث عهد باللاعبين
ولم يكن يعرف قدرات لاعبي المريخ وهذا أيضا كذب صريح لأنه إذا لم يكن يعلم بقدرات لاعبي المريخ
فكيف قادهم لتحقيق انتصارات وضعت الفريق في صدارة الدوري الممتاز.. بل وكيف قادهم لتحقيق الانتصار
في جولة الذهاب لدور ال 32 من البطولة الأفريقية بهدفين دون مقابل ؟
ومثل هذه التبريرات لا تعدو كونها (ضحك ع الدقون) لأن مباريات المريخ السابقة محفوظة على أشرطة
الفيديو بمكتبة النادي ويفترض أن يطلع عليها أي مدرب جديد للوقوف على مستويات اللاعبين ومقدراتهم
البدنية والفنية والمهارية إلى جانب المعلومات التي سيوفرها له النادي عن كل لاعب .. فلماذا يدعي
إذن أنه غير ملم بمقدرات لاعبي المريخ ؟؟
وسؤال أخطر : إذا كان الممرن البدري غير ملم كما زعم بمقدرات لاعبي المريخ فهل هو أيضا غير ملم
بمقدرات الفريق الخصم حتى يعد له ما يلزم من عدة وعتاد حسب الإمكانات المتوفرة لفريقه ؟؟
شاهدنا وقرأنا عن فرق ضعيفة حققت الفوز على فرق كبيرة لأن مدربيها استطاعوا أن يوظفوا إمكانات
فرقهم بما يتناسب وظروف هذه المباريات خاصة وإن مباراة الإياب خاضها المريخ وهو متقدم بهدفين
ولو كان يملك مدربا حقيقيا لحافظ على هذا التقدم لكن كما وضح فنحن أمام ممرن محترف في أساليب
الزوغان واللولوة ونقول له ( على هامان يا فرعون ؟) .
يتبع .....
|
Post: #5
Title: Re: حسام البدري يكذب أم يتجمل ؟
Author: طلحة عبدالله
Date: 05-14-2011, 10:41 AM
Parent: #4
أعجب ما ذهب إليه الممرن الفلتة المصري حسام البدري هو ترحيبه بعودة الأراجوز النيجيري وارغو الذي
لغف من المريخ المليارات مقابل ( سكر في الشارع وبول في الملعب ) وكأني بهذا الممرن الفاشل يجسد
مقولة الطيور على أشكالها تقع (من حيث الفشل )..
البدري قال أنه رشح وارغو للأهلي المصري لكن المريخ خطفه وهذا أيضا كذب واضح جدا لأن المريخ وبعد
أن شرب المقلب في هذا الأراجوز النيجيري حاول تسويقه وعندما ذهب به للأهلي دفع فيه الأخير 500 الف دولار
فقط ورفض أن يزيد جنية واحد فكيف خطفه المريخ من الأهلي إذا كان هذا الأخير متمسك به ويري فيه اللاعب
المفيد مع الوضع في الاعتبار نجاح فريق القرن في التعاقدات مع الأجانب لاعبين ومدربين .
واضح جدا أن الممرن المصري الفاشل لمس فجيعة كفيله جمال الوالي في الأراجوز وأراد أن يجامله تملقا
فرحب ترحيبه وقال ما قاله عن وارغو ( على مين يا بيه ؟)
يتبع ......
|
Post: #6
Title: Re: حسام البدري يكذب أم يتجمل ؟
Author: طلحة عبدالله
Date: 05-14-2011, 10:43 AM
Parent: #5
جرجير
الخرطوم دي مرحلة قديمة شديد إتعديناها زمااااااااااان ..
قوم لف .
|
Post: #7
Title: Re: حسام البدري يكذب أم يتجمل ؟
Author: طلحة عبدالله
Date: 05-14-2011, 10:52 AM
Parent: #6
يا بدري يا مصري
إن طرت واللا ركيت فانت ممرن فاشل طردته جماهير فريقه شر طردة بعد أن نزل بالأهلي من القمة للحضيض
وفوز المريخ بهدفين نظيفين في لقاء الذهاب بالدور الأول من بطولة أفريقيا جاء بجهود اللاعبين كما وضح
لأن الشوط الثاني هو شوط المدربين ولو كنت تمتلك فكر تدريبي كما تزعم لقدت الفريق للمحافظة على هذه
النتيجة في لقاء الإياب ولكن كما هو متوقع خسرت وصدقت توقعات كل الذين تخوفوا من نتيجة 2/0 في أم درمان
وقالوا إنها غير مطمئنة لأنهم يدركون أن المريخ يلعب بدون مدرب .
وبالنسبة لصدارة الدوري الممتاز بعد الفوز على إتحاد مدني وهلال كادقلي وأهلي ود أم صابون فدي أصغر مشجع
في المريخ ممكن يعملا ..
تم باقي أيامك وإستفيد من ليلة القدر الجاتك من المريخ دي وإتخارج من سكات ما تزيد علينا الفقر النحن فيهو دا.
ربما يتبع وربما لا .....
|
Post: #8
Title: Re: حسام البدري يكذب أم يتجمل ؟
Author: Hisham Ibrahim
Date: 05-14-2011, 12:03 PM
Parent: #7
Quote: تم باقي أيامك وإستفيد من ليلة القدر الجاتك من المريخ دي وإتخارج من
سكات ما تزيد علينا الفقر النحن فيهو دا. |
كلام في الصميم ،،،،
دا مصري مطرود من الأهلي بتاعهم بعد ما مرمغهم في التُراب ..
الحق مش عليهو هو الحق على الي جابوه للمريخ ،، ( المال السايب ) ومعاهو الجنازه الحضري ..
سيظل إنتمائي للمريخ العظيم معلقاً حتى يغادر آلـ فرعون القلعه ....
|
Post: #9
Title: Re: حسام البدري يكذب أم يتجمل ؟
Author: طلحة عبدالله
Date: 05-14-2011, 03:57 PM
Parent: #8
هلا يا هشام إبراهيم
الحق معاك يا زول
جاء زمن على المريخ العملاق أن يصبح سلة مهملات لبواقي الأندية ..
ياللهوان .
|
Post: #10
Title: Re: حسام البدري يكذب أم يتجمل ؟
Author: د. ياسر عبد القادر
Date: 05-14-2011, 09:44 PM
Parent: #9
طلحة يا صديقي...سلامات
Quote: تم باقي أيامك وإستفيد من ليلة القدر الجاتك من المريخ دي وإتخارج من
سكات |
لا أتوقع أن يتخارج البدري من سكات...فالرجل إكتشف منجم ذهب إسمو الوالي وهو حيستقدم أولاد بمبا كلهم ليغرفوا من الكنز الطيب دا...قبل أيام سمعنا إنو حايجيب جدو..وبالامس هو نفسو ذكر إنو حيجيب لاعب إسمو عبد الحكيم قال عنو انو نجم المصري
| Quote: لكنه اعترف بأنه تحدث مع نجم المصري البورسعيدي |
وشوية شوية ياطلحة حتلقي ال 11 لاعب والكنبة كلها من أبناء النيل
أماصاحبنا الحضري فكما توقعت...شكلو حيرحل أقرب مما نتصور بعد أن إتحلت مشكلتو
وأخد الفي النصيب
| Quote: أكد محمد شيحة وكيل المصري عصام الحضري أن العرض الإنجليزي المقدم لحارس الفراعنة أفضل من الناحية المالية من عرض النادي السويسري وقال: أعتقد أنه من الأفضل للحضري أن ينتقل للنادي السويسري لأنه يتبع لأندية الممتاز فيما يلعب الإنجليزي في صفوف أندية الدرجة الأولى وأشار شيحة الى أنه من حق المريخ رفض العرضين وأكد أنه سيحضر الى الخرطوم في العشرين من الشهر الجاري للقاء مجلس إدارة النادي. |
والوكيل دا كان وين ساعة الغرامة أم مليون دولار
حاجة تحير ياخ....
|
Post: #11
Title: Re: حسام البدري يكذب أم يتجمل ؟
Author: طلحة عبدالله
Date: 05-15-2011, 07:39 AM
Parent: #10
يتبع ....
|
Post: #12
Title: Re: حسام البدري يكذب أم يتجمل ؟
Author: طلحة عبدالله
Date: 05-15-2011, 08:02 AM
Parent: #11
د. ياسر سلامات يا حبيب
لا تتوقع خيرا من المصريين أبدا إلا في حدود ما يتوافق ومصلحتهم ودي قاعدة ثبتتها تجارب عديدة
على كافة الصعد .
بالنسبة للكهل الحضري فلا أستبعد والله أن يكون هو الذي حرك مسرحية التعاقدات دي ليبدأ فعليا
في تسليك طريقه للخروج من المريخ والسودان .
شخصيا سأستمتع جدا بمتابعة ردود فعل البعض بعد ان يصدق كل ما حذرت منه ..
يتبع ....
|
Post: #13
Title: Re: حسام البدري يكذب أم يتجمل ؟
Author: محمد عمر جبريل
Date: 05-15-2011, 08:03 AM
Parent: #11
نطالب الرئيس جمال الوالي بتسجيل حارس مانشستر يونايتد فان ديرسار
وتدعيم الخطوط بـ باتي ومارسيللو البرازيليان وإذا تم تسجيل ميسي أو رونالدو (فأحدهم حاليا يكفي)
فسيكون للمريخ كلمته في الموسم الحالي محليا والموسم القادم في مسابقات الكاف..
والتوجه مباشرة من هناك للتفاوض مع جوزيه مورينو لأن المريخ نادي عظيم جدا جدا
ولا يقل شيئا عن مانشستر يونايتد أو برشلونه أو ريال مدريد
ولا يجب أن تقف طموحاته على تسجيل حارس أفريقيا الأول فقط ..
سيتبع..
ـــــــــــــــــــــــــــــــــــــــــ
|
Post: #14
Title: Re: حسام البدري يكذب أم يتجمل ؟
Author: طلحة عبدالله
Date: 05-15-2011, 08:14 AM
Parent: #13
محمد عمر جبريل
ها زول البوست دا جادي جدا وأرجو أن تكون مداخلاتك إن رغبت كذلك جادة
اللهم إلا كان عندك مآرب تانية وعايز تخرب البوست .
تحياتي يا بلد .
|
Post: #15
Title: Re: حسام البدري يكذب أم يتجمل ؟
Author: طلحة عبدالله
Date: 05-16-2011, 09:54 AM
Parent: #14
يتبع .....
|
Post: #16
Title: Re: حسام البدري يكذب أم يتجمل ؟
Author: طلحة عبدالله
Date: 05-17-2011, 09:03 AM
Parent: #15
نزولا عند رغبة المتابعين
يتبع .......
|
Post: #17
Title: Re: حسام البدري يكذب أم يتجمل ؟
Author: طلحة عبدالله
Date: 05-19-2011, 09:02 AM
Parent: #16
بعد التلفيق المصري الصريح الذي زعم أن المريخ على أبواب التاريخ في عهد الممرن المصري
الفاشل حسام البدري الذي طردته جماهير الأهلي من النادي بسبب تدني مستوي الفريق الأهلاوي إلى الحضيض
في عهده، وإذا كان الممرن المصري الفاشل يجهل تاريخ المريخ فيسرنا اعلامه أن المريخ سبق وفاز بلقب
الدوري السوداني من دون هزيمة أو تعادل مرة وبتعادل واحد مرة أخري وهو إنجاز لم يسبقه عليه فريق
في أفريقيا والوطن العربي كله فهل سيكون هذا الممرن المصري الفاشل صادق مع نفسه ويطل علينا بتصريح
يصحح فيه الإدعاء بأن المريخ موعود في عهده بانجاز لم تشهده الكرة السودانية من قبل كما ملأ الدنيا زعيقا
وصراحا مدعيا أنه لا يجامل في الإنضباط بعد إيقافه للمسكين بلة جابر أم أنه سيعمل أضان الحامل طرشة وينوم
على الكذبة خادعا نفسه قبل الآخرين ..
أتوقع طبعا أن ينوم على كدا وهو يحلم بأنه أصبح زجالو .
يتبع ......
|
Post: #18
Title: Re: حسام البدري يكذب أم يتجمل ؟
Author: طلحة عبدالله
Date: 05-19-2011, 09:19 AM
Parent: #17
Quote: بعد تحقيقه الفوز الـ11 على التوالى، وتسجيله العلامة الكاملة، فى كل المباريات التى خاضها فى الدورى السودانى حتى الآن، بات المريخ السودانى تحت قيادة الموهوب فنيا "حسام البدرى" وبمشاركة الحارس العملاق عصام الحضرى، على بعد 6 نقاط من تحقيق إنجاز لم يسبق أن شهدته الكرة السودانية.
فلم يسبق لأى ناد سوداني -منذ انطلاق الدورى السودانى- أن أنهى الدور الأول من الموسم الكروى، دون هزيمة.. وإن تخطى المريخ مباراتيه المقبلتين، فى الأسبوعين الـ12 و13 أمام النسور والفرسان، فسيدخل التاريخ الكروى السودانى من أوسع الأبواب وسيحسب ذلك للقيادة الفنية المصرية والمشاركة داخل الملعب أيضا. كان المريخ قد حقق الإثنين، فوزه الحادى عشر على التوالى على حساب الخرطوم برباعية نظيفة، رفعت رصيده للنقطة الـ33، لينفرد تماما بصدارة الدورى السودانى.
من جانبه، أكد حسام البدري، المدير الفني للمريخ، أن أداء فريقه أمام الخرطوم لم يكن على المستوى المطلوب في الشوط الأول، لكن الحال تغيرت للأفضل فى الثانى، ويرجع هذا لعدم التزام اللاعبين بتنفيذ ما طلبته منهم قبل اللقاء، فقد توقعت أن يؤدي الخرطوم بطريقة دفاعية ووضعت التكتيك المناسب للمواجهة.
ذكرت صحيفة "الصدى" السودانية اليوم الثلاثاء، أن البدرى وجه شكره للاعبيه على الأداء الذي قدموه خلال الشوط الثانى على وجه التحديد، وأضاف: "أعتقد أن فريق الخرطوم من الفرق القوية وأدى بشراسة، إبان المباراة وكان يسعى نحو تحقيق الفوز، لكننا نجحنا في النهاية في الانتصار عليه".
|
اعلاه هو التلفيق المصري المقصود والذي جلبه الحبيب خليل في هذا البوست مريخ المصريين" على أعتاب التاريخ.. والبدرى يشكر لاعبيه
لاحظ عزيز فلان القارى كمية الدجل والتلفيق المحشود هنا..
ركز على ما تحته خط وتمعن في معني الإشارة للبدري وعصام الحضري وتجاهل بقية لاعبي المريخ بمن فيهم سلطان الكورة
الأفريقية فيصل العجب ..
مع مراعاة تصريح الممرن المصري الفاشل المقحوم في قلب الكلام ومن المؤكد ان طالعه بعد النشر وصهين على
كدا ..
يتبع ..
|
Post: #19
Title: Re: حسام البدري يكذب أم يتجمل ؟
Author: طلحة عبدالله
Date: 05-19-2011, 09:26 AM
Parent: #18
Quote: بات المريخ السودانى تحت قيادة الموهوب فنيا "حسام البدرى" وبمشاركة الحارس العملاق عصام الحضرى، على بعد 6 نقاط من تحقيق إنجاز لم يسبق أن شهدته الكرة السودانية.
فلم يسبق لأى ناد سوداني -منذ انطلاق الدورى السودانى- أن أنهى الدور الأول من الموسم الكروى، دون هزيمة.. وإن تخطى المريخ مباراتيه المقبلتين، فى الأسبوعين الـ12 و13 أمام النسور والفرسان، فسيدخل التاريخ الكروى السودانى من أوسع الأبواب وسيحسب ذلك للقيادة الفنية المصرية والمشاركة داخل الملعب أيضا.
|
لا أستبعد والله بل أراهن منذ الآن انه في حال فاز المريخ بلقب الممتاز دون هزيمة أو حتى بهزيمة واحدة
فإن المصريين سيؤكدون أن المريخ بدأ وإنتهي تحت قيادة الممرن المصري الفاشل حسام البدري والحارس الكهل عصام الحضري
بل أن الكرة السودانية عموما لم تعرف التطور إلا بعد أن جاءها هولاء الفراعنة .
الله يجازي الكان السبب بحجم ما سببه للمريخ من هوان .
|
Post: #20
Title: Re: حسام البدري يكذب أم يتجمل ؟
Author: Hussein Mallasi
Date: 05-19-2011, 04:32 PM
Parent: #19
بعض الصحف المصرية أصبحت تتابع أخبار المريخ و تطلق عليه "مريخ البدري" .. فتأمل!
|
Post: #25
Title: Re: حسام البدري يكذب أم يتجمل ؟
Author: عمار سيد احمد
Date: 05-28-2011, 08:17 AM
Parent: #5
عزيزى طلحة عساك بخير
والغربة معاك
تعرف حكاية حسام البدرى
موجعا بالنسبة لى والله
بالرعم من اننى هلالابى
لانو بحس فيها عدم اخلاق
امس صرح انو قال لمصطفى يونس (انتا السودان ده كنت قاعد فيهو كيف )
وزاد عليها انو مجلس المريخ ثلاث اشهر لم يصرف ليهو مرتب
مع انو دى انا ما ممكن اصدقها لانو انت عارف جمال والدفع بتاعو
تانى الحضرى كمان حركاتو بتاعت جاى عرض وشيحه وغايتو
المهم لابد من الحسم فى هذا الامر
دمت بالف خير
عمار سيد احمد تلودى
|
Post: #21
Title: Re: حسام البدري يكذب أم يتجمل ؟
Author: لؤى
Date: 05-27-2011, 08:41 PM
Parent: #1
Quote:
لا تتوقع خيرا من المصريين أبدا إلا في حدود ما يتوافق ومصلحتهم ودي قاعدة ثبتتها تجارب عديدة
على كافة الصعد .
بالنسبة للكهل الحضري فلا أستبعد والله أن يكون هو الذي حرك مسرحية التعاقدات دي ليبدأ فعليا
في تسليك طريقه للخروج من المريخ والسودان .
شخصيا سأستمتع جدا بمتابعة ردود فعل البعض بعد ان يصدق كل ما حذرت منه ..
يتبع ....
|
طلحة العزيز
مساء الـخيـر
آمنت بيك والله
قراءاتك لا تخطـئ
طار البدري
تُرى كيف ستكون مسيـرة الـحضري مع الـمرّيخ
وكان الله فـي عونك يا مرّيخ السُّودان
تـحاياي
|
Post: #22
Title: Re: حسام البدري يكذب أم يتجمل ؟
Author: طلحة عبدالله
Date: 05-28-2011, 07:33 AM
Parent: #21
سلام يا لؤى وليك الشكر والتقدير
والحمدلله الذي أذهب الأذي عن المريخ رغم أنف مخرمجيه من مجلس الإدارة بقيادة جمال الوالي
والمتحلقين حوله المسترزقين من خيرات المريخ المنتفعين من بهدلته وشقائه ..
الحمدلله الذي هدانا لنعارض العشوائية مستبينين الصح والغلط ثم لا يلبث أن ينصرنا في
مذاهبنا وأرائنا ليعلم المكابرين والذين فيهم صمم الأذن والعقل أي منقلب ينقلبون ..
ويا جمال الوالي
أسمع الكلام
أسمع الكلام
أسمع الكلام .
|
Post: #23
Title: Re: حسام البدري يكذب أم يتجمل ؟
Author: أيمن دياب
Date: 05-28-2011, 08:00 AM
Parent: #22
Quote: طلحة العزيز
مساء الـخيـر
آمنت بيك والله
قراءاتك لا تخطـئ
طار البدري
تُرى كيف ستكون مسيـرة الـحضري مع الـمرّيخ
وكان الله فـي عونك يا مرّيخ السُّودان
|
الأخطبوط طلحة.. وللمرة الثالثة على التوالي خلال أقل من عام..
قراءة مستقبلية وناجحة وصائبة لواقع يحتاج فعلاً لنظرة خبيرة..
شكراً صديقي طلحة.. لم تخيب ظننا في (انطوانيتك)..
|
Post: #24
Title: Re: حسام البدري يكذب أم يتجمل ؟
Author: nazar hussien
Date: 05-28-2011, 08:06 AM
Parent: #22
يا طلحة...
في بوست آخر خاص بطيران البدري...
طلبت منك ان تبروز مقالاتك عن المريخ
وتدريبه بالقلعة الحمراء...
وا ضيف هنا: اعرضها علي مجلس الادارة...بتواريخها...
لتعلمهم من هم المريخاب الجد....
|
Post: #26
Title: Re: حسام البدري يكذب أم يتجمل ؟
Author: khaleel
Date: 05-28-2011, 09:27 AM
Parent: #24
يا طلوح لسع
الراجل ما استقال رسميا
Quote: تسبب إعلان عماد النحاس مدير الكرة بنادى المريخ السودانى عن استقالة حسام البدرى وجهازه المعاون "الشفهية" فى حالة من الغليان داخل جدران النادي السوداني لوجود معارضة سابقة لفكرة التعاقد مع المدرب المصرى وضرورة الاستعانة بمدرب أجنبى، يمكنه تحقيق طموحات الجماهير العريضة فى الفوز ببطولة إفريقيا.
وقال عادل أبوجريشة لـ"بوابة الأهرام" فى اتصال هاتفى من السودان، إنه تلقى اتصالًا هاتفيًا من عماد النحاس مدير الكرة يبلغه فيه باعتذار حسام البدرى المدير الفنى لضرورة وجوده بجوار زوجته خلال الشهرين المقبلين مما يصعب قدرته على الوجود بالسودان.
أضاف أبوجريشة أنه رفض تصريحات مدير الكرة مؤكدًا أن إدارة المريخ تعاقدت مع حسام البدرى ولو رغب فى الرحيل فعليه الإعلان عن ذلك رسميًا عبر الاتصال المباشر بجمال الوالى رئيس النادى أو إدارة الكرة لاتخاذ الإجراءات المناسبة.
أشار المشرف على الكرة بالمريخ السودانى إلى أن البدرى تحدث معه خلال وجوده بمطار الخرطوم يوم الإثنين الماضى قبل سفره إلى كندا للحديث عن القرار النهائى لإدارة النادى فى المشاركة بدورة سيكافا من عدمها، وتم الاستقرار على أن يقود المدرب السودانى تدريبات الفريق أول يونيو لحين عودته فى اليوم التالى والمحترفين يوم 3 يونيو على أن يصدر قرار نهائى بسفر الفريق إلى معسكر خارجى بإريتريا أو القاهرة يوم 8 يونيو المقبل.
أوضح أبوجريشة أنه لن يتحدث إلى إدارة النادى حول التصريحات الشفهية التى تحدث عنها مدير الكرة لأن الأوراق الرسمية لها الكلمة العليا طالما أن المدير الفنى متعاقد من خلال عقد يتقاضى به راتبه الشهرى دون تأخير.
ونفى المشرف على الكرة أن يكون الاعتذار غير الرسمى للبدرى بسبب دخوله فى مشادة مع مسئولين بالنادى لأن جماهير المريخ لأول مرة تصفق لفريقها وجهازه الفنى رغم خسارته أمام أهلى الخرطوم بهدف نظيف مؤكدًا أنه الوحيد الذى يتحدث فى شئون الكرة.
وتعاقد المريخ السودانى مع حسام البدرى بعد تقدمه باستقالة من تدريب الأهلى والرحيل بنفس الطريقة التى حدثت حاليًا، وخرج من دورى الأبطال الإفريقى ويحتل صدارة الدورى السودانى بالفوز فى 12 مباريات وهزيمة واحدة.
|
|
Post: #27
Title: Re: حسام البدري يكذب أم يتجمل ؟
Author: طلحة عبدالله
Date: 05-28-2011, 09:54 AM
Parent: #26
أيمنوف يا حبيب
مشكور ياخ وعايز أقول ليك في حاجات كدا ما محتاجة ذكاء شديد عشان تعرف مآلاتا
من أية ناحية الممرن المصري الكذاب حسام البدري ليس في قامة ولا أعرف إلى متي
يتخبط مجلس جمال الوالي في مثل الصفقات المضروبة وإلى أين يريد أن يقود هذا المجلس
النادي .
|
Post: #28
Title: Re: حسام البدري يكذب أم يتجمل ؟
Author: طلحة عبدالله
Date: 05-28-2011, 09:59 AM
Parent: #27
نزار يا حبيب أشكرك كتير والله للإطراء
أنا أكيد من أن مجلس المريخ بطريقة أو أخري يتابع ما يكتب هنا لكنها المكابرة وقوة الرأس ..
ما يهمني أن يصدق ما أقوله لانه نابع من حبي للمريخ وليس لمآرب ومصالح تانية كما يفعل البعض ..
بالنسبة للمريخاب الجدد فالحمدلله عشقنا وولائنا للمريخ قديم قدم التاريخ .
|
Post: #29
Title: Re: حسام البدري يكذب أم يتجمل ؟
Author: طلحة عبدالله
Date: 05-28-2011, 10:03 AM
Parent: #28
خليل يا حبيب إستقال أو لم يستقل فهو ممرن فاشل وكذاب وغير منضبط وإرتباط أسمه بالأحمر الوهيج
فيه تقليل من المريخ العظيم والله يجازي السبب بقدر جنس عمله .
|
Post: #30
Title: Re: حسام البدري يكذب أم يتجمل ؟
Author: طلحة عبدالله
Date: 05-28-2011, 10:06 AM
Parent: #29
عمار سيد أحمد يا غالي
تحياتي ليك ولكل الأحباب طرفك
مجلس المريخ يا حبيب مستمر في أخطائه ومكابراته وأظنه لن يتوقف حتي بعد خراب مالطا.
|
Post: #31
Title: Re: حسام البدري يكذب أم يتجمل ؟
Author: احمد الأمين على إدريس
Date: 05-28-2011, 10:13 AM
Parent: #27
| Quote: شخصيا سأستمتع جدا بمتابعة ردود فعل البعض بعد ان يصدق كل ما حذرت منه . |
استمتع استمتع ياطلحة ياخ ..ليك كل الحق والله
ولا عزاء لود البشرى (فى الحتة دى حالياً)
ثم لك السلام وكل الاحترام وانت تجهر برايك الرصين
مخالفاً السواد الاعظم من التيار الاحمر الذى لايجيد اكثر من التطبيل الزائف.
|
Post: #32
Title: Re: حسام البدري يكذب أم يتجمل ؟
Author: طلحة عبدالله
Date: 05-28-2011, 10:24 AM
Parent: #31
احمد الأمين يا حبيب
صاحبك ود البسرى دا أنا ما عاديهو مع المقصودين ديل وهو ذاتو قاعد يقول أي كلام والسلام
عشان كدا رأيو ما مهم بالنسبة لي..أنا قاصد الإستمتاع برد فعل المريخاب المكابرين بمن فيهم
مجلس المريخ الما بسمع الكلام دا .
وزي ما قال ليهم جمال إدريس : خموا وصروا .
|
Post: #33
Title: Re: حسام البدري يكذب أم يتجمل ؟
Author: د. ياسر عبد القادر
Date: 05-28-2011, 10:28 AM
Parent: #32
سلام ياطلحة:
بالله تجول في بعض الصحف المريخية...وإقرأ ماكتب اليوم عن البدري...والتغير 180 درجة في غمضة عين
|
Post: #34
Title: Re: حسام البدري يكذب أم يتجمل ؟
Author: محمد البشرى الخضر
Date: 05-28-2011, 12:10 PM
Parent: #33
هكذا تصنع الاصنام
زول يقول ليك الخريف السنة ح تصب فيه مطرة
أو رمضان حيجي بعده عيد
تشبكوه توقعاتك وقرايتك وبتاع يطلع لينا في راسنا ساي
معروف المريخ بغير في السنة كان مدربين كان تلاتة
يا اقالوهم يا استقالوا براهم
تنظير شنو كمان العندو قراية وتوقعات لمن تصدق
ياخي دا حساب الحريق ياالله ياالله
|
Post: #35
Title: Re: حسام البدري يكذب أم يتجمل ؟
Author: طلحة عبدالله
Date: 05-28-2011, 12:24 PM
Parent: #34
يا دكتور ياسر
والله حاجة مؤسفة بل ومخجلة شديد الكلام اليوم عن الممرن المصري حسام البدري والذي تغزل فيه نفس هولاء
من قبل خاصة في نقطة انضباطو وما عارف إيه ..
مشكلة معظم المريخاب أنهم عاطفيين ينقادون وراء ما تكتبه صحافة المدرجات والمشجعين المتعصبين من ترهات
وأوهام ويغضبون من النقد الموجه للفريق والإداريين حتى ولو كان فيه مصلحة المريخ، وفي كل مرة لا يستبينون
النصح إلا ضحي الواقع الصادم.
أخجل والله لكل من تغزل أو كتب مشيدا بالممرن المصري الكذاب حسام البدري..
نقطة سطر جديد
اللهم لا شماتة .
|
Post: #36
Title: Re: حسام البدري يكذب أم يتجمل ؟
Author: tmbis
Date: 05-28-2011, 12:25 PM
Parent: #34
| Quote: تشبكوه توقعاتك وقرايتك وبتاع يطلع لينا في راسنا ساي |
طلحـة قرايتو صاح يا زول ..
|
Post: #37
Title: Re: حسام البدري يكذب أم يتجمل ؟
Author: طلحة عبدالله
Date: 05-28-2011, 12:30 PM
Parent: #36
كيشتي العواليق جرجير الشهير بمحمد البشرى الخدر قلت لي:Quote: زول يقول ليك الخريف السنة ح تصب فيه مطرة
|
أها تقول شنو في زول يقول الخريف السنة دي ما ح تصب فيهو مطرة ؟؟
قول رأيك سريع عشان تقوم تلف كدا واللا كدا .
|
Post: #38
Title: Re: حسام البدري يكذب أم يتجمل ؟
Author: طلحة عبدالله
Date: 05-28-2011, 12:36 PM
Parent: #37
يا تامبا ما عليك منو الزول الدعي دا ..
دا كلو رد فعل للكرش القاعد أعملوا ليهو في النادي ..
قال عايز يلعب وست كرهتو ليك الزول الرسما لغاية ما عمل فيها الود مشغول ومشي غاب ليهو
شهرين تلاتة وجاء حول لتربيزة الحريق وبرضو كرهتو ليك الدو والسمبهارت (بجرو ليك وأنا معرج ومغمض)..
معذور يا تامبا
|
Post: #39
Title: Re: حسام البدري يكذب أم يتجمل ؟
Author: محمد البشرى الخضر
Date: 05-28-2011, 12:49 PM
Parent: #38
يا تمبس قراية شنو الصاح تنظير دا اسالني منو انا
يفكها ليك عامة كدا وواسعة اوسع من ذمتو ويجي يشبكنا توقعنا وحذرنا و مجلس المريخ بقرا البورد
بورد شنو البقراه المجلس يا تنظير وفي البورد تنظيرك دا
اها اسي على حسب الصدى زولك نفى كلام الاستقالة
النحاس يخطر المريخ باستقالة المدرب.. البدري ينفي وكروجر يرحب بالعودة للقلعة الحمراء
اها ح تشرب من ياتو بحر, ولا اقول ليك ارجى خريفك المافيه مطرة دا وقوم لف
|
Post: #41
Title: Re: حسام البدري يكذب أم يتجمل ؟
Author: طلحة عبدالله
Date: 05-28-2011, 12:58 PM
Parent: #39
بالله عاين العواليق دا ..
هسع عليك الله كان فعلا المصري الكذاب دا ما إستقال أنا متين قلت ح يستقيل واللا يتنيل على عينو ؟؟
أنا قلت دا فاشل ومطرود من أهلو ووجودو في المريخ ح يضر كثيرا بالفريق وأتوقع منو مشاكل بالكوم
وفي حالة ذهابو ح يحتو قرض ويطلع السودان وشعبو حاجة كدا من العصر الحجري .. وأهو عندك كلام عمار
سيد أحمد الفوق دا وهو صحفي بالسودان قال ليك البدري قال لمصطفي يونس إتا السودان دا كتا قاعد فيهو
كيف ؟؟
ولسع والله دا أول غيث السخرية والإستهزاء وقلة الأدب الح نشوفا من الفرعون وشلتو الخمخموهم جابوهم لينا ديل.
أخد ليك لفة تانية غير الأولانية .
|
Post: #40
Title: Re: حسام البدري يكذب أم يتجمل ؟
Author: tmbis
Date: 05-28-2011, 12:51 PM
Parent: #38
| Quote: (بجرو ليك وأنا معرج ومغمض).. |
يعني الزول دا .. كيشتك .. وفارتك يا طنظير ..؟
طيب ما تقول كدا من زمــان ..
..
الزول دا من ايامك بتاعت الاخطبوط ديك مفروض كان يقتنع بيك .. لكن تقول شنو بس .. ما بسمع الكلام
|
Post: #42
Title: Re: حسام البدري يكذب أم يتجمل ؟
Author: tmbis
Date: 05-28-2011, 01:07 PM
Parent: #40
| Quote: اها ح تشرب من ياتو بحر, ولا اقول ليك ارجى خريفك المافيه مطرة دا وقوم |
لا كدا معاك حق .. يا ود البشري ..
يعني حسع دي كلام طلحة دا طلع .. ساااي ..؟
إنتو عايزين تجننونـا ..؟
|
Post: #43
Title: Re: حسام البدري يكذب أم يتجمل ؟
Author: محمد البشرى الخضر
Date: 05-28-2011, 01:15 PM
Parent: #42
Quote: هسع عليك الله كان فعلا المصري الكذاب دا ما إستقال أنا متين قلت ح يستقيل واللا يتنيل على عينو ؟؟
|
حييييييييييييييي انا ثم حييييييييييي انا تاني
بقينا في ماقلت و ما سويت
ما ياهو الراجل قولة استقال جو الشباب وحيوك على قرايتك وحسن توقعاتك وانت تهوزز في راسك ساي مدعيا التواضع
ما كلن تقول انا ما اتوقعت استقالتة البدري
يا تامبا كلامي صاح اصلو
خاميكم ساي تنظير دا
كيشة من مسكتو للورق تعرفو تاميها كواريك و غاغا ساي
|
Post: #44
Title: Re: حسام البدري يكذب أم يتجمل ؟
Author: طلحة عبدالله
Date: 05-28-2011, 01:16 PM
Parent: #42
يا تامبا كشيتي العواليق دا أصابعينو عدمت إسم الضفر بسبب شوتو المصرج دا
أقول ليهو الممرن دا ما قدر المريخ ولا السودان وح يعمل العمايل كان قعد وكان فات يمش يجيب خبر جريدة
الصدي ويجيك جاري فرحان التقول حلب التيس .
عبرك أقول ليهو:
قوم اخد لفة تالتة غير الاولانيتين .
|
Post: #45
Title: Re: حسام البدري يكذب أم يتجمل ؟
Author: طلحة عبدالله
Date: 06-03-2011, 08:53 AM
Parent: #44
يتبع ....
|
Post: #46
Title: Re: حسام البدري يكذب أم يتجمل ؟
Author: طلحة عبدالله
Date: 06-04-2011, 10:34 AM
Parent: #45
قال الكذاب المصري الآخر عماد النحاس في تصريحات لصحيفة الصدي:Quote: ما علاقتي بإيقاف بلة جابر وهل كنت طلبت منه الاعتراض على توجيهات المدرب وأمام زملائه اللاعبين
وأمام الإعلام الذي كان حضوراً ثم تم إيقاف موسى الزومة الذي تعدى حدود الاحترام مع الجهاز الفني بصورة
غير لائقة وأمام الجماهير في الجولة قبل الأخيرة فهل كنت طلبت من الزومة الاعتراض بهذه الطريقة أعتقد
|
هاهاهاها ههههههههههه
ومن متين قاعدين تعاقبوا اللاعب الذي يتعدى حدود الإحترام مع الجهاز الفني ؟؟؟؟؟
عندما شات أحمد حسن حافظة المياه في وجه الممرن الفاشل الكذاب حسام البدري بعد تغييره
في احدي مباريات الأهلي (اللقطة موجودة) لماذا لم تعاقبوه وتصرحوا للصحف المصرية أنه تعدى حدود الإحترام
مع الجهاز الفني؟؟
ولماذا تطالبون بشىء تفتقدونه يانحاس بيه ؟؟؟؟
انتم لا تحترمون حتى المريخ الذي (عمل ليكم سوق وقعر) فلماذا تطالبون بالإحترام ؟؟
جاتكم نيلة.
|
Post: #47
Title: Re: حسام البدري يكذب أم يتجمل ؟
Author: محمد البشرى الخضر
Date: 06-04-2011, 12:24 PM
Parent: #46
تنظير ما تلغلغ فينا وتملانا نقة من صباح الرحمن
البدري قااااااااااااااعد شئت تم ابيت
و اقرب حيطة تخبط فيها راسك
|
Post: #48
Title: Re: حسام البدري يكذب أم يتجمل ؟
Author: طلحة عبدالله
Date: 06-04-2011, 03:36 PM
Parent: #47
جرجير العواليق
ومن متين مجلس المريخ قاعد يسمع كلام إتكتب هنا ..؟؟
ومنو القال ليك أنا منتظر يسمعو كلامي ؟؟؟
أنا بكتب وجهة نظري كمريخابي زي ما غيري قاعدين يكتبوا وفي النهاية أعيش أحساس
المنتصر وأستمتع بردود الفعل على صحة ما أقوله .. اللهم لا شماتة ..
هههههههه
قوم لف يلا
|
Post: #49
Title: Re: حسام البدري يكذب أم يتجمل ؟
Author: طلحة عبدالله
Date: 06-05-2011, 08:00 AM
Parent: #48
قال الكهل المصري الكذاب عصام الحضري أنه فكر في الإعتزال بعد اهانة الإعلام السوداني للشعب المصري ..
طبعا كذاب في أصل وشك يا مجرم لان الذي باع ناديه الذي تربي فيه بحفنة دولارات بينه وبين المبادىء
والمثل والقيم الأخلاقية ملايين السنين الضوئية ولن يهمه أن أهين شعبه أو أهل بيته، هذا إذا سلمنا جدلا بأن
الشعب المصري فعلا تعرض للإهانة من الإعلام السوداني .
والله ما أهان مصر وشعبهاإلا أمثالك أنت والممرن الفاشل الكذاب حسام البدري من بائعي المبادىء الكذبة الأفاكين..
الفار الذي يحفر الأرض لإيجاد مخرج للهروب بعد أن سرق قشرة بصلة لا يهمه إن أدي حفره لانهيار جدار متهالك او عمارة
سكنية ستنهار على رؤوس ساكنيها فالمهم عنده أن يخارج نفسه مع غنيمته الوض يعة ..
هذا هو بالضبط حال الكهل المصري الكذاب الحضري بعد أن ضمن دفع غرامته ....
أبشروا بمزيد من المشاكل والإنتكاسات بل والكوارث يا مريخاب .
|
Post: #50
Title: Re: حسام البدري يكذب أم يتجمل ؟
Author: محمد البشرى الخضر
Date: 06-05-2011, 08:33 AM
Parent: #49
أصبحنا و اصبح الملك لله
يازول انت عندك مشكلة مع مصر و المصريين وخلاص
شنو الالفاظ و الصفات الغريبة دي كهل و كذاب .. إلخ
|
Post: #51
Title: Re: حسام البدري يكذب أم يتجمل ؟
Author: طلحة عبدالله
Date: 06-05-2011, 08:42 AM
Parent: #50
أيوة عندي مشكلة مع المصريين لكن ما كلهم يا جرجير العواليق
مشكلتي مع عينة ناس الكهل المصري الحضري والممرن الفاشل الكذاب حسام البدري وأقرع الرأس
والفكر عمرو أديب ولبلاب الإعلام المتسلق خالد الغندور وغيرهم من الكذبة الأفاكين .
|
Post: #52
Title: Re: حسام البدري يكذب أم يتجمل ؟
Author: طلحة عبدالله
Date: 06-06-2011, 08:23 AM
Parent: #51
يتبع ......
|
Post: #53
Title: Re: حسام البدري يكذب أم يتجمل ؟
Author: محمد عبد الماجد الصايم
Date: 06-06-2011, 08:38 AM
Parent: #52
يا زول خليكـ من شلة المصريين دي
إنتو قالعين مننا رادوي مالكم؟
|
Post: #54
Title: Re: حسام البدري يكذب أم يتجمل ؟
Author: محمد عبد الماجد الصايم
Date: 06-06-2011, 08:39 AM
Parent: #53
وما لقيتو مدرب إلا كوزمين .. ولّ عشان درّب الهلال؟
|
Post: #55
Title: Re: حسام البدري يكذب أم يتجمل ؟
Author: طلحة عبدالله
Date: 06-06-2011, 08:50 AM
Parent: #54
ودو كماين
كوزمين مدرب كبير من عينة الذين يستحقون تدريب الزعيم العيناوي وهو بدوره رشح مواطنه رادوي
ورادوي رشح كذلك مواطنه مهاجم فيورنتينا الإيطالي ادريان موتو واتوقع أن يرشح هذا الأخير روماني آخر
على الطرف الأيسر ..
|
Post: #56
Title: Re: حسام البدري يكذب أم يتجمل ؟
Author: محمد عبد الماجد الصايم
Date: 06-06-2011, 09:20 AM
Parent: #55
ياخ بدل التعب دا كلو .. شيلو الفريق أمشو بيهو رومانيا!!
|
Post: #57
Title: Re: حسام البدري يكذب أم يتجمل ؟
Author: طلحة عبدالله
Date: 06-06-2011, 09:37 AM
Parent: #56
ودو كماين
ولشنو ما نجيب رومانيا هنا
|
|