لماذا يحرم الجنوبيون من الجنسية السودانية ؟

أصبح إنفصال الجنوب خياراً نتيجة استفتاء الجنوبيين وسيكون حقيقة ماثلة في يوليو القادم 2011 , بإعلان استقلاله وبروز دولة جديدة .
لقد صرح قادة المؤتمر الوطني بأنه باستقلال الجنوب سيكون الجنوبيون أجانب وسيفقدون الجنسية السودانية ولن تكون هناك جنسية مزدوجة .
وأقول أن هناك جنسيتان للسودانيين , الأولي جنسية بالميلاد وهي لمن ولد جده لأبيه في أو قبل عام 1898م , والجنسية الثانية بالتجنس وتمنح للأجانب من الجنسيات الأخري حسب شروط محددة , وكمثال انني أحمل شهادة جنسية بالميلاد ومبين ذلك في جواز سفري (يحمل جنسية بالميلاد) .
أقول أن الجنوبيين أولي بالاحتفاظ بجنسية الميلاد لأن أسلافهم عاشوا منذ آلاف السنين في السودان الموحد .
ثانياً , لماذا لا تكون هناك جنسية مزدوجة ؟ أعلم ويعلم الكثيرون أن هناك سودانيين يحملون جنسيات بريطانية وكندية واسترالية وأمريكية , بل أن بعضهم وزراء ومستشارون في الحكومة الحالية وأعضاء في حزب المؤتمر الوطني الحاكم , فهل سيجردون من جنسياتهم الأجنبية , أم ان هذا الحرمان من الجنسية سيطبق علي الجنوبيين فقط ؟

استاذ هلال
تحياتى لك ولاسرة الساداتى
آخرمرة اتقابلنا2003 فى مركز الدراسات بالقاهرة مع دكتور الشفيع خضر..
انقطعت اخبارك
برجاء مراسلتى على الايميل
[email protected]
مودتى وتقديرى

Quote: لماذا يحرم الجنوبيون من الجنسية السودانية ؟

لأن السودان كان دولة واحدة
وفيهو جنسية واحدة وجواز واحد

من الذي اختار (2 سودان)
الجواب : الجنوبيون بنسبة 99 في المائة

من الذي يبكي الآن وراء جنسية السودان الشمالي
بعد أن صوّت ضدها

اذن يفرتقوا وقشة ما تعتر ليهم
وجنسية مزدوجة يشوفوها في الشاشة الغشاشة
أو كما قاال الرئيس

استاذ/زاهر
مساالخير
فعلا هذا الموضوع شاق عندما نبحث فيه بعاطفة او بعقلانية لكن من ناحية انسانية مالذي سيحدث ؟ اناس اخوة كانوا وما يزالون , السياسة المعقورة هذه نتائجها تتمثل عنوان البوست , لابد من وزن الامور برجاحة وكياسة
انا عن نفسي لا اري مانع في ابقاء الجنسية لمن يريد البقاء في الشمال , طبعا في ناس يتمنوا هذه اللحظة التي يمتكون فيها الجنسية الجديدة ,لكن ما يهم هو من يريد البقاء في الشمال

استاذ هلال
بصراحة كلامك لا يسنده عقل ولا منطق ولا جغرافيا ولا تاريخ ولا سياسة ولا قانون ولا دستور

كان ممكن نتفهمه اذا كانت نتيجة الاستفتاء 70%
كان ممكن نتفهمه اذا وجدت شريحة معتبره مع الوحدة
اما ان يقول كل الجنوبيين لا للوحدة ونعم للانفصال فده معناهو واااحد
الشمال للشماليين والجنوب للجنوبيين

طوال الوقت الجنوبيين بيشتكوا من انهم مستعبدين وبتتم معاملتهم كانهم مواطنين درجة تانية
الان نالوا حريتهم
يمشوا بلدهم بدل ما يقعدوا وسط الذلة والاهانة

الزول دا مشى وين

ان شاء الله يكون اقتنع ؟

..
.

Quote: أصبح إنفصال الجنوب خياراً نتيجة استفتاء الجنوبيين وسيكون حقيقة ماثلة في يوليو القادم 2011

يسال ومن ثم يجيب ..

--------

كلام عجيب وغريب

الأستاذ هلال

تحياتي

سنة 2006 كتبت

لماذا يرحل الجنوبيون من الشمال؟؟؟؟

ولا آزال أتساءل


الباقر موسى

Quote: استاذ هلال بصراحة كلامك لا يسنده عقل ولا منطق ولا جغرافيا ولا تاريخ ولا سياسة ولا قانون ولا دستور كان ممكن نتفهمه اذا كانت نتيجة الاستفتاء 70% كان ممكن نتفهمه اذا وجدت شريحة معتبره مع الوحدة اما ان يقول كل الجنوبيين لا للوحدة ونعم للانفصال فده معناهو واااحد الشمال للشماليين والجنوب للجنوبيين طوال الوقت الجنوبيين بيشتكوا من انهم مستعبدين وبتتم معاملتهم كانهم مواطنين درجة تانية الان نالوا حريتهم يمشوا بلدهم بدل ما يقعدوا وسط الذلة والاهانة

كلام منطقى وعقلانى.

استاذنا الفاضل هلال زاهر الساداتى


لك التحية الطيبة و التقدير

ليك وحشة يا راجل ...


كلام ما ذكرت و تسألت عنه عقلانى و منطقى و يتفق مع الواقع

و كل من ذهب الى غير ذلك و قلل من اهمية الاسئلة التى طرحت فى صدر

البوست فهو ليس بقاعل و لا واقعى و لا منطقى .


سوف اعود بسعة وقت لاهمية البوست ان شاء الله تعالى .

Quote: اذن يفرتقوا وقشة ما تعتر ليهم وجنسية مزدوجة يشوفوها في الشاشة الغشاشة أو كما قاال الرئيس

نعم فليذهبوا ولينعموا بدولتهم الوليدة ويخلونا في حالنا.

Quote: نعم فليذهبوا ولينعموا بدولتهم الوليدة ويخلونا في حالنا.

شوقي مشتاقين ياخ وين انت

الاستاذ الساداتي ...سلامات ...


مافي زول حايمنع الجنوبي او الشمالي من التمتع بحق الجنسية بالميلاد لكن التعديل حايكون في الجغرافية التى يحق لكل واحد منهما التمتع فيها بهذه الجنسية ...يعني قانون الجنسية حايكون ساري بالنسبة لكل واحد في جزءه الذي اصبح دولة منفصلة من السودان القديم ، لذلك سيتمتع الجنوبي بالجنسية بالميلاد في ارضه الجنوبية وكذلك الشمالي في الشمال وبذات تاريخ الاستحقاق بغض النظر عن وضع الارض بعد الانفصال..يعني يااستاذ هلال حق الجنسية بالميلاد للجنوبي موجود ومافي زول بينزعه منه بس يكون هناك في الجنوب ...

اما الجنسية بالتجنس والتى قلت ان معظم السودانيين يحملونها فأكيد حملوها بقوانين تلك الدول، والسودان بحسب قانون الجنسية لايمنع حمل جنستين لذلك يحق لاى جنوبي او غيره من المقيمين في السودان حمل الجنسية السودانية (الشمالية) اذا استوفى شروط الجنسية ..يعنى بعد الانفصال حايصبح الجنوبي اجنبي وجديد لنج داخل السودان ويقعد بإقامة نظامية وبعد داك ياخد الجنسية بالتجنس بحسب قانون الجنسية بالتجنس ..

انا شايف المنطق يقول كده ..

Quote: شوقي مشتاقين ياخ وين انت

يا معتز والله نحن بالأكثر انا موجود لكن الشفيع المختفي

الأخوة المتداخلون

هذا الموضوع حساس ودقيق ويحتاج للمزيد من النقاش وتسليط الضوء على الأماكن المظلمة فيه وهى كثيرة بسبب غياب الرؤية من جانب طرفى

الموضوع " المؤتمر الوطنى والحركة الشعبية " وهو أول المسائل العالقة بين طرفى اتفاقية نيفاشا " هذه الاتفاقية ظلت موضوع اهتمام

ودراسة من قبل شخصنا الضعيف " وقدمت فى هذا المجال عدة حلقات تلفزيونية فى برنامج " حورارات " فى قناة زول وانا على استعداد

للمشاركة فى حوار جاد بشأن موضوع الجنسية

البداية ستكون من قانون الجنسية السودانى " سودان قبل الانفصال " حيث انه يحكم منح الجنسية وقت سريان اتفاقية نيفاشا وهو المرجع

لحكومة " شمال السودان " عند مفاوضات " الامور العالقة والتى كان من المفترض ووفقا لاتفاقية نيفاشا حسمها فى الفترة الانتقالية

مابين اعلان نتجة الاستفتاء واعلان دولة الجنوب وهى ستة اشهر لم يتبقى منها الا 45 يوما فقط وبعدها سيكون التفاوض بين دولتين وليس

طرفى اتفاق او شريكين فى الحكم مما يجعل الوضع الجديد محكوما بقواعد القانون الدولى والدستور الانتقالى اكثر منه باتفاقية نيفاشا

والتى افترضت بل واتفق طرفاها على حسم الامور العالقة خلال 6 أشهر من تاريخ اعلان نتيجة الاستفتاء...

لانريد الخوض فى دهاليز التعقيدات القانونية لوضع الطرفين بعد انقضاء الفترة الانتقالية بل سنركز على أسس منح الجنسية فى ظل قانون

الجنسية السودانى وقواعد القانون الدولى ومواثيق الامم المتحدة التى تعين طرفى الموضوع على الاتفاق بشان الجنسية

سنواصل باذن الله