Post: #1
Title: ابو عركى البخيت ... ما تخاف .. تعال و اسأل .. وزور بيتنا !!
Author: يوسف محمد يوسف
Date: 05-13-2011, 09:44 AM
ما تخاف ....
تعال و اسأل علينا الناس .. فى كل انحاء المعمورة .. نحن ما خائفين !
وما تخاف ... سر الريدة البينا ... ذاع .. وخليه يذيع .. يملأ الكون .. لانها ريدة مشروعة .. ريدة وطن !
جئناك بالامس .. رجال و نساء واطفال .. حْمرة و زْرقة .. شرق و غرب .. شمال ووسط .. يمين ووسط وشمال .. نلملم خطاوى الشوق .. نشوفك ... نسمع صوتك .. و نشارك فى تكريمك !!
ونقول ليك .. ما تخاف .. تعال زور بيتنا .. و خليهم يقولوا عليك حبيتنا ... !!
وهل خاف خليل فرح .. وهو يزور بيتنا لانه حبانا ؟؟
سألنى أخ بعد نهاية حفل تكريم العملاق ابو عركى البخيت بالامس بجدة ... رأيك ؟؟؟
اجبت : اصبحنا شعب .. يبحث عن وطنه !!
شكرا لكل الاخوة الذين اعدوا هذا التكريم الفخيم .. و ليوثقوه
|
Post: #2
Title: Re: ابو عركى البخيت ... ما تخاف .. تعال و اسأل .. وزور بيتنا !!
Author: كمال ادريس
Date: 05-13-2011, 03:15 PM
Parent: #1
حقا ياريس كانت أمس من امتع المناسبات فقد اسعفنا بدفق لا يكتمل هذا الرجل النبيل
|
Post: #3
Title: Re: ابو عركى البخيت ... ما تخاف .. تعال و اسأل .. وزور بيتنا !!
Author: Azhari Mohamed
Date: 05-14-2011, 11:08 AM
Parent: #2
بكل العشق الدافق تم تكريم هذا الرائع
وقد كان الوعد بأن يزور البيت مرة أخري رجاء لاتخذلنا ....
وكانت لنــــا أيام
|
|