وين راحت أيقونة المنجر ؟؟

؟؟؟؟؟؟؟؟؟؟؟؟؟؟؟

أقصد وين راحت أيقونة المسنجر إنها مختفية من الصفحة

أستاذ عاصم سلام

مختفين من المنبر خمسة أو ستة أعضاء فصلوا لمجرد التعبير عن الاستياء من طريقة تعامل الإدارة مع مشاكل الأعضاء بسبب تهكير المنبر

عاطف عابدون

قمربوبا

أميرة الشيخ

معاوية الصايم

و الحبل على الجرار

خضر موجود يا سناء... رجع تاني

فعلاً يا مريم لاحظت الحاجة دي..

حأعدلها

علي حسب متابعتي بالأمس، كان هناك عدد من الأعضاء مخترقين
و كتبت بأسماءهم مداخلات لا تشبههم
يقوم القائمين علي أمر المنبر بمعالجة الأمر ومن ضمن المعالجات
قاموا بإيقاف المسنجر

إقترح علي السيد:/ بكري ابوبكر فتح بوست لتوضيح الحاصل

شكراً سناء وعيدروس على التوضيح

Quote: علي حسب متابعتي بالأمس، كان هناك عدد من الأعضاء مخترقين و كتبت بأسماءهم مداخلات لا تشبههم يقوم القائمين علي أمر المنبر بمعالجة الأمر ومن ضمن المعالجات قاموا بإيقاف المسنجر إقترح علي السيد:/ بكري ابوبكر فتح بوست لتوضيح الحاصل

سلام يا عيدروس..

كلامك دا زي البيتفهم منو انو الجماعة ديل اتكتبت باسمهم مداخلات غير لائقة و انهم مهكرين و هسة توقيفهم دا مجرد معالجة للأمر..

الكلام دا ما حاصل.. على حسب علمي انو أميرة من أقرب أصدقائك.. و ممكن تتأكد من كلامي إذا حبيت..

عاطف عابدون.. قمر بوبا و أميرة .. ديل الناس الأنا قريت كلامهم لحدي آخر كلمة كتبوها قبل ما يتم إيقافهم.. ما فيهم زول كتب (أو اتكتبت باسمو) كلمة ما في محلها أو ما بتشبهو!

و إيقافهم كان متعمد كإيقاف لأن كلامهم لم يعجب من يمسك بدفة القيادة سواء كان بكري أو من ينوب عنه!!

و ممكن تعتبر قمربوبا استقال محتج .. و دا كان آخر كلام كتبو..

Quote: حين انضممت للمنبر كنت في السنة النهائية من دراستي الجامعية حينها كنت يا هذا تستجدي الجميع بان نساهم بالكتابة (البتمسحا لينا في وشنا الليلة) وكان شعارك تعال ومعك آخرون وكنا بنحنس ليك الناس عشان يكتبوا في المساحة دي حسب طلبك..إنت نسيت؟؟ يا سيد يا جيّد لم نطلب من وراء كتاباتنا مجد شخصي أو الشهرة،كنا ولازلنا متسقين مع مواقفنا..ونحن يانا نحن صدقني يا مدير المكان لم اخرق لائحتك التي وضعتها لاني كنت ولا زلت اعيش علي سجية انسانية ما فيها التشفي ولا الانجرار وراء أي شيء صباح اليوم كان امامك ولا زال case يجب البت فيه بكل شجاعة وجدتك لم تفعل شي ولن تفعل. ساقولها لك..يانا الناس الناصرناك وكتين كان في بوردين بس واحد حقك ده والتاني سودان دوت نت منذ عشرة سنوات وانت لازلت تراوح مكانك والموقع لم يتطور..رحل عنه الكثير وفقد الكثير من المكاسب. ده ما موضوعنا هسة السؤال؟؟ Quote: لماذا فصلت عاطف عبدون؟؟ لانه قال الكلام ده؟؟ Quote: المشكله ما مشكلة بكري ولا المسكين الشايل وش القباحه الاسمو الهكر المشكله فينا نحن الما بناخد موقف واضح تجاه البحصل دا كل زول بيسكت لمن الدور يجيهو وكتها بتكلم وبزعل وبفوت وتاني بجي راجع وينسي الحصل متذكرين لمن طلع خبر وفاة بكري ؟ مش قدر يحدد الزول والبيت وتفاصيل التفاصيل عن الزول الورا الخبر طيب تفتكروا بكري ما عارف الزول البهكر دا منو؟ حرجع وتاني حقول بكري هو الوحيد البقدر يكشف الستار عن الهكر وما حيعمل كدا وحيحذف بوست اي زول يطالب بي اي شئ هو ما دايرو يتكشف وحيفصل اي زول بيسال عن الحاصل شنو وبصر علي انو يعرف يلا السؤال المهم هل نحن قادرين علي اننا نتخذ موقف جماعي ومبدئي من تصرفات بكري؟؟ يعني بالواضج هل في ناس عندهم استعداد انو يتوقفو عن المنبر احتجاجا علي البحصل ؟ الشهيد رقم واحد ده قال شنو يعني؟؟هو قال شنو يعني؟؟وانت فرقك شنو لو صدرك ما بتسع لأي انتقاد يا صاحب المنبر الديموقراطي بالمناسبة..مافي فرق بينك وبين مجلس الصحافة والمطبوعات اقلاها ديك عندهم مقاصل وظلمهم معروف..مقاصلك ما عندها حل يا حبيب. خصوصيات الاعضاء ومعلوماتهم أنت مسئول منها إن لم تكن تعرف فاعرف يا بكري...ونصيحة اخوية ..حتتحاسب عليها يوم قانونيا ...الدنيا بتتطور يا بكري شيل الباس ويرد ده وما ترهقني معاك اكتر من كدة. _ وداعا للجميع حكومة ومعارضة...اخوان واخوات..عشت معكم لحظات كثيرة تداخلت معكم بكل ود....ورجاء رجاء لا تكتبوا مناشدة بإسمي فهذا المكان لم يعد يتسع لشخصي وعفوا ان أخذت التجربة 10 سنوات أو اكثر...فقط الوداع Full Stop

قمر كتب كلامه دا بعد ما اتسحبت كل البوستات الاتساءل فيها عن أسباب إيقاف عاطف.. اللي لا قمر و لا نحن معاه مقتنعين إنها كانت أسباب منطقية!!

Quote: سلام يا عيدروس.. كلامك دا زي البيتفهم منو انو الجماعة ديل اتكتبت باسمهم مداخلات غير لائقة و انهم مهكرين و هسة توقيفهم دا مجرد معالجة للأمر.. الكلام دا ما حاصل.. على حسب علمي انو أميرة من أقرب أصدقائك.. و ممكن تتأكد من كلامي إذا حبيت.. عاطف عابدون.. قمر بوبا و أميرة .. ديل الناس الأنا قريت كلامهم لحدي آخر كلمة كتبوها قبل ما يتم إيقافهم.. ما فيهم زول كتب (أو اتكتبت باسمو) كلمة ما في محلها أو ما بتشبهو!

إزيك يا سناء
أنا ما قاصد ديل يا سناء
و أنا ضد أيقاف أيي زول لانو إنتقد الإدارة

Quote: إزيك يا سناء أنا ما قاصد ديل يا سناء و أنا ضد أيقاف أيي زول لانو إنتقد الإدارة

تسلم يا عيدروس.. نحن بخير..

عشان كدا قلت ليك (زي البيتفهم منو..) لأنه حسيت انو المعنى دا ما بيشبهك.. بس لأنه الكلام جاء و فوق في أسماء الناس ديل فخفت يحصل خلط.. و حبيت أمنع الخلط دا من انو يحصل في ذهن أي قاريء لا تتوفر لديه المعلومة الصحيحة


شكراً لتوضيحك و إزالة اللبس..

نأمل أن ياتي الأستاذ/ بكري أبو بكر ببوست توضيحي يعكس الإلتزام بديمقراطية المنب