طيب بعدما الإنقاذ دي تفوت نجيب من وين مسؤولين تحف زي بتاع الموية ده ... مسؤول وجمهور وتعليق ..؟

الصورة للسيد مدير هيئة مياه ولاية الخرطوم
سيادته وفي معرض دفاعه المستميت عن إنقطاع المياه في بري والمناطق المجاورة أجاب قائلاً :

Quote: من جهته إتهم المهندس خالد حسن إبراهيم مدير هيئة مياه ولاية الخرطوم، جهات سياسية منظمة تقف وراء شح المياه، بإقفال الـ (بلوفة) في الشبكة، وقال حسن لـ (الرأي العام) عقب تظاهرة أهالي بري بسبب إنقطاع المياه، إن هنالك أيادٍ عابثة صاحبة غرض تفتعل الأزمة لإستغلالها سياسياً، وأضاف: أحضرنا (تناكر) مياه للأهالي ببري، لكنهم رفضوها، وأوضح أن المسؤولين بالأحياء أوضحوا له أن معظم المتظاهرين لا علاقة لهم بمنطقة بري

التعليق :

اللهم إنا لا نسألك رد القضاء ولكنا نسألك اللطف فيه

وبالتالي ومن هذا المنبر الشكر كل الشكر للجهات السياسية القائمة علي (بلوفة جنوب الخرطوم) أهو علي الأقل ما بنساهر زي ناس بري

مع قصة البلوفه دى فى بنات بجن راكبات رقشات
وشايلات موبايلات ..فبالله دى مهمة فى السيناريو ..
قصة ا لبنات دى بتشبه اسحق فضل الله...
الكيزان ديل يمين ما(بحطرموا) عقولنا ..

هههههههههههههههههههههههههههههه


انت جادي يا خضر ؟

لا لقفل البلف يامندسين
معا لمحاربة المندسين
بلف بلفنا بلف بلفكم بلف بلفكم يقدر يخر موية
لا للاندساس حتى فى تكساس

يانوريت
ازيك ياخ

أنا شاكي إنو القصة دي وارها إسرائييل

جادي


أنا برضو الجادي يامولانا ؟

والله الواحد ماعارف يسوي شنو ياخ أدعوا لينا بحسن الخاتمة

ازيك ياخ ازيك والله مشتاق ليك شديد
الناس ديل والله بي صراحة بقوا يبالغو بوليغ شديد



تحف يا محمدعبدالرحمن تحف ليس الا

أي نحنا نستاهل لكن والله ماقدر ده كمان

كامل التضامن معك يا مواطن

(تجمع البلوفاب) بالسعودية بنين


معا من اجل بلف لكل مبلوف

سعيد والله يامعاوية بتبرير مدير هيئة مياه ولاية الخرطوم
سعيد لأنه يعبر تماماً عن ما وصل بنا من مدلهمات الأمور
سعيد كونه بتبريره أيقن تماماً بأنا مجرد أمه علي أفرادها قنابير

ــــــــ
تجمع قنابير الداخل
عنهم خضر

Quote: أنا شاكي إنو القصة دي وارها إسرائييل

سلام يا خضر القصة الصحى وراها اسرائيل عملوا فيها شنو، والله فعلآ تحف ، طيب بالله اسأل التحف ديل البلف بتاع الرادارات القفلوا منو وخلا الطيارة تضرب وترجع من غير علمهم. غايتوا نقول سبحان الله وديل خلقوا وين.

يعني التناكر دي جابوها يفتحو بيها البلوفة ولا شنو!!!!



الزول ده موهلاته اكبر كتير من مجرد مدير مياه فترقبوه

البليف خضر

عطشتو أهلنا ؛)
___
بليف من بلف، بديلاً لرفيق ؛)

اوو اسامة ازيك ياخ

الشغلة جاطت يا صاحب والاختساسات كترت علينا
وكلهم مؤهلين لأيتها داهية

مودتي يارجل

قنابير البلد ذادت والله المستعان

Quote: إتهم المهندس خالد حسن إبراهيم مدير هيئة مياه ولاية الخرطوم، جهات سياسية منظمة تقف وراء شح المياه،

اخنا بتوع الاوتوبيس!!
بعدين القصة جابت ليها بلوفات
والله ياخدر ذكرتني البويبنا
لو حكيتا برفدوني من المنبر ده !!
احكيها؟!!

بلف سياسي



..
الحمدلله !!

بلف عدل ومساواة

سلام يا خضر
يعنى ناس المعارضة بقو يقفلو البلوفة و اللا شنو
الكيزان ديل اى حاجة ما قادرين عليها يرموها فى الجهات السياسية دى

هسى بتاع البلوفة دا وظيفتو شنو؟

(زمان في المدبغة كان في وظيفة "زِعِّيط" !!!)











... المهم ....

هسى بتاع البلوفة دا وظيفتو شنو؟

(زمان في المدبغة كان في وظيفة "زِعِّيط" !!!)











... المهم ....

الكوز مدير الموية لما جابو مدير ما كان عندو علاقة البتة بالموية

مهندس و صغير السن

المؤهلات

يضع صورة ابراهيم شمس الدين فوق رأسه

لماذا لا يدلى بهكذا حديث

اصلا هو بتاع سياسة ما بتاع موية

Quote: والي ولاية:بعد إزالة سينماء سنار...إني أتقرب إلى الله بعملي هذا

Quote: الصحة: وزارة العمل وافقت على إعادة تعيين«88» طبيباً مفصولاً

Quote: الحاج آدم:تجاوزنا وحدة الإسلاميين إلى توحيد السودانيين

Quote: طه: ليست هنالك بقرة مقدسة وسعيدون بالنقد في الإعلام

Quote: مجلس الوزراء يقر بتعذر الحصول على التمويل (الكلي) للمطار الجديد

و دى كلها برضو من البلوفه إياها ..
اللهم اكفينا شر البلوفة ..

قبلهم نميرى كان يقول مثل هذا الكلام الفارغ وكان يدعى ان الشيوعيين هم من يوقفون سياراتهم فى الطلمبات لكى يحرجوا ثورة مايو بان لا بنزين فى البلد وكان يقول ان المعارضة تشترى باموال القذافى وصدام حسين الخبز من المخابز وترميه فى المجارى لكى تجوع الشعب ..ولمينفعه هذا القول الساذج
اما ان يقول من بايع النميرى مثل هذا الحديث فلا يستغرب من منتسب لحزب فشل فى السلطة ويريد الان ان يحمل فشله على المعارضة وهو من لم يتعود منه الشعب غير الكذب وحتى ولو كان صادقا فلن يصدقه احد لان شعب السودان لم يتعود منهم غير الكذب والخداع ..
لوقال هذا المسؤول اتحمل نتيجة شح المياه واوضح بصراحة اين يكمن الخطا لساعده الجميع وتفهموا امره اما ان يستفز عقولهم بمثل هذا الحديث فلن يجد غير ما نراه هنا منكم ومن كل عاقل ووطنى شريف

تحياتى لك

خضر يا مندس بكون وراء الحكاية دى انت وجمهرة المندسين
مالقيتو اللا بلوفة ناس برى عشان تقفلوها
قاتلكم الله يا قفالين البلوفه..
انا من هنا وبلف طوالى ماداخل ولا بوست تانى..
حتى انفتاح البلوفه..
بالمناسبه قفيل البلوفه فى برى دى عنده علاقه بالانحباس الحرارى؟؟
مش فى محطة برى الحراريه؟؟
واللا داك وراهو جهات عليا؟؟..
عاش مدير البلوفه..
من الان فصاعدا عسكرى لكل بلف والنشوف واحد فيكم بلف بى هنا تانى..
انا خايف لا يشيلو البلوفه ياخضررررررررررررر،،،

اما راجل مسخرة بصحيح ....
صدقنا البلوفة قفلوها
طيب التناكر دى وديتها برى تسوى شنو ؟؟؟
مش الاسهل تقوم تفتح البلوفة المقفولة وتخلى الموية تصل الناس بلا تناكر ؟؟


غايتو

Quote: أنا شاكي إنو القصة دي وارها إسرائييل

الأخ خضر
صدقت .
فالمؤآمرة ليست وراها فقط اسرائيل والصهيونية العالميةانما كذلك الشيوعية الدولية والأمبريالية ممثلة فى حلف الناتو والحركة الشعبية وحركة العدل والمساواة فوق البيعة.
الموضوع كبير وماهين ياخضر.

سنحرسها صهريج.. صهريج ,,, ماسورة ماسورة ... بلف بلف ....

مليشيات المؤتمر الوطني



شي بلوفة وشي مخيخ علوي وشي ما عارف شنو.

Quote: لو حكيتا برفدوني من المنبر ده !! احكيها؟!!

والله يا خالد النكتة بترفد ويمكن تمرقك من أستراليا مبعداً.
لكن إنت أحكي نص وأنا باتمها
سجن سجن غرامة غرامة.