سفارة السودان بالسعودية ترحب بالاستثمارات السعودية بالبلاد

رحب الأستاذ عبدالحافظ إبراهيم محمد سفير السودان لدى المملكة العربية السعودية بالمستثمرين السعوديين، مشيراً إلى أن تسهيلات كبرى تُقدمها الحكومة السودانية للمستثمرين السعوديين الذين يقومون بتنفيذ مشاريعهم في السودان، لا سيما في مجال الاسثتمار الزراعي والأمن الغذائي.، وقال إن المجلس الاعلى للاستثمار بالسودان يمثل ضمانا للاستثمارات بالسودان
جاء ذلك في ختام الزيارة التي قام بها مؤخرا وفد ولاية نهر النيل برئاسة الوالى ، الفريق "م " الهادي عبد الله للمملكة العربية السعودية
واشاد سعادة السفير في تصريح لـ" سونا" بالعلاقات الثنائية بين المملكة والسودان في ظل قيادتي البلدين، مؤكدا أن المملكة شهدت طفرة كبيرة في ظل قيادة خادم الحرمين الشريفين الملك عبدالله بن عبدالعزيز لا سيما في مجال الأمن الغذائي وغيره من المجالات الحيوية، وقال إن السودان لديه موارد هائلة، خاصة في المجال الزراعي والثروة الحيوانية، بالإضافة لما يمتلكه من موارد مائية وأراضٍ خصبة، تساعد في دعم الأمن الغذائي العربي
وكان الوفد قد قام بزيارة إلى عدد من الشركات السعودية الكبرى منها شركة نادك وشركة أراسكو يرافقه السفير عبد الحافظ إبراهيم والأستاذ حسين سليمان كويا المستشار الاقتصادي للسفارة
وتشير وكالة السودان للأنباء إلى أن وفد ولاية نهر النيل الذي زار المملكة العربية السعودية ، برئاسة والي الولاية الفريق "م " الهادي عبد الله ، ضم كل من وزير الاستثمار والصناعة والسياحة والتعدين بالولاية الأستاذ عبد السلام محمد خير والأستاذ أحمد عثمان الأمين العام لوزارة المالية والأستاذ معتصم الطاهر مدير عام وزارة الاستثمار، والأستاذ رحمة عبدالسلام منسق الأراضي والمساحة

عليك الله يا غريبه قول كلام غير دا

الكلام دا ما بنطلي على رأس المال السعودي

والعقبات التى لاقتهم وهم عاجزين عن الفكاك منها ،،


العقبات إدارية بانو كل زول عاوز حقو من المسؤولين

وبشرية في مثلاك الراضي البيقولوا ليك أمشي رضيهم بي المال ..


الفساد خلى رؤوس الاموال تحجم عن السودان ،، في السعودية رأس المال اجبن من ######## ..



لو ما فارق الفساد الخدمة المدنية عليك امان الله يبقى جيتهم دي للعمره وزيارة الرياض

ومعالمها السمحة ( كبرج المملكة - والفيصلية - وإستاد الملك فهد)


انا بعرف صاحب مشروع موادو جلست في الميناء بورسودان اكتر من سنه بس في ضريبة القيمه المُضافه ....!


في مستثمر وبلد عاوزه الناس تجي تستثمر فيها يفرضو على مدخلات زراعه لمستثمرين ضريبة قيمة مُضافه ..؟

إنتو طايوق الناس دي بيجيبوهو من وين ..؟



يعني ناس الميناء لو ما دفعت ليهم موادكـ دي الجن الاحمر ما يمرقها ،، وناس الجماركـ لو ما دفعت ليهم

كان تبقى حاوي ما تمرقها منهم ،،

وعلى طول الطريق من بورسودان لي موقع مشروعكـ إنت تدفع للنقاط دي ،، تخيل لمن يقولوا لي مستثمر

دفعنا في الميناء والجمارك ونقاط التفتيش المبالغ دي موقفو حا يكون شنو ..؟

معناها لو جا مارق بي محصول حا يشيلو منو قدر كم ،،

ولو محصولو دا باعو وعاوز يودي قروش للبنوكـ الإستلف منها دي يمشي وين؟ والا يرجعها السعودية بالجنيه السوداني ...؟؟؟


يا قوم أليس فيكم رجل رشيد .. ؟؟