Post: #1 Title: محمد بدوي ابوصلاح. Author: سيف النصر محي الدين Date: 05-11-2011, 08:35 AM
زول فنان حتى النخاع. واصل يا زول، انت مشروع بدأت ملامحه في التشكل و في طريقه نحو الاكتمال. و بالله سجلني في رابطة المعجبين.
Post: #2 Title: Re: محمد بدوي ابوصلاح. Author: سفيان بشير نابرى Date: 05-11-2011, 08:43 AM Parent: #1
يا راااااااااااااااااجل
ــــــــــــــــــــــــ وحاة الله يا سيف لو ما خوتك كان قلته ليك مقولة دينق لود الباوقه .
تحت تحت سلام واشواق .
Post: #3 Title: Re: محمد بدوي ابوصلاح. Author: موسي عيسي Date: 05-11-2011, 08:48 AM Parent: #1
نفس الشعور والرغبة في الانضمام لناديه
Post: #4 Title: Re: محمد بدوي ابوصلاح. Author: سيف النصر محي الدين Date: 05-11-2011, 09:22 AM Parent: #3
يا سفيان اختشي.هههههههه الشاب ده الليلة سمعت ليهو عمل خاص و من الحانه هو شخصيا لو سمعتو حتغير رأيك.
Post: #5 Title: Re: محمد بدوي ابوصلاح. Author: سفيان بشير نابرى Date: 05-11-2011, 09:30 AM Parent: #4
تصدق بالله أني سمعتو الليلة للمرة التانية! لانو حلقة معادة . والعمل من اشعار تاج السر عباس واللحان محمد بدوي
يا سيف اصلو ما تحاول تقنعني .
ياخ كان قلته لي نجدي نديم كان ممكن نتفاهم .
Post: #6 Title: Re: محمد بدوي ابوصلاح. Author: HAIDER ALZAIN Date: 05-11-2011, 09:32 AM Parent: #4
الحمد لله الطلع ابو صلاح - بتاع بدور القلعة وجوهرها - كنت قايلك قاصد دكتور المذيعة الما بديعة
Post: #9 Title: Re: محمد بدوي ابوصلاح. Author: سيف النصر محي الدين Date: 05-11-2011, 10:50 AM Parent: #6
يا ود الزين شايفك اليومين ديل مهتم باللسانيات و ما عندك زمن لحاجة تانية.
Post: #11 Title: Re: محمد بدوي ابوصلاح. Author: HAIDER ALZAIN Date: 05-11-2011, 10:59 AM Parent: #9
ابداً يا دكتور - بقرأ بس- وليس المرء يولد عالماً ــــــــ نفك غلفة لساننا دي او كما قالت اللسانيات - ليس المرء يولد اغلفاً- برضو قيل ثم ماذا؟؟ - قال فوالدانهم إما غلفانه او اعربانه :)
Post: #7 Title: Re: محمد بدوي ابوصلاح. Author: طارق ميرغني Date: 05-11-2011, 09:32 AM Parent: #3
استمعت قبل قليل لمحمد ابو صلاح
في عمل خاص وجلي انه تطور كثيرا في الاداء
واتمني ان يستمر في تقديم الخاص بدلا عن اجترار اعمال جده
التي كوجنها وكواها الكثيرون
Post: #8 Title: Re: محمد بدوي ابوصلاح. Author: سيف النصر محي الدين Date: 05-11-2011, 10:47 AM Parent: #3
موسى عيسى يا واحد من اجدع ناس كيف الاحوال. و الشعور لازم يكون واحد كوننا ننتمى لنفس المدرسة الفنية. و للا كيف؟
Post: #10 Title: Re: محمد بدوي ابوصلاح. Author: سيف النصر محي الدين Date: 05-11-2011, 10:53 AM Parent: #8
Quote: في عمل خاص وجلي انه تطور كثيرا في الاداء
اها يا سفيان ده كلام ناس المزيكا ظاااتم. شكرا يا طارق ميرغني.
Post: #12 Title: Re: محمد بدوي ابوصلاح. Author: سيف النصر محي الدين Date: 05-11-2011, 04:58 PM Parent: #10
Post: #13 Title: Re: محمد بدوي ابوصلاح. Author: محمد البشرى الخضر Date: 05-11-2011, 05:19 PM Parent: #12
غايتو يا ابو السيوف انطباعي بعد سمعتو اول مرة زمان كان سلبي جدا كدي النعيد التقييم
Post: #14 Title: Re: محمد بدوي ابوصلاح. Author: محمد الكامل عبد الحليم Date: 05-11-2011, 05:37 PM Parent: #12
تحية يا دكتور شاكرين ان اهديت لنا نغما...علي فضاء (الجرح التاني كما اسماه تاج السر عباس)....سائلين عنك ومجبورين علي الجيرة....لانه(لا سلام منك وما منك تحية)...ان لم تنفع (زمالة) المنبر....
علي فضاء اللحن ايضا تاتيك تحياتي ومودتي...وطبعا لابد ان يكون محمدا قد اكتسب بعض الملامح الوراثية من جده المبدع ابو صلاح ومن والده الفنان رسما وتلوينا..لنتوقع ان يضيف وهو مسنود بتلكمو الكروزومات اذا صح الوصف او التعبير..
يحب الا يترك لمحاولاته اللحنية فقط انما يجب ان يتعهده الملحنون بالالحات المتوافقة مع مداه الصوتي وان يسند نفسه بالتعليم في مجال الفن الذي اختاره ه وهو قادر عليه بتكامل ما اشرت اليه...ويبتعد قدر الامكان من محاولة مجاراة ابو الامين اسلوبيا...انه فنان واعد..
لك الاحترام يا سيف
Post: #15 Title: Re: محمد بدوي ابوصلاح. Author: سيف النصر محي الدين Date: 05-12-2011, 01:14 AM Parent: #14
يا ود البشرى يبدو أن نبؤة صلاح ابودية في بوستك ذاك قد تحققت. المهم لو راجعت موقفك بالله ما تبخل برأيك.
Post: #16 Title: Re: محمد بدوي ابوصلاح. Author: Salah Abdulla Date: 05-12-2011, 05:33 AM Parent: #15
إزيّك يا دكتور .. عندنا زميلنا هنا (الصافي) ردّ الله غربته كان بيقول العديل راي والعوج راي دحين يا دكتور سيف ، نحن مانا قنعانين منك أسمع الزول ده مرتين ، تلاتة، وتعال أدينا النجيضة.
Post: #17 Title: Re: محمد بدوي ابوصلاح. Author: محمد بدوي مصطفى Date: 05-12-2011, 06:38 AM Parent: #16
تحية لهذا الفنان الشاب، الذي سلك نهج جده في التفرد بالحان جميلة قابلة للتقدم، وتقديم عمل من أعماله مع فرقة بديعة بها كبار العازفين: تحية لحاتم مليجي ولحذيفة والبقية. أرى بعض نفحات محمد الأمين في طريقة التقديم ووتناغم النسيج اللحني، وهذا يعزى، ربما، لتشبعه بعمالقة الفن المعاصر كوردي وعثمان حسين. لكن يجب الإشادة إلى صغر سنه وإلى إبداعيته ويا ليت السودان يلد مثله من مبدعي الفن الجاد.
فقط كون أتمني أن يكون العود مدوزن - بالذات وتر الصول، الري واللا نازلين تقريبا نصف درجة.