Post: #1
Title: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّراب"
Author: علاء الدين يوسف علي محمد
Date: 05-10-2011, 09:48 PM
Parent: #0
من سوء حظ المُتْنوضلين تواجدي ساعة الحدث قُرب معرض الخرطوم الدّولي
|
Post: #2
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: علاء الدين يوسف علي محمد
Date: 05-10-2011, 09:50 PM
Parent: #1
صورة طازة
و الفيديو في الطّريق
للمجموعة و الهُتافات
|
Post: #4
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: علاء الدين يوسف علي محمد
Date: 05-10-2011, 09:52 PM
Parent: #2
Quote: خاص سوداني نت: تظاهرت مجموعة من المواطنين بمنطقة بُرِّي اللاماب و بُرِّي الشّريف في المنطقة الواقعة شمال الفلل الرّئاسية بسبب إنقطاع المياه عن المِنطقة لثلاثة ليال مُتواصِلة حسب إفاداتهم، كاميرا "سوداني نت" كانت هُناك و رصدت وصول نائب الدّائرة بالمجلس التّشريعي عُمر بشير و الذي خاطب المُواطنين و طالبهم بالتزام الهدوء و كان في معيته مدير مياه الخرطوم الذي أجرى إتِّصالات عاجلة بمُهندسيه طالباً مِنهم الحُضور الفوري لحل المُشكلة، المواطنين كانت هُتافاتهم "دايرين water ولاّ نجوطا" و "الشّعب يُريد موية الشّراب" و صرّح مجموعة من شباب المنطقة لـ "سوداني نت" قائلين: "الكلام دة ليهو أكتر من كم يوم ، و مواسيرنا لو شغّلتا موتور تجيب طين ما بتجيب موية و الما عندو موتور الطين ذاتو ما بجيهو" و استفسرهم موقع "سوداني نت" عن كيفية بدء هذه التّظاهُرة فقالوا إنّها بدأت بشاب واحد كان يحمل "جركانة" فاضية منذر الرّابعة من عصر هذا اليوم و يطرق عليها وهو يجوب الشّوارع "عايزين موية .. عايزين موية" بعد ذلك إلتفت حوله مجموعة من نساء المنطقة ثُم تبعهم مجموعة الشّباب فقاموا بإغلاق الشّارع المُؤدي إلى معرض الخرطوم الدولي شمال الفلل الرّئاسية (تقاطع السّتين مع المعرض) كما أغلقو نهاية شارع بُري المعرض من جهته الشرقية المُؤديّة إلى دوّار جسر المنشية، و تواجدت مجموعة من قُوّات الشُّرْطة كانت تقوم بتهدئة المُواطنين، و لم ينتج عن هذه التّظاهرة أيّة أحداث عُنف أو إصابات.
من جهة أُخرى سألنا مجموعة من شباب المِنْطقة إن كانت لهذه التّظاهرة أي أبعاد سياسيّة فنفوا ذلك تماماً مُؤكّدين أنّها تظاهُرة سلمية لحقوقهم المشروعة في مياه الشُّرب، و أوضح عدد منهم أنّهم رصدوا عدد من الرّكشات وهي الوسيلة الوحيدة التي كانت قادرة على التّنقل وسط زُحام التّظاهُرة، و أفادوا بأن هذه الرّكشات أنزلت مجموعة من الشّابات الغريبات "حسب تعبيرهم" وقفن في مناطق طرفيّة من شوارع الحي قُبالة جُموع المُتظاهرين و بدأ في إجراء إتِّصالات هاتفيّة، فقامت مجموعة من شباب و نساء الحي بالتّحرك نحوهنّ لمعرفة من يكُن إلا أن المجموعة بكاملها إستقلت الرّكشات مرّة أُخرى وغادرت المكان، مُؤكّدين رفضهم التّام لأي تدخلات من أي جهة كانت تود تسييس قضاياهم المحصورة في إنقطاه المياه عن المِنْطقة |
تظاهُرة ليلية ومحدودة لشباب بري: "دايرين Water ولاّ نجوطا - و الشّعب يُريد موية الشّراب"
الخبر تم تحريره و رفعه من موقع الحدث و من وسط المُتظاهرين
|
Post: #3
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: معاوية عبيد الصائم
Date: 05-10-2011, 09:50 PM
Parent: #1
اها..البساط الطائر
جيت
|
Post: #5
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: معاوية عبيد الصائم
Date: 05-10-2011, 09:56 PM
Parent: #3
يازول امشى على الفلل...
|
Post: #6
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: محمد عبدالرحمن
Date: 05-10-2011, 10:02 PM
Parent: #3
وانت ياعلاء قائل الناس بتتظاهر ضد الحكومات (دايره الجنى ) .؟!
ماياها دى نوع المطالب البتسقط الانظمة ..الثورة السورية القدمت
800 شهيد حتى الآن بدات بكتابة اطفال مدارس على الجدران ..
وتطورت لمشاجرة داخل مركز بوليس فى درعه بين اولياء امور
الطلاب وعساكر المركز ..حتى وصل الامر الى ان تخرج كل
سوريا تطالب بتغيير النظام ..شفتا كيف انت ماقادر تستوعب
حتى الآن (ميكانيزما) الثورات ..لذلك تاتينا فى كل مرة
لتقول لنا انك كنت بقرب الحدث ..ومن ثم هاك ياسخرية
واستهتار ..دير بالك ياحبيب هذه الشعوب لاامان لها ..
وانتبه حتى لاتكون فى مجرى الطوفان ..حينها لاعاصم لك
من الغضب الشعبى ..لامؤتمر وطنى ولاشعبة اعلام الكترونى
ولاغيرو ...
|
Post: #7
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: فاروق عثمان
Date: 05-10-2011, 10:10 PM
Parent: #6
علاء الدين
حي في عمق الخرطوم وعلي مرمي امتار من النيل
لاتتوفر فيه مياه لثلاث ايام متتاليه,يخرج سكانه ليطالبو بالماء
كيف تقرأ هذا الشئ
حكومه مقصره لدرجة البؤس التي لا تستطيع توفير الماء لحي في عمق العاصمه ووسطها
وتتحدث عن تنميه وخدمات وغيرها,هذا ضرب لمصداقيتها وكشف لكذبها البائن.
ثورات مصر وتونس وسوريا بدأت مطلبيه وصغيره ومتفرقه ولكن سرعان ما علا هديرها وباتت كالطوفان
انها قوانين الثورات والتي يصعب معرفة كنهها وتفاصيلها وادواتها.
|
Post: #14
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: احمد محمد بشير
Date: 05-10-2011, 11:00 PM
هكذا يتسول المواطـن من اجل الماء في عاصمة البلاد!!
حكومة ليها 20 سنة ما قادرة توصل المياه!!
انا متأكد انو الفرج بعد شهـر 7 القادم وستزول
هذه الحكومة بعد موعد اعلان دولة الجنوب.
دي تسخينات بس .. التقيل جااااااي
بعد عشرين سنة ومازالت هذه المشاهد موجودة في بلادنا
الصور دي كلها من السودان, ومن العاصمة!!
|
Post: #8
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: الشفيع وراق عبد الرحمن
Date: 05-10-2011, 10:12 PM
Parent: #6
| Quote: لذلك تاتينا فى كل مرة لتقول لنا انك كنت بقرب الحدث |
المرة دي غلطان يا ود عبد الرحمن
علاء ساكن جنب (الحدث)
يا باشمهندس
رشهم
|
Post: #10
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: almogira alemam
Date: 05-10-2011, 10:14 PM
Parent: #8
راجين باقي الصور يا علاء
|
Post: #9
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: فتحي الصديق
Date: 05-10-2011, 10:14 PM
Parent: #6
| Quote: الكلام دة ليهو أكتر من كم يوم ، و مواسيرنا لو شغّلتا موتور تجيب طين ما بتجيب موية و الما عندو موتور الطين ذاتو ما بجيهو |
يحق لهم التظاهر ويحق لهم انهم يجوطوها ... الحيكومة قاعدة وين يا ربي ؟؟؟؟
|
Post: #11
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: ود الباوقة
Date: 05-10-2011, 10:18 PM
Parent: #9
المحيرني يا علاء
مسالة الكمدة بالرمدة بتاعتك دي
يعني ما من خبر مفبرك ومدسوس الا وفي لحظات
يطلع فشوش ..
اردم
اردمهم حتى يستغيثوا ...
|
Post: #12
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: علاء الدين يوسف علي محمد
Date: 05-10-2011, 10:29 PM
Parent: #3
Quote: اها..البساط الطائر
جيت |
خُمسة و خميسة من عين "مجموعة الدّاخِل"
|
Post: #13
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: Adil Hamza
Date: 05-10-2011, 10:56 PM
Parent: #12
Quote: يعني ما من خبر مفبرك ومدسوس الا وفي لحظات
يطلع فشوش ..
|
يا ود الباوقة ما فهمت تعليقك ده
شنو المفبرك و مدسوس
يقولو ليل الناس طلعو مظاهرة عاوزين موية
كمدة شنو و رمدة شنو
عادل
|
Post: #15
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: Amani Al Ajab
Date: 05-10-2011, 11:01 PM
Parent: #13
Quote: ا ود الباوقة ما فهمت تعليقك ده
شنو المفبرك و مدسوس
يقولو ليل الناس طلعو مظاهرة عاوزين موية
كمدة شنو و رمدة شنو
عادل |
|
Post: #16
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: علاء الدين يوسف علي محمد
Date: 05-10-2011, 11:07 PM
Parent: #15
إضغط لمُشاهدة فيديو الإحتجاجات
بالمُناسبة
الموية جات أملوا الباغات
خلاس نسيتوها؟
شباب لأجل "التّزوير" قالوا الهُتافات تحوّلت إلى
الشّعب يُريد إسقاط النِّظم
و الآن فقط عرفت لمن يتبعن بنات الرّكشات اللي تحدّث عنهُن الأهالي
عموماً الموية جات في بُرِّي ولم أُغادر الموقع لحدي ما الموية كبّت في مواسير البيوت
و النّاس رجعت بيوتا مبسوطة
وتوتة توتة إنتهت الحدّوتة
تصبحون على خير
|
Post: #17
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: عرفة محمد سعيد
Date: 05-11-2011, 00:39 AM
Parent: #16
Quote:
الموية جات أملوا الباغات
خلاس نسيتوها؟
|
بالله الزمن ده كــله انا قايلاها
الكهربا جات املوا الباغات هي اللتارينها الموية !!
Quote:
عموماً الموية جات في بُرِّي ولم أُغادر الموقع لحدي ما الموية كبّت في مواسير البيوت
و النّاس رجعت بيوتا مبسوطة
|
ياسلام عليك يا هميم
كونك ترجى الناس لحدي ما يرجعو بيوتهم مبسوطين وبتبسموا دي ما بتحصل الا من امير المؤمنين!
|
Post: #18
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: Elbagir Osman
Date: 05-11-2011, 02:00 AM
Parent: #17
شكرا علاء
كما عهدناك
تثبت أخبار المعارضة
والنضال ما شهدت به الأعداء
فقد أثبتت
قيام المظاهرات
وزمانها
ومكانها
وسببها
والمشاركين فيها
وكمان جبت صورما سكت عنه (كاللستك المحروق)
شكرا لا عدمناك
الباقر موسى
|
Post: #19
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: خالد العبيد
Date: 05-11-2011, 02:29 AM
Parent: #18
| Quote: تظاهرت مجموعة من المواطنين بمنطقة بُرِّي اللاماب و بُرِّي الشّريف |
حسب معرفتي بالمنطقة وجحورها
فان بري اللاماب هي نفسها بري الشريف!
واللاماب هي اقرب البراري لمجرى النيل
يا لها من فضيحة داوية
على العموم شكرا للاخ علاء على عدم مغادرته بري حتى عودة المياه الى مواسيرها
|
Post: #20
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: خالد العبيد
Date: 05-11-2011, 02:53 AM
Parent: #19
شاهدت الفيديو قبل قليل
التظاهرة كبيرة ويمكن ان تتوسع
فالتحذر حكومة القتل والدمار آل البراري
فقد فعلوها من قبل ولهم تجارب عظيمة في الانتفاضات الشعبية
|
Post: #21
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: MOHAMMED ELSHEIKH
Date: 05-11-2011, 05:37 AM
Parent: #20
Quote: المرة دي غلطان يا ود عبد الرحمن
علاء ساكن جنب (الحدث) |
يعني علاء رحل من جيرتنافي شارع 1؟
|
Post: #22
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: مريم بنت الحسين
Date: 05-11-2011, 06:16 AM
Parent: #21
| Quote: عموماً الموية جات في بُرِّي ولم أُغادر الموقع لحدي ما الموية كبّت في مواسير البيوت |
بيني وبينك يا علاء... يستاهلوا... كان رجعوا بيوتهم ورضوا بكده... يستاهلوا تقعدوا فوق راسنا تاني خمسين سنة.. قبل كده طلعوا مظاهرات عشان إشارة مرور، وحسي طلعوا عشان الموية قطعت وبعد جات، حريقة في كومة المشاكل المالية البلد...
مشكلة الموية دي ما جديدة... أنا عايشتها سنة 1994 لما قعدنا في السودان لمدة سنة في المغتربين بحري، والموتور بتاعنا كان بجيب لينا زي الطين ده.. وبعداك جبنا صهريج حل المشكلة جزئياً.. بقينا نخزّن فيه المويه... الحكومة في "وقت رخاءها" ما حلّت المشكلة دي... والناس في عاصمة مقرن النيلين عطشانه... هل تفتكر دي فضيلة.. وهل تفتكر انه كونه بعداك "المهندسين" يجيبوا الموية عشان الناس هاجت، دي فضيلة... دي عيبه ... ووصمة عار... لأنه ما برّي براها عطشانه.. !
سيظل الشعب السوداني يعاني من مشكلة الlocal variable... (حقوق المصطلح لزميل دراسة)! وخلي الانفصال يتم شهر سبعة، وبعداك الانقاذ حترجع أسوأ من سنينها الأولى.. لانه المرّه دي، قادتها استمرأوا "البلع" واكل حق الناس...
مهمّتك صعبة يا علاء، الله يعينك... مافي أصعب من التبرير لحكومة زي دي!
|
Post: #25
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: علاء الدين يوسف علي محمد
Date: 05-11-2011, 07:52 AM
Parent: #21
| Quote: يعني علاء رحل من جيرتنافي شارع 1؟ |
هو إنتو جيرتكم بتتفات؟
عدد من أهلي في منطقة بُرِّي و ناصر
بعدين يا ود الشّيخ إنت قايل جسر المنشية عمل فرِق ما بين البراري و شرق النيل؟
بقت على مرمى حجر بس
|
Post: #24
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: علاء الدين يوسف علي محمد
Date: 05-11-2011, 07:34 AM
Parent: #20
مرحبتين يا خالد العبيد
ذات المناطق شهِدت تظاهُرات ليليّة قبل أيّأم قلائل
لكِن كُلّها تجدها محصورة في مطالب لا علاقة لها بالسّياسة
ونظم التّعامل معها من الدّولة يكون الحل السّريع بكُل حسم
و ما أجمل أن يُصوِّب المُواطِن حكومته ودولته إن هي أخطأت في شئ أو لم تُحسِن معالجة أمر ما
|
Post: #23
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: علاء الدين يوسف علي محمد
Date: 05-11-2011, 07:12 AM
Parent: #17
Quote:
ياسلام عليك يا هميم
كونك ترجى الناس لحدي ما يرجعو بيوتهم مبسوطين وبتبسموا دي ما بتحصل الا من امير المؤمنين! |
يا سلام عليك يا هميمة إنت
ذكّرتيني رابحة الكنانيّة
أو فلنقُل مهيرة بِنت عبُّود
و أنت تتظاهرين مع أهلك الغُبُش من على البُعد "إسفيرياً" وهذا لعمري من أنبل أنواع المُشاركة و التّضامُن بالطّبع
مأجورة إن شاء الله
و إن شاء الله بعد تنقلِب تعالي ندّيك رئيسة إتِّحاد المرأة العاملة
ويسقُط يسقُط نِظام الجّبهة
|
Post: #26
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: عرفة محمد سعيد
Date: 05-11-2011, 11:31 AM
Parent: #23
Quote:
ذكّرتيني رابحة الكنانيّة
أو فلنقُل مهيرة بِنت عبُّود
و أنت تتظاهرين مع أهلك الغُبُش من على البُعد "إسفيرياً"
|
نسبة لأني اجهل حكاية "امكانية معرفة مكان الشخص الاسفيري عن طريق الآي بي" لذلك تجدوني مبهورة من مقدرات امير المؤمنين الفائقة ويا ربي عرف كيف اني مناضلة من على البعد ؟؟!!
معناها يا بت احسن تخافي وتترعبي
طبعا انا خايفة ومذعورة 
الليلة مهيرة بت عبود بكرة مين عارف كدروكه او اجنبية وحاجات انتي اسمى منها ...
لذلك ح الزم الصمت طمعا في منصب امينة بيت مال اتحاد المرأة العاملة
وعاش عاش امير المؤمنين
يا اهل الخير كدي واحد من المطبلاتية ديل يسلفني طبلة (وش مرعوب)
|
Post: #27
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: علاء الدين يوسف علي محمد
Date: 05-11-2011, 11:36 AM
Parent: #26
Quote:
يا اهل الخير كدي واحد من المطبلاتية ديل يسلفني طبلة (وش مرعوب) |
رابحة الكنانيّة
أعجب ان كيف يبحث المرء عن نفسه!؟
ودُقِّي دُقِّي يا دلّوكة
|
Post: #28
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: عرفة محمد سعيد
Date: 05-11-2011, 11:38 AM
Parent: #27
هي لله
هي لله
|
Post: #29
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: علاء الدين يوسف علي محمد
Date: 05-11-2011, 11:41 AM
Parent: #28
سقطت سقطت يا كيزان
|
Post: #30
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: عبود عبد الرحيم
Date: 05-11-2011, 11:41 AM
Parent: #27
سلام يا علاء
صورة
وصوت
وقلم
ما خليت ليهم درب يمرقوا بيهو
عفيت منك يا علاء الدين
|
Post: #31
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: علاء الدين يوسف علي محمد
Date: 05-11-2011, 11:44 AM
Parent: #30
كنت أود أن أكتفي ببعض ذلك فقط يا أُستاذ عبُّود
ما كنت قايل في ناس ما بتختشي للدرجة دي
قالوا الهُتافات كانت "الشّعب يُريد تغيير النِّظام"
|
Post: #32
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: Nagat Sid Ahmed Elshiekh
Date: 05-11-2011, 03:20 PM
Parent: #31
Quote: عموماً الموية جات في بُرِّي ولم أُغادر الموقع لحدي ما الموية كبّت في مواسير البيوت
و النّاس رجعت بيوتا مبسوطة
وتوتة توتة إنتهت الحدّوتة
|
سلام يا علاء ياخى أنا ساكنة أمبدة والموية قاطعة ليها عشرين سنة بتجى باليل بس ،الحدوتة بتاعتك دى ح تبداء الشهر الجاى من منطقة أم درمان الفقيرة ، تنبيه أحزروا غضب الفقراء،
تعال موقع أمبدة وما تغادرو لحدى ما الموية تجى كمان ونكون مقدرين جهدكم الخاص بالمناطق المجاورة للفلل والخوف من كسير أبواب القزاز،
مدد يا أهل برى تلحقونا وتنجدونا ، ومويتنا تبقى كابة اليوم كلو من غير انقطاع، وهى للشرب ما للجاه.
|
Post: #33
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: علاء الدين يوسف علي محمد
Date: 05-11-2011, 03:39 PM
Parent: #32
كان تجي مع ناس الرّكشات
تعملي "مدد" جدجد
وديل أنحنا القالوا فُتنا و قالوا مُتنا و عييييييييييييييييييك
|
Post: #34
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: سيف النصر محي الدين
Date: 05-11-2011, 04:51 PM
Parent: #33
| Quote: عييييييييييييييييييك |
علاء الدين مركبا مكنة بشاشا.
|
Post: #35
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: musadim
Date: 05-11-2011, 05:45 PM
Parent: #34
المطبلاتي الصغير
الشعب دا حيكنس ###### أسيادك القتلة النهابين ديل عما قريب
وقتها إنت حتتدسا وين أيها المرتزق الجهلول
|
Post: #36
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: ود الباوقة
Date: 05-11-2011, 05:48 PM
Parent: #35
مصدوم
حمد لله على سلامتك
|
Post: #37
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: musadim
Date: 05-11-2011, 06:04 PM
Parent: #36
الله لا سلمك ولا سلم اي هتيف جهلول على شاكلتك
يا تبع اللي تبعو
|
Post: #39
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: ود الباوقة
Date: 05-11-2011, 06:08 PM
Parent: #37
| Quote: الله لا سلمك ولا سلم اي هتيف جهلول على شاكلتك |
مستخبي خلف الاسم يا خايب الرجا وتشتم في خلق الله
يا لك من مصدوم تعيس
|
Post: #38
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: علاء الدين يوسف علي محمد
Date: 05-11-2011, 06:08 PM
Parent: #36
ود الباوقة
عليك الله شوف لي حراج "عفيف" لو تلقى لي فيهو "تصادُم" هنتر سكند هاند
ياخي ما تشتغل بالفارغة
دي كائنات لا تستحق عناء الرّد
خلِّيهو يجلبغ
يقِل أدبو
رسالة لبكري لكنس عفنو
و إنتهى الموضوع
|
Post: #40
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: musadim
Date: 05-11-2011, 07:33 PM
Parent: #38
لعاق الأحذية
والله مش تعمل فيها إعلامي ألكتروني للعصابة الحاكمة
والله آخرتا الكيزان يجدعوك في أقرب مكب لأنو هم عارفين الزيك مجرد مرتزق لا مبدأ له ولا فكره وبيستخدموا عينتك دي زي قطعة الغيار الصيني
يعني بكره ممكن نلقااك بتهتف مع المعارضة بدو ن ادنى إحساس زي الإنتهازي الصفيق عمرو لأنو الحكاية أكل عيش وبس
أما تبعو اللي تبعو فدا مجرد ذيل لذيل
|
Post: #41
Title: Re: من موقع الحدث تظاهرة شباب بُرِّي: "دايرين Water ولاّ نجوطا - و الشّعب يُريد موية الشّر
Author: ود الباوقة
Date: 05-11-2011, 08:04 PM
Parent: #38
Quote: دي كائنات لا تستحق عناء الرّد
خلِّيهو يجلبغ
يقِل أدبو |
فعلا يا علاء
دعه يجلبغ كالكانكيج في الماء الآسن
زي النوعية دي الرد عليه مسخرة ومضيعة زمن
|
|