Post: #1
Title: بيان مشترك بين الحركة الشعبية في شمال السودان وحزب المؤتمر الشعبي
Author: Nazar Yousif
Date: 05-09-2011, 07:58 AM
بيان حول زيارة
الوفد الشعبي المصري للسودان
لا شك ان زيارة الوفد الشعبي المصري للسودان لها دلالاتها بعد ثورة 25/ يناير الشبابية الشعبية التي اطاحت بحكم الفرد والحزب الواحد في مصر الشقيقة ، كما ان الزيارة تأتي في وقت يتطلع فيه كل العالم الي التغيير والتحول الديمقراطي خاصة في كثير من الدول العربية والافريقية وكذلك للزيارة أهميتها الكبري في اتجاه التفاهمات الاستراتيجية والمستقبلية مع كل القوي السياسية السودانية الفاعلة بما يحقق المصالح المشتركة إلا ان حزب المؤتمر الوطني الحاكم أراد ان يختزل تلك الزيارة في شخص حزبه وخياراته من القوي السياسية الاخري وقام بعزل قوتين مؤثرتين في السياسية السودانية هما الحركة الشعبية في دولة شمال السودان وحزب المؤتمر الشعبي مما يخل بأصول التعامل السياسي والوطني الذي يهدف الي التطور الديمقراطي الشفاف في بلادنا .
إننا نحي ثورة 25/ يناير ونحي الوفد الشعبي المصري الزائر مؤكدين علي أهمية وإستراتيجية العلاقة والتعاون مع دول حوض النيل علي طريق تحقيق المصالح المشتركة ما بين السودان ومصر وبما يحقق الاستقرار والنماء الاقتصادي .
محمد المعتصم حاكم كمال عمر
ع/الحركة الشعبية شمال السودان ع/ حزب المؤتمر الشعبي
الاحد : 8/ مايو /2011م
|
Post: #2
Title: Re: بيان مشترك بين الحركة الشعبية في شمال السودان وحزب المؤتمر الشعبي
Author: EMU إيمو
Date: 05-09-2011, 08:06 AM
Parent: #1
| Quote: إننا نحي ثورة 25/ يناير ونحي الوفد الشعبي المصري الزائر |
|
Post: #3
Title: Re: بيان مشترك بين الحركة الشعبية في شمال السودان وحزب المؤتمر الشعبي
Author: وليد محمد المبارك
Date: 05-09-2011, 08:10 AM
Parent: #2
بت ال###### الشعير
دحين حزب المؤتمر الشعبي ده موش ياه بتاع شيخ الترابي عراب الانقذا ولا واحد تاني ؟؟؟!!
موش ياه الحزب حتى العام 1998 م كان يقاتل في احراش الجنوب ويقولون عن ناس الحركة الشعبية
المتمردين الصليبيين الانجاس
ولا واحد تاني
انعل ابو السياسة
|
Post: #4
Title: Re: بيان مشترك بين الحركة الشعبية في شمال السودان وحزب المؤتمر الشعبي
Author: بشير أحمد
Date: 05-09-2011, 08:14 AM
Parent: #3
| Quote: ع/الحركة الشعبية شمال السودان ع/ حزب المؤتمر الشعبي |
هييع ...
لا لدنيا قد عملنا؛
عفيت ليك تب ياشيخ حسن.
|
Post: #5
Title: Re: بيان مشترك بين الحركة الشعبية في شمال السودان وحزب المؤتمر الشعبي
Author: Nazar Yousif
Date: 05-09-2011, 08:26 AM
Parent: #4
الأخ وليد محمد المبارك
صباح الخير والقومة ليك يا وطن
نعم هو نفس الحزب ، ونفس قيادات انشقاق
الناصر التى قتلت الرفاق راجعت مواقفها وعادت
الى الحركة الشعبية . وبدلا من أن نلعن الظلام فلنضئ شمعة .
|
Post: #6
Title: Re: بيان مشترك بين الحركة الشعبية في شمال السودان وحزب المؤتمر الشعبي
Author: ود الباوقة
Date: 05-09-2011, 08:31 AM
Parent: #5
مافي حاجة اسمها الحركة الشعبية قطاع الشمال
بانفصال الجنوب يكون كل زول في مكانو
من اراد ان يناصر الحركة الشعبية او يتبنى طرحها
عليه ان يسافر اليها في جوبا
كما ننوه الا ان معظم من يتبنون خط الحركة من الشماليين
يقيمون خارج الوطن
يعني جقلبة وبطبطة خارجية
ما عندها لزوم
|
Post: #7
Title: Re: بيان مشترك بين الحركة الشعبية في شمال السودان وحزب المؤتمر الشعبي
Author: فتحي البحيري
Date: 05-09-2011, 09:34 AM
Parent: #6
فليظل هذا البوست عاليا حتى ذهاب نظام الانقاذ النتن إلى مذبلة التاريخ
|
Post: #8
Title: Re: بيان مشترك بين الحركة الشعبية في شمال السودان وحزب المؤتمر الشعبي
Author: طارق عبد اللطيف نقد
Date: 05-09-2011, 09:47 AM
Parent: #7
Quote: مافي حاجة اسمها الحركة الشعبية قطاع الشمال
بانفصال الجنوب يكون كل زول في مكانو
من اراد ان يناصر الحركة الشعبية او يتبنى طرحها
عليه ان يسافر اليها في جوبا |
هل هذا ما يسمى فى علم الفيزياء باحلام اليقظة
|
Post: #9
Title: Re: بيان مشترك بين الحركة الشعبية في شمال السودان وحزب المؤتمر الشعبي
Author: دينا خالد
Date: 05-09-2011, 10:45 AM
Parent: #8
هسه دا بيان يصدرو حزبيييين !!!
وهو الوفد البقابل الحكومة وراس النظام وبحوم وبتجول
على نفقة الحكومة .. دا وفد شنو ودى ثورة شنو ؟؟
البيان مباشرة كان يدين سلوك الوفد
والرساله التى كان يريد ايصالها هذا الوفد الهزيل
بدل ما يبكى على انو فطوهم ..
دا وفد من الواضح انه كان فى يد الحكومة تماما ..
وما بخلوه يصل الناس الما دايرنهم ..
اها دا مش وفد حكومى !! بالله دايرين بزيارتو شنو ؟
الحركة الشعبيه دى مافى حاجة جايباها ورا
الا ظنها انو السياسة دى ما بتمارس الا بطريقة الاحزاب
القديمة دى .. وتخلى قصتها كلها مقابلة وفود ووهمات بعيده
عن علاقتها بجماهيرها .. وبعيد عن قضاياها الاساسية
ودى فقط ال ح تديها وزنها الحقيقى ..
وليس الدخول فى هذا الجلباب البالى المهترى لممارسة نفس السياسة
ــــــــــــــــــــــــ
حد يصحىىىىىىىىىىىى دكتور جوووون !!!
|
Post: #10
Title: Re: بيان مشترك بين الحركة الشعبية في شمال السودان وحزب المؤتمر الشعبي
Author: مريم بنت الحسين
Date: 05-09-2011, 10:48 AM
Parent: #9
يا حليل د.جون يا دينا يختي....
| Quote: ع/الحركة الشعبية شمال السودان ع/ حزب المؤتمر الشعبي |
والله ديل ما اخت يدّي في يدّهم لو كان شنو داك!... المؤتمر الشعبي!!! هو احنا بلا الترابي ده الجايب لينا الكفاوي منو!؟
|
Post: #11
Title: Re: بيان مشترك بين الحركة الشعبية في شمال السودان وحزب المؤتمر الشعبي
Author: Nazar Yousif
Date: 05-09-2011, 11:54 AM
Parent: #10
والباوقة
ما بين 9 مايو و 9 يوليو
أحداث ستهز مناصرى الفساد والاستبدا
وتابعنا من الجبال وحتى شوارع الأسفلت .
|
Post: #12
Title: Re: بيان مشترك بين الحركة الشعبية في شمال السودان وحزب المؤتمر الشعبي
Author: Nazar Yousif
Date: 05-11-2011, 08:31 AM
Parent: #11
الأخت دينا خالد
هناك رسالة أرسلت
ولوشئنا لأصدرنا قطعة أدبية .
مع تقديرى
|
|