Post: #1
Title: عايز ابقى غسال
Author: محمد إبراهيم علي
Date: 05-08-2011, 09:45 PM
Parent: #0
طبعا غسال اموال عشان اخد نصيبي من الثروة السلطة خليتا ليكم
|
Post: #2
Title: Re: عايز ابقى غسال
Author: محمد إبراهيم علي
Date: 05-08-2011, 09:46 PM
Parent: #1
حجم الغسيل القالو مدور في العالم هو 3 ترليون دولار
|
Post: #3
Title: Re: عايز ابقى غسال
Author: محمد إبراهيم علي
Date: 05-08-2011, 09:47 PM
Parent: #2
| Quote: قال رئيس الاتحاد الدولي للمصرفيين العرب جوزيف طربيه ان حجم الأموال المغسولة سنويا تقدر بنحو 3 تريليونات دولار سنوياً، وهي تعادل ما لا يقل عن 5% من إجمالي الناتج العالمي و8% من حجم التجارة الدولية. |
|
Post: #4
Title: Re: عايز ابقى غسال
Author: معاوية عبيد الصائم
Date: 05-08-2011, 09:51 PM
Parent: #3
المؤهلات ...ممكن
|
Post: #5
Title: Re: عايز ابقى غسال
Author: معاوية عبيد الصائم
Date: 05-08-2011, 09:53 PM
Parent: #4
ما قصرت تب
|
Post: #7
Title: Re: عايز ابقى غسال
Author: معاوية عبيد الصائم
Date: 05-08-2011, 09:55 PM
Parent: #5
من اى كوكب صاحب البوست
يابكرى اصحى لطموح هولاء الغرباء
|
Post: #6
Title: Re: عايز ابقى غسال
Author: محمد إبراهيم علي
Date: 05-08-2011, 09:54 PM
Parent: #4
مؤهلات غسالي الاموال في السودان
علاقات نافذة جدا
ذمة اوسع من ذمة الكيزان الببكو على بن لادن بعد ما اكلو قروشو وطردو
|
Post: #8
Title: Re: عايز ابقى غسال
Author: معاوية عبيد الصائم
Date: 05-08-2011, 09:58 PM
Parent: #6
Quote: ذمة اوسع من ذمة الكيزان الببكو على بن لادن بعد ما اكلو قروشو وطردو
|
اقاموا صلاة الغائب فهى اهم من اموال الغائب
واسال عبد الباسط حمزه والله اعلم
اريتك طيب
|
Post: #9
Title: Re: عايز ابقى غسال
Author: محمد إبراهيم علي
Date: 05-08-2011, 10:01 PM
Parent: #6
قبل عامين في السودان وانا في اجازة اخذني صديقي للقاء احد الغسالين (طلع في الحقيقة مساعد مساعد مساعد الغسال)
سمعت ارقام لمن خفت شي باليورو وشي بالدولار وما اتكلم بالجنيه ابدا
قال ممكن يمول استيراد حديد من اوكرانيا ومعدات طاقة شمسية من المانيا وقمر صناعي من الصين وسلاح من بلغاريا باختصار الراجل ما خلى لينا حتة نزوغ بيها
يقول لينا انتو جيبو البزنس وحددوا البضاعة وانا جاهز من مليون لي عشرة مليون
طبعا اخوك حكاها معاهو للدين قلت ليهو القروش دي من وين
قال لي ده تمويل من الاتحاد الاوروبي لووووول
يالنبي نووووووح الاتحاد الاوروبي مرسل لي انا وصاحبي الماعندو التكتح ده مندوب يقابلنا في السوق العربي جنب ست شاي
|
Post: #10
Title: Re: عايز ابقى غسال
Author: محمد إبراهيم علي
Date: 05-08-2011, 10:03 PM
Parent: #9
يا صايم الغسيل المدور في السودان لو اتوزع بعدالة بكرة كلنا بنبقى كيزان لوووووول
|
Post: #12
Title: Re: عايز ابقى غسال
Author: محمد إبراهيم علي
Date: 05-08-2011, 10:07 PM
Parent: #10
مزرعة سعر الفدان بيكون 5 مليون يجي واحد يدفع فيهو 10 مليون
بيت في الرياض مثلا سعرو مليار تحصل منافسة وهمية كدة وتلقى سعر البيت طار لي 3 او 4 مليار
اسعار الارضي التي ترتفع يوميا وبمتوالية هندسية وبدون سبب مع انو الاراضي في السودان وبالحالة الهو عليها دي تنزل مش تطلع
|
Post: #11
Title: Re: عايز ابقى غسال
Author: معاوية عبيد الصائم
Date: 05-08-2011, 10:07 PM
Parent: #9
Quote: طبعا اخوك حكاها معاهو للدين قلت ليهو القروش دي من وين
|
نصيحة لوجه الله والوطن المامعروف
قضى الاجازة واستلف وحاول سدد
بدون (خرمجة) ودع الخلق للخالق
كما يقول الصادق الامين ود الباوقة
ايها الحــــــــــــــــــــــــــــــــاقد
|
Post: #13
Title: Re: عايز ابقى غسال
Author: محمد إبراهيم علي
Date: 05-08-2011, 10:09 PM
Parent: #11
| Quote: قضى الاجازة واستلف وحاول سدد |
الكلام ده حصل فعلا استلفنا وسددنا وجينا على غربتنا دي
|
Post: #15
Title: Re: عايز ابقى غسال
Author: ود الباوقة
Date: 05-08-2011, 10:15 PM
Parent: #13
| Quote: الكلام ده حصل فعلا استلفنا وسددنا وجينا على غربتنا دي |
كنكش في الغربة دي كويس
احسن ليك من الغسيل ..
مودتي ود ابراهيم
|
Post: #17
Title: Re: عايز ابقى غسال
Author: معاوية عبيد الصائم
Date: 05-08-2011, 10:17 PM
Parent: #15
Quote: احسن ليك من الغسيل ..
|
غسال وطنى........وشكرا.............
|
Post: #14
Title: Re: عايز ابقى غسال
Author: معاوية عبيد الصائم
Date: 05-08-2011, 10:12 PM
Parent: #11
اطالب بكرى ابوبكر بطرد صاحب البوست بلا رجعة
حفاظا على التماسك الاقتصادى الوطنى
من اين ياتى بكرى بهكذا اشكال .......
كامل التضامن مع (المكوجى) الافرنجى
|
Post: #16
Title: Re: عايز ابقى غسال
Author: محمد إبراهيم علي
Date: 05-08-2011, 10:16 PM
Parent: #14
انت عارف البوست ده لو جاب لي وظيفة غسال اها بعداك اناحاشتري البورد ده و بطرد ليك بكري ذاتووو لوووووول
|
Post: #18
Title: Re: عايز ابقى غسال
Author: حسبو عكاشة
Date: 05-08-2011, 10:32 PM
Parent: #16
و البقطعها منو ؟
واحد صاحبنا كان شغال في صرافة في الخرطوم
بعد فترة بنك السودان قفل الصرافة ,قال سيدها بتاع غسيل اموال
صاحبنا اتعطل
قال لينا: عليكم الله شوفو الراجل الما بختشي دا, نحن هدومنا ما قادرين نغسلا و هو بغسل في القروش
|
Post: #19
Title: Re: عايز ابقى غسال
Author: مرتضى احمد عبد القادر
Date: 05-08-2011, 10:34 PM
Parent: #16
الترليون دا فيهو كم صفر
البلد دي من كترت الغسيل إتهردت
|
Post: #20
Title: Re: عايز ابقى غسال
Author: Amira Elsheikh
Date: 05-08-2011, 10:50 PM
Parent: #19
يا باشمهندس عليك الغسيل وعلينا المكوة والنبي كان تقول حاجة .....
بس اطرد لينا حسبو ومورتا ديل من دكان الغسيل شان جواطين شديد
|
Post: #21
Title: Re: عايز ابقى غسال
Author: Abdelmuhsin Said
Date: 05-09-2011, 01:37 AM
Parent: #20
| Quote: طبعا غسال اموال عشان اخد نصيبي من الثروة السلطة خليتا ليكم |
بالمناسبة ما هو الحكم الشرعي لغسيل الاموال؟ أحلال هو ام حرام؟
سؤال جاد.
|
Post: #22
Title: Re: عايز ابقى غسال
Author: محمد إبراهيم علي
Date: 05-09-2011, 05:06 AM
Parent: #21
| Quote: قال لينا: عليكم الله شوفو الراجل الما بختشي دا, نحن هدومنا ما قادرين نغسلا و هو بغسل في القروش |
صاحبك يا حسبنا طلع داقس
وفي الغالب الاعم بيكون برسلو يجيب الصابون
وهو ما جايب خبر انو الصابون ده للغسيل
وطبعا بعد داك بدوهو الغسيل يشرو وبرضو
|
Post: #23
Title: Re: عايز ابقى غسال
Author: محمد إبراهيم علي
Date: 05-09-2011, 05:09 AM
Parent: #22
| Quote: كنكش في الغربة دي كويس |
ود الباوقة سلام
ياخي النفوس لو اتطايبت كلنا برنجع اهلنا
لكن معاشر الغسالين ديل طماعين
|
Post: #24
Title: Re: عايز ابقى غسال
Author: محمد إبراهيم علي
Date: 05-09-2011, 05:15 AM
Parent: #23
| Quote: الترليون دا فيهو كم صفر |
12 صفر يا مورتا
شفت الغسالين ديل محمولين كيف ؟
|
Post: #25
Title: Re: عايز ابقى غسال
Author: محمد إبراهيم علي
Date: 05-09-2011, 05:20 AM
Parent: #24
Quote: يا باشمهندس عليك الغسيل وعلينا المكوة والنبي كان تقول حاجة .....
بس اطرد لينا حسبو ومورتا ديل من دكان الغسيل شان جواطين شديد |
حسبو ومورتا يا اميرة باي ديفولت مطرودين
مورتا ما بعرف الترليون فيهو كم صفر
وحسبو صاحبو الغسيل كان بيتم تحت عيونو وما جايب خبر
بالله جهزي لي اخوك الجناح الرئاسي في الريتز لو اتوفقنا في البوست ولقينا كم هدمة كدة غسلناهم
|
Post: #26
Title: Re: عايز ابقى غسال
Author: محمد إبراهيم علي
Date: 05-09-2011, 05:23 AM
Parent: #25
| Quote: بالمناسبة ما هو الحكم الشرعي لغسيل الاموال؟ أحلال هو ام حرام؟ |
في مقولة بتقول (لا تستفتو اهل مصر في الدخان ولا اهل الشام في اللحى ولا اهل نجد في البيوع )
وبنضيف ليها لا تستفتو المفلسين في الاموال لووووول
بشكل جاد : اصل هذه الاموال نشاطات غير شرعية (مخدرات ، فساد ، تجارة رقيق ابيض ، سلاح ، ومالى ذلك )
اعتقد ان هناك فتاوى تحرم مثل هذه الانشطة على جميع المذاهب
|
Post: #27
Title: Re: عايز ابقى غسال
Author: محمد مصطفي مجذوب
Date: 05-09-2011, 06:32 AM
Parent: #26
الاخ الكريم محمد ابراهيم علي
تحياي الحاره وتعاطفي معك .
حليلك يا النايم علي حيلك ...حكاية غسال طشت وجردل وحبل ده بقت ما بتخارج يا زميل. الغسيل مما جميعو حتي اكان عملت ليك لوندري صناعي من نوع 
بقي ما بخارج . انت داير ليك Money (Banknotes) Printing Line .زي القالوا ( الله يكفينا شر قلنا وقالوا ) ناس دكتور فلان وناس شيخ علان داسنها عندهم في البدرون.
وعشان نساعدك النوريك مكوناتوا offset Printing, Intaglio Printing,Screen Printing, Foil Stripe Application, Typographic Numbering, Protective Varnishing, Automatic Finishing , وبعد كدي تقعد انت والمدام والعيال تطبعوا علي (دين) كيفكم مافي زول يقول ليكم تلت التلاته كام ...وبالمره ما بتحوج بت القبايل حرمكم المصون .. تتقعد زي ما عملت المسكينه البعلها الكريم لهف ليهو 165 مليون بس حوافز علي الرغم من انو وزعها علي الناس يا عيني ..الناس ما رحمتو ..ناقه شعيرو خلو البنيه تطلع من طورها وتسل قلمها تتفرش وتنبرش وتترجي في القايم بي جماعتو عشان يشوف (رجالو وين ..) الرجاله تطير اكان حريم الرجال بقن هن اللابسات البناطلين .. وبنات الناس البلبسن بناطلينهن ستره وصلحه ..يجقدوهم (علي قول اهل الغرب) الناس
اما انت يا اخونا عبدالمحسن سعيد ...الله يديك العافيه زاكي لي | Quote: [ الحكم الشرعي لغسيل الاموال؟ أحلال هو ام حرام؟ |
. الموضوع ومافيهو يا ودسعيد انه حلال علي بلابل الدوح وحرام علي الطير من كل جنس .. اها بعد ما وريناك رايك شنو ؟ بتقعد تغني .. واللا بتخليك طاير زينا كدي بره وبعيد.. اكان ما نخاف الكضب شبهك ياهو شبه الطيران
|
Post: #28
Title: Re: عايز ابقى غسال
Author: aydaroos
Date: 05-09-2011, 07:37 AM
في مثل بتاع منو ما عارف بي يقول
"القروش الرديئة تطرد القروش الجيدة"
أنا عارف إنو في كم رسالة ماجستير و رسالة دكتوراة في الموضوع دا
يا ريت زول متخصص يفتح بوست عن الموضوع دا.
و عموما" برأي من زول ساكت ،أنا رأيي إنو في السودان غير إنو
الإقتصاد إتحول لي إقتصاد خدمات (شركات إتصال، شركات نظافة
بنوك و شركات تعمل علي الأموال ... الخ)، و إبتعد عن الإنتاج الحقيقي
و الإقتصادات المجربة في الزراعة و الرعي ، ناهيك عن الصناعة
غير دا كلو ،دخول رؤوس الأموال عن طريق غسيل الأموال طرد
الرأسمال الوطني و أفسح المجال للطفيلية
غايتو يا محمد إبراهيم، دا غسيل عجيب، من غسلة واحدة يتبقي
نضيف نضافة :)
|
Post: #29
Title: Re: عايز ابقى غسال
Author: الامين موسى البشاري
Date: 05-09-2011, 07:58 AM
Parent: #28
المهم الزول يبقى غسال وبس يا محمد ابراهيم
إن شاء الله غسال عربات في شــوارع الرياض دي
برضها بتحل الزول
تحاياي
|
Post: #30
Title: Re: عايز ابقى غسال
Author: Abdlaziz Eisa
Date: 05-11-2011, 03:20 AM
Parent: #29
ود ابراهيم
سلام
غسال دي عايزة ليها مساعد مساعد غسال ومستشارين..
هذا غير العفش الفني.. من موية داخلة وموية خارجة.. وجمرة خبيثة.. و و
ندفع معك بهمّة.. لو نجح البوست.. شوف لينا طريقة ولو نفرز الهدوم..
(الناس تخصصت في الفساد)
تحياتي
|
|