عووووووووووك ياناس المنبر الحجاج جو الحجاج جو عن عبد الله ود البوش

الباقى قولو ات يا عبد الله
الله يجازى محنك
بوست بى ربع شبكه نهاريه بى التلتله عشان يفتح المنبر تقيييييييييييييييييييل
لان الشبكه ضعييييييييييييييفه وسط الجبال محل انا شغال
المهم الحجاج جو وجانا الخبر انهم ليهم يوم الا ربع لم نبلغ الا قبل قليل
ضرب الرورى اخونا عبد الله قال الحجاج جو

الحج في سبعينات القرن الماضي كان ياخذ وقتا طويلا ذهابا وعودة قد تتجاوز ثلاثة الى اربعة اشهر
نوت التومة الحج واخبرت زوجها وهي تدري بانه لا يتحمل سفرها للعزاء في قرية مجاورة
فكيف يكون الحال والامر يتجاوز شهور ولكنه الركن الخامس و التومة استطاعت اليه سبيلا
سافرت التومة بعد ان اوصت عبدالكريم بان يبقى عشرة على البقيرات والغنيمات والحواشة والبلدات
لم يقو على فراقها وقاوم نزول الدمع حتى لا يوصف بالضعف والهوان وقبل منها لاغادي ودخل حوش السخلان
مبديا عدم الاهتمام وكانه يهتم بممتلكاتها من اول يوم من فراقها له وصرر المعزة ودفر النعاج
وقدام الحلة قال حاااااح جوعير والغنم لاتفهم حاله واحواله ورتعت ورتع عبدالكريم مع خياله
فكيف يواجه مقبل الايام القاسيات وهو لم يبارح التومة ليلة واحدة طيلة ثلاثين عاما
وهو لايملك الا قلبه التي تملكه بكل نبضاته والتومة صاحبة الحق تصرف على البيت روب ولبن وزيت وسكر
وعبدالكريم عليه الشيل والخت والحنان المتدفق وهو رجل حكاي ووناس فالفها والفته ........
وتمر الايام وعبدالكريم يزيد وجده ليلة بعد ليلة عدا تلك الليلة المظلة التي وقفت امامه العظمة الخدرا
وهي تحمل حاجة التومة فاتفض قلبه هلعا وحبا وترنما فاحتضن حاجة التومة الطاهرة النظيفة الجاية من بيت الله
وخلال وقت وجيز نزل الشنط والفرشات وحاجة التومة قمتت لسواق العظمة حق الاجرة
وحان وقت ضرب الروراي لناس الحلة عشان اجي اباركوا الحجة سريع وكان اصبحت الوطا كل اللوم
يقع على عبدالكريم والذي لايتحمل لومة لائم وهو الملهوف لحاجة التوم وتصرف سريعا طالبا من حاجة التومة
تشوف الديوان سمحوا كيف وكتبوا عليه بالجير واللون اللخدر حجا مبرورا وسعيا مشكورا
ومن عتبة الديوان تجد حاجة التومة نفسها في احضان عبدالكريم الكويس واختلط حابله بنابلها
واشبع شغفه وشغفها حتى تترع حبا وحنانا وترنما ....
وخرج من الديوان ونواجزه تعض على تكة سرواله وهو يضرب الكوراك باعلى صوته
عووووووووووووك الحجاج جو ... الحجاج جو . . فاصبحت هذه العبارة عنوانا لهذا الخيط الغليد
حكيت هذه الحكاية لاخونا خالد المحرب قبل فترة من الزمن
وامس قدم عيالي من السودان فربط هذه بتلك واراد ان يرحب بي هكذا ..... فاشكره على هذا الترحيب الحار واشكركم ....

Quote: حجاً مبروراً و سعياً مشكوراً

الحج لسع ما جاء لكنه كان سعيا حثيثا
.
.
شكرا اخي شكري ماطوس

بالمناسبة دي يا خالد شوف للحجاج ديل شقة بالاسكان
كوننا الان نازلين في شقة مفروشة مؤقتا

Quote: وامس قدم عيالي من السودان فربط هذه بتلك واراد ان يرحب بي هكذا ..... فاشكره على هذا الترحيب الحار واشكركم ....

حمدلله علي سلامة وصول العيال اخي عبدالله؛

_______

تحياتي يا محرب.

Quote: حمدلله علي سلامة وصول العيال اخي عبدالله؛

الله يسلمك ويعافيك اخي دكتور بشير
.
.
شكري وتقديري

كما لا يفوتني ان اشكر هنا اخونا اسماعيل عباس بان جعل ذلك ممكنا

الحجاج ما كتااااااار آ ناس
دحين خلو الطرطشه البتســـووا فيها
وما تبقوا لينا زي الزول الراميهو جمل عشاري
فهمونا ياتو حجاج الجـــو؟
غايتو للضمان كدا ألف حمداً لله على سلامة الحجاج يا ود البوش
وشكراً يا شيخ العرب خالد المحرب

سلام يا خالد

والله حيرتني انا قلت الراجل ده الشمس ضربتو قام إهضرب ولا شنو ؟


الف حمدالله على سلامة العيال يا ود البوش وإن شاء الله إعدوا إجازة سعيدة


ولازم نتقابل إن شاء الله

الاخت العزيزة ام حسين سامية حامد
تحياتي
وجزيل شكري لترحيبك من القلب
.
.

Quote: ولازم نتقابل إن شاء الله

ومن الضروري ذلك فانتم من الاسر التي اعتز بمعرفتها واتشرف بها
نلتقي بعد ما الدم الذي تم امتصاصه هناك منهم يجري في عروقهم مرة اخرى
فقد قلت لاهلهم هناك بعدما ذكروا لي بان الاولاد تعبوا في السودان
قلت لهم (((( رجعوا لي الفاضي بس بملاهو تاني )))))
ورجعوا الفاضي ومن امس تلفونات الدليفري شغالة
آل كلاكلة آل
مع تحياتي للرجل الظريف ابو حسين

Quote: الحجاج ما كتااااااار آ ناس دحين خلو الطرطشه البتســـووا فيها

.
.
الطرطشة داخل البوست على مسؤولية صاحبه
مثل مطرطش
.
.
لكنني احضنت عيالي بعد غياب احسبه طويلا ولاول مرة افارقهم اربعة اشهر
ولك ان تتصور حرارة اللقاء ......
.
.
والتقينا واتونسنا ونام حمودي على صدري .... تخيل يا البشاري ....
قال جمل بشاري قال
والضاق الرمية يخاف من العترة
.
.
شكرا البشاري على الترحيب ونلتقي كان الله هون

ألف حمدآ لله على سلامتهم..السعادة تكتمل بهم ومعهم.

لك ولهم التحايا وللأخ/خالد ألف تحية...زول بفرح لفرح أخوانه.

Quote: ألف حمدآ لله على سلامتهم..السعادة تكتمل بهم ومعهم. لك ولهم التحايا وللأخ/خالد ألف تحية...زول بفرح لفرح أخوانه.

وايضا تكتمل سعادتي بوجود رجال امثالكم بيننا
.
.
شكرا لمتابعتك المستمرة
شكرا لاهتمامك بالحجز لهم
وشكرا لترحيبك
تقديري الذي تعلم

Quote: ومن الضروري ذلك فانتم من الاسر التي اعتز بمعرفتها واتشرف بها نلتقي بعد ما الدم الذي تم امتصاصه هناك منهم يجري في عروقهم مرة اخرى فقد قلت لاهلهم هناك بعدما ذكروا لي بان الاولاد تعبوا في السودان قلت لهم (((( رجعوا لي الفاضي بس بملاهو تاني ))))) ورجعوا الفاضي ومن امس تلفونات الدليفري شغالة آل كلاكلة آل مع تحياتي للرجل الظريف ابو حسين

ونحن لينا عظيم الشرف والإعتزاز بان نكون من معارفكم

وربنا إديك العافية وإقدرك وتملاهم من كلو يعني حب وحنان وكمان خلي الدليفري شغال

وتحياتك واصلة إن شاء الله

وتحياتنا للعيال لحين ان نلتقيهم

Quote: والتقينا واتونسنا ونام حمودي على صدري .

حمودي بالغ لكن !!

الود ده أصلو ماببطل حركاته دي ؟ ههههههههه

الف حمد لله على سلامتهم وربنا مايحرمكم من بعض ياااارب

ولا يحرم حمودي من نومة صدر أبوه يارب

تحياتي ليهم وللغالية أريج العسل خاصة .. تسلموا

حمداً لله على سلامة الأسرة و إجازة سعيدة إن شاء الله

سعيد جداً بي معرفتكم أخونا ود البوش
ــــــــــــــ
أخونا أبو أحمد سويتها شينة ياخي
دا ترحيب و لا حسادة..؟؟؟

سلام اخوي عبدالله

حمدلله علي سلامة الوليدات ربنا يديك ليهم

الصحة والعافية ويخليكم لبعض

سلام وتحية
الاحباب
خالد المحرب
عبد الله ود البوش
واسرهم الكريمة
في واحد صاحبنا
اولادوا مشوا اجازة السودان
و عامل ليهم خروج وعودة ستة شهور
بعد شهر ضرب الجرسة مشتاق للولد (لانه وحيدو وبكريهو)
غالبني النوم
ما قادر ادخل البيت
المهم
قام قطع اجازة الوليدات
ويوم جيتهم مشى المطار
استلم المدام
ونسى الولد (الكان مشتاق ليهو وغالبوا النوم) في المطار
دحين يا خوي عبد الله ما تكون حصلت عليك
قلته لي حمودي نام في حضنك
يديكم العافية
تحياتي

الف حمدا لله علي سلامة الاولاد اخي عبدالله ..
وتحياتي يا شيخ العرب ..

Quote: سلام وتحية الاحباب خالد المحرب عبد الله ود البوش واسرهم الكريمة في واحد صاحبنا اولادوا مشوا اجازة السودان و عامل ليهم خروج وعودة ستة شهور بعد شهر ضرب الجرسة مشتاق للولد (لانه وحيدو وبكريهو) غالبني النوم ما قادر ادخل البيت المهم قام قطع اجازة الوليدات ويوم جيتهم مشى المطار استلم المدام ونسى الولد (الكان مشتاق ليهو وغالبوا النوم) في المطار دحين يا خوي عبد الله ما تكون حصلت عليك قلته لي حمودي نام في حضنك يديكم العافية تحياتي

نفس قصتك دي حصلت مع واحد تاني
المهم قطع الاجازة ومشى المطار يستقبل الجماعة "الحجاج "
الام منتظرة العفش في السير وكدا
والولد مشتاق لأبوه شـــديد جا جاري وطلع بره الصالة افتش في ابوه
المهم زولنا حضن الولد وقعد يسأل فيهو: أمك جات معاك .. أمك جات معاك
كاااااااااااااااااااااااااااك
1000 حمد لله على السلامة غايتو
ووصيتي ليك :
كان مسكته ما تفك وكان فكيت ما تندم يا ود البوش يا صاحبي

صاحبي اللذيذ البشاري
.
.
يا اخوي البوست دا تحمدل سلامة
ات قايلو باب النكات فاتح
.
.
حظك كويس يوم داك ما مشيت أستقبلتك في المطار
.
الغريبة مشى ابو احمد لكن سكت ساهيييييييييي اظنك حلفتو
قصككن ات وطارق نقد ما بناها لكن الفيكن اتعرفت
لكن للضمان كدا
اشكرك على الترحيب الحار

شيخنا حاج العوض المسلمي
السلام والتحايا
وجزيل الشكر لتهانيك ودعواتك

اها جوني ناس القصص والحكاوي
والله يا طارق نقد ما لاقاني زول في الرياض دي حكاي زيك
ات كنت شغال في دكان ود البصير ولا شنو ؟
ومافي زول قدر عليك الا صديق الموج
قلت لي قال ليك كان الله وفقك وطلقت المرأة يكون كويس
.
.
وكمان زولك البشاري شال قصتك وركب فيها قصة تانية
عدال القصص ابو قصة عوجا
كاااااااااااااااااااااااااك
غايتو المحرب انا عافي ليهو لكن شال حالي زي ما قال ابوحسين
.
.
ورغم ذلك اشكرك حبيبنا الغالي طارق نقد ولكن الفيكن انعرفت
بدل ما تقولوا لي رسل رقم حسابك عشان نساهم في الايجار الغالي دا والعفش والغربة حار
ترسلوا لي قصص وحكاوي
سمح الحج عرفة والايام دول

اختنا الكريمة حياة حسين
تعظيم سلام وتربيع تحيات
.
.
واشكرك الشكر اجزله لتمنياتك ودعواتك واضعافها اتمناه لك وللعيال
.
.
اها يا حياة الحصحاص وصل ليعندي ولكني تمرست على قرشه عااااادي وكمان بقيت استمتع به
شكري وتقديري الذي تعلمين

اها يا حياة الحصحاص وصل ليعندي ولكني تمرست على قرشه عااااادي وكمان بقيت استمتع به


والله هذا هو المطلوب وكمان مفيد للصحة

والله يديكم الصحة

تحياتي واحترامي

اخونا الرائع ابوحسين
تحياتي وسلامي واشتياقي لحكاويك وحكايتك الممتعة
وزدت شرفا بمعرفتكم وربنا يديم المعروف بيننا
.
.

Quote: أخونا أبو أحمد سويتها شينة ياخي دا ترحيب و لا حسادة..؟؟؟

تقول شنو يا ابو حسين شيخ عرب ومبطر
لكن خلي جماعتو اشموا الحج والله اجيب مدااااح ودروايش
وهن في الحج قبل ما اجو
قال حجاج قال

اسع في حج ولا دا شيل حال ساهي
قصتي جاتني في نحري
تاني اصلو ما بقص ليهو قصص زي دي
بعد كدا اقص ليهو قصص الدودو و ود ام بلعوا ووووووو ووووو بس

اختنا نادية عثمان ست الدكان
تحياتي اليك في كل مكان
.
اشكرك على ترحيبك اللذيذ
.
.
ولو حمودي واقع من السما سبعة مرات انا الدفرتو
.
.
اريج وفريد لسع في الخرطوم عليك الله امشي ليهن وما تنقطعي منهن
تحياتي وتقديري الشديد

اخي عبدالله الف حمد لله على سلامتهم ..
ربنا ما يحرمهم منك يكبروا ان شاء الله يارب
قدام عذينك وتفرح بيهم وبي عيالهم يارب
عارف يا عبد الله قاعد توقفني كتير صورة حسن وحمودي في بروفايلك .
مع انها وقفه بي منتهى العفويه لكن
لكنها كـانها بتتكلم
ربنا يجعلك ان شاء الله دايما سند ليهم زي المكان المسنودين فيه
يوم الجمعه ضروري ومطالبين طلب جماهيري انكم تجو في النهضه
وقلتو انكم ساكنين في شقة مفروشه يعني ما نجيكم ههههههههه

اختي الفنجرية عفاف ابوحريرة
منك السلام واليك السلام يا ذات الكرم والاكرام
احبوك عيالي والفوك لان الطفل يعرف لغة الوصال
وصالك ابتسامك وضمة الام للعيال

Quote: عارف يا عبد الله قاعد توقفني كتير صورة حسن وحمودي في بروفايلك . مع انها وقفه بي منتهى العفويه لكن لكنها كـانها بتتكلم ربنا يجعلك ان شاء الله دايما سند ليهم زي المكان المسنودين فيه

.
.
هذه الصورة يا عفاف كانت زيارة الوداع لنبينا ودعته واودعته عيالها امانة ليوم القيامة ورحلت
أخخخخخخخخخخ يا عفاف لاتنبشي الجراح لتثير النواح
واحسن حاجة انكم لم تعرفوها
.
.
.

Quote: يوم الجمعه ضروري ومطالبين طلب جماهيري انكم تجو في النهضه

وهذا شرف التقي بكم ومع ابوحسين واسرته وطارق نقد وتمبس و كل الحاضرين واسرهم
وقد اتصل علي مشكورا اخونا العزيز وغالي الاخ الكريم ابوحسين واكدت له حضوري فشكري وتقديري لكم جميعا ونلتقي

الحج في سبعينات القرن الماضي كان ياخذ وقتا طويلا ذهابا وعودة قد تتجاوز ثلاثة الى اربعة اشهر
نوت التومة الحج واخبرت زوجها وهي تدري بانه لا يتحمل سفرها للعزاء في قرية مجاورة
فكيف يكون الحال والامر يتجاوز شهور ولكنه الركن الخامس و التومة استطاعت اليه سبيلا
سافرت التومة بعد ان اوصت عبدالكريم بان يبقى عشرة على البقيرات والغنيمات والحواشة والبلدات
لم يقو على فراقها وقاوم نزول الدمع حتى لا يوصف بالضعف والهوان وقبل منها لاغادي ودخل حوش السخلان
مبديا عدم الاهتمام وكانه يهتم بممتلكاتها من اول يوم من فراقها له وصرر المعزة ودفر النعاج
وقدام الحلة قال حاااااح جوعير والغنم لاتفهم حاله واحواله ورتعت ورتع عبدالكريم مع خياله
فكيف يواجه مقبل الايام القاسيات وهو لم يبارح التومة ليلة واحدة طيلة ثلاثين عاما
وهو لايملك الا قلبه التي تملكه بكل نبضاته والتومة صاحبة الحق تصرف على البيت روب ولبن وزيت وسكر
وعبدالكريم عليه الشيل والخت والحنان المتدفق وهو رجل حكاي ووناس فالفها والفته ........
وتمر الايام وعبدالكريم يزيد وجده ليلة بعد ليلة عدا تلك الليلة المظلة التي وقفت امامه العظمة الخدرا
وهي تحمل حاجة التومة فاتفض قلبه هلعا وحبا وترنما فاحتضن حاجة التومة الطاهرة النظيفة الجاية من بيت الله
وخلال وقت وجيز نزل الشنط والفرشات وحاجة التومة قمتت لسواق العظمة حق الاجرة
وحان وقت ضرب الروراي لناس الحلة عشان اجي اباركوا الحجة سريع وكان اصبحت الوطا كل اللوم
يقع على عبدالكريم والذي لايتحمل لومة لائم وهو الملهوف لحاجة التوم وتصرف سريعا طالبا من حاجة التومة
تشوف الديوان سمحوا كيف وكتبوا عليه بالجير واللون اللخدر حجا مبرورا وسعيا مشكورا
ومن عتبة الديوان تجد حاجة التومة نفسها في احضان عبدالكريم الكويس واختلط حابله بنابلها
واشبع شغفه وشغفها حتى تترع حبا وحنانا وترنما ....
وخرج من الديوان ونواجزه تعض على تكة سرواله وهو يضرب الكوراك باعلى صوته
عووووووووووووك الحجاج جو ... الحجاج جو . . فاصبحت هذه العبارة عنوانا لهذا الخيط الغليد
حكيت هذه الحكاية لاخونا خالد المحرب قبل فترة من الزمن
وامس قدم عيالي من السودان فربط هذه بتلك واراد ان يرحب بي هكذا ..... فاشكره على هذا الترحيب الحار واشكركم ....
================================================================================
والله شايف فيك ملامح من الطيب صالح ياعبد الله اخوى
بقيت تتبع خطا كاتبى الروايات
نشوفك يوم الجمعه كتر معاك الجديد من القصص
هى با ظك اللنقلب

حمدلله علي سلامة وصول العيال
ومنتظرين الحلاوه
بمناسبةنجاح وتفوق الابن أحمد

أخي عبدالرحيم أبراهيم العبيد
سلام وتحايا
الله اقبل حمدك وتهانيك ودعواتك
.
.

Quote: ومنتظرين الحلاوه بمناسبةنجاح وتفوق الابن حسن

الحلاوة تعادل مع عمر 257 أخوان بالنتيجة
نتقابل في الرياض او جدة مع حسن وعمر وحلاوة اللقيا بيناتنا
.
.
شكري وتقديري الذي تعلم اخي عبدالرحيم

Quote: والله شايف فيك ملامح من الطيب صالح ياعبد الله اخوى

لاحولااااااااااااااااااااااااا
.
.
يا ابو احمد رجلك شوية من الابنص
.
قاليك واحد عندو تيس ضعيييييييييف وعفيييين وداهو السوق عشان ابيعو
مافي زول اداهو فيهو قرش واحد ولا حتى بصوا ناحيتو
جاهو واحد ضهبان ساهي قاليهو ادوك كم في التيس دا ؟
قال ادينو فيهو ميتين
التيس خت يدو فوق خشمو ولولح راسو وضحك وقال لاحولااااااااااااااااا
لكن للضمان كدي جزيل شكري وتقديري على رفع الحالة المنعوية والنفسيات