(1)من يوم بتقت وكساها الخدار، ومن يوم الله قال ليها كونى، وكانت حديقةشفع الحلة الولدوهم كلهم، بقو يجو ضاحكين ومبسوطين ساعة الولادةخلو البكا نهائى(2)الخريف بقا يجى متلفح بى تياب جيران ناس فاطنةيقعد مع الناس جوه البيوت، والغيمات تشرب قهوة الضحوية مع خالات فاطنة، ويعاين لى فاطنة سااااااااااااى ويقول ليهامبروك علينا هطولك(3)رجال البلد كلهم اتحولو لى أشجارعشان الضل يكبر ويزيدوفاطنة لا تشوف حر ولا قهبونة ولا سموم(4)البحر اعلن على الملأ، مرق يوم العيد ولما الخلق كلهم وقال ليهممن شرب من عينى فاطنة فهو آمن(5)وأنا بقيت درويش ومجذوب،والقصيدة بقت براقاسريت وعرجت من وجعى القديمووصلت سدرة منتهى الفرح العميمدى تقريبا أهم الإنجازات
يا فاطنهصباحنا القيّل تحت الضليل الرامى منكشايل شمسه فى ايدو ومباريكىوفرحنا الميّلفات حد السكوت مرق حاضن غناهو ويحكى عنكوسط البلد واقف يناديكىيا فاطنةسألتك بى دم الروح المدفق نيلامرقى على الخلوق الشاته تشحد فى سماك الفوق مغطيكى