|
|
 أهم إنجازات عيون فاطنة
|
(1)
من يوم بتقت وكساها الخدار، ومن يوم الله قال ليها كونى، وكانت حديقة
شفع الحلة الولدوهم كلهم، بقو يجو ضاحكين ومبسوطين ساعة الولادة
خلو البكا نهائى
(2)
الخريف بقا يجى متلفح بى تياب جيران ناس فاطنة
يقعد مع الناس جوه البيوت، والغيمات تشرب قهوة الضحوية مع خالات فاطنة، ويعاين لى فاطنة سااااااااااااى ويقول ليها
مبروك علينا هطولك
(3)
رجال البلد كلهم اتحولو لى أشجار
عشان الضل يكبر ويزيد
وفاطنة لا تشوف حر ولا قهبونة ولا سموم
(4)
البحر اعلن على الملأ، مرق يوم العيد ولما الخلق كلهم وقال ليهم
من شرب من عينى فاطنة فهو آمن
(5)
وأنا بقيت درويش ومجذوب،والقصيدة بقت براق
اسريت وعرجت من وجعى القديم
ووصلت سدرة منتهى الفرح العميم
دى تقريبا أهم الإنجازات
|
|
  
|
|
|
|
أبوذر بابكر
فيس بوك
تويتر
انستقرام
يوتيوب
بنتيريست