|
|
 رحبوا معنا بالأخ الفاتح ميرغني في سيئول
|
وصل إلى سيئول الأخ الأديب الصحفي الفاتح ميرغني قادما من طوكيو، وذلك في رحلة نقاهة بعد كارثة فوكوشيما النووية التي أعقبت الزلزال والسونامي الهائل شهر مارس الماضي.
وقد أطمأننا أمس على حالته الصحية حيث أثبتت الفحوصات خلوه من أي مواد مشعة، وسيكون لنا معه اليوم جلسة حافلة حول مسيرته الصحفية.
والشكر أجزله لكافة البورداب الذين كانوا في استقباله.
|
|
 
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: محمد عبد الماجد الصايم)
|
Quote: سلام يا خاطر ..
و تحية عبركم و كتير سلام لأخي وأستاذي و صديقي الفنان / الفاتح ميرغني ..
و ربنا يديم عليه و عليكم نعم الصجة و العافية ..
و بالله لو وافق يغني ليكم قول ليه في زول قال ليك لو سمحت غني ليهو ( كتر النوح زاد أنيني ) .. |
عزيزي عصام دهب شكرا على المداخلة
كتر النوح زاد أنيني ...... والله كلام
عندنا طبعا أغلى بيانو في حوزة الجالية هنا وعندنا فنان ومغني وملحن
فاستاذك دا وقع في الشرك.
عزيزي ود الصائم اللوتري موجود بس حدد الوقت والباقي علينا...
مع تقديري
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: Gaafar Ismail)
|
Quote: Quote: وصاحب حنجرة ذهبية ، اطلبوا منه
أن يغني لكم أيضا
غناي وكمان عازف
متخصص في أغاني الحقيبة
ألف حمد لله على سلامة الوصول والإطمئنان على الصحة الغالية . |
الاخ ديامي
واستاذنا الكبير جعفر اسماعيل شكرا على مروركما من بوابة سيئول
جميل انكم كشفتم لنا جانبا نجهله وسيكون مبتدأ حوارنا مع الاستاذ الصحفي الفاتح
طبعا حاولنا جرجرته في الكلام ولكن ابدا لم يكشف هذا الجانب
ولكن أصدقكم القول الراجل دا من مشيته فنان.
ودام الود
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: فضل الله خاطر)
|
الاخ العزيز والفاضل
فضل الله خاطر ( الــــــــعمــــــــدة)
حقيقة اخي فضل الله سعدنا بزيارة الاخ الفنان الصحفي الرائع
الاستاذ الفاتح ميرغني وكان يوم من أجمل ايام سيول
وفي اتصال هاتفي مع الاخ العزيز فاتح ميرغني
افادنا بأنه في رحلة استجمام في جزيرة جيجو
تلك الجزيرة الساحرة الجميلة التي تشبه فنان
الجميل الفاتح ميرغني
وسوف يصل باذن الله إلى مدينة سيول
في يوم الخميس القادم باذن الله
لتكملة ما تبقى من حديث
ولك مني اخي العمدة
فائق الشكر والتقدير
انس التوم - ايتاون
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: انس التوم احمد)
|
العزيز فضل الله
أنج يو هسو . كمسا هميدا لهذه الأخبار الجميلة أن الفاتح ميرغني خالي من الإشعاع وملئ بالحيوية والإبداع . ألف حمداً لله علي سلامته وهنيئاً لكم بجلسات ممتعة في معيته وكل الشباب بإيتاون . وبالطبع لن تذهبو به لنام دي مون ذو الملامح الأقرب لسوق ليبيا . لكن لو وجدتم بلي قولي في جلسة سودانية فأفعلوا.
بحيراوي
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: باسط المكي)
|
عزيزي مجدي تحياتي الخالصة
أخبارنا طبعا عادية ولكن الجديد فيها أن الموسم هنا هو موسم ربيع حيث تكثر الاحتفالات بالربيع في كوريا
بالأمس كنا في مهرجان سيئول الخامس وهو مهرجان درجت البلاد على إقامته احتفاء بقدوم الربيع وترويحا عن الأجانب واستعراضا لمواهبها في التنظيم
وإن سمحت الظروف سنفصل في ذلك في مكان آخر.
شكرا على المرور من هذه البوابة
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: فضل الله خاطر)
|
الف مرحب بالاستاذ الفاتح في ضيافة ال كوريا وعمدتهم فضل الله اخو الاخوان
واكيد سيكون للرجل برنامج طالما وقع في قبضة اخونا فضل الله ..
وعارفك يا ابو هنده ما بتقصر مع زول تب ..وكمان كمان الارباب الصادق انشاء الله دائما في يمينك
لا بزح ولا بتر ..تحياتي ليك وللجميع في ارض كوريا الخضراء وشلة الضمنة وكمان الجنجويد انور ..
| |
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: العوض المسلمي)
|
الف مرحب بالاستاذ الفاتح ميرغنى فى سييول و اهل سييول
لكم منى السلام و بالله الفاتح ميرغنى عزيز لدينا ...نعلم مسبقا بطيبة حفاوتكم و حسن استقبالكم بس حبيبنا الفاتح مسكون بإشعاع المحبة
حفاظوا علي حبيبنا من عيون الكوريين الصغار ديل .....لوول
مودتى الفاتح انت و اهل كوريا
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: اسماء الجنيد)
|
الأخوة الكرام المتداخلين أولا نأسف لعدم الرد نظرا لانشغالنا خارج الاثير
ونخص بالذكر هنا الاخوة
باسط الملكي ومازن عادل النور وعبد العزيز عيسى شكرا على المرور
نطمنكم الفاتح في الحفظ والرعاية ولكن طبعا صاحبكم بحاول يفلت ونحن بنعمل العلينا
ودمتم
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: فضل الله خاطر)
|
هلا هلا يا ولد ميرغني الدنيا بال..............ت فيك عديييييييييل كدا - من كنت بتتجدع بين الابيض والرهد وبارا والنهود بالبرينسات وعربات القرب والصاجات بقيت تتجدع بين سيول وطوكيو وكولا لامبور بالاير بص و 707 .
كتر خيرك ود خاطر ما بتقصر طاب
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: الطيب شيقوق)
|
Quote: العزيز فضل الله
أنج يو هسو . كمسا هميدا لهذه الأخبار الجميلة أن الفاتح ميرغني خالي من الإشعاع وملئ بالحيوية والإبداع . ألف حمداً لله علي سلامته وهنيئاً لكم بجلسات ممتعة في معيته وكل الشباب بإيتاون . وبالطبع لن تذهبو به لنام دي مون ذو الملامح الأقرب لسوق ليبيا . لكن لو وجدتم بلي قولي في جلسة سودانية فأفعلوا.
بحيراوي |
حبيبنا العزيز المحامي الضليع عبد الله البحيراوي والله الشوق محيط
ياخي ليه طولت الغيبة عننا
الجميع هنا في انتظار زياراتك المفاجئة
طمنا على اخبارك وصاحبك في الحفظ والصون
اخوك
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: فضل الله خاطر)
|
Quote: الف مرحب بالاستاذ الفاتح في ضيافة ال كوريا وعمدتهم فضل الله اخو الاخوان
واكيد سيكون للرجل برنامج طالما وقع في قبضة اخونا فضل الله ..
وعارفك يا ابو هنده ما بتقصر مع زول تب ..وكمان كمان الارباب الصادق انشاء الله دائما في يمينك
لا بزح ولا بتر ..تحياتي ليك وللجميع في ارض كوريا الخضراء وشلة الضمنة وكمان الجنجويد انور .. |
اخي ابو علا العوض المسلمي الراجل الزين طبعا اخوك الفاتح مشرف سيئول وهو في ضيافة اخونا الدكتور ادم عبد الحميد وما مقصر معاه ولكن الرقابه عليهم صعبة وانت عارف الباقي
كيف حال الاولاد
منور البورد بمداخلاتك
عزيز هواري نمر شكرا على المرور ... خليك متواصل وسلامي عبر لكل المتداخلين.
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: الطيب شيقوق)
|
Quote: هلا هلا يا ولد ميرغني الدنيا بال..............ت فيك عديييييييييل كدا - من كنت بتتجدع بين الابيض والرهد وبارا والنهود بالبرينسات وعربات القرب والصاجات بقيت تتجدع بين سيول وطوكيو وكولا لامبور بالاير بص و 707 .
كتر خيرك ود خاطر ما بتقصر طاب |
استاذ الطيب سلامات
الفنان الفاتح ميرغني مش الدنيا تضحك ليه مفروض تقرقر ليه
عديل كده بعد منحة شيخ خليفة حفظة الله
انس التوم
سيول
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: انس التوم احمد)
|
العزيز عميد البورداب صديق الموج
شكرا على المرور، صاحبك طبعا يقدل في شوارع كوريا وما أظنه يرجع يستقر في اليابان تاني
Quote: الفاتح الزول الشفيف ووريف
أنيق وجميل الدواخل
الفناااااااااااان الإنسان
بختكم يا ناس سيئول بختكم بالزول
وألف حمد الله على سلامة الوصول والسلامة من كل شر يا الفاتح الحنين
قلت لي خليت وراك السيول ومرقتها في سيئول
عفيت منك والله
الصور الصور يا ملك الأناقة
نتوقع بوست عن سحر وجمال سئول على نهج بوستك فعاليات في اليابان
التحية لكم اخي فضل الله خاطر
وهنيئا لكم بالرفقة السمحة من الزمن السمح
التحية لكم جميعا ولزوارك في البوست |
الشاعرة الرقيقة الأخت أسماء الجنيد تحياتي
نحي عبرك كل شعراء بلادي وكل المرهفين المتدفقين شعرا رقراقا كالنيل
شكرا على مرورك من بوابة سيئول،
كلنا ننتظرك مثلك بوستا من الفاتح وهو كما هو ستزيده رحلة كوريا إشراقا وخيالا دفاقا للكتابة.
مرة أخرى ننتظر مشاركاتك .
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: انس التوم احمد)
|
Quote: انت يا استاذ الطيب
خليك معاي
وانا بديك الاكيدة |
اكيدة شنو يا انس اخوي ؟ الزول هسع تفتش جيبو ما تلقى فيهو التكتحة المال الكتير دا كلوووو بشتتوا لأهلو سااااااااااى
قلت ليهو يا الفاتح اخوى خلى ليك فلوس دخرية المرض ما معروف - قال لي بشتت ساي ومحل رهيفة تنقد
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: الطيب شيقوق)
|
Quote:
اكيدة شنو يا انس اخوي ؟ الزول هسع تفتش جيبو ما تلقى فيهو التكتحة المال الكتير دا كلوووو بشتتوا لأهلو سااااااااااى
قلت ليهو يا الفاتح اخوى خلى ليك فلوس دخرية المرض ما معروف - قال لي بشتت ساي ومحل رهيفة تنقد |
لكن المرة دي رجع مبسوط خالص خالص
وماشاء الله جيبوا مليانه
وكان بينا اتصال
قبل سفره بساعات الي اليابان
وكان بتضحك في امان الله
شكلوا يا الطيب يا اخوي
المرة دي المنحة ماشاء الله
لكن بجيب ليك خبرها
انا عندي المعلومة
ما عايز اصرح
ساكت قلت يجي
البوست ويوضح لينا ومازلنا
في انتظاره
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: الطيب شيقوق)
|
Quote: هلا هلا يا ولد ميرغني الدنيا بال..............ت فيك عديييييييييل كدا - من كنت بتتجدع بين الابيض والرهد وبارا والنهود بالبرينسات وعربات القرب والصاجات بقيت تتجدع بين سيول وطوكيو وكولا لامبور بالاير بص و 707 .
كتر خيرك ود خاطر ما بتقصر طاب |
المحامي الضليع الطيب شيقوق تحياتي
شكرا على مرورك ، وطبعا كما أنت عارف الفاتح مما فارق كردفان والتجدع وسط الصاجات والبرينسات والمدن آنفة الذكر ، بقى يتذكر البلد إلا عبر الأثير
وطبعا عصاري كردفان شاهد على ذلك.
أما رحلته إلى كوريا الجنوبية وسيئول وما أدراك ما سيئول.
فقد انطبق عليه القول:
ملاعب جنة لو سار فيها سليمان لسار بترجمان.
شكرا لك على المرور وخليك على تواصل.
| |
|
|
|
|
|
|
|
|
|
Re: رحبوا معنا بالأخ الفاتح ميرغني في سيئول (Re: فضل الله خاطر)
|
العزيز أنس التوم
الاخت تراجي
العزبز هشام المجمر
شكر على المرور
انور كنج بطرفنا يا تراجي ولكن الفاتح لم يتمكن من مقابلته نظرا لبعد المسافة، حيث إن أنور في مدينة أخرى يحضر مؤتمر علمي
والفاتح بيننا في سيئول كما قال ود شيقوق يتجدع في مرافئ سيئول بدل مرافئ كردفان.
أما ما يدور بين ود شيقوق وأنس التوم حول الفاتح نحن ما عندنا بيهو خبر .... وكلنا في الانتظار.
ونقول في ختام الزيارة حمدا على السلامة يا الفاتح ونحن في انتظار العودة مرة أخرى وأنت موعود ....
ودمتم
| |
|
|
|
|
|
|
| |
أسامة البلال
Gaafar Ismail
عصام دهب
محمد عبد الماجد الصايم
مجدي عبدالله أبوحريبة
انس التوم احمد
البحيراوي
باسط المكي
العوض المسلمي
مازن عادل النور
Abdlaziz Eisa
هواري نمر
صديق الموج
اسماء الجنيد
الطيب شيقوق
Tragie Mustafa
هشام المجمر
فيس بوك
تويتر
انستقرام
يوتيوب
بنتيريست