د.ناهد محمد الحسن ... أنا أعتذر لك

لأني طلعت زول مسطح وما مواكب الحاصل

لذا

أعتذر

ورينا عملت شنو .. و ما مواكب شنو
ما فهمنا حاجة

سلام يا الشفيع

مرحب حبيبنا عادل

خليك قريب

150 متاوقة
وفقط اخونا عادل عايز يعرف الحاصل شنو
شكرا عادل

Quote: 150 متاوقة وفقط اخونا عادل عايز يعرف الحاصل شنو

ابداً هسع بنتاوق عاوزين نعرف قوش حايتعين وزير شنو؟؟
د. ناهد ملحوفة :)
ـــــــــــــــــــــ
مسكوك ضنب الككو يا صاحبي

هو ضنب نصاح يا عريس!!!!


ساعدنا بالله نتفك منو كيف؟

انت موش صاحبي؟

بالحيل صاحبكـ ياصاحب
عليك بالقول دي وقراية خاصة بيك وقد اخطأت و قرايتك بشان حزب المؤتمر ما ياها - مع رجائي انك تعيد القراءة مرة اخري
ــــــــــــــ
قبل كدة يا صاحب في زول - عضومنبر - اتصل على تلفون عشان انزل خبر عاجل بيخص الحركة الشعبية وحجته انه ما عاوز ينزلو لانو غير مقروء من ناحية واني شرير
ممكن اشاكل الناس - فوت حتة شري دي وقلت ليهو جيب لي حاجة موثقة ودليل واضح للخبر عشان اقول دا دليلي - وحاتك لي يوم الليلة تاني ما قال الو ولا اتداخل لي في بوست

بالحيل صاحبكـ ياصاحب
عليك بانك تقول دا تحليل وقرايةخاصة بيك وقد اخطأت وتبين انو قرايتك بشان حزب المؤتمر ما ياها - مع رجائي انك تعيد القراءة مرة اخري
ــــــــــــــ
قبل كدة يا صاحب في زول - عضومنبر - اتصل على تلفون عشان انزل خبر عاجل بيخص الحركة الشعبية وحجته انه ما عاوز ينزلو لانو غير مقروء من ناحية واني شرير
ممكن اشاكل الناي - فوت حتة شري دي وقلت ليهو جيب لي حاجة موثقة ودليل واضح للخبر عشان اقول دا دليلي - وحاتك لي يوم الليلة تاني ما قال الو ولا اتداخل لي في بوست

يا شفيع لك تحياتي

قبل الاعتذار انت طلعت الزول التاني ولا الاول ؟

شوقي يا حبيب


في رايك الافضل ياتو؟
الاول ولّ التاني؟


طلعت زول ما عندك خوة!!!!!!!!!!!!

قراءتك بعيدة يا عريس

يا ريت لو الشغلة كده


اسأل اخونا شوقي يوريك

بمجرد ما شفت سؤالي يا شوقي مفروض تعرف اني مسطح وما مواكب وما عارف الحاصل شنو
ومفروض بحكم انك صاحبي تنبهني




ماااا عندك خوة يا صاحب

وحات معزة مصعب الا تجي توريني الصاح
ـــــــــــــ
يا صاحبي والله انك مخدوع وماعاوز اقولها ليك اول لكن هسسع بقول ليك - مخدوع يا صديقي مخدوع - او كما قالت قارئة الفنجان

Quote: شوقي يا حبيب في رايك الافضل ياتو؟ الاول ولّ التاني؟ طلعت زول ما عندك خوة!!!!!!!!!!!!

يا شفيع تحياتي

الاول ده انا دي ما فيها شك والتاني لم يعلن عنه بعد
المهم في حاجة واحده متأكد منها الناس ديل ما بقدروا يمسكوك ضنب الككو لأنك رجل صاحب مبادئ

Quote: لم يعلن عنه بعد

انا كنت فاكر كده

عشان كده

إعتذرت

Quote: انا كنت فاكر كده عشان كده إعتذرت

يا شفيع والله ما فاهمين حاجة نرجو التوضيح وهل الشخص التاني تم الافصاح عنه ولا ده محتاج مؤتمر صحفي وبيان من الدكتورة بعد التنسيق مع احزاب جوبا

لا يا شوقي يا حبيب
لم يتم الافصاح عنه لانه اصلا ما مفروض يتم السؤال عنه
وعشان كده اعتذرت

هل في افصاح أكتر من ما ورد هنا؟
Re: قصة مطاردة الأمس والأمم المتحدة
هل من يصدق اني لم أقرأ المداخلة دي الا أمس؟؟؟؟؟
وقعدت اسأل الشخص التاني منو؟

وآخر ما بلغني اليوم انها تنتمي للجمهوريين
ناس الفكر والسلوك
الفكر الجمهوري و الاخوان الجمهوريون يتبرأون منك ومن امثالك

عبارات مقرفة ولغة بذيئة لا يمكن ان تصدر من شخص محترم

اخواني زملاء المنبر
ارفع لكم ما صدر من زميلة المنبر د.ناهد وما ح اقول (الـ.......) كما وصفتني بـ(الوليد)
وكنت اتمنى ان تمتلك قدر من الشجاعة لتأتي وتبرر سبب كيلها لي

لا اطلب منكم تضامن او ادانة
فقط اقرأوا وقيموا من كنا نظن انها جديرة بحرف الداء الذي نسبقه لاسمها، وهي قطعا لا تنتمي له ولا تشبهه




التعديل تلبية لطلب اخونا المحترم قمربوبا

يا الشفيع
تصدق قريت عنوانك قلت ياخي الشفيع قرب يفك جماعته ديل لانو شايف ليك كنت كركبات صحية ضمير
عموما لانو انت اكتر زول موالي للحكومة انا بناقشه في المنبر،وفيك نوعا ما عقلانية واحتكام للمنطق
خليني اقول ليك..
انا موقفي من قضية الاطباء كتب فيه ولا ما كتبت ما متذكر،ود.ناهد دي انا بقرا ليها في البورد ما بعرفها تماما
التبرير الفوق ده عشان اقول ليك يا الشفيع البتسوي فيه انت (خليك من شوقي) عيب

د.ناهد عندها قضية والقضية بتمس الشارع السوداني اعترفتوا بالقضية كان بها ما اعترفتوا ما فرقت لكن ده لا ينفي انو في قضية،ومشكورة الدكتورة وزملانها اتولوا قضية وهم بسببها مطاردين للآن.
غلات شفع الابتدائي الفي البوست الاصلي بتاع د.كبلو منو البأكد لينا انها بتتعرض لمضايقات ولا منو القال ده كلام ساي..انا ده قاعد في السودان خليك طبيبة قادت اضراب لو في تلاتة من ناس الورنيش(مع احترامي لمهنتهم) قالوا ناس الامن سكونا لانو كانوا واقفين مع بعض وعذبونا انا بصدقهم...كدة ساي.


نجي لمداخلتك الاخيرة دي..(بغلني) دي شنو
منو البلغك وبلغك شنو؟وليه كدة؟؟
بتتحري مثلا بتسأل منها عشان اختلفتوا معاها ومنطقتكم؟؟

لو قريت الكلام ده مكتوب في حتة ورينا لو جبت المعلومة دي بأي شكل تاني حتي لو اتبرع بيها ليك زول مجانا المفروض ما تذكرها.

الشي التاني يا الشفيع الزولة دي عملت شنو عشان تصحي ليها زول فكر راحل من قبره يجي يكفتها؟؟
كف؟؟ الشفيع
كف عديل؟؟انت بتتكلم مع منو قايل يالشفيع ونحن في سنة كم اصلا.
كتبت شنو هي؟؟بالعكس كل محاولات الشفتنة والعنف اللفظي لمعترضين موقفها وفكرتهاووضعها الامني الحالي ردتها ليهم بكل قسوة مهذبة...يعني انتو تكتبوا وهي تعاين ليكم؟؟

هو في شنو في الدنيا دي؟

قمربوبا يا حبيب
كنت وما زلت اصنفك من المعارضين العقلاء المتزنين الموضوعيين

Quote: نجي لمداخلتك الاخيرة دي..(بغلني) دي شنو منو البلغك وبلغك شنو؟وليه كدة؟؟ بتتحري مثلا بتسأل منها عشان اختلفتوا معاها ومنطقتكم؟؟

نعم يا قمربوبا، تلقيت اتصالات ووجدت معلومات عنها
استفزتني مداخلتها وحبيت اعرف من هي

Quote: ردتها ليهم بكل قسوة مهذبة...يعني انتو تكتبوا وهي تعاين ليكم؟؟

بأمانة يا قمربوبا
هل قرأت كل كلامها؟
وهل استوعبت ردها كان على شنو ومنو؟
وهل يمكنك بكل صدق ان تصف ردها بالمهذب
يا قمر خليك امين وما تخلط الكيمان وامرق النصيحة
انا والله انبت اخونا شوقي لامن وصفها بالموتورة
هل سبق ووجهت ليها انا الشفيع اي اساءات؟
خليك منها هي هل سبق وجهت اي اهانات لاي عضو هنا

Quote: يعني انتو تكتبوا وهي تعاين ليكم؟؟

نحنا منو؟ وكتبنا شنو؟

ما بكذب عليك يا الشفيع انا ذمتي مرقتها والله او هكذا كنت اعتقد
ولحدي هسة جات في محلها

ما من شيم العقلاء انو الزول يختلف معاك في البورد تتحري عنه،تسأل منه..ما بعرف لكن ما ظبتت معاي نهائي

مداخلتك الاخيرة انت بديت تتكلم عن تربيتها...نحن كلنا من اسر كريمة ومافي داعي لإقحامها هنا
المؤهل العلمي بتاعا ما جابته من سوق المحاصيل الزولة دي مرت بمراحل التعليم المختلفة وفي مجلس اساتذة قعد اداها اللقب ده...ودي حقيقة واقعة

_
الشفيع انا مارق...خفف البنزين شوية...لو زودت اكتر من كدة بفكك وبخلي البوست وبتخارج...وشكرا

يا قمر
انت بترد على كلام انا كتبته هنا هسه
انا ما عندي مشكلة
لو لقيت نفسي غلطت بمسحو ببساطة

انا اتحدث عن عباراتها وسبها وشتيمتها الكتبتها قبل فتح هذا البوست
هل بتقدر تجيب لي اي كلام اوردته فيه اي اساءة او شبه اساءة يستوجب ما كالته لي من سب وشتم؟

الاخ الشفيع ود الوراريق

تحياتي

لا احب حوار الشخصنة لذلك ارجو من راجيا ان تسحب ماكتبته في الاقتباس المرفق

Quote: ومحمود محمد طه لو قرأ ما تكتبيه كان قام من قبره وجاء اداك (كف) ورجع مات تاني

مع شكري و تقديري

لطفي

استاذنا لطفي ابن المربي الفاضل لطفي
done
وطلباتك اوامر

الأخ الشفيع

هل انت والأخ شوقي قضيتكم ناهد شخصياً أم مواقفها ومواقعها

وما يترتب عليه من كتابات وإجتماعات وإحتجاجات وصيامات ومعاكسات ومطاردات

لا تختزل المسألة في شخص ناهد أو بوست كتبته

فشوقي مثلاً هذا هو البوست الثالث أو أكثر

يمارس فيه محاولة فضح وإزلال والمسح بالأرض بناهد

ناهد رمز لتيار كامل كما هو الشفيع وشوقي

وكل من موقعه وبالأدوات التي يختارها أو تفرض عليه

طوعاً أو رسمياً يعمل إما للتعجيل بزوال الإنقاذ

وبنية إجتماع أيدلوجية الصيرفة الإسلامية وإقتصادها الطفيلي

والعبث بالإرادة العامة التي لا يمكن أن تخول عبر سلطة تقتلع بدبابة

لو كنت يا شوقي تحسب أو تصدق بأن مشكلتك مع ناهد هي مشكلة بوست أو موقف معين تبقي بتخدع في نفسك ..

وإن كانت ناهد تظن أنها ستركب ىقطار التصدي المخاطر علي سكة حديد التغيير الممنوع والمهدد

بدون أن تلاقي ما تلاقي من عنت وملاحقة وإستتفاه

فلا هو الأول ولا الأخير إذ هنالك من هنالك في الحي والمستشفي و زوايا العسس المستتر

وهي تعلم مسبقاً منذ أن كانت طالبة جامعية أمر الملاحقات من طلاب وزملاء يلبسون الزي الطلابي والضمائر الأمنية

و يصل الأمر إن لم يرعوي الثائر المهدد بزوال نعمة أرباب الحكم وحيرانه

إلي إشانة سمعة ودبلجة كلامات أو عرض صور مفبركة وإشاعات كانت في عهد النميري تصف الترابي بالشذوذ الجنسي ..

إنها تقاليد الهيئات الأيدلوجية التي تمسك بالسلطة في قمع الثائرين ضدها

هل نستبعد أن نسمع عن ناهد غداً بعد أن أصبحت ملحدة ثم حركة شعبية ثم جمهورية أنها قاعدة.

انظرا كيف تتفنن السلطات ومرتزقة الكلمة من الناطقين باسمها في ليبيا واليمن وسوريا في تسمية المعارضين السلميين لها

أعتقد يا أخ شفيع أنك أذكي من الوقوع في شرك النفس الأمّارة بالدرك الأدني من الممارسات ضد الخصم الفكري

فاستلال أحط أدوات الصراع لقمع الخصم والخصم خصم فكري لم يترصدك شخصياً أو يحول معركته من الفكرة لحاملها

هذه هي الشخصنة وانت أبهي منها

إربأ بنفسك عن ذاك لأنك علي الأقل غير آخرين

تمتلك أدوات أرقي وأفصح في معركة هي في جوهرها أكبر من شفيع وناهد

أخي الشفيع دع ناهد تمضي في الطريق الذي إختطته لنفسها

وتناول جوهر معاني الصراع والإغتراب الذي تكافحه فنافحه

إغتراب الطبيب عن مهنته والإنسان عن أسرته وأحلامه

والشعوب عن إرادتها الحرة ومصيرها

إطمئن فناهد محروسة بالله وبالأمن أحدهما تتكل عليه وثانيهما يمارس مهنته الشريفة في قمعها

فهنالك دوماً من سيتصدون لها بكل مقامات التصدي التي يحتل أعلاها الرصاص

وأدناها الحوار

وبينهما ما بينهما من قذارات الفتن والإحن والكلامات السفيهة

فاختار لنفسك موقع الحوار لأنه الأليق

الشفيع يا أخوي
و الله العظيم د. ناهد زاتها بالها طويل و تشكر زاتها إنها تكرمت بالرد عليكـ بعد تهديدكـ الواضح لها بأن ( الناس ديل لو كانو عايزينكـ كانو جابوكـ من أول يوم ) .



مؤسف ما تقوم به من أعمال لصالح الحكومة يتورع حتى الكيزان عن فعلها

شكرا يا الشفيع

Quote: لو كنت يا شوقي تحسب أو تصدق بأن مشكلتك مع ناهد هي مشكلة بوست أو موقف معين تبقي بتخدع في نفسك ..

الاخ سناري مساء الخير

طبعا من حقك تقيم الموقف كيفما ما تشاء وتقول وجهة نظرك بحرية مطلقة ونحن علينا نحرتم وجهة نظرك .

موضوعي مع الماجدة ناهد هو سوء سلوك من ناهد ناهد فتحت بوست وانا قلت وجهة نظري فيهو حسب ما افهم واشعر وكنت اتوقع من الدكتورة ناهد تقبل وجهة نظري بروح طيبة انا اعترض على الاضراب الشامل والتوقيت الخاطئ لحدي هنا كنا كويسين اها بعد كده الدكتورة خلعت روب الدكترة ولبست روب تاني (بتاع الردحي والكلام الذي لا يمت للأخلاق والسلوك بأي شكل واي صورة ) اها بعد كده طلبت منها الاعتذار عن هذه الالفاظ لكنها رفضت . بعدين انا انا فقط قلت كلمة موتورة طلعوني كأني كفرت وكنت اتمنى منك يا سناري تمرق ذمتك وتقول لي الدكتورة ناهد الكلام الصدر منك خطأ لكن تركت كل ذلك وبقيتوا مركزين على ما كتبت الزمم بقت استك ولا شنو يا جماعة . وفي النهاية دي وجهات نظر ووجهت نظري في ناهد ولي يوم الدين أنها تاجرة وغير امينة على قضية الاطباء.

Quote: يا شفيع تحياتي الاول ده انا دي ما فيها شك والتاني لم يعلن عنه بعد المهم في حاجة واحده متأكد منها الناس ديل ما بقدروا يمسكوك ضنب الككو لأنك رجل صاحب مبادئ

انا كنت متأكد

«إنما أهلك الذين قبلكم أنهم كانوا إذا سرق فيم الشريف تركوه وإذا سرق فيهم الضعيف أقاموا عليه الحد»

كل ما نطلبه منكم (كلمة حق وعدل)، تجردوا من ولاءاتكم الحزبية

هل يقبل احدكم ان تشتمه امرأة وتقول ليهو (انت ما راجل)؟

Quote: شكرا يا الشفيع

مرحب قمربوبا
"نشتري" استمرارك معنا

مرحب اخوي السناري

Quote: هل انت والأخ شوقي قضيتكم ناهد شخصياً أم مواقفها ومواقعها

ليس لي موقف شخصي ضد د.ناهد
اتعامل معها بحكم منصبها (الناطق الرسمي) باسم لجنة الاطباء

Quote: وكل من موقعه وبالأدوات التي يختارها أو تفرض عليه

وهل من ضمن هذه الادوات السب والشتم بافظع الالفاظ
هل من ضمنها التصدي لي بقول (انت ما راجل)؟ وبدون سبب يا السناري؟

Quote: أعتقد يا أخ شفيع أنك أذكي من الوقوع في شرك النفس الأمّارة بالدرك الأدني

اشكر لك حسن ظنك اخوي السناري وصدقني كلامك اثر فيني وبقوة
بس لاحظ انو البوست حقي ده فقط رد فعل ولم ابادر انا بشخصنة الموضوع

اخوي السناري
لم اسمع لك انتقاد للطرف الاخر
هل افهم من ذلك انك توافق عليه او تتفق معه او تتفهمه؟
وهل تبنيه لقضايا مهمة وخطيرة تبرر له تجاوز الحدود يا سناري؟
تحياتي وودي

Quote: لم اسمع لك انتقاد للطرف الاخر هل افهم من ذلك انك توافق عليه او تتفق معه او تتفهمه؟ وهل تبنيه لقضايا مهمة وخطيرة تبرر له تجاوز الحدود يا سناري؟

الاخ الشفيع لك تحياتي

من اغرب الاشياء في هذا المنبر هناك اناس يترددوا ويفكرو في اخراج كلمة الحق الف مرة ولو تلاحظ ما في اي زول طلع التاجرة ناهد غلطانة في اي شئ رغم كلامها القبيح انا في كلمة موتورة طلعت مجرم كبير . اتمنى من الجميع الشفافية والحياد في مثل هذه الامور كان الاحرى بهم توبيخ التاجرة في كلامها الغير اخلاقي وحتى كلمة موتورة الانا قلتها كان ردت فعلا طبيعية جدا ومهذبة نوعا ماء تعكس وضع التاجرة في تلك اللحظة ، تخيل واحدة توصفك ب لص وساكن مراحيض الخ وزول يقول ليها حاجة مافي وللاسف اطباء بلادي ماسكين ضنب الككو عشان كده امورهم ما ظابطة ابدا.

الحقيقة كشفها حااار ومر يا شوقي
والدكتورة خرجت عن طورها لاننا كشفناها على حقيقتها المجردة
تمت تعريتها وكشفها تماما
عشان خرجت عن طورها وبدأت تتلفظ بمثل تلك الالفاظ التي تدل على الافلاس
نعم الحقيقة حارة
وقليل جدا من يتحملها

لدينا رسالة و ح نوصلها
ولدينا قراء سيسمعوا منا
شاء من شاء وابى من ابى
ولتواصل هي في بذاءتها
وكل ذلك في صالحنا ويحقق اهدافنا

اصبر واحتسب يا شوقي

Quote: لدينا رسالة و ح نوصلها ولدينا قراء سيسمعوا منا شاء من شاء وابى من ابى ولتواصل هي في بذاءتها وكل ذلك في صالحنا ويحقق اهدافنا

حبيبنا يا شفيع

تقريبا الرسالة وصلت وعما قريب ان شاء الله اطباء بلادي سيتخلصون من هذا الكابوس الجاسم على صدورهم حتى يستطيعوا رد حقوقهم الاضاعتها الماجدة ناهد.

Quote: «إنما أهلك الذين قبلكم أنهم كانوا إذا سرق فيم الشريف تركوه وإذا سرق فيهم الضعيف أقاموا عليه الحد» كل ما نطلبه منكم (كلمة حق وعدل)، تجردوا من ولاءاتكم الحزبية هل يقبل احدكم ان تشتمه امرأة وتقول ليهو (انت ما راجل)؟

جمعتكم مباركة طيبة

Quote: Quote: «إنما أهلك الذين قبلكم أنهم كانوا إذا سرق فيم الشريف تركوه وإذا سرق فيهم الضعيف أقاموا عليه الحد» كل ما نطلبه منكم (كلمة حق وعدل)، تجردوا من ولاءاتكم الحزبية هل يقبل احدكم ان تشتمه امرأة وتقول ليهو (انت ما راجل)؟ جمعتكم مباركة طيبة

جمعتك مباركة يا شفيع

هذا كلام غير مقبول جملة وتفصيل لكنه ليس بغريب على الدكتورة تظن ان بواسطة الشتم تستطيع الوصول لاعلي السلم انه الفكر المحدود.

Quote: «إنما أهلك الذين قبلكم أنهم كانوا إذا سرق فيم الشريف تركوه وإذا سرق فيهم الضعيف أقاموا عليه الحد» كل ما نطلبه منكم (كلمة حق وعدل)، تجردوا من ولاءاتكم الحزبية هل يقبل احدكم ان تشتمه امرأة وتقول ليهو (انت ما راجل)؟

Quote: الحقيقة كشفها حااار ومر يا شوقي والدكتورة خرجت عن طورها لاننا كشفناها على حقيقتها المجردة تمت تعريتها وكشفها تماما عشان خرجت عن طورها وبدأت تتلفظ بمثل تلك الالفاظ التي تدل على الافلاس نعم الحقيقة حارة وقليل جدا من يتحملها لدينا رسالة و ح نوصلها ولدينا قراء سيسمعوا منا شاء من شاء وابى من ابى ولتواصل هي في بذاءتها وكل ذلك في صالحنا ويحقق اهدافنا