صوّروا العـــشر وقــــولوا ده برتكـان

هكذا تقول هذه الخالة
عبارة عن ناس خلوهم في صحراء ومشوا
السد ده نحن البنيناه نحن الضحينا
السد ده فضلة خيرنا
قالوا نحن عايشين في جنة ..الليجي يشوف الجنة ويرجع



_
لكم الله فأرفعوا أكفكم وأدعوه..فإن دعوة المظلوم مجابة

دايرين ترع مليانة موية...
مواطن يطالب بموية بس؟؟





_
لكم الله فأرفعوا أكفكم وأدعوه..فإن دعوة المظلوم مجابة

جفت ألاشجار واقفة،يبكي علي ثمار اشجاره ويقول
ده ما زي الجنا؟؟؟في زول يبيع جناه؟

دي ما بتحنن الكافر...هكذا يقول

شكرا يا قمربوبا
وفعلا ماساة

تسمح انقل البوست لمنابر اخرى؟

اخونا الشفيع سلامات..

الهدف من هذه البوستات هو عكس معاناة هؤلاء المقهورين..

فانقل ما تيسر لك لكل المواقع..


فبوبا لا يكتب لمجد ذاتي لكن لنجدة هؤلاء الضعفاء..


قمر سلام..

يا الشفيع
انقل ياخ..زي ما قال ليك حسين،لا لدنيا قد عملنا نحن للدين فداء...المادة ذاتها لقيتها في الفيس بوك انا



_
يا جسين أحوالك ياخ،ياخي ماتدخل يدك في خزنة وأخمش ليك كم رزمة دولارات وترسلوا لينا من بنككم ده..البلد قطت بجاي

يا ألطاف الله ياخي
يا بوبا الألم دة حدو وين

http://albrkal.com/vb/showthread.php?t=13256

Quote: يا بوبا الألم دة حدو وين

ليس له حد ...بالشايفنه ما عنده حد ولا حل


_
شكرا لنقلك بهناك يا حبوب

العزيز قمر بوبا


شئ محزن ومؤلم..
ناس تعاني..
ناس تكابد في الحياة..
لا مسؤول ولا احد يسمع!!
لا احد يستجيب!!

الى متى؟

من الخالة بدت تحكي والعبرة السدت حلقها سدت حلقي ...

يشهد الله دمعتي ما وقفت ياقمر

نسوي شنو ...

Quote: لا مسؤول ولا احد يسمع!! لا احد يستجيب!!

لو ما سمعوا واستجابوا ليهم هسة ..يوم هم حيسمعوا صوتهم وهم في مصائر محتومة

تحياتي يا عزيز

والله يااميرة انا زي ما انتي عارفة قولي لي ارفعي جبل ولا ارفع بوست

كلام الخالة حضرته..إتجاسرت شوية

لقيت الزول الخاتي ثمار البرتكان في الواطة...تلاتة سنة انتظرها قطعوا منو الموية
يشيل يجدع في البرتكان الناشف...بعد كان ماش علي السوق يبيع بقي يفكر ياكل ويشرب كيف
المواطن المغلوب علي امره ده لما هوزز شجره الناشف...غلبني رفعت البوست

ظلم من يقاسمك الارض والطن قاسي...لا يحتمل

frown جدا يا عمك

Quote: لا لدنيا قد عملنا نحن للدين فداء

قدرت تطلع مني (ضحكة) في الموقف الحزين يا قمربوبا، تسلم

تعرف يا الشفيع
من الحاجات الممكن أكون سعيد جدا ليها إنو واحد يقول انا مؤتمر وطني ويعترف إنو في مشكلة،وانو يجب حلها.
أرفض هتافية المعارضة وتوصيف الاشخاص بكثير من التجريح حتي لو كانوا في نظرهم مجرمين،ببساطة ح تجي لحظة السودان ده كله حيقيم روحه من جديد وأي صاحب حق حياخده وأي ظالم برضو حياخد حقه..الكلام ده ما من 89 قبليه في مظالم عبود ارتكب نفس الجرم في حق النوبيين ونفس المظالم وقعوا فيها النوبيين لكن المصريين كانوا اعدل من بني جلدتنا في التعويض والـ (ريهابلتيشن) للمجتمع بمعدل كبير جدا،وفرق كبير مشروع حلفا وقري حلفا ومشاريع سد مروي.
الحياة دي صعبة شديدة،فما بالك تشوف بأم عينيك خالة لك تشكي من العوز وهي أعف من تشتكي؟؟
شخصيا لا ولن أنتمي لحزب،أري أن ما اضاعتها الانقاذ علينا من مقدرات وزمن كانو أكبر.
قد أكون شخص فلوتر ساي ولا اري هذه محمدة أو مذمة وحتة انو انا امش انتقد حزب الامة والاتحادي والمؤتمر ممكن يكون مفيد،لكن انا ذاتي كمواطن قاعد ساي وين حلولي تجاه هذه القضايا.
يا هندسة كتير من الحجات لو عاينا ليها بعيون المنطق،بنحتاج نحكم ضمائرنا فيها كان كنا منظمين ولا حايمين ساي زينا.

خلاصته يا الشفيع ما دايما النظرة بعيون الكيانات البتنمي ليها الناس مفيدة،قد تفقدك الانسانية


العيد الماضي انا مريت بالحلال دي علي رواقة وسنويا بعملها...لو نزلت ليك صورة طفل يحمل في الهجير بطيخة عشان يبيعها ح تتأزم


_
عليك الله يا الشفيع
1.راجع مكتبة زميلنا في المنبر عسكوري،وكيف دمغوه باي صفات حين رفض سد مروي ..وانت براك شايف النتيجة...كان يخاف علي أهله..ما كان عنده ذنب.
2.راجع البوست ده عشان تعرف ليه انا رافض السدود وخاتي في البروفايل صورة تعبر بذلك بدل صورة شخصية في البحر أو لحظة ابتسامة ولا بنضارات بماركة
راجع البوست ده ولسة مفتوح: حوار مع الأستاذة ميادة كمال فيما يختص بالسدود بس نسمع رأيك وليه الانظمة ما بتسمع كلام المواطنيين وبتمرر اجندتها بكل خيانة لشعبها

من مداخلتي الفوق للشفيع
أرجو رجاء خاص من الجميع أن لا يعتقد أنني أتجاسر علي وجع متضرري سد مروي لأرفض سدي كجبار ودال
قبل هذا البوست ومبدئيا رفضت السدود....أكرر هذا البوست فقط لترجع للناس الذين ظلموا حقوقهم،ليشعروا انهم ضحوا لأناس يستاهلوا التضحية.
هذا البوست فقط لكي لا نري ذات يوم نفس هذه المظالم ومتكررة ونعمل فيها رايحين.
هنالك بوست بنفس المضمون للأخ مدحت...لكن لكي تكون المشكلة في دائرة الضوء يجب الكتابة فيها باقلام مختلفة.ودي مشكلة ده المفروض كان نفسح فيه المجال للمختصين والكتاب لكن اين هم؟؟لا حل.
عملية بناء السدود وجعلها تنمية حقيقية للانسان أبعد ما تكون من إدارات الانظمة الشمولية في العالم الثالث..لدرجة انني اتمني أن لسد الالفيه في أثيوبيا أن لا تسقط حتي ضحية واحدة ...لا معني ان يموت احد سمبلا أو يتشرد دون توفيق اوضاعة لسعادة الآخرين

هذه الحكومة لاتحترم مواطنيها



__________
وين الايسكريم يا عمرالبشير
بل وين ابسط مقومات الحياة
للمواطن في تلك البقاع ؟

آيسكريم ايه يا فيسل...

يا فيصل ياخي ما ترسلوا موية من المجر.

ويا فينا؟؟

قمربوبا يا صديق
شاهدت كل الاشرطة الهنا والهناك
هي فعلا تحكي مأساة
وانا اصدق كل كلمة قالتها هذه المرأة وهذا الرجل
لن اكذب عليك واقول ليك اني ح اتخذها رؤية لتحديد موقف تجاه (استراتيجية السدود) او (الحزب) او (الحكومة)
ولكنها قطعا ستكون نقطة
والنقاط (قد) تتجمع لتصبح موقف

نقلت البوست هنا
رسالة عاجلة للرئيس (دايرين موية)
ليكون (قريب) من الحكومة
لعل وعسى


شكرا لك
وشكرا لشباب التغيير

Quote: لن اكذب عليك واقول ليك اني ح اتخذها رؤية لتحديد موقف تجاه (استراتيجية السدود) او (الحزب) او (الحكومة) ولكنها قطعا ستكون نقطة والنقاط (قد) تتجمع لتصبح موقف

الموقف بالضرورة لا يعني انسلاخك من منظومة تنتمي اليها...اها رأيك شنو لو قلت ليك وجود شخص يحسب نقاط ويحاول مراجعتها من داخل تنظيمه أفضل من خروجه.
وطول ما انت بسمع مني وانا بسمع منك وبنتفق علي نقاط ونمش قدام صدقني معناه نحن الاتنين في الاتجاه الصحيح

_____________
بالنسبة لموضوع السدود ورؤيتك فيها أبشرك للسدود رجالها وقاعدين و حقول ليك ببساطة أهلنا المناصير دقسوا حين وافقوا من حيث المبدأ...نحن رافضيمن حيث المبدأ
يا الشفيع المئمر والطني في عبري اجتمع بنائب الدائرة وقال ليه مافي سد ح يقوم هنا ، في كجبار سلاف الدين صالح خلوا ليه خشموا ملح ملح...جلس وانصت كما التلاميذ وذهب...ناسنا كيزانهم ومواطنيهم عارفين ...اتلدغوا من الجحر مرة وما بكرروها تاني.

ناسنا لما يجي مسئول أول حاجة برفعوا ليه صور الشهداء الاربعة وبطالبوا بالقصاص..المسئول بكون بعتذر لامن يمش تقول لي سدود؟؟

شكرا لنقلك المود لمنبر يكتب فيه عضوية معتبرة من المؤتمر الوطني وعسي أن تفرج هم هؤلاء المكروبين

سلامات يا قمر,,,

هو عصب الوجع دا يتحمل شنو ولا شنو!!
ما ياهو دا الحال وياهو دا الواقع,,
بقينا حالنا مؤلم وما عارفين نشكى
شنو ولى منو لكن زى ما قلت الدعاء
واصل إن شاء الله,,

سبحن الله رب العالمين خالتنا دى تخليك
تحس يفكرة ما أضيق العيش لولا فسحة الأمل,,
وما يحير أكتر إنو فى ناس لسة عندهم أمل
إنو ناس عمر البشير بلتفتو تانى لهؤلاء
المظلومين الذين جارت عليهم الإنقاذ ولم
يرجف لها جفن وهى تظلمهم كل هذا الظلم,,

ياخ ناس الله خلقهم جنب النيل وجنب الموية
والنيل يجرى فى عروقهم تماما مع الدماء
تشيلوهم تودوهم خلا وصحراء ليس بها غير
الجن العقارب والأفاعى,,

هل ضاق مجرى أطول أنهار الأرض عن ضفة يعيش
عليها من خُُلق أجداد أجداد أسلافهم عليها؟؟

يا كيزان ما فعلتموه بالسودان وأهل السودان
لا يمكن غفرانه ولا يمكن نسيانه ولا يمكن دفع
ثمنه مهما دفعتم وإن دفعتم ولابد أن تدفعوا,,

هو منو من أهل السودان دا كلو ما ظلمته ثورة
الإنقاذ ولم تعتدى على إنسانيته تاريخه!!

فقط أتمنى أن يشرح أى منتسب للمؤتمر الوطنى
ولو تبريرا بسيطا لهذا المثال فقد دافع عن
هذه السدود الكثيرين ولكن عندما تأتى مثل
هذه القصص يختفون...

أيمن يا طيّب
كيفنك يا حبوب؟..اتمناك بخير
حميد بقول:
يا دَكَّةْ السُلْطَة
ودُخانا .. وشمْلَتا
وفي شرْعَك الإنسان يموت
إن زادت الموية ويموت من قِلَّتا
لو سامحك في حقُّو .. سِيدي .. العُمدة ..
هُــوي
تبْ ماب تسامحك بِتْ أبوي في شتْلَتا .
يا مَسَمِّي مِحْنَتنا :-
إمتحــــان !
مرَّات قَدَرْ !
حِيناً غضبْ !
!! ؟؟ !!
ناكِرْ جِبِيهاتنا .. وصلاةً صلَّتا .
يوم يمْحَق الصاح الخطا
وين ؟ تمشي من غضب الغلابة اللا بَكتْ لكْ نازِلاتَا .. ولا شَكتْ لكْ عِلَّتَا


___
عندنا زول اسطورة في الكلام المضحك..إسمه سيد تلول رحمه الله
بلادنا ديك فيها رمال زحف صحراوي اجارك الله
وصل حلفا الساعة 88 صباحا بعد سفرية مضنية جدا فتح الحنفية لقي الموية قاطعة
اتلفت يمين شمال قال ليهم انتو حلفا دي غرقوها بالرمل؟؟


_
بجي يوم يا أيمن