Post: #1
Title: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-01-2011, 10:27 AM
للمرة الدشيلون
زولة ولا زول الله أعلم ( منتحل) شخصيتي ووأضع صورتي والإسم رباعي ( نادية عثمان مختار) !
أنا أغير اسمي ولا صورتي ولا أعمل شنو مع الزولة ولا الزول ده ياجماعة الخير ؟!
وبالأمس أخبرني صديق أن أحدهم ( خاض) في عرضي ونبذني ماشاء له النبذ في الفيسبوك برضو !!
ياجماعة سيد الفيسبوك ده أنا أعمل معاه شنو بس أفتوني بالله ؟!
من قبل إنتحل/ت أحدهم/هن أسمي وعاث به في الفيسبوك فسادا !!
وكان أن ساعدني أخوة أعزاء هنا على إلغاء ذلك الحساب المزور !!
واليوم فكرت أن أسجل في الفيسبوك بحسب وصية صديقة عزيزة حتى أقطع على بعضهم الطريق لإنتحال اسمي
فأول ما كتبت اسمي الاقيهو ليك أصلاً قاااااعد وبصورتي الرسمها الفنان التشكيلي خلف الله كمان !
يعني بس بقى علي قول الشاعر ( لا قربك بريحني .. لا بعدك بفرحني .. وفي الحالتين أنا الضائع يافيسبوك ) !
الشكية لي أب إيداً قوية غايتو !!
حسبي الله ونعم الوكيل ألف ألف مرة !!
يارب أنت خالقي ومولاي وتعلم أنني لم أؤذ أياً من عبادك يوماً فكف عني ايذائهم يارب !
يارب أنت لا تحب الظلم فكف عني ظلم من يفترون علي الكذب دون خشية من عقابك يارب !!
يارب أهدني وإياهم وأحسن خاتمتي وتجاوز عن اخطائي فأنت الغفور الرحيم يارب !
آمين يارب العالمين .
|
Post: #2
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: Gafar Bashir
Date: 05-01-2011, 10:36 AM
Parent: #1
هوني عليك ...
سجلي في الفيس بوك لمقابلة اصدقاءك الذين تعرفين تفادياً لسرقة الاسم ... اما ما عدا ذلك فلا يمكن التحكم فيه ... ومسالة متابعة كل منتحل مسالة لا نهائية ... بالتوفيق
|
Post: #3
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-01-2011, 10:50 AM
Parent: #2
جعفر بشير
حبابك وتسلم من كل شرور الدنيا وخاصة الفيسبوك يارب
والله ياهو برفع يدي وأقول حسبي الله ونعم الوكيل وربنا نصيري باذن الله !
| Quote: سجلي في الفيس بوك لمقابلة اصدقاءك الذين تعرفين تفادياً لسرقة الاسم ... اما ما عدا ذلك فلا يمكن التحكم فيه ... ومسالة متابعة كل منتحل مسالة لا نهائية ... بالتوفيق |
والله بيني وبينك ولا قعد أريدو ورغم كدا سجلت مرة لملاقاة صديقات عزيزات مابلاقيهم إلا هناك !
لكن كرهت التسجيل بإسمي من زمان للمهاترات البتحصل لا إيدي لا كراعي دي !
وهسي قلت أسمع نصيحة صديقتي وأسجل باسمي أقوم الاقي ( نادية) بصورتها قاعدة هناك !
شفت المحن دي بالله ؟!
تسلم وكن بألف خير ياراقي
|
Post: #4
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-01-2011, 11:55 AM
Parent: #3
وين خبراء الفيسبوك في المنبر يا جماعة ؟؟
|
Post: #5
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: النذير حجازي
Date: 05-01-2011, 12:54 PM
Parent: #4
غاليتنا ندوية
زي ما بقولوا أهلنا الشُهرة متاعب
ح يجيء هسا حاتم على فهو أكبر خبير هنا
في الفيسبوك ويلحق ليك الزول اللي منتحل شخصيتك
أمات طه
وأنصحك بعد حل هذه المشكلة أن تعملي بنصيحة صديقتك
ونصحية الأستاذ جعفر بشير أعلاه، وبي كدا ح يكون اسمك
محجوز لك إنت فقط، وبالمناسبة أنا زمان كنت بكره الفيس بوك
لكن والله صدقيني حاجة ما تخلص وممكن تتحكمي في أصدقائك وحتى
يمكنك حذف أي مداخله تجدينها غير لائقة
ويا حاتم على اسعف أختك
تحياتي ليك يا غالية
|
Post: #6
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: عمر صديق
Date: 05-01-2011, 01:20 PM
Parent: #5
الاخت نادية
تحياتي
وهذه ممارسة يتصف من قام بها بالجبن وسؤ الاخلاق ورغم ان الادانة او حذف الحساب لايكفي فعليك بالاخ بنصيحة الاخ جعفر والتسجيل في فيس بوك حتي يعلم معارفك واصدقاءك بذلك وحينها تصعب مهمة من يقوم بالانتحال الا انه وحسب علمي لن يكون ذلك مدعاة لكبحه لان عمل الايميل لايحتاج الي ضوابط مما يسهل لاي شخص بالتسجيل بمجرد اختلاف في الاسم ولو طفيف
وعموما فقد اصبحتي من المشاهير والقيادات الكثيرين الذين توجد باسمهم حسابات لايعلمون عنها شيئا
|
Post: #11
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-02-2011, 09:37 AM
Parent: #6
عمر الصديق أخوي العزيز
| Quote: وهذه ممارسة يتصف من قام بها بالجبن وسؤ الاخلاق ورغم ان الادانة او حذف الحساب لايكفي |
شكيتو لرب العالمين الأقوى من سيد الفيسبوك وأقوى من أي قوة في الكون !
| Quote: فعليك بالاخ بنصيحة الاخ جعفر والتسجيل في فيس بوك حتي يعلم معارفك واصدقاءك بذلك وحينها تصعب مهمة من يقوم بالانتحال |
بعملوه كيف الحساب ده عمري ماعملت براي إلا حمادة ود أختي يعملو لي وهو في مصر هسة ؟!
| Quote: الا انه وحسب علمي لن يكون ذلك مدعاة لكبحه لان عمل الايميل لايحتاج الي ضوابط مما يسهل لاي شخص بالتسجيل بمجرد اختلاف في الاسم ولو طفيف |
لا خلاص أنت وكل الأصدقاء الأنقياء بعد كدا بيكونوا متابعين ومراقبين دوليين عديل معاي لكشف الإنتحالات !
| Quote: وعموما فقد اصبحتي من المشاهير والقيادات الكثيرين الذين توجد باسمهم حسابات لايعلمون عنها شيئا |
يعني بقيت مشهورة زي علي عثمان محمد طه عددديل ( وش منفوخ) !!
يا عمر والله لا شهرة ولا بطيخ دي عمايل زول مابخاف من الله كلو كلو بس !!
|
Post: #7
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نوفل عبد الرحيم حسن
Date: 05-01-2011, 01:34 PM
Parent: #5
تااااااااااااااني عملوها ؟
اول شي :
لازم نعمل زي ما عملنا المره الفاتت ... حملة لاغلاق الحساب
تاني شي :
تقومي انت ذاااااتك يا ناديه تعملي حساب وتضيفي فيه اصدقائك فقط
تالت شي :
نقوم نحن نعمل قروب ويكون تحت العنوان الاتي ( القروب الرسمي للاستاذه الشاعره والصحفيه والمذيعه والكاتبه نادية عثمان مختار )
وبما انه - ما شاء الله يعني صفاتك كتيره - نقوم نخليهو كالاتي : القروب الرسمي للاستاذه ناديه عثمان مختار
بعد داك اي زول بياخد علم بانه دي حساباتك الرسميه .. اي حسب غير كده اصلا مافي زول بصدقو
شي اخير
في حاجة اسمها جرائم النت والمعلوماتيه وعندها قانون وجهه خاصه في السودان بالمناسبه
وممكن تقاضي اي زول ينتحل او يضر بيك
هذا والسلام عليكم وما لقينا طريقة نصلك هناك ذاتو
|
Post: #14
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-02-2011, 03:11 PM
Parent: #7
نووووووفل
حبابك أخوي
Quote: في حاجة اسمها جرائم النت والمعلوماتيه وعندها قانون وجهه خاصه في السودان بالمناسبه
وممكن تقاضي اي زول ينتحل او يضر بيك |
بديت أمسك خيوط بمساعدة أخوان مايتخيروا عنك وربنا يكمل علي حمايته وإنصافه يارب !!
| Quote: هذا والسلام عليكم وما لقينا طريقة نصلك هناك ذاتو |
لا خلاص ماتمشي حاتلاقينا سلمنا المفاتيح لمشترين جدد وكل سنة وأنت طيب !
|
Post: #8
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-02-2011, 08:59 AM
Parent: #5
النذير ؟؟
وينك ياخ مختفي وخالي أختك (نهباً) لسفاحين الفيسبوك ؟!
بالغت فوكا ياخ !
Quote: غاليتنا ندوية
زي ما بقولوا أهلنا الشُهرة متاعب |
والله فترتا يا النذير أدعي لي ربنا يكفيني شرور عباده يارب !
Quote: ح يجيء هسا حاتم على فهو أكبر خبير هنا
في الفيسبوك ويلحق ليك الزول اللي منتحل شخصيتك
أمات طه |
مع إني عذبتو ياخ كل مرة ملاحق لي المنتحلين ديل الله يديه العافية
هو وأنت وعادل عثمان ود أبوي وكلكم والله مابتقصروا مع أختكم .. ما أعدمكم يارب !
Quote: وأنصحك بعد حل هذه المشكلة أن تعملي بنصيحة صديقتك
ونصحية الأستاذ جعفر بشير أعلاه، وبي كدا ح يكون اسمك
محجوز لك إنت فقط، وبالمناسبة أنا زمان كنت بكره الفيس بوك
لكن والله صدقيني حاجة ما تخلص وممكن تتحكمي في أصدقائك وحتى
يمكنك حذف أي مداخله تجدينها غير لائقة |
ده الأنا بفكر فيهو والله كريم وهو الحافظ
لكن كيف يمكن أحذف مداخلة غير لائقة موش إلا يمسحها الكتبها بس ؟!
|
Post: #9
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: صبري طه
Date: 05-02-2011, 09:15 AM
Parent: #8
| Quote: والإسم رباعي ( نادية عثمان مختار) ! |
الاسم دة ثلاثي ... شكلك زعلانة شديدة 
ـــــــ
الشهرة متاعب
|
Post: #10
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: صبري طه
Date: 05-02-2011, 09:24 AM
Parent: #9
أختي الأستاذة نادية ... لكِ التحية ...
يوجد حل وهو عمل إعلان في صفحتك في الفيس بوك بأن هذا الحساب هو حسابك الحقيقي وما عداه كله انتحال للشخصية ولا توجد أيّة علاقة لكِ بأيّ حساب آخر.
ولكِ كل الود والتقدير ،،،
|
Post: #12
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: النذير حجازي
Date: 05-02-2011, 10:49 AM
Parent: #10
| Quote: لكن كيف يمكن أحذف مداخلة غير لائقة موش إلا يمسحها الكتبها بس ؟! |
غاليتنا ندوية، تحياتي يا غالية، أيوة ممكن تمسحي أي مداخلة حتى ولو كتبها زول
تاني يعني ح تبقي زي بكري موش بكري ممكن يمسح أي مداخلة؟ ماتييييييب هاهاها
والله يا نادية منتظرنك على أحر من الجمر أن تدخلي الفيسبوك، فله مستقبل واعد
ح تنبسطي كتير فيهو.
وبالمناسبة يا ندوية الزول اللي منتحل شخصيتك دي زول جبااان وشدة ما جباان
اقتصر قراءة مداخلاته على أصدقائه في قائمته، وعلشان كدا ما منو خوف والكلام
اللي كتبو ما ح يكون في العام علشان كدا ختي في بطنك بطيخة صيفي، وبالمناسبة
أنا كتبت عنو تقرير لإدارة الفيس بوك، وأظن ناس كتيرين قرأوا بوست دا وعملوا
نفس الشيء، وأتمنى أن تسجلي في الفيسبوك اليوم قبل غد وتلمي جميع أصدقائك
في الفيسبوك ونعمل حملة وكلنا نقدم تقارير لإدراة الفيس بوك بأن هنالك من
ينتحل شخصيتك.
تحياتي يا غالية
|
Post: #13
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: د.نجاة محمود
Date: 05-02-2011, 10:53 AM
Parent: #12
Quote:
يارب أنت خالقي ومولاي وتعلم أنني لم أؤذ أياً من عبادك يوماً فكف عني ايذائهم يارب !
يارب أنت لا تحب الظلم فكف عني ظلم من يفترون علي الكذب دون خشية من عقابك يارب !!
يارب أهدني وإياهم وأحسن خاتمتي وتجاوز عن اخطائي فأنت الغفور الرحيم يارب !
آمين يارب العالمين . |
اللهم آمين وربنا وكيلك يا حبيبة
ما تشيلي هم اي زول معروف...
|
Post: #23
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-03-2011, 09:26 AM
Parent: #13
د. نجاة الغالية العزيزة
حبااااابك
| Quote: اللهم آمين وربنا وكيلك يا حبيبة |
هو حسيبي ونعم الوكيل !
ربنا شاهد ومطلع وعالم أنني لم أؤذ ايا من عباده ( عامدة متعمدة) يوما والله على ما أقول شهيد !!
اللهم كف عني أذى عبادك يااااااارب !
|
Post: #20
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-03-2011, 08:43 AM
Parent: #12
النذير أخوي الغالي
Quote: غاليتنا ندوية، تحياتي يا غالية، أيوة ممكن تمسحي أي مداخلة حتى ولو كتبها زول
تاني يعني ح تبقي زي بكري موش بكري ممكن يمسح أي مداخلة؟ ماتييييييب هاهاها |
ياخ بكري ( حكومة) ونحنا ( أهالي) ههههههه
شن جاب لي جاب كمان هههههههه
Quote: والله يا نادية منتظرنك على أحر من الجمر أن تدخلي الفيسبوك، فله مستقبل واعد
ح تنبسطي كتير فيهو |
أنا غايتو كان عملتو لي إجتماع عاجل مع سيد اللبن .. أقصد الفيسبوك تكونوا ماقصرتو(وش منفوخ) !
|
Post: #24
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-03-2011, 06:56 PM
Parent: #12
النذير ؟
Quote: وبالمناسبة يا ندوية الزول اللي منتحل شخصيتك دي زول جبااان وشدة ما جباان
اقتصر قراءة مداخلاته على أصدقائه في قائمته، وعلشان كدا ما منو خوف والكلام
اللي كتبو ما ح يكون في العام علشان كدا ختي في بطنك بطيخة صيفي، وبالمناسبة
أنا كتبت عنو تقرير لإدارة الفيس بوك، وأظن ناس كتيرين قرأوا بوست دا وعملوا
نفس الشيء، وأتمنى أن تسجلي في الفيسبوك اليوم قبل غد وتلمي جميع أصدقائك
في الفيسبوك ونعمل حملة وكلنا نقدم تقارير لإدراة الفيس بوك بأن هنالك من
ينتحل شخصيتك. |
صفحة ( المنتحل/ة) لسة قاااااعدة باسمي سيد الفيسبوك ماحذفها ليه ياربي ؟( وش منفوخ) !
|
Post: #17
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-03-2011, 08:00 AM
Parent: #10
ياصبري
| Quote: يوجد حل وهو عمل إعلان في صفحتك في الفيس بوك بأن هذا الحساب هو حسابك الحقيقي وما عداه كله انتحال للشخصية ولا توجد أيّة علاقة لكِ بأيّ حساب آخر. |
صفحتي ياتها أنا أصلا ماعندي صفحة هناك باسمي لكن ؟!
|
Post: #15
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-02-2011, 06:06 PM
Parent: #9
صبري طه أخوي
حبابك
Quote: الاسم دة ثلاثي ... شكلك زعلانة شديدة
ـــــــ
الشهرة متاعب |
والله الشهرة كان كدا بقت (مصائب) ربنا يدينا خيرها ويكفينا شرها والله !
|
Post: #16
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-02-2011, 07:31 PM
Parent: #15
راجعة كان عايشة بإذن الله
|
Post: #18
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: أنور سيد ابراهيم
Date: 05-03-2011, 08:31 AM
Parent: #16
اختنا نادية كيف حالك .. وييييين الحى بيك ؟؟
وكيف العيال .. اتمنى ان تكونى وهم بخير آميييين
زمااااان اديتك نصيحة طنّشتيها !!
المهم المرّة دى اعملى ليك بوست جديد وعنونيهو كدا ( يا معاوية حسين ويا جمال محمود )
واوّل ما يجوك احكى ليهم الموضوع وهم بحلّوه ليك ( بينى وبينك انا زاااتى عاوزهم )
يس نا تكلمى زول ... سمح ...؟!
اها اخبار البوتيك شنو ؟؟
طبعا وصيتى زمان ( تاكلى ليك عكو ..) من الديم
وكان ما قدرتى خلاص نكلّم ليك اخونا داك بتاع العنكوليب يرسل ليكم شويّة
كامل الود
اخوك انور
|
Post: #25
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-03-2011, 09:10 PM
Parent: #18
أنور أخوي
حبااااااااابك وتسلم كلنا بخير الحمد لله
| Quote: اها اخبار البوتيك شنو ؟؟ |
تجربة مريرة جد وإجتزتهاااااااااا !! ( على رأي الفنان عركي) !
Quote: طبعا وصيتى زمان ( تاكلى ليك عكو ..) من الديم
وكان ما قدرتى خلاص نكلّم ليك اخونا داك بتاع العنكوليب يرسل ليكم شويّة |
عاملة ( دايت) ما بحب الحلويات ياخ ( وش معضم) !
|
Post: #27
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-04-2011, 10:10 AM
Parent: #25
ياالفيسبوك ربنا يدينا خيرك ويكفينا شرك يااااااارب
|
Post: #19
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: البشير دفع الله
Date: 05-03-2011, 08:33 AM
Parent: #16
الأخت نادية
تحية وتقدير
الى ان يأتيك من يقطع قول كل خطيب
عندك فوق اقتراحات كويسه جدا كتبوها الاخوان فوق :
1 - تعملي حساب وترسلي لكل أصدقائك انو دا حسابك وما عداه انتحال للشخصية
2 - عمل اعلان بالفيس بوك يوضح ان هناك من ينتحل شخصيتك
3 - شوفي ليك قانوني ضليع يبحث في موضوع جرائم النت والمعلوماتية يتولى الموضوع دا
وربنا معاك
على فكرة المسألة دي انتشرت بصورة لافته للنظر , اقصد مسألة انتحال شخصيات الناس المشهورين ومعروفين على الفيس بوك خاصة بوضع الاسم للشخصية المعروفة اضافة الى صورته .
ربنا يكون في عونك
|
Post: #21
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: Abdlaziz Eisa
Date: 05-03-2011, 08:56 AM
Parent: #19
سلام
الفيس بووك
الفيس برسلي
الفيس نادية
قائمة المشاهير..
الجاتك في فيسك سامحتك..
كفارة!!
|
Post: #22
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: خلف الله عبود
Date: 05-03-2011, 09:13 AM
Parent: #21
أتاري الحكاية كدا يانادية ؟
الله يعينك على المجرمين ديل .
بس واصلي مع الخبراء الحيساعدوك ديل .
بضو ممكن تدخلي بإسمك مع تعديل بسيط عشان يختلف مع الحساب المزور ، وبعد داك تعلني أنه دا الحساب الحقيقي وماعداه تزوير ...
التعديل ممكن يكون بإسم : ( الإعلامية نادية عثمان مختار) ودا يكون كأنه ( الإعلامية ) هو الإسم الأول ...
أظن بينفع ...
abureeshأخى أبوريش العزيز
رأيك شنو ؟
إنت طبعا خبير في ما مايتصل بالنت والكمبيوتر ...
|
Post: #26
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: عبدالمجيد الكونت
Date: 05-03-2011, 09:14 PM
Parent: #22
كامل تضامني معك ست البنيات
|
Post: #29
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-06-2011, 03:06 PM
Parent: #21
يا عبد العزيز أخوي
سلامات
Quote: قائمة المشاهير..
الجاتك في فيسك سامحتك..
كفارة!! |
هو كان ( فيسي) ماكان كويس لكن ده ( فيس) زول ولا زولة حالف مايخليني في حالي !!
حسبي الله ونعم الوكيل
|
Post: #28
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: نادية عثمان
Date: 05-04-2011, 01:26 PM
Parent: #19
البشير أخوي
| Quote: على فكرة المسألة دي انتشرت بصورة لافته للنظر , اقصد مسألة انتحال شخصيات الناس المشهورين ومعروفين على الفيس بوك خاصة بوضع الاسم للشخصية المعروفة اضافة الى صورته . |
طيب وسيد الفيسبوك ده ماعندو حل للمشكلة دي ياربي ؟!
|
Post: #30
Title: Re: يا ناس الله أفتوني .. الفيسبوك ده ما عندو سيد ؟! يوجد ( إفتراءات وإنتحال شخصية) !!
Author: خلف الله عبود
Date: 05-06-2011, 06:33 PM
Parent: #28
صديقتى العزيزة نادية
مساء الخير
سيد الفيس بوك دا ، ما بيقدر يتابع كل المشاكل ...
أى إختراع بيزيد وينتشر ويغلب سيده ذاته ...
حتى بكرى بتاعنا دا شوفيه تعبان مع ناسو كيف ؟
غايته أنا كلمت لك الخبير صاحبي ابو الريش في رسالة خاصة ...
|
|