Post: #1
Title: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 07:42 AM
Parent: #0
تم فجر اليوم القاء القبض على المحتال
المتخصص بالنصب على المغتربين وايهامهم
بالحصول على ( اراضي ) مقابل اخذ مبالغ
ماليه منهم ومن ثم يختفي عن الانظار
ليبدا رحلة النصب مجددا على ضحايا اخرين...
|
Post: #2
Title: Re: القبض على محتال أراضي جهاز المغتربين بالخرطوم ...
Author: محمد مصطفي مجذوب
Date: 05-01-2011, 07:46 AM
Parent: #1
يا راجل محتال واحد بس؟
|
Post: #3
Title: Re: القبض على محتال أراضي جهاز المغتربين بالخرطوم ...
Author: فايزودالقاضي
Date: 05-01-2011, 07:58 AM
Parent: #2
مسكين شكلوا ماعنده ضهر حزبي ..
ــــــــــــــــــــ
ودالباوقه سلامات ..اتصلت عليك رد على الكونت ..
|
Post: #6
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 08:13 AM
Parent: #3
| Quote: ودالباوقه سلامات ..اتصلت عليك رد على الكونت .. |
الكونت
بطل بطبطة
شكرا ود القاضي ....
|
Post: #35
Title: Re: القبض على محتال أراضي جهاز المغتربين بالخرطوم ...
Author: عبدالمجيد الكونت
Date: 05-02-2011, 05:58 PM
Parent: #3
| Quote: ودالباوقه سلامات ..اتصلت عليك رد على الكونت .. |
الكونت انا ولا واحد تاني
|
Post: #36
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-02-2011, 08:12 PM
Parent: #35
| Quote: الكونت انا ولا واحد تاني |
الكونت
اخونا ود القاضي داير يعمل فيها حريف
مودتي ...
|
Post: #4
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 08:08 AM
Parent: #2
| Quote: يا راجل محتال واحد بس؟ |
نعم
شكرا المجذوب
|
Post: #5
Title: Re: القبض على محتال أراضي جهاز المغتربين بالخرطوم ...
Author: Hisham Ibrahim
Date: 05-01-2011, 08:13 AM
Parent: #4
دا أكبر محتال وقلاع وهمباتي وحرامي ووووو
|
Post: #7
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 08:18 AM
Parent: #5
يعني
الناس هنا شقيانة
وتعبانة
ويجي واحد زي دا
داير
( يلغف ) ساي
سبحان الله
|
Post: #10
Title: Re: القبض على محتال أراضي جهاز المغتربين بالخرطوم ...
Author: معاوية عبيد الصائم
Date: 05-01-2011, 09:04 AM
Parent: #7
قاااادر الله باوقيشن يدافع عن الناس الشقيانة..
لازم من رجعة للصادق الامين مستر بق بق
|
Post: #11
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 09:07 AM
Parent: #10
| Quote: قاااادر الله باوقيشن يدافع عن الناس الشقيانة.. |
بربار الماركسي
نحن اهل حق
ومع الحق
ونساند كل من يقف من الحق
اخرج
اخرج سريع ...
|
Post: #12
Title: Re: القبض على محتال أراضي جهاز المغتربين بالخرطوم ...
Author: معاوية عبيد الصائم
Date: 05-01-2011, 09:15 AM
Parent: #11
Quote:
بربار الماركسي
نحن اهل حق
ومع الحق
ونساند كل من يقف من الحق
|
ود الباوقة قالوا برضو فى نصاب بتاع مزراع حائم شمال
الخرطوم ..لو ممكن تحذر الناس الشقيانة..منو...جزاك الله
خير يا رجل الخير وفى ميزان ...مزراعك وخالص التحايا
للاهل ببترى والباقير...وشكرا يا رجل الحق واهل الحق
|
Post: #8
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 08:20 AM
Parent: #5
| Quote: دا أكبر محتال وقلاع وهمباتي وحرامي ووووو |
هشام
ساعدنا بالجملة المفيدة لو سمحت
مودتي
|
Post: #9
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 08:54 AM
Parent: #8
التحية للاجهزة الامنية التي استطاعت
اسقاط هذا المحتال
فجر اليوم ....
|
Post: #13
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 09:31 AM
Parent: #9
بربار الماركسي
تخريب البوستات مسالة في غاية السهولة
كل متطلباتها
شخص لا يستحي على وجهه
|
Post: #14
Title: Re: القبض على محتال أراضي جهاز المغتربين بالخرطوم ...
Author: معاوية عبيد الصائم
Date: 05-01-2011, 09:36 AM
Parent: #13
Quote:
تم فجر اليوم القاء القبض على المحتال
|
باقى نصاب المزراع الذى اتوقع القبض عليه ليلا
|
Post: #15
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 09:46 AM
Parent: #14
اخرج
اخرج سريع
|
Post: #16
Title: Re: القبض على محتال أراضي جهاز المغتربين بالخرطوم ...
Author: معاوية عبيد الصائم
Date: 05-01-2011, 09:50 AM
Parent: #15
Quote:
التحية للاجهزة الامنية التي استطاعت
|
يا بق بق الزول النصاب ده قبضوا المواطنين
|
Post: #17
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 10:38 AM
Parent: #16
احترم نفسك
|
Post: #18
Title: Re: القبض على محتال أراضي جهاز المغتربين بالخرطوم ...
Author: musadim
Date: 05-01-2011, 10:52 AM
Parent: #17
حليلك بتسرق سفنجة وملاية وغيرك بيسرق خزينة الولاية
ومتى سيتم إلغاء القبض على القطط السمان الذين استباحوا ثروات ومقدرات هذا الوطن منذ أطلوا بفجرهم الكذوب في 30 / 6/ 1989
الحرامية البتطبل ليهم صباح ومساء ومطلعم صحابة يا ضلالي
|
Post: #19
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 04:04 PM
Parent: #18
السغيرون مصدوم
| Quote: الحرامية البتطبل ليهم صباح ومساء ومطلعم صحابة يا ضلالي |
يااخ اترك ان تستخبى خلف هذا الاسم
وافصح عن اسمك وهويتك
ايها المراوغ المتزمزغ
افصح عن شخصيتك
افصح
|
Post: #20
Title: Re: القبض على محتال أراضي جهاز المغتربين بالخرطوم ...
Author: عبد اللطيف السيدح
Date: 05-01-2011, 04:42 PM
Parent: #19
Quote: حليلك بتسرق سفنجة وملاية وغيرك بيسرق خزينة الولاية
ومتى سيتم إلغاء القبض على القطط السمان الذين استباحوا ثروات ومقدرات هذا الوطن منذ أطلوا بفجرهم الكذوب في 30 / 6/ 1989
الحرامية البتطبل ليهم صباح ومساء ومطلعم صحابة يا ضلالي |
musadim
مصادم بتاع ايه انت؟
|
Post: #21
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 04:46 PM
Parent: #20
Quote: musadim
مصادم بتاع ايه انت؟ |
شيخ العرب
تعرف نوعية مصادم دا
بكون من النوع البعضي جلابيتو ويفك البيرك
في اقرب كعة
قال مصادم كمان
|
Post: #22
Title: Re: القبض على محتال أراضي جهاز المغتربين بالخرطوم ...
Author: معاوية عبيد الصائم
Date: 05-01-2011, 04:51 PM
Parent: #21
اللخو من عرب وين فى العرب وهل يسكن حى العرب ام درمان
ولا بشجع حى العرب بورسودان محل (التيارة)
|
Post: #23
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 06:38 PM
Parent: #22
Quote: اللخو من عرب وين فى العرب وهل يسكن حى العرب ام درمان
ولا بشجع حى العرب بورسودان محل (التيارة) |
????????????????
|
Post: #24
Title: Re: القبض على محتال أراضي جهاز المغتربين بالخرطوم ...
Author: isam elzein
Date: 05-01-2011, 06:43 PM
Parent: #23
|
Post: #26
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 08:44 PM
Parent: #24
ونعم بالله
يا ود زين ...
الكع بس ....
|
Post: #25
Title: Re: القبض على محتال أراضي جهاز المغتربين بالخرطوم ...
Author: محاسن زين العابدين
Date: 05-01-2011, 06:53 PM
Parent: #23
Quote: [حليلك بتسرق سفنجة وملاية وغيرك بيسرق خزينة الولاية
ومتى سيتم إلغاء القبض على القطط السمان الذين استباحوا ثروات ومقدرات هذا الوطن منذ أطلوا بفجرهم الكذوب في 30 / 6/ 1989
الحرامية البتطبل ليهم صباح ومساء ومطلعم صحابة |
ولما يسرق سفنجة من باب اولى يشوفوا بيسرق ليه ؟؟؟
يمكن حفيان مثل الملايين
ما يحدث في السودان من فقر وإفقار يطال الجميع هو السبب في تفشي مثل هذه الظواهر
والملايين الذين لا يجدون طعام يسكت بطون اولادهم ...
وشوارع الخرطوم المكتظة بمن يسال لقمة لأبنائه ..
ظاهرة التسول لاناس مختلفين
حقو يكون السؤال ما هو السبب ؟؟
|
Post: #27
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-01-2011, 09:41 PM
Parent: #25
Quote: والملايين الذين لا يجدون طعام يسكت بطون اولادهم ...
وشوارع الخرطوم المكتظة بمن يسال لقمة لأبنائه ..
ظاهرة التسول لاناس مختلفين |
محاسن
يعني دا مبرر عشان الراجل يستول على اموال
المغتربين بالباطل ....
مالكم كيف تحكمون .....
|
Post: #28
Title: Re: القبض على محتال أراضي جهاز المغتربين بالخرطوم ...
Author: ابوحراز
Date: 05-02-2011, 06:40 AM
Parent: #27
كنت أود ان اكتب بوستاً عن الإحتيال في السودان
ولقد قابلني هذا المحتال وجلسنا سوياً لأكثر من ساعة
وسبق أن كتبت قصته في أحد المنتديات لااتذكرها الآن حتى يتعظ الناس منه
وكنت قد غبت وقتها فترة طويلة عن سودانيز اون لاين
وأقولها بصراحة قبل 8 سنوات من الآن كانت حياتي كلها ثقة في الآخرين
وحدث لي موقف للأسف جعلني أقضي على اليابس والأخضر
ورغم ان الدنيا بخير
لكنني أصبحت افقد الثقة في الكثير من الناس
لهذا اصبحت حينما أعود للوطن اتعامل بحذر شديد حتى مع إمام الجامع !!
وهنا لا ادعو من خلال هذا البوست الى عدم الثقة في الآخر
إنما الحرص كل الحرص على أي نوع من التعامل
وقد تحسنت حياتي في الكثير من الأمور
بل لأول مرة استطيع توفير مبلغ لشراء قطعة ارض
اشتريتها بنفسي 00 وبعد فترة ربحت
علماً بانني سبق ان اشتريت قبل ذلك قطعة دفعت ثمنها ثلاث مرات
كما أنني أخذت خبرة في هذا المجال من شقين
الشق الأول عملي بوزارة الشئون البلدية والقروية
وتكليفي الجانب الإعلامي والإعلاني عن مخططات يتم توزيعها من قبلنا
الشق الثاني وهذا تعمدته بان عملت مع ابن أختي في مكتب عقاري
وعرفت الكثير من الطرق التي يسلكها النصابون في الايقاع بضحاياهم
حتى ابن أختي وانا شقيق لأمه ذكر لي قائلاً :
اذا أردت ان أشتري منك فإنني أتعامل معك على انك محتال !!!!!
ولن أتعامل معك بحسن نية مطلقاً !!!!
هذه القاعدة افرزتها أمور كثيرة دخلت على بلادي
ولن استطع أن أقولها قبل 20 عاماً
فالناس وقتها كانوا أوفياء بكل معنى الكلمة
سأعود لأوصف هذا الشخص وأحكي لكم حكايتي معه
|
Post: #29
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-02-2011, 06:45 AM
Parent: #28
| Quote: سأعود لأوصف هذا الشخص وأحكي لكم حكايتي معه |
اخي ابو حراز
كنت على يقين بان هذا المحتال له ضحايا هنا بسودانيزاونلاين
في انتظار سرد تجربتك معه
مودتي
|
Post: #30
Title: Re: القبض على محتال أراضي جهاز المغتربين بالخرطوم ...
Author: ابوحراز
Date: 05-02-2011, 07:21 AM
أتيت لجهاز المغتربين لمقابلة مدير مركز دراسات الهجرة البروف الهادي عبد الصمد
وسبق أن وعدتهم بتقديم مقال بعنوان { هل يبق للمغترب جزءا من مدخراته ليستثمرها بالسودان ؟؟
واذا بقي فما هي العوامل التي تدعوه لعدم الاستثمار بالسودان
قراووا المقال في فترة سابقة
وطلبوا تعديل بعض الفقرات حيث انها كانت قديمة
واتمنى ان يحالفني القوت في احضار المقال الى هنا
على كل حال لم امكث أكثر من نصف ساعة
وخرجت حيث كانت معي سيارة في الغسيل
في اللحظة التي ركبت فيها اذ باحدهم يوقفني أوصافه كالتالي :
أخضر كما نقول في السودان
فارع الطول
ووزنه لايقل عن 95 كيلو
غلبني في اللبس 10 صفر طبعاً
كنت ارتدي بنطلون وقميص عادي
بينما صاحبنا بنطلون جنز سماوي جميل جدا
مع قميص ابيض ناصع البياض
وكارافتة حمراء مع خطوط بيضاء
وجزمة ايطالية رائعة بكل معنى الكلمة
يعني لو قال ليك انا وزير الاستثمار طوالي بتصدق
ذكر لي أن سيارته في الورشة ومعطلة ويريد ان يصل معي
طبعاً في نفس شارع المغتربين
والوقت كان تقريباً بعد الواحدة ظهراً 00 عامل الوقت مهم جداً بالنسبة للمحتالين
لهذا كثيراً حينما أجد السودانيين بالمطار زعلانين من تأخر ططائرة الخطوط
وبعضهم يبحث عن موظف الخطوط ليجلده 00 اقول لهم 00 ياناس انتوا في نعمة
قلن هذا الكلام آخر مرة بجدة
حينما تأخرت الطائرة وأتوا بنا للفندق
والجماعة يغلوا من الزعل
وفي بوفيه الفندق قلت لهم احمدوا ربكم
فاستغربوا كثيراً
وقلت لهم 00 طائرة الخطوط السودانية ليس من السهولة اختطافها !!!!
لأنها تربك مواعيد المختطفين
فانفجر الجميع بالضحك
فالساعة واحدة تعني لهذا النصاب الشيء الكثير
بينما تعني للذي يبحث عن قطعة ارض الشيء الأكثر
لأن الدوام حاينتهي وبالتالي سيسعى من يريد قطعة ارض لتحقيقها في الزمن القليل المتبقي من الدوام
نعود ليكم بعد قليل !!!!
وقلتها له 00 شكراً لأنك منحتني مادة صحفية مجانية !!!
|
Post: #31
Title: Re: القبض على محتال أراضي جهاز المغتربين بالخرطوم ...
Author: ابوحراز
Date: 05-02-2011, 09:37 AM
Parent: #30
أول ماركب معي سألني 00 شنو ياشاب ياظريف شغال معانا هنا
سال لعابي 00 فحتى زوجتي لم تقل لي ياظريف لأكثر من سنتين !!!
فقلت له لا اعمل بل أنا اعمل بالسعودية
ماشاء الله ماشاء الله { والحديث لصاحبنا }
ياخي والله المغتربين تعبانين !!!
لابيوت لديهم ولا اراضي وحياتهم صعبة جداً
وانا القدامك كنت مغترب عشرة سنوات
لكن الحمد لله بعد رجعت السودان عملت حاجات كتيرة
وانا طبعاً خشمي مفتوح حتى آخره
وكنت اتوقع أن تقع فيه ضبانة في اي وقت
فقلت له 00 انت شغال هنا في المغتربين ؟؟
فجاءتني العبارة كالصاعقة
وقعت { بر دلب }
ايوا 00 انا مدير الأراضي بجهاز العاملين بالخارج
قلت له الأراضي حتة واحدة
تاني قال لي والله انت زول ظريف جداً
الظاهر كان بيكاوي في { المدام عشان التهميش !!!
وسألني سؤال مباغت 00 عندك ارض ؟؟
طبعاً لو كنت { النبي الخدر } برضو حا أقول ماعندي ارض
المهم قام قال 00 والله ماشاء الله جيت في الوقت المناسب
الليلة آخر يوم في توزيع أراضي منحة من الرئيس
قاطعته 00 منحة من عمر البشير شخصياً
فقال لي نعم 00 منح الرئيس اراضي للمغتربين واليوم آخر يوم
اها كم سعرها 00 فقال لي 17 مليون وتدفع الآن 3 مليون !!!
طيب وين 00 في الوادي الأخدر وللا في حتة تانية
اندهش وبدأ يضحك وقال لي انت على نياتك
وادي أخدر بتاع الساعة كم
دي في مخطط المجاهدين !!!!
حينما قال لي مخطط المجاهدين وأنا سلفاً اعرف هذا المخطط وأنه مخطط غال جدا
وهو لايدخله سوى ناس الله أكبر
وكل من كان على وضوء ومن قبيلة { الأقربون أولى بالمعروف }
أو من كان يملك مبلغاً ضخماً لايقل عن 400 مليون بالقديم
أما ناس أبوحراز وأبو القدح وأبو القنفذ فانا اعرف سلفاً أن لامحل لهم من الإعراب بالمجاهدين
ولكن قلنا النشوف آخرتا !!!
ومن ثم بدا السيناريو بعد أن اتضح له ان { الشرك قبض } وان الفخ في طريقه الصحيح
بداية { الحبكة } بان ترك سماعة الموبايل مفتوحة وبدا في الاتصالات
صوت ناعم جداً أتى عبر السماعة
صوت مليء بالغنج والأنوثة 00 وأجزم أنه ليس من أهل العوض !!!
كانت مهندسة بأراضي المغتربين وصاحبنا يتوسل لها أن تجد لي موطء قدم بالمجاهدين
فبدات تتغنج وتعتذر وتقول له بان كل الأسماء أدخلت الكمبيوتر ولاتوجد اي طريقة
يعني تسمع الصوت 00 والله طوالي تطلع قريشاتك وبيتك يخرب !!!
سألني بالطبع من اسمي وبدأ محاولاً مرة أخرى مع ترديد أنه مدير الأراضي في كل مرة يتصل
والبت تقول ليهو والله لاتوجد اي طريقة لأن الأسماء رفعت
وكذلك الايصالات كانت محددة 00 وانتهت !!!!
طبعاً مع ضحكات وابتسامات متبادلة تخللتها المكالمة
وإنو الراجل زول طيب { يعني انا }
زول طيب وكمان وسيم 00 ياسبحان الله قربت اصدق لأني بديت اعاين في المرايا !!
اها بعد شوية قال لي نشوف ليك أراضي امدرمان عندي واحد هناك تبع مخطط المجاهدين !!!
طبعاً كل الأراضي الخاصة بالمغتربين ياجماعة وكما اعرف يتم تسليمها للمغتربين
يعني لاتوجد اي علاقة بأن يذهب شخص لأراضي امدرمان ليقدم لأراضي طالعة ومخصصة للجهاز
المهم قلنا النشوف آخرتا !!!!
واتجهنا صوب ام درمان
وبدأ في الحبكة الثانية في الاتصال بمهندس بأراضي ام درمان
الصوت المرة دي خشن شوية
ولايوجد غنج ولايحزنون
وبدأ { السيد مدير أراضي المغتربين } في التوسل لمهندس ام درمان بان يضاف السيد ابوحراز للمجاهدين
طبعاً أقول ليكم سر ياسودانيز اون لاين
شخصياً لو يدوني راتب شهري قدره خمسة ملائيين وطلبوا مني ان اسكن في هذه المخططات فلن اسكنها
وهي : غزة { ! }
غزة { 2 }
القدس
المجاهدين !!!!
عارفين ليه ؟؟؟؟
لأنها ممكن أن تتعرض في اي لحظة لضربة من قاذفات بي 52 !!!! ماتسألوني ليه ؟؟؟
وصالحة دي ذاتا لو قلبوا اسمها وسموها حماس برحل منها
المهم كان يحاول مع المهندس كثيراً
وأخيراً أخيراً 00 قال له عشانك حا نلحق الراجل صاحبك { كشف المجاهدين }
والذي اسميته أنا مؤخراً{ مخطط تورا بورا } مع الاعتذار لصديقي بسودانيز { الملا عمر }
قلت له المبلغ في صالحة
ومررنا على المثلث الذي يقع أمام السكة حديد لسوق الرميلة وقريب لمكاتب مشروع سندس الزراعي
فجأة اسمع لسك السيد مدير اراضي الجهاز وقد انفقع بالبكاء ويرفع في يديه
اتلفت اليه وقلت له 00 استغفر ياراجل في شنو
لماذا تبكي
فقال لي ماشايف ؟؟
تارينا وصلنا الدار الآخرة { مقابر الرميلة } !!!
والله فعلاً انا على نياتي !!
بدأ يبكي ويتنهد ويقرأ في سره وربما يكون { يقرأ طلع البدر علينا } من يدري
بديت ياكافي البلاء اشيل واستغفر في الراجل
ونسيت المجاهدين والوادي الأخضر
وبقيت في الطريقة التي أرجع بها السيد مدير الأراضي لوضعه الطبيعي
في النهاية أخذ هذا { الحيوان } نص صندوق المناديل وبدأ في مسح الدموع التي انهمرت بغزارة
وقال لي ان والده موصيه أن يبكي ويشيل الفاتحة كلما مر بالمقابر !!!!
وأنا لأول مرة رغم انني أتيت بهذا الطريق مئات المرات
لأول مرة أعرف ان هذه مقابر
فلا أحب المقابر نهائياً
وقد اشتريت في صالحة لأنها لايوجد بها اي مقابر !!!
صالحة والقيعة والودي والعقيدات كلها مافيها مقابر !!!
كمان لم يقابلني مدير أراضي وهو يبكي حتى لو مات أبوه
لايبكون نهائياً انما يجعلونك تبكي وتغلب صاحبنا هذا 7 صفر !!!
حتى أنه وصانا والوصية في الذمة ياجماعة
اوصاني كلما أأتي بهذه المقابر
او اي مقابر أخرى أن أأبكي وانزل من سيارتي واشيل الفاتحة واتوكل
لما في ذلك كما قال لي بالأحاديث والسنن أجر كبير خير من الدنيا ومافيها
ومازال الحديث للسيد العالم الجليل السيد مدير أراضي المغتربين المزيف !!!
ثم بدأت أسأله أسئلة مباغته
كيف يتم منح قطعة المجاهدين سعرها 400 مليون بـ 17 مليون بالتقسيط
وكانت أجابته بها الكثير من الركاكة
وسألته مرة أخرى كيف لمغترب يتم توزيع قطعة له في المغتربين ان يذهب ليكمل إجراءاتها بأراضي ام درمان ؟؟؟
تلعثم في الاجابة ايضاً
وسألته مرة أخرى هناك إعلان من الوزير كمال عبد اللطيف بايقاف توزيع الأراضي بالمغتربين ريثما يتم تصحيح وضعها
فكانت اجابته مبهمة جداً ؟؟؟
وبدأ الرجل يرتبك
ومن ثم عاود الاتصال مرة أخرى بمهندس ام درمان وهي المرة الوحيدة التي لم يفتح فيها الاسبيكر
وبعدها بدأ يعتذر
وانه حاول كثيراً ولكن الفرصة ضاعت
تركت الأراضي جانباً وسألته عن البروف الهادي عبد الصمد
فقال لي الراجل دا معانا بالمغتربين ؟؟
ياخي معاكم شنو ؟؟ الراجل مدير مركز دراسات الهجرة وأنت لاتعرفه
فقال لي والله يمكن يكون مكتبه بعيد عن مكاتبنا
فقلت له مكتب البروف فوق لمكتب الأراضي
ومبنى دراسات الهجرة ملاصق لمبنى الأراضي مباشرة 00 فارتبك الرجل وتلعثم
وحاول أن ينزل لأنه كما ذكر ساكن بالمهندسين
يكون طبعاً جاهو مغص
فرفضت نزوله وقلت له سأوصلك الى مكتبك 00 تحجج ولكن على مضض واصل معي
طبعاً كنا وقتها بصينية المهندسين
وبعدها رجعنا للمغتربين وكانت الساعة حوالي الثانية والنصف
رفض ان يدخل لمكتبه بحجة انه يريد مقابلة اشخاص آخرين وبعدها سياتي
تلفونه لم يعطني له في البداية
وحينما اصريت على ذلك أعطاني رقم
فقلت له اعمل { مسكول } من تلفونك فقال لارصيد عندي
ضربت من تلفوني على الرقم الذي اعطاني له فقال لي الرقم المذكور خارج الخدمة
وحينما قلت له هذا ليس تلفونك المتصل منه
قل لي هذا الرقم يخص شخصاً آخر وشريحتي خارج التلفون
المهم 00 شرب كباية ليمون وبعدها اختفى
حتى انني أتيت اكثر من اربع مرات ولم التق به
هذه هي القصة
اها لمن تجوا في المقابر تبكوا 00 سامعين
قال المجاهدين قال !!!!
|
Post: #32
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-02-2011, 10:06 AM
Parent: #31
ابو حراز
حمد لله على السلامة
يا اخ سلم علينا
مودتي
|
Post: #33
Title: Re: القبض على محتال أراضي جهاز المغتربين بالخرطوم ...
Author: musadim
Date: 05-02-2011, 12:56 PM
Parent: #32
الصفر الكبير و المطبلاتي الأجوف ود الباوقة
لو كان عندك ذرة من ضمير كان قلت ليك استحي
|
Post: #34
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-02-2011, 04:47 PM
Parent: #33
| Quote: الصفر الكبير و المطبلاتي الأجوف ود الباوقة |
الهليفيت مصدوم
يا اخ افصح عن شخصيتك الحقيقية
وبطل ( لبدان ) خلف اسم مستعار
جاتك نيلة يا مبطبط ...
|
Post: #37
Title: Re: القبض على محتال أراضي جهاز المغتربين بالخرطوم ...
Author: معاوية عبيد الصائم
Date: 05-02-2011, 08:22 PM
Parent: #34
Quote:
يا اخ افصح عن شخصيتك الحقيقية
|
وبعدين تانى شنو...
اها مافى جديد عن تفاصيل المحتال
شغلو واسمو وباقى المعلمين
|
Post: #38
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-03-2011, 05:30 AM
Parent: #37
تمام
|
Post: #39
Title: Re: القبض على محتال أراضي جهاز المغتربين بالخرطوم ...
Author: ود الباوقة
Date: 05-03-2011, 04:48 PM
Parent: #37
Quote: وبعدين تانى شنو...
اها مافى جديد عن تفاصيل المحتال
شغلو واسمو وباقى المعلمين |
دا مش شغلك ...
اخرج....
|
|