السنة الضوئية وحدة لقياس المسافات

just saying


لاحظت ان فى ناس كتر فى البورد بيستعملوها على انها وحدة قياس زمن. و ده غير صحيح
السنة الضوئية هى المسافى اللى بيقطعاها الضوء فى سنة فى الفراغ.
سرعة الضوء 300 ألف كيلومتر/ثانية . و بسرعة ذى دى ,المسافة اللي بيقطعها الضوء في سنة واحدة هى 9,460,800,000,000 كيلومتر
لما تقول لى زول انت ما ح تفهم الا بعد سنة ضوئية بتكون قاصد انه الزول دى لو مشى بعيد عنك مسافة 9,460,800,000,000 كيلو ح يفهم. و ده كلام عجيب.

and you can thank me later for this

سمارت انتي بتبالغي ولاّ شنو؟
البورد صار فيه الإعتذار إعتزارا و إن شاء الله لا تحلو إلاّ بضم النون و الشين
ويتسنى تتكتب بالثاء و يغالطوك فيها كمان
واحد كاتب عنوان "يتعبط" فيه الكاميرا
تقولي لي سنة ضوئية

سلامات smart
لاحظت الحاجة دي كم مرة في البورد
لكن قلت يمكن الفيزيا إطورت!

والله يا سمارت كلام ود البشرى دا أمسكي فيه كويس. قبل كم يوم واحد عايز يهزيء واحد في البورد و يقول ليهو كلامك دا كتير و ما مقبول قال ليه ذس إز سوووووووووووو ميني و كاتبها بالإنجليزي كمان و مادي سو لمن قالت بس.
غايته زي كلامك دا يا سمارت عشان نفهمه في البورد إلا بعد تلاتة سنين ضوئية و أربعة شهور و خمستاشر يوم (خلي بالك الأربعة شهور و خمستاشر يوم ديل ما ضوئيات).

why thank you later? how about thanking you now :) thank you Smart

سمارت، انا قررت اساهم في بوستك ده بالكتابة عن الاعتقادات خاطئة
also known as common misconceptions
you know what? I have a feeling your comment is gonna drag out all sorts of issues, lool

مثلا
السوشي ما معناه سمك ني
الخفافيش ليست عمياء
البشر لديهم اكثر من خمسة حواس كما حددها ارسطو، و عدد الحواس المكتشف للان يفوق التسعة
مخلفات الناس في حمامات الطائرات لا يتم القائها في الهواء كده ساااكت اثناء الطيران

I love those posts :)

Quote: مثلا السوشي ما معناه سمك ني الخفافيش ليست عمياء

يارهاب هاليفا (هاليفا دى على طريقة مدرب الهلال كامبوس)
كده شعلقتينا ورينا الصاح شنو عشان الكلك دى ماتخسر معانا
سلام ليكى ولسمارت هى.

محمد البشرى...
غلط الاملاء ده انا اصلى ما بطول لسانى فيه. العربى ده بكتب بيه بس فى بوردكم ده لى حوالى 9 سنوات. و القراية بالعربى برضو ياهو بوردكم ده....و ما ح استغرب لو يوم انا ذاتى كتبته (انشاء الله).*
______________________________________
* (ان شاء الله) دى كل ما القاها مكتوبة مثل اعلاه بقول يا الله ربنا متين كتب للناس دى (انشاء). استغفر الله العظيم.


Ashraf el-Halabi سلامات...
و الله انا ما عندى مشكلة الناس تكتب باى طريقىة طول ما هم فاهمين بعض بيقولوا فى شنو
لكن ما ممكن زل يكون بيشتم فى زول و بيقول ليه: يا جاهل ما ح تفهم الا بعد مليون سنة ظوئية!!!


العوض...(سو منى) دى بالجد شفتها...و عجبتنى شديد. خاصة انها مكتبة بالانجليزى....


رحاب العزيزة...you are welcome
انا كنت عاوزه الناس تاجل الشكر لانه (متاكده) اى زول استعملها كوحدة زمن ح يكون زعلان منى هسى. فقلت يشكرونى لما النفوس تهدى شوية.
و اخدى راحتك يا رحاب...و دى بينى و بينك فكرة جميلة لبوست...لكن عاوزه بحث و مجهود
على ذكر الخفافيش..امس سمعت فى برنامج كده ان فى فصيلة معينة من الخفافيش لما يكونوا مع بعض بيكونوا صدقات(و عداوات) بينهم ذى البنى ادمين..

عبد العزيز الفاضلابى...الله يسلمك..
ارجى رحاب...بخصوص الخفافيش و المخلافات الادمية فى الطيرات.
عن السوشى ...(لانه اكلى المفضل ) ح انظر ليك شوية كده
السوشى اصلا رز مطبوخ (بالخل). و يضاف ليه حجات تانية. اها الحجات التانية دى ممكن تكون اى شى. لكن اشهر شى هو الاكل البحرى. و فى الاكل البحرى اشهر شى سمك التونا الني. فى امركا فى شوسى اسمه كلفورنيا رول. اها دى ما فيها اى سمكة نية.
السوشى رول بيكون رز و معاها اى حاجه (سمك , خيار , كراب, افكادرو,اى شى ) و ملفوفين باعشاب بحرية
فى حاجه اسمها nigiri و دى قطعة سمكة نية (او شرم مطبوخ )غالبا و معاها رز تحتها .
اما اسمك النى تماما فهو الSashimi ....(و ده بالجد احد متع الدنيا)...و يقطع شرائح رفيعة و يغمس فى صوص من ال soy sauce و wasabi.
لكن اى اكل نى هوSashimi اى لحمة و اى خضار.عشان كده الموضوع معقد يا رحاب.

سمارت.. غايته صاحبتي في الزراعة، في الطبيخ في iPhone، لكن لما تجيبي سيرة السوشي دي، بفارقك طوالي.... يازوله الشي ده اصله ما وقع لي.. ! وما حأصاحبك لو (انشاء) الله بعد خمسين سنة ضوئية...

يا مريم نسيتى يا اخى اهم و اول صحبة يا اخى....صحبة الافلام!!!!
و صحبة تربية الاطفال!!!

و باذن الله بنتصاحب صحبة السوشى دى..كلها كم جزء من الثانية (ضوئي) و اصلك فى السعودية...

هي يا سمارت ما اخطاء إملاء أو طباعة فقط يعني يتثنى و مذيد و تذكية عضوية فلان مثلا تلقى كاتبها حريص لدرجة التشكيل
و كتابة البشرى بالياء و في نفس المداخلة تلقى مكتوب مضى او جرى مثلا يعني بعرف الالف المقصورة موجودة وين في الكيبورد.

من الاخطاء الشائعة ايضا استخدام عنصرية و تمييز عنصري في معرض الحديث عن مختلف اشكال التمييز الاخرى
مرة افتى احدهم قائلا ان العنصرية هي التمييز ضد العرق و الجنس والنوع و الدين واللغة و تاني كم حاجة كدا
يعني زي دا ممكن يوم في نقاش كورة مثلا يدخل ليك عبارة زي "العنصرية البمارسها الهلالاب على المريخاب"

Quote: "العنصرية البمارسها الهلالاب على المريخاب"

حمد لله الـ اعترفتا..

Quote: من الاخطاء الشائعة ايضا استخدام عنصرية و تمييز عنصري في معرض الحديث عن مختلف اشكال التمييز الاخرى مرة افتى احدهم قائلا ان العنصرية هي التمييز ضد العرق و الجنس والنوع و الدين واللغة و تاني كم حاجة كدا يعني زي دا ممكن يوم في نقاش كورة مثلا يدخل ليك عبارة زي "العنصرية البمارسها الهلالاب على المريخاب"

احم.... احم....Guilty
ما تكون قاصدنى انا ...غايتو انا مره طبظت طبظة العنصرية دى وفى بوردكم ده. لكن ما كنت بفتى. المشكلة ان الناس بتتلخبت فى الترجمة من Discrimination و تمييز و عنصرية.
فعلا العنصرية هى التمييز على اساس العرق (او الدين ؟؟اليهودية دين ام جنس؟). لكن كلمة (عنصر) مغرية بالتفكير بانها تعنى فئة معينة. مهما ككانت الفئة. جنس, لون, دين, عمر, نخبوية...الخ.

أ حم أحم سلام يا بت يا ا سمارت
طبعا انتى قاصدانى انا واقول ليك شكرا على لفت النظر
and i stand corrected
وما دام بديتى تصححى اعملى حسابك انا غايتو ما عندى مشكله مع اى
زول يصححنى

Quote: فعلا العنصرية هى التمييز على اساس العرق (او الدين ؟؟اليهودية دين ام جنس؟). لكن كلمة (عنصر) مغرية بالتفكير بانها تعنى فئة معينة. مهما ككانت الفئة. جنس, لون, دين, عمر, نخبوية...الخ.

اليهودية دين طبعا - من الناحية الرسمية - اذا كان العرف قضى باعتبارها جنسية دا شي تاني
و العنصرية المقصودية جاية من racism أو racial discrimination فواضح الفرق بينها وبين المعاني التانية لعنصر
أما فئة فالأقرب category أو class منها لعنصر

مواصلة في الأشياء المحيرة حكاية علامات التعجب و الإستفهام (!) و (؟) بصراحة عندهم استخدام في البورد هنا يروّح عديل كدا
ويغيّر المعنى تماما احيانا

سلامات يا زينب.
حقيقي أنا قريت التعبير ده كتير جداً في البورد. و ما متأكده اخر مره ( اللي خلتني افتح البوست ده وين). احتمال تكوني انت ( لو قاعده تستعمليه. )
اما حكاية اعمل حسابي دي فما ح اقدر عليها. بكتب مستعجلة و ح أظل اكتب مستعجلة.
----////---------------------
بعدين يا زين يا اخي بنت شنو؟ أنا حجه كبيرة.
أنا و كستاوي كنا دفعة في كوستي الأولية المخطلطة زمااااان

سمارتي ومريوم يا حبوبات (ما حبوبات ديك).. ههههه
كيفكم (كيفكن عشان ود البشر(ي) ما يزعل ههههههههه
طبعا أنا مية مية معاكم في حكاية الأفلام والطبيخ. لكن يلزمني زي 200 سنة ضوئية عشان أكون معاكم في حكاية الـ اي بود/ فون واللذي (اللزي) منه من فصيلة التكنولوجيا.
أحمد الله موبايلي النوكيا العمره 6 سنين بعد ما النوكيا الأولاني (حرن). لسة شغال. لا كاميرا ولا مزيكا ولا إنترنت..

غايتو أنا زي صاحبتي مريوم. قدر ما حاولت (أهضم) السوشي ده ما قدرتا. لما أمشي بالغلط مع أصحاب لمطعم ياباني بطلب رز مسلوق وسمك محمًر أشوفه بعيوني الأربعة..
في ناس بعرفهم عشان يبيًنوا إنهم (كوول) ما بيستخدموا السكر العادي، وبيشربو الشاي الأخضر، وبيموتو في السوشي. وسلطتهم دايما فيها افوكادو.
يمكن عشان كده أنا الحاجات ديل ما بحبهم. (أنا كوول ماي أون واي). سكري عادي وحلو (ليس أقل من 3 ملاعق في الفنجان الصغير و5 في الماق). وشايي صعيدي بنعناع أو هبهان للكيف.

راوية أختي كل ما تكلمني تسألني أكلتا أو طبختا شنو. اقول ليها بكل فرح: بامية، ملوخية، بطاطس باللحمة المفرومة. ترد علي: إنتي تقليدية حتى في أكلك. عيبي لي السوشي والفاهيتا والماهيتا

ــــ
أما عن السنة الضوئية. الحمد لله عمري ما إستخدمتها لأنه عمري ما فهمت بتعني شنو (شكرا للشرح الوافي أعلاه).
أبدا ما كنت زولة فيزيا ولا كيميا.. عيبو لي الجغرافيا

سلامات لكل ضيوفك

رجا

تعرفي يا هندسة انا لما قريت العنوان...قلت ياخي مالي ومال كدة ونرجع لي حراق الروح مالي
تبرير الجملة الفوق ديك انو العبد لله في ذات دقسة قدمت استقالة من الهندسة ومشيت قلت اقرا فيزيا ...خاصة ياخي وظيفة مع بحوث كدة واينشتاين واحلام صبا وما تعرف شنو خاصة انو كان في مبادئ صلعة .السنة الاولي كانوا بدرسونا 18 مادة،السنة التانية عرفت تماما انو البدرسونا ليه ناس التعليم العالي ده ما ح يأكلني عيش...طوالي مشيت سجلت علوم كمبيوتر في جامعة خاصة لزوم باك أب ..المهم خرجونا بمرتبة الشرف في الفيزياء ولم نفقه من هذا العلم الا اليسير...في لاب ليزر من المانيا طشا المفروض نحن تانية ننتهي منو وصلنا في رابعة وفي لاب جوامد في زول جازف نصه في المطار،ومع التعريب لموا فينا دكاترة سوريين غايتو عرفنا اللغة الشامية.
الطريف في الموضوع عندنا زميلنا واصل في الفيزيا مشي المانيا وحضر ماستر وجا قال ماعيز يشتغل تدريس قلت يا هذا ما تشبكني نانو فيزيكس وكوانتم وغيره...الزول زهج من عدم شغله في الحاجة الحضر فيها قلت ليه تعال
في موقع بتاع تبادل تجاري صيني قلت اعمل سيرش لاقرب بزنس ممكن انت تفهم فيه..لقي انو أجهزة السكيورتي المنزلية قريبة منو...يا هذا شيل الورقة دي وشوف شركات الحماية الشغالة واحصرها وحاول احصر منتجاتها عشان تشتغل ليك في حاجة ما ماسكها جلابي من ناس سوق ليبيا ديل...ركب نضارته والزول ده بدا ينزل الكتلوجات واقتنع بالفكرة تماما...جاب اول 3 سامبلات وباعة بمارجن كبير...هسة بشنق نضارته من اول الصباح وبكون قاعد مع المخلصين ينظر في بواليص السفر والدولار الجمركي...وما غايظاه الا نظره البقي ضعيف من كترة الفيزيا الفي الفاضي.
فإذا كان نحن عندنا بكلاريوس وما فاهمين حاجة انتي لايمة خريجين آداب لوقال واحد فيهم سنين ضوية وقال انها وحدة قياس زمن ليه.؟؟

خلاصته نوعية وجودة التعليم الاتلقيناهم في نظام الانقاذ (مابعرف قبل داك) ما أهلونا نكتب كلمة إنشاء الله أو ود البشرى بدون نقطتين في الياء جوبقونا وفكونا والباقي تميناه إجتهاد شخصي وخيال وغلات وقوة قلب وبعض مرات حمرة عين والله المستعان.بعد بنفرفر..ناس تامنة الجد جد ديل سجلوا في البورد وجوا كتبوا بطريقتهم ديك والله محسن خالد يكره يوم انو بقي كاتب.

بالمناسبة موضوع يصلحوا لي إملاء في المنبر ده أصلوا ما بغيظني..انا لحدي تالتة ثانوي الاستاذ بتفاهم في نص كلامه باللغة النوبية،يعنن انا لو ما حيدوني مخالفة مرورية وايصال في غلطة اللغة ما حريص عليها...هي انا اتعلمتها كدة وما بعرف اكتر من كدة وانا لاناقد لاصحفي ولا بتأكلني عيش...بصلي بيها غايتو.

_
معليش النقة كتيرة لكن كمان عنوانك رجعني لزمن كنت بقرا فيه كلام زي سنة ضوئية ونظرية الشك واليقين وماكسويل وهكذا...أها بوست الزراعة داك وصلتو وين؟؟

محمد البشري.
استعمال علامة الاستفهام و علامة التعجب هنا فعلاً يثير العجب!

و عشان احنا ما نبقي ناس نقناقين في الفاضي مفروض نحاول نقدم حلول للناس
و الموضوع ده ما عندو حل غير ان الناس تقرا اكتر. تقرا كتب. لانه باين ان صحفييننا لغتهم ما احسن مننا كتير.
و قراية الجرائد ( الزمن ده) بتخرب اللغة اكتر من تصلحها
عن اليهودية، أظن ان اليهودية جنس اكتر من انها دين. ممكن تبقي يهودي طبعاً لو غيرت دينك للهودية. لكنها الدين الوحيد اللي بيقول افراده انهم لادينيين ( اذا كانوا ما بيامنوا بوجود الله) و لسه بيعرفوا روحهم انهم يهود. اليهودية عرق و ثقافة اكتر من انها دين. I think

ازيك يارجاء، مشتاقون و الله.
اول حاجه عاوزه أقولا هي أني اتحسست.
واحد من اهم الأسباب اللي عشانها أنا بكتب باسم مستعار هي أني عاوزه اكتب من غير ما الناس يقولوا فأكلها في روحها و عاوزه تعمل فيها كول

اما عن أصحابك الكول قولي ليهم الايام دي عشان تكون كول لازم تبعدوا تماما عن السكر العجيب ده. الموضة الايام دي من غير سكر او بسكر طبيعي. بصورة عامة الكول الان انك ما تأكل اكل فيه مواد كيميائية. اما السمك ( ني أر نجيض) عشان نكون كول لازم نسال قبل ما نطلب في مطعم اذا كان السمك تم صيده من البحر او تربية مزارع

هسي دي أنا بتكب ليك في المداخلة و قمت في النص نزلت البامية من الفريزر. حكم الغدا اليوم مفروكة بامية. و لقيت يا رجاء ان اجمل اكل سوداني ممكن اعمله لضيوف أجانب هو طبيخ البامية و المحشي.
معايير الكولنس coolness اتغيرت، طرحتي و اسمي الغريب ده و الاكسنت بتاعي بقوا يبقوني كول وسط الامركان
And, by the way, YOU ARE COOL, in your way and in many other ways

ازيك يا امر؟
تعرف أنا شايفه اهم حاجه ممكن يعملها اب او ام لاولادهم في الثانوي انهم يخلوهم يتكلموا مع اصدقاء الاسرة من المهن المعروفة عشان يعرفوا الزول لما يبقي معماري بيعمل شنو و لما يبقي استاذ بيعمل شنو. و بعدها يسوقوهم الجامعات المعروفة و يخلوهم يتكلموا مع الطلبة. عشان يعرفواطالب العلوم بيقرا شنو و طالب الآداب بيقرا شنو.
ما تتخيل حاجه ذي دي لو اتوفرت لطلبة الثانوي كان كفتهم كتير من الزمن و المشاكل النفسية
احد أحلامي و أنا في المتوسط كانت أني اكون عالم فضاء كنت جاده جدا. بعدها تغير حلمي للإخراج المسرحي. و كان حلم والدي أني اقرأ طب.
الله ستر بس. و في إجازة اولي لتامين ثانوي دخلت كورس في الإجازة عاملنوا طلبة جامعة عريقة لطلاب الثانوي في الحلة. و فيها فهمت الفرق بين المدنية و المعمار. و في زيارة مع الكورس الصيفي لمشرحة كلية الطب عرفت ان الطب مستحيل يكون احد خياراتي. And the rest is history
بالله حولت من هندسة يا قمر؟ بالغت و الله. الهندسة دي ما بالعلم الفيها، الهندسة بناسها. فيها كفتريات فيها ناس طراف شديد. و اسأل ود البشري و خليل و كيكي.
كلامك صح عن ان الناس لو فاهمة بعض ما في مشكلة. و علي رأيك ، اللغة للتواصل و أنا شخصياً ما قاعده اكل منها عيش لكن ده ما بيمنع ان الكتابة

السمحة ممتعة و في اخطاء بتعمل صداع


بوست الزراعة تعال شوفو يا اخي. لولا انتصار و ود قاسم كان مفروض بكري يمسحه. أنا و مريم ( علي راي ناس هندسة) قاعدين كنب. و بنحاول

طيب ما اهو يا سمارت زي البوست دا نوع من الحل
المعلومات دي مرت علينا بشكل أو بآخر سواء في التعليم او اي وسيط آخر من وسائط التلقي لكن تراكم عليها الغبار و اعتدنا التفسير و الاستخدام الخاطئ بالاضافة زي ما قلتي بعض الناس الطولت من اللغة العربية و بقت الترجمة في تلتلة
يعني لاحظت ليك مثلا في حديثك عن اليهودية استخدمتي جنس (sex أو gender) وافتكر قصدك جنسية (nationality)
وزي ما قلت ليك من الناحية الرسمية اليهودية ديانة يعني ممكن تلقي يهودي يحمل الجنسية الامريكية او الروسية أو غيرها ولا يحمل الجنسية الاسرائيلية
وهناك من عرب 48 مسلمين و مسيحيين يحملون الجنسية الاسرائيلية وديانتهم ليست اليهودية

سلام سمارتي ليك و لضيوفك..
بوست لذيذ..
و خدي انت ذاتك عندك فيهو واحدة..

Quote: (ان شاء الله) دى كل ما القاها مكتوبة مثل اعلاه بقول يا الله ربنا متين كتب للناس دى (انشاء). استغفر الله العظيم

غايتو كويس انك قدمت العذر بتاع علاقتك مع اللغة العربية.. :)

إنشاء الله يعني خلقه .. كما في الآية..
إِنَّا أَنشَأْنَاهُنَّ إِنشَاء (35) فَجَعَلْنَاهُنَّ أَبْكَارًا(36)عُرُبًا أَتْرَابًا(37)لِّأَصْحَابِ الْيَمِينِ(38)

من سورة الواقعة..
..

لكن الدقسات بتحصل..
ياخي أنا مرة بالغلط كتبت (دحض).. (ضحد).. ليوم الليلة مزعلاني.. لأني ما شفتها إلا بعد ما اتأرشف البوست.. و قلت أكيد لو أمي شافتها كان زفتني زفة مظبوطة .. أصلو علاقتي باللغة العربية جزء من علاقتي بأمي :)


واحدة من الأخطاء الشائعة في المنبر.. كلمة سراح.. بتلقي بعض الناس بيكتبوها (صراح).. و يطالبون بإطلاق (صراح) فلان .. عوضاً عن إطلاق سراحه!

ـــــــــــــــ

العزيزات مريم و رجاء.. كدي حاولوا تاني مع السوشي.. و جربوه بسمك السالمون أو سمك التونة الني.. لو الصوي صوص بتاع المطعم نوعيته كويسة.. احتمال كبير تغيروا رأيكم :)

Quote: بوست الزراعة تعال شوفو يا اخي. لولا انتصار و ود قاسم كان مفروض بكري يمسحه. أنا و مريم ( علي راي ناس هندسة) قاعدين كنب. و بنحاول

ههههههههههههههههههههههه...


التوقيع (الكاشف)

Quote: سكري عادي وحلو (ليس أقل من 3 ملاعق في الفنجان الصغير و5 في الماق).

Quote: و جربوه بسمك السالمون أو سمك التونة الني ..

لا لا دي ما فوكا أي حاجة يا حسين ما تضايق ساي

ملاسي إزيك.. ما تتخلع قدر ده. تصدق دي الحقيقة
مرات غايتو قاعدة أخجل لما نكون مجموعة والأجوبة تكون كالتالي عند السؤال: كم معلقة سكر..؟
لما اسمع نص معلقة، بدون، ملعقة ما مليانة....الخ من الإجايات العجيبة دي. بقول ما بشرب شاي من اصله. أخير العدم من موية سخنة مسيخة..


سنوية سلامات.. نقول ليك هو ده الموضوع زاااتو تقولي شنو وشنو وكمان ني..

Quote: غايتو أنا زي صاحبتي مريوم. قدر ما حاولت (أهضم) السوشي ده ما قدرتا. لما أمشي بالغلط مع أصحاب لمطعم ياباني بطلب رز مسلوق وسمك محمًر أشوفه بعيوني الأربعة..

رجاء ازيك، العتب على النظر ما شفته كلامك الطاعم ده.. غايته السوشي نُهائي ما قدرته اتصالح معاه... مازن اخوي لما ياكله، العائلة كلها بتقعد تتفرّج عليه كأنه جاي من كوكب آخر.. ضقته مرّه واحده.. وبلعتها يا الله ويا مين! غايته من حسي، كان جيت لوحده منكم زياره وختت لي سوشي لا بيني لا بينها.. معناها طارداني عديل كده.. الشاي الاخضر ما بناباه... وانا من النوع البشرب نص ملعقة سكّر... وممكن استغني عنّه.. لكن ما فلهمه والله... بس يوم صحيت من النوم لقيت روحي كده..

مشتاقون خالص والله

سناء، I love you... بس اعفي لي من موضوع السوشي ده يختي..

محمد البشرى ازيك؟
فى كلامى عن اليهودية قلت "جنس" لانى كنت بتكلم بالدارجى.و برضو لانه لما تقول( لزول جنسك شنو؟) المقصود دنقلاوى,شايقى , الخ. لو قلت (جنسيتك شنو ؟) بكون قاصده سودانى ام مصرى....و حتى بالانجليزى race مختلفة عن Nationality .صح؟؟؟
ده ذى الفرق بين اسرائل و اليهودية.
الاسرائليةNationality و اليهودية (دين على حسب قولك) و (دين و هوية او جنس او race على حسب قولى). لانهم بعرفوا روحهم بانهم احفاد (منو كده ما عارفه).

البوست ده ممكن يكن مشجع_ لى انا على الاقل _ انى افهم اكتر عن اليهودية و اليهود. كل البعرفوا عنهم ان عنهم فطاير خرافية.


ازيك يا سناء....مشتاقين
" إنشاء الله " البتزعلنى المعناها "ان شاء الله " يعنى :اذا ارد الله.
ده ما معناه انى ما قاعدة ادقس. لكن دى ما دقستى.


رجاء يا اخى انت زولة رشيقة ...تاكلى ذى ما دايرة. لكن احنا النوع اللى لو شرب موية بيسمن لازم ما نشرب سكر ...نهائي.


ملاسى ..و الله التونة النى ده اجمل شى تاكله...ذى حلاوة لكوم جديده و طرية..من غير السكر طبعا..قصدى القوام.

و بالمناسبة فى سمك السوشى لو كان فيه اقل زفارة ما تاكلوه ...معناه سمك ما طازج .لازم يكون ما فيه اى ريحة.


مريوم فى سوشى فى مطعم هنا اسمه "منهاتن رول". و ده ما فيه اى شىء ني. بعد ما يعملوا الرول بيحمروا كلها فى الزيت. طعمها حلو برضو. و ممكن تبدى السوشى بحجات ما فيها سمك ني...و شويه شوية ح يعجبك...