ساعة رطن فيها السلاح.. تحلف تقول ماهم نصاح.. لاقوا المصايب بانشراح.. في جبينهم انكتب الفلاح.. وفي بالهم الحارات برود!
نحن أولاد جعل حد من مرقنا نجيب نصر.. باذلين وما بنعرف نصُر.. هجدتنا فوق ضهر المُهر.. وشافعنا شدة ماهو حُر.. باللقمة من خشمو بيجود (عبد المنعم محمد أحمد)!
نحن عيال جعل كضب البداني وكرنا.. نحن الفوق كراسي المملكة اتحكرنا.. جايعات السباع تشبع وتتذكرنا.. ونحن إن هجنا سبحان من يصفي عكرنا!
في شندي الجمال ود الملوك سواها.. ود موسى الحريف كرّر شريط سكواها.. أرسنال عديل العشرة اتناساها.. وود البرير يتفاصح وديونو ما حلاها!
وهتفت جماهير شندي الجميلة بعد نهاية اللقاء التاريخي: تيمك صاح يا صلاح!
العرضة صقرية.. والضربة نارية!
السوط دوّر.. والهلال اتكور!
وفريد.. لعّاب شديد!
يا الفريد في عصرك قلبي فاقد أمانك!
النصر بي عشرة.. والوقت الضائع عشرة!
نمور دار جعل انتزعوا النقاط رجالة وحمرة عين.. وبي عشرة لاعبين!
نصر تاريخي
أمس سجل نمور دار جعل نصراً تاريخياً انتزعوه من الهلال بشراسة الرجال وعزيمة الأبطال!
طرد الحكم الغاني يعقوبو منذ الدقيقة 21 فلم تلن لأبطال الأهلي قناة ولم يهتزوا ولم يتضعضعوا بل نافحوا وقاتلوا وانتزعوا نصراً أفرح الأنصار.. وجعل ليالي المدينة الباسلة تغلي بالحبور.
وضع الكوكي استراتيجية النصر المؤزر.. وترجمها رفاق النور وعروة وود موسى وفريد وباسيرو وفريد وإيكي وبقية عقد الصناديد الذين دوخوا الهلال وأدوا مثل الأبطال.
ضرب نمور دار جعل الهلال الأب ورفعوا رصيدهم إلى سبع نقاط!
والدور علي هلال الجبال بعون الله.
لم تفاجئنا خسارة الهلال، مثلما لم يفاجئنا انتصار الأهلي.
فالهلال الحالي يعاني من مشاكل فنية كبيرة، ظهرت على أدائه ونتائجه في الدوري يوضوح.
في الجولة قبل السابقة فاز الهلال على الاتحاد مدني بضربة حظ في آخر ثواني اللقاء.
وقبلها عانى الأمرين ليفوز على أهلي الخرطوم، وخسر أمام المريخ.
ظهور ديمبا المتوقف منذ فترة في توليفة الأزرق مباراة الأمس دليل على فقر كشف الهلال، وإلا لما دفع ميشو بلاعب توقف عن التدريبات فترةً طويلة، وظل يطالب بإنهاء عقده مع النادي.
ومشاركة الزامبي المتواضع فيلكس دليل آخر على تراجع الهلال فنياً في الموسم الحالي.
إذا كان هذا هو حال الهلال في الدوري المحلي، فكيف سيكون حاله في لقاء رادس؟
Post: #5 Title: Re: خليها رادس وشندي ليها بعدته .. وهاك من دار جعل يا هليل!! Author: الامين موسى البشاري Date: 04-29-2011, 07:59 PM Parent: #4
Post: #6 Title: Re: خليها رادس وشندي ليها بعدته .. وهاك من دار جعل يا هليل!! Author: أحمد ابن عوف Date: 04-29-2011, 08:08 PM Parent: #5
حالتكم تحنن والله
ازيك يا امينو
بعدين البنلت دا فيهو تمثيل عدييل، اللاعب بتاع اهلي شندي كان خلف مدافع الهلال، كيف زول يكسر ليهو زول جاري بوراهو؟؟
Post: #7 Title: Re: خليها رادس وشندي ليها بعدته .. وهاك من دار جعل يا هليل!! Author: الامين موسى البشاري Date: 04-29-2011, 08:11 PM Parent: #6
Quote: حالتكم تحنن والله
اريتا حالتكم يااااخ ازيك يا دفعة
Post: #8 Title: Re: خليها رادس وشندي ليها بعدته .. وهاك من دار جعل يا هليل!! Author: معتصم محمد صالح Date: 04-29-2011, 08:41 PM Parent: #7
يا عمك ..
دي بالصيني
周三
Post: #9 Title: Re: خليها رادس وشندي ليها بعدته .. وهاك من دار جعل يا هليل!! Author: الامين موسى البشاري Date: 04-30-2011, 06:54 AM Parent: #8
Quote: يا عمك ..
دي بالصيني
周三
لا يا عمكــ
دي باالجعلي
تاني تجي؟
للضمان كدا اتلقي صلاح ادريس قاعد يصوقر ساااااي
Post: #10 Title: Re: خليها رادس وشندي ليها بعدته .. وهاك من دار جعل يا هليل!! Author: فايزودالقاضي Date: 04-30-2011, 07:10 AM Parent: #9
غايتو انا لو كنت مهلهلابي كان انتحرت في الظروف دي ...
اشكرك يارب لانك جعلتني من الصفوة اسياد البلد وزعمائها ..
Post: #11 Title: Re: خليها رادس وشندي ليها بعدته .. وهاك من دار جعل يا هليل!! Author: الامين موسى البشاري Date: 04-30-2011, 07:15 AM Parent: #10
Quote: اشكرك يارب لانك جعلتني من الصفوة اسياد البلد وزعمائها ..
وانت الزيك منو يا قريبي غايتو الجماعة مضايرين من البوست دا لغاية اســي الكلام في رادس يل عمكــ
