الزفاف الملكي

قلت اكون من جملة ال 2 مليار الحيشاهدوا الزفاف الملكي من التلفزيون. وقت أصلوا الجماعة إتلوموا وما عزمونا حتي ولو كشكره

زواج الأمير البريطاني وليام من كيت

قرابة الالفين من كبار المدعويين يحضرون الزفاف من داخل كتدرائية وستمنستر في لندن

في البداية إفتكرت أن هناك مهرجين نساء ورجال في سيرك قبل الزفاف

أزياء غريبة وعجيبة وقبعات ما أنزل الله بها من سلطان تعيد الإنسان للقرون الوسطي


لم أتأكد أن هؤلاء هم الضيوف الحقيقيين إلا بعد وصول الملكة اليزبيث شخصيا

غريبة الملكه لابسة زي عصري وبسيط وجميل فستان أصفر فاقع لونه يسر الناظرين مع قبعة أنيقة صفراء

وصول العريس وفي معيته شقيقه الأمير هاري في زي عسكري ملكي إلي كنيسة ويستمنستر ليكون في إستقبال عروسه

وهي نفس الكنيسة التي خرج منها الأمير الشافع حينها بخطوات متعثرة خلف جثمان والدته الليدي ديانا

حقيقة خف الزعل شوية لمن عرفت إنو توني بلير وبراون برضو مثلي ما دعوهم للزفاف.

ياخ العائلة المالكة دي فعلا طلعت جلدة زي ما بقولوا الضيوف قاعدين ليهم ساعات ماشايف في كوكتيل والله حاجة باردة لافة ولا حتي حلاوة ماكنتوش والله تمر وفول

ناس البي بي سي شيالين حال سايبين كل شئ وماسكين في بلير وبراون ما دعوهم ليه!

وصول المدعويين زمنيا حسب البرتكول وكل من باب حسب المكانة والوظيفة

عامة الضيوف ونجوم المجتمع أبرزهم اللاعب الشهير بيكهام وزوجته المغنية فكتوريا عضو فرقة الاسبيس غيرل والمغني الشهير إلتون جون صاحب أغنية شمعة في مهب الريح التي غناها لمادلين مورو وأعاد غناها في جنازة والدة العريس ديانا

ثم وصول مسئولو الحكومة البريطانية وتبعهم السلك الدبلوماسي وضيوف الخارج

ثم العريس وشقيقه

تبعتهم الأسرة المالكة بالتدريج حسب الرتب إنتهاء بالملكة وزوجها الأمير فيليب جد العريس

في إنتظار العروس

وصول أخت العروس والشباين الصغار

وأخيرا وصول العروس كيت ترفل في فستان زفافها الأبيض وتتأبط ذراع والدها

كيت البنت البسيطة من عامة الشعب والتي ما كانت تسلم من حقارة زميلاتها عندما كانت صغيرة في المدرسة

اليوم تصبح أميرة وملكة المستقبل لبريطانية العظمي


صدق الله العظيم القائل في محكم تنزيله (يؤتي الملك من يشاء)


فعلا العروس تبدو مخلوعة وخائفة أثناء مراسم الزواج . تتلفت وتتبسم من غير سبب

معذورة لقت نفسها في معمعة كبيرة لم تكن تتخيلها أو حتي تحلم بها

أغرب ضيف لفت نظري هو محمد الفائد المصري صاحب متاجر هارودز ووالد دودي الفائد خطيب الليدي دينا الذي توفي معها في الحادث

ياربي الزول دا يكون دعاهو منو لأنو ختاها قرض مع الأسرة المالكة بعد وفاة إبنه وديانا

إنتهي عقد الزواج لكن مازالت الطقوس جارية

علي العموم بيت مال وعيال وألف مبروك للعروسين

ولا ندري ما يخبي القدر فربما في عهدهم عندما يصبحون ملوكا تستعيد بريطانية عظمتها وترجع مستعمراتها القديمة ويرجع أولادنا وأحفادنا رعايا لأولادهم وأحفادهم لا سمح الله

كثير من الضيوف من الأجانب في أزيائهم الوطنية

لم ألاحظ لوجود جلاليب وتياب سودانية بين الحضور رغم العلاقات التاريخية بين البلدين

طبعا لا أقصد السفير أكيد تمت دعوته حسب البرتكول ولكن أقصد سودانيين آخرين مثلا

هل تمت دعوة رجل الأعمال البريطاني السوداني الملياردير محمد إبراهيم الشهير ب مو

ويقال هناك نسب عائلي بين أسرة الدكتور السوداني البريطاني عبدالوهاب الأفندي والعائلة المالك

إن شاء الله ما يكونوا جلوهم زي ما جلونا

Quote: لم ألاحظ لوجود جلاليب وتياب سودانية بين الحضور رغم العلاقات التاريخية بين البلدين

يا اسامه تصدق وانا ما مصدق عيونى ...شفت لى سودانى وسط زحمه العرس دى بى عمه وجلابيه
والله انا نصيح وما بلعت اى حبوب
لكن شربت لى كبايه شاى..يكون فيهو شىء ياربى؟؟؟؟؟

في اتنين خليجيين قاعدين من بدري... اظنهم اول ناس وصلوا... اها ديل انا متحيّره فيهم، الناس دي قاعده في كنسية، وبتحضر في قدّاس مسيحي، قالوا فيه "الرب المسيح" عديل كده... يا ربي رأيهم شنو في القصة دي؟ ولا ما فكّروا فيها؟ ولا ده استثناء!؟

ابو العروس مخلوع زي بتّه ... في حد عارف الزول ده شغّال شنو؟

Quote: ابو العروس مخلوع زي بتّه ... في حد عارف الزول ده شغّال شنو؟

رجل اعمال ناجح جدا والدليل الولو زي ما قال عادل امام

الرابط تحت

http://www.thisismoney.co.uk/celebrity/article.html?in_...18391&in_page_id=181

تحياتي
اسامة

Salam all,

مبروك الزواج
وهاكم بعض الصور

border=0 alt="marriagewillkate_apr29_630.jpg Hosting at Sudaneseonline.com">

الضيوف









و الجمهور التعبان

سلام

السودانى ابو عبايه دا السفير والغريبه الوحيد الما جايب زوجته معاهو ؟؟؟

باقى الصور فى الرابط دا

http://ibnlive.in.com/photogallery/3849-38.html

http://www.bbc.co.uk/news/


ماشه اشوف قبلة الزواج

Quote: ماشه اشوف قبلة الزواج

اها هاكى شوفى


سالت زوجتى انت ليه ماخليتينى اقبلك فى حفله عرسنا
قالت لى خفت من ناس النظام العام يقبضونا
قلت ليها ولاخفتى من واحد من المعازيم يفك فينا كرسى طاير

=====
الاصحيح السودانيين ما بيقبلوا بعض فى حفله عرسهم ليه
حاجه تحيير فعلاً