Post: #1 Title: ام احمد زعلانه منى وانا بعتذر على الملا Author: خالد المحرب Date: 04-29-2011, 08:03 AM Parent: #0
هى زميله فى المنبر عشان كدا انا بعتذر ليها فى المنبر ليس سذاجه منى ولكن حبيت اقدم اعتذارى على المكشوف انشاء الله اعتذارى يلقا القبول من ست الحبايب هرمنا ولكن لس بنحب بعض الان هى نايمه وزعلانه والله
Post: #2 Title: Re: ام احمد زعلانه منى وانا بعتذر على الملا Author: حليمة محمد عبد الرحمن Date: 04-29-2011, 08:17 AM Parent: #1
وا حلاتي يا ناسي.. اريتنا بزعلكم..!
Post: #3 Title: Re: ام احمد زعلانه منى وانا بعتذر على الملا Author: خالد المحرب Date: 04-29-2011, 08:22 AM Parent: #2
Quote: وا حلاتي يا ناسي.. اريتنا بزعلكم..!
فى زعل بى الصح صباح الخير حليمه قولى كلام غير دا لطفى الجو شويه ا
Post: #4 Title: Re: ام احمد زعلانه منى وانا بعتذر على الملا Author: ناصر احمد الامين Date: 04-29-2011, 08:36 AM Parent: #3
واعي و راقي و الله يا اب شنب ربنا يهنيكم
Post: #5 Title: Re: ام احمد زعلانه منى وانا بعتذر على الملا Author: خالد المحرب Date: 04-29-2011, 08:44 AM Parent: #4
Quote: واعي و راقي و الله يا اب شنب ربنا يهنيكم
ابو احمد لك التحيه وانت زول اجمل بالتاكيد
Post: #6 Title: Re: ام احمد زعلانه منى وانا بعتذر على الملا Author: محمد البشرى الخضر Date: 04-29-2011, 09:04 AM Parent: #5
اب احمد اعتذار اليوتيوب سمح واي شي لكن كمان طعّموا بزيارة لسوق الدهب
Post: #7 Title: Re: ام احمد زعلانه منى وانا بعتذر على الملا Author: الطيب شيقوق Date: 04-29-2011, 09:16 AM Parent: #6
Quote: هرمنا ولكن لس بنحب بعض الان هى نايمه وزعلانه والله
انت يا سجم الرماد الله قسم ليك مرة خزنة وإكسيرة تقوم كمان تفاصحها ؟
خم وصر
نقي ليها العنكوليب زى ما انا بنقي لام عبد الله
ما تبقى زولا سهيتا
Post: #9 Title: Re: ام احمد زعلانه منى وانا بعتذر على الملا Author: عادل الباهي عبدالرازق Date: 04-29-2011, 09:20 AM Parent: #7
جمعة مباركة
لك ولها أحترامي
منكم نتعلم
Post: #15 Title: Re: ام احمد زعلانه منى وانا بعتذر على الملا Author: خالد المحرب Date: 04-29-2011, 09:28 AM Parent: #9
Quote: جمعة مباركة
لك ولها أحترامي
منكم نتعلم
اخى ود الباهى والله انت سيد الزوق كلو تحياتى
Post: #12 Title: Re: ام احمد زعلانه منى وانا بعتذر على الملا Author: خالد المحرب Date: 04-29-2011, 09:24 AM Parent: #7
Quote: انت يا سجم الرماد الله قسم ليك مرة خزنة وإكسيرة تقوم كمان تفاصحها ؟
خم وصر
والله يالطيب مرات اللوم بجى بالغفلات وانا متلوم
Post: #8 Title: Re: ام احمد زعلانه منى وانا بعتذر على الملا Author: Yassir Tayfour Date: 04-29-2011, 09:18 AM Parent: #6
Quote: اب احمد اعتذار اليوتيوب سمح واي شي لكن كمان طعّموا بزيارة لسوق الدهب
ود المحرب ما تسمع كلام أبوحتوت ده، لأنو على المدى الطويل فيروس الزعل سوف يكتسب مناعة ضد كل الأدوية دون الدهب.. ____ كحل رومانسي وغير مكلف، أم أحمد لامن تصحى تلقى الفطور قدامها، ومعاهو وردة ؛)
Post: #11 Title: Re: ام احمد زعلانه منى وانا بعتذر على الملا Author: فيصل محمد خليل Date: 04-29-2011, 09:22 AM Parent: #8
يا ام احمد دقي المحلب
______
المحلب دا منو يا ربي
Post: #18 Title: Re: ام احمد زعلانه منى وانا بعتذر على الملا Author: خالد المحرب Date: 04-29-2011, 09:40 AM Parent: #11
Quote: يا ام احمد دقي المحلب
______
المحلب دا منو يا ربي
الحلب دا انا يافيصل انا مستعد تطلع فى راسى
Post: #13 Title: Re: ام احمد زعلانه منى وانا بعتذر على الملا Author: هشام هباني Date: 04-29-2011, 09:26 AM Parent: #8
شيخ العرب ود المحرب
افو افو الله لا دام الزعل بين الاحباب تزعل الدنيا دي كلها الااختنا الكريمة ام احمد بت ودابو حريرة ما بنرضى فيها تب!
تحياتي ليها وللوليدات والحفيدة والله يسعدكم ويحقق كل الاماني
امين
Post: #19 Title: Re: ام احمد زعلانه منى وانا بعتذر على الملا Author: خالد المحرب Date: 04-29-2011, 09:43 AM Parent: #13
Quote: شيخ العرب ود المحرب
افو افو الله لا دام الزعل بين الاحباب تزعل الدنيا دي كلها الااختنا الكريمة ام احمد بت ودابو حريرة ما بنرضى فيها تب!
تحياتي ليها وللوليدات والحفيدة والله يسعدكم ويحقق كل الاماني
امين
اه جنس الكلام يا الناظر بخليها ترضى تحياتى لى الوليدات احمد ونضال وامهم
Post: #17 Title: Re: ام احمد زعلانه منى وانا بعتذر على الملا Author: خالد المحرب Date: 04-29-2011, 09:32 AM Parent: #8
Quote: كحل رومانسي وغير مكلف، أم أحمد لامن تصحى تلقى الفطور قدامها، ومعاهو وردة ؛)
ياسر مع انك حديث عهد بالحياة الزوجيه ولكن لقيتك ناجح بدرجة امتياز اهنيك بالتاكيد ام احمد بتحب الورد جدا وطبعا انت خدمتنى فى الحته دى عشان لما تصحا اقول ليها انا فتحت بوست اسفيرى بى اعتذارى ليك وشوفى ناس ود طيفور بقولو فى شنو لك التحيه استاذى
عشان اضيف سين ل اسفيرى لانها بتخدم قضيتى لزم التعديل
Post: #10 Title: Re: ام احمد زعلانه منى وانا بعتذر على الملا Author: خالد المحرب Date: 04-29-2011, 09:21 AM Parent: #6
Quote: اب احمد اعتذار اليوتيوب سمح واي شي لكن كمان طعّموا بزيارة لسوق الدهب
الاخ محمد البشرى والله الذى لا الاه الا هو ام احمد لا تحب الذهب البته اجيب ليها بوكيه ورد ب 50 ريال يعادل دهب 5000 عندها شكرا يا حبيب على الكلام الجميل
Post: #14 Title: Re: ام احمد زعلانه منى وانا بعتذر على الملا Author: جمال السنوسي Date: 04-29-2011, 09:27 AM Parent: #10
Post: #16 Title: Re: ام احمد زعلانه منى وانا بعتذر على الملا Author: فيصل محمد خليل Date: 04-29-2011, 09:32 AM Parent: #14
Post: #44 Title: Re: ام احمد زعلانه منى وانا بعتذر على الملا Author: خالد المحرب Date: 04-29-2011, 09:01 PM Parent: #16
الاخ فيصل شكرا يازول يازوق طبعا انتو اهل الزوق سامحنى غلطان بعتذر
Post: #20 Title: Re: ام احمد زعلانه منى وانا بعتذر على الملا Author: خالد المحرب Date: 04-29-2011, 09:48 AM Parent: #14
Quote: شيخ العرب
تحية صباحية
وكمان مساهمة مني
مممكن تهديها الرابط ده
يا تشوفو هنا
يا ترسلوا ليها في ايميل
الرابط
حبيبنا جمال السنونى شكرا على الرابط الرومانسى يازول نحن اصلو مابينا اميلات نحن على الهواء شكرا جدا يا اهل جده سعدنا بلقاك فى الاسابيع المنصرمه واتنمى ان اراك قريبا فى جده او الرياض
Post: #22 Title: Re: ام احمد زعلانه منى وانا بعتذر على الملا Author: Abdlaziz Eisa Date: 04-29-2011, 10:28 AM Parent: #20
Quote: هى زميله فى المنبر عشان كدا انا بعتذر ليها فى المنبر ليس سذاجه منى ولكن حبيت اقدم اعتذارى على المكشوف انشاء الله اعتذارى يلقا القبول من ست الحبايب هرمنا ولكن لس بنحب بعض الان هى نايمه وزعلانه والله
شيخ العرب/ الحرب
سلام
سويت كلام ناس البندر,,, إلا صحي خطوتك زينة..
تستاهل ترضيها الزينة وان شاء الله ترضى عليك كمان..
وما ترجع اليد فاضية.. ولو بالورد ده:
Post: #25 Title: Re: ام احمد زعلانه منى وانا بعتذر على الملا Author: خالد المحرب Date: 04-29-2011, 10:50 AM Parent: #22
السنجك ياخ اشكرك جزيل الشكر على الاجتهاد فى رسم البسمه ودا بالتاكيد سوف يكون له اثر ايجابى ات عارف السناجك ديل معروفين بى الحنيييييييي شكرا و اقف اليك احتراما
Post: #35 Title: Re: ام احمد زعلانه منى وانا بعتذر على الملا Author: خالد المحرب Date: 04-29-2011, 07:56 PM Parent: #22
Quote: شيخ العرب/ الحرب
سلام
سويت كلام ناس البندر,,, إلا صحي خطوتك زينة..
تستاهل ترضيها الزينة وان شاء الله ترضى عليك كمان..
وما ترجع اليد فاضية.. ولو بالورد ده:
الاخ عبد العزيز عيسى شكرا على الشعور الجميل ام احمد تستاهل كل خير ولكن
Post: #23 Title: Re: ام احمد زعلانه منى وانا بعتذر على الملا Author: ساميه حامد Date: 04-29-2011, 10:40 AM Parent: #20
الاخ الغالي ابواحمد انت جد زول راقي ونرفع لك القبعة
مع انو باين انو غلطيك كبيرة عشان كده الإعتذار لازم إكون كبير وإكون على الملأ
وانت ما قصرت ابدا في الاعتذار والباقي على ست الناس الغالية بت ابو حريرة
والله الواحد كل يوم بشكر الله ثم بكري ابوبكر على انو إتعرف على ناس راقيين وفاهمين مثلكم
ودي هدية بسيطة مني للغالية ام احمد
ساميه حامد انا جبت الورد ومعاهو بطيخ محل الورد قريب لكن البطيخ اليومين نادر شديد ولكن اتيت به انا عارفك واسطه قويه دحين ماتقصرى يا وزيرة الخارجيه
Post: #42 Title: Re: ام احمد زعلانه منى وانا بعتذر على الملا Author: Nagat Sid Ahmed Elshiekh Date: 04-29-2011, 08:40 PM Parent: #36
Quote: انشاء الله اعتذارى يلقا القبول من ست الحبايب هرمنا ولكن لس بنحب بعض الان هى نايمه وزعلانه والله
ياسلام عليك يا أبو أحمد والله أنا لو فى مكان ست الحبائب كنت سامحتك وقبلت أعتزاك بعد فتح البوست دا على طول ، ربنا يخليكم لبعض ويديكم العافية والصحة، تسلموا .
ملحوظة
ود الموج يجازى محنك انا بضحك لحدى ما شايفة الحروف طشاش يا خى الكلام دا بتجيبوا من وين ، وسجم خشم أم أولادك لو زعلت منك هههههه.
Post: #43 Title: Re: ام احمد زعلانه منى وانا بعتذر على الملا Author: طارق ميرغني Date: 04-29-2011, 08:43 PM Parent: #36
يا صاحبي
شايف ام احمد لسه ما خشت البوست
معناتا لسه ما رضيانه
يعني بعد الغنا والبكا الفوق ده لو ما رضت
عندنا راي ...... !!!!
في انتظار ام احمد!!!!
Post: #45 Title: Re: ام احمد زعلانه منى وانا بعتذر على الملا Author: الامين موسى البشاري Date: 04-29-2011, 09:07 PM Parent: #43
اب احمد
كبيييييييييييير كما عرفناك دوماً وام احمد تستحق اكثر من الاعتذار ادام الله بينكم المحبة والالفة يا شيخ العرب
تحياتي لك وللاسرة
Post: #47 Title: Re: ام احمد زعلانه منى وانا بعتذر على الملا Author: عفاف أبو حريرة Date: 04-29-2011, 09:38 PM Parent: #45
Post: #48 Title: Re: ام احمد زعلانه منى وانا بعتذر على الملا Author: نادية عثمان Date: 04-29-2011, 11:10 PM Parent: #47
مهند ونور
حلااااااااتكم
عيني باردة وصلاتي على النبي مانسحركم والله
Post: #49 Title: Re: ام احمد زعلانه منى وانا بعتذر على الملا Author: عبد المنعم سيد احمد Date: 04-30-2011, 03:01 AM Parent: #48
Post: #50 Title: Re: ام احمد زعلانه منى وانا بعتذر على الملا Author: حمد فتح الرحمن Date: 04-30-2011, 07:18 AM Parent: #49
الجو الايام دي يعجبك قوم تعالو اتصالحو هنا
Post: #51 Title: Re: ام احمد زعلانه منى وانا بعتذر على الملا Author: محمد عمر الفكي Date: 04-30-2011, 07:33 AM Parent: #50
ابو احمد كيفك ام احمد الخال شريك الوالد ولو عندك خاطر لخالك من اولاد الفكي طه تسامحي ابو احمد دا، والله لا جاب الزعل وان شاء الله يديم عليكم نعمو ظاهرة وباطنة.
Post: #52 Title: Re: ام احمد زعلانه منى وانا بعتذر على الملا Author: عبدالمجيد الكونت Date: 04-30-2011, 07:44 AM Parent: #51
ابو احمد وام احمد سعييد اني بعرف ناس زيكم ربنا يحفظكم لبعض
Post: #53 Title: Re: ام احمد زعلانه منى وانا بعتذر على الملا Author: بله محمد الفاضل Date: 04-30-2011, 08:01 AM Parent: #52
يا اخي بين الحبايب العتب مرفوع تنوم زعلان تصبح رضيان
كان صبرتا شوية حتلقاها نست الموضوع من أصلو
بس إتا تاني ما تكررا
ربي يحفظكم لي بعض ويغطي عليكم
Post: #54 Title: Re: ام احمد زعلانه منى وانا بعتذر على الملا Author: فيصل محمد خليل Date: 04-30-2011, 08:02 AM Parent: #52
كنت عاوز يردخوكم رديخ السواد انت و المسنوح ود شيقوق
___ كن كيف شاء لكم الدلالو فانني بكم معجبو
Post: #56 Title: Re: ام احمد زعلانه منى وانا بعتذر على الملا Author: حمزاوي Date: 04-30-2011, 09:09 AM Parent: #54
خالد المحرب اخوي الراجل الشوفوه خلوهو ام احمد دي زعلها ذي ما انت عايز ولمن تصحى من النوم او امشي صحيها وادفرها وطلعها برا البيت والله الف من يتمناك يا خالد اخوي اصلك راجل دغري وكلامك ما بيقع الواطة اصلك ما تتراجع ولا تعتذر هييييييييييييع الراجل الضكر ام سكين في الضراع قال يعتذر قال
Post: #55 Title: Re: ام احمد زعلانه منى وانا بعتذر على الملا Author: هواري نمر Date: 04-30-2011, 08:09 AM Parent: #52
Quote: :ام احمد زعلانه منى وانا بعتذر على الملا
قولة : معليش , أسف , أعتذر , حقك علي وغلطان. الإعتذار بي كلمة طيبة حنونة ومسؤلة , طالعة من جوه الجوه. الكــــــــلام الطالع منك ده بالدنيا وكل دهبها وجواهرها. تقديرك لي رفيقة دربك وحرصك علي رضاءها وعدم زعلها وإصرارك علي إعتذار علني , حاجة لا توصف ولا تقدر باي ثمن . الله ..الله ..الله عليك ياخ.
رببنا يخليكم لي بعض , ويديم المحبة والتقدير والإحترام بينكم ..
Post: #57 Title: Re: ام احمد زعلانه منى وانا بعتذر على الملا Author: حمزاوي Date: 04-30-2011, 09:17 AM Parent: #55
ام احمد بت القبائل بت ابوحريرة بت الشيوخ النارهم ما بينطفي بت شيوخ البطانة غايتو ابواحمد دا ما عنده نظر اول ما شفتكم وفي اول لقاء للبورداب افتكرك بنتو غايتو في الزمن دا في ناس ربنا بيعطيهم النعمة ولكن ما بيصونوها اصلك ما تقبلي اعتذارو
الله يحفظك ويبارك في ذريتك انت بتعرف الملخبط افكار ود المحرب منو واحد اسمو صديق الموج
Post: #58 Title: Re: ام احمد زعلانه منى وانا بعتذر على الملا Author: عبدالله ود البوش Date: 04-30-2011, 09:20 AM Parent: #55
جنيا لود النمير راسو قد المدير قالوا كدايا من كدايا بدلا ما اقولو حاضر يا سيد قام قالوا كدايا من كداي اها ما بتشوفو اباري بالحدايق . . . قسما احاسبني بيهو رب العالمين : اجمل زوجين صديقين اراهما في حياتي اب احمد وام احمد ربنا يحفظهما ويكفيهم شر حاسديهم
Post: #59 Title: Re: ام احمد زعلانه منى وانا بعتذر على الملا Author: ودقاسم Date: 04-30-2011, 09:47 AM Parent: #58
ما أحلى التصافي من بعد التجافي لك ولها التحية وربنا يديم عليكم نعمة الالفة والسكينة ولا ينمو الحب إلا بمزيد من الحب
Post: #61 Title: Re: ام احمد زعلانه منى وانا بعتذر على الملا Author: امير طمبل Date: 04-30-2011, 10:23 AM Parent: #59
Quote: ام احمد بت القبائل بت ابوحريرة بت الشيوخ النارهم ما بينطفي بت شيوخ البطانة
الأخ الجميل خالد المحرب
أنت و بت القبائل اختي عفاف ابوحريرة مثال ممتاز للعشرة و الحياة الزوجية السعيدة .. و بيني و بينك و يشهد الله ان بت القبائل لا تستحق اي حاجة تعكر صفوها..جمعتني بكم أسعد و اجمل لحظات في حياتي أحسست من خلال هذه اللحظات كم السعادة التي بينكم و اعجبني جدا التفاهم الكبير بينكم .. معزرة ساكتب هذا الموقف جلست في رحلتي الاخيرة مع الصديق خالد المحرب اذكر بان الوقت كان متاخر جدا بعد ان حضرنا من الجلسة التي اعدها بورداب الرياض لي في حدائق السلام جلسنا انا و اخي المحرب نتجاذب اطراف الحديث حتي الساعة 4 صباحا فجاة و بدون اي مقدمات في حوالي الساعة 4 و نص صباحا دخلت علينا بت القبائل تحمل لنا كمية من المشويات الساخنة و لو تذكر قلت لك يا المحرب تحمد الله علي هذه المراة الكريمة لان في مثل هذا الوقت لو ابوك العمدة ذاتو المرة ما تقوم تعمل ليك عشاء في هذا الوقت المتاخر بالله عليك يا خالد المحرب ان تراضي اختي بت المحرب بكل السبل تحياتي الي بت القبائل و كل الحلوات و تحية اكثر خصوصية للحفيدة الولوفة منه
Post: #60 Title: Re: ام احمد زعلانه منى وانا بعتذر على الملا Author: أحمد الشايقي Date: 04-30-2011, 10:14 AM Parent: #58
Quote: قسما احاسبني بيهو رب العالمين : اجمل زوجين صديقين اراهما في حياتي اب احمد وام احمد ربنا يحفظهما ويكفيهم شر حاسديهم
اللم آمين
أحمد الشايقي
Post: #62 Title: Re: ام احمد زعلانه منى وانا بعتذر على الملا Author: Asma Abdel Halim Date: 04-30-2011, 03:05 PM Parent: #60
السيد خالد الاعتراف بالخطأ أكبر فضيلة ثم أنك دبلوماسي درجة أولى وريت بت القبايل قدرها تمام وكت جبت الاجاويد ما قعدت لها نفر واللا نفرين قعدت لها السودان كله من خلال البورد فابشر بطول سعادة يا محرب
Post: #63 Title: Re: ام احمد زعلانه منى وانا بعتذر على الملا Author: خالد المحرب Date: 04-30-2011, 05:50 PM Parent: #62
سعدت جدا بكل حرف كتب هنا وكل كلمه نابعه من القلوب الطيبه لكم منى الشكر والعرفان والتقدير ونحن فى هذه الواحه الظليله نستظل بها جميعا انا وزملائى الاعضاء فى كل انحاء العالم . والتحيه الخاصه للريس بكرى الذى كان سببا فى بناء هذا الصرح الذى يجمعنا بكم دوما وشارك فى ربط علاقات وصلت الى المصاهره ودى نعمه كبيره جدا شكرا مره اخرى احبكم جميعا من جوه قلبى
Post: #64 Title: Re: ام احمد زعلانه منى وانا بعتذر على الملا Author: طارق ميرغني Date: 04-30-2011, 05:51 PM Parent: #62
Quote: في حوالي الساعة 4 و نص صباحا دخلت علينا بت القبائل تحمل لنا كمية من المشويات الساخنة
وانت يا امير وخالد المحرب بعاعيت
تاكلوا مشويات الفجر ؟؟؟؟؟؟؟؟؟؟؟؟؟
انعل ابو العنكوليب ذاتو زي ما قال صاحبي ود شيقوق
Post: #65 Title: Re: ام احمد زعلانه منى وانا بعتذر على الملا Author: Sana Khalid Date: 04-30-2011, 07:05 PM Parent: #64
ما شاء الله و تبارك الله أختي عفاف و أخي خالد انتو الاتنين ناس سمحين.. الله يحفظكم لبعض
Post: #66 Title: Re: ام احمد زعلانه منى وانا بعتذر على الملا Author: خضر عطا المنان Date: 04-30-2011, 10:16 PM Parent: #65
ياحبيبنا ود المحرب بس قول ليها : ليك بقـدم اعـــــتذاري من وداد في دمي جــاري من نسيمات أرض البطانة وروعة النيل في العصـاري من وجـــيع ما ليا غـيرك ومن ربيـعي وازدهـــاري ليك بقــدم اعتـــــــذاري ..
وعموما يظل الاعتذار ثقافة راقية ويقف بلا منازع على قمة التحضر الانساني
فلك ياسيدي ولها تحياتي وسلامي خضر
Post: #67 Title: Re: ام احمد زعلانه منى وانا بعتذر على الملا Author: ALZOLZATOO Date: 04-30-2011, 10:37 PM
غلطان يا ابو احمد والله لازم تقدم تنازلات كتيره لو غلبك حلها جيب خروفك وتعال الشرقية فيها الخبر اليقين لووولز
تحياتي لام احمد اصلو ماتسامحيهو الا بعد يبطل شكل الليل
تحياتي للعائلة الكريمة كما تعلم
زاتوووو
Post: #68 Title: Re: ام احمد زعلانه منى وانا بعتذر على الملا Author: ياسر السر Date: 05-01-2011, 08:12 AM Parent: #67
الله ما جاب زعل يا أبو احمد وأكيد أم أحمد بتقبل إعتذارك وما بتخلينا ندخل اجاويد ،، ربنا يخليكم لي بعض ويديم بينكم المعروف ،، منكم نتعلم ..
تحياتي : ياسر العيلفون
Post: #69 Title: Re: ام احمد زعلانه منى وانا بعتذر على الملا Author: ابوبكر قسومة Date: 05-01-2011, 01:04 PM Parent: #68
ههههها .... والله يا ود المحرب بعد الاهداء بتاع بت القبائل الفوق ده حرم تاني ما تقول شئ....
(اريتنا بي حالكم)
Post: #70 Title: Re: ام احمد زعلانه منى وانا بعتذر على الملا Author: هجو الأقرع Date: 05-01-2011, 02:00 PM Parent: #69
بعد اهداء بت ابوحريرة للشيخ العرب
اغنية زول بريدك ذى مافــــــــــي
انقطع الكلام ، لا عزاء للشمات ناس ود شيقوق
ومن لف لفهم.
بت الرجال حاشاها مى زعالــــــــــــــــــه
ما سويت شين ما لاموها قط فى قوالـــــــــــه
بت بيت اللبن ست العيوش كيالـــــــــــــه
اولادى الصغار قالوا فى حق النسيبه لابد من غاره
ياود المحرب إن زعلتها تانى ما بينا دبــــاره
Post: #71 Title: Re: ام احمد زعلانه منى وانا بعتذر على الملا Author: عائشة موسي السعيد Date: 05-01-2011, 02:53 PM Parent: #70
نبيل الإنسان الذي يعتذر!
ما أنبل منه إلا الرجل يعتذر لزوجته!!
وماأنبل منهما إلا الزوج يعتذر لزوجته على الملأ!!!
ونصيحة أم ياأم احمد:
لا تضطري مثل هذا الرجل يعتذر على الملأ!!!!
فأنت الأنبل وإلا ما اعتذر...
Post: #72 Title: Re: ام احمد زعلانه منى وانا بعتذر على الملا Author: بدر الدين الأمير Date: 05-01-2011, 03:18 PM Parent: #71
