Post: #1 Title: مهما صعب درب الوصول لازم لازم لازم اصل Author: خالد المحرب Date: 04-29-2011, 06:19 AM Parent: #0
جمعه مباركه للجميع مرات الواحد بصحى بدرى ودا شى نادر فى الخليج يوم الجمعه طبعا انا يوم الجمعه بصجى بدرى واكتر يوم بحس فيه بى الغربه للديار الحمد لله كل اسرتى معى ولكن افتقد فى هذا اليوم رش الشجر والزهور وغزلانى ودجاجى يلقط الحبه ويجرى وهو فرحان وريحة زهرة دقن الباشا وحاجات كتار والكرسى فى الشارع وصباح الخير من المارا والنسوان راجعات من السوق القريب جابو حاجات اليوم وسيد الكارو وسيد اللبن اترككم مع كلمات محمد يوسف موسى وابدع فيها ود الباديه
Post: #2 Title: Re: مهما صعب درب الوصول لازم لازم لازم اصل Author: ABUHUSSEIN Date: 04-29-2011, 06:31 AM Parent: #1
أبو أحمد سلام
يا خوي اليوم جمعة مالك مبدر كدي..؟؟؟
النوم أبى إجي و لا شنو ...؟؟؟
جمعة مباركة إن شاء الله
Post: #3 Title: Re: مهما صعب درب الوصول لازم لازم لازم اصل Author: haroon diyab Date: 04-29-2011, 06:34 AM Parent: #2
واتحدي دربك لو يطوووووووووووووول
ومين غيرنا نحن البحتمل
سلامات ياشيخ العرب
Post: #5 Title: Re: مهما صعب درب الوصول لازم لازم لازم اصل Author: willeim andrea Date: 04-29-2011, 06:40 AM Parent: #3
الجمعه ... السمك ... والجرايد .. ولمت الحباب .... والراديو وبرامج الصباح في الحوش الوسيع ... صباحكم عطور وزهور وبخور مع قهوه وشاي . وحنان الاهل ...
جمعه مباركه ياشيخ العرب ليك ولضيوفك الكرام
Post: #6 Title: Re: مهما صعب درب الوصول لازم لازم لازم اصل Author: خالد المحرب Date: 04-29-2011, 06:43 AM Parent: #3
Quote: واتحدي دربك لو يطوووووووووووووول
ومين غيرنا نحن البحتمل
سلامات ياشيخ العرب
الاخ هارون محمد يوسف موسى كتب كلمات وترجمها على ارض الواقع صلاح ابن الباديه وابدع فيها جمعه مباركه وصباح جميل ونحن نتخيل نسمات الصباح التى تاتينا من النيل وريحة زهرة دقن الباشا الصباحيه
Post: #4 Title: Re: مهما صعب درب الوصول لازم لازم لازم اصل Author: خالد المحرب Date: 04-29-2011, 06:40 AM Parent: #2
Quote: أبو أحمد سلام
يا خوي اليوم جمعة مالك مبدر كدي..؟؟؟
النوم أبى إجي و لا شنو ...؟؟؟
جمعة مباركة إن شاء الله
ابوحسين الجمعه دى انا عندى معا ذكريات فى السودان اقوم الصباح ارش الشجر واتفقد الزهور وعندى غزلان وشوية دجاج وحمام اه يازول تحياتى لك
Post: #7 Title: Re: مهما صعب درب الوصول لازم لازم لازم اصل Author: خالد المحرب Date: 04-29-2011, 06:47 AM Parent: #4
Quote: الجمعه ... السمك ... والجرايد .. ولمت الحباب .... والراديو وبرامج الصباح في الحوش الوسيع ... صباحكم عطور وزهور وبخور مع قهوه وشاي . وحنان الاهل ...
جمعه مباركه ياشيخ العرب ليك ولضيوفك الكرام
استاذى وليم سودانا جميل بى نيلو ونخيلو وكسبانو الرمليه بى شعبو ونسيجه الاجتماعى شكرا حبيبى على الطله مع الجبنه والبخور وعطر الزهور والقمارى تتقوقى على فروع النيم وزغزغة العصافير
Post: #8 Title: Re: مهما صعب درب الوصول لازم لازم لازم اصل Author: خالد المحرب Date: 04-29-2011, 09:01 AM
جمعه مباركه ع الكل
Post: #9 Title: Re: مهما صعب درب الوصول لازم لازم لازم اصل Author: منال Date: 04-29-2011, 09:05 AM Parent: #8
.؟؟؟
Quote: يا خوي اليوم جمعة مالك مبدر كدي..؟؟؟
النوم أبى إجي و لا شنو ...؟؟؟
يجى كيف النوم وام أحمد زعلانه ,,
جمعة مباركة استاذ خالد ,,,
Post: #10 Title: Re: مهما صعب درب الوصول لازم لازم لازم اصل Author: خالد المحرب Date: 04-29-2011, 09:14 AM Parent: #9
Quote: يجى كيف النوم وام أحمد زعلانه ,,
جمعة مباركة استاذ خالد ,,,
اختى منال انت جبتيها من الاخر فعلا انا فتحت هذا قبل ذاك وكنت قلق ولكن سوف اجيب الورد بعد الصلاه وانا اعرف من اين تؤكل الكتف دعواتك معاى شكرا على المرور الجميل جمعه سعيده
Post: #11 Title: Re: مهما صعب درب الوصول لازم لازم لازم اصل Author: عمر علي حسن Date: 04-29-2011, 07:56 PM Parent: #10
ياشيخنا
.. يبارك جمعتك وسبتك وكل ايامك .. ستظل هذه الاغنية درة في جبين الفن السوداني لتكاملها في في الكلمات واللحن والاداء .. واقول معك مهما صعب درب الوصول لازم اصل ..
اسعدك الله
عمر علي حسن
Post: #12 Title: Re: مهما صعب درب الوصول لازم لازم لازم اصل Author: خالد المحرب Date: 04-29-2011, 08:43 PM Parent: #11
Quote: ياشيخنا
.. يبارك جمعتك وسبتك وكل ايامك .. ستظل هذه الاغنية درة في جبين الفن السوداني لتكاملها في في الكلمات واللحن والاداء .. واقول معك مهما صعب درب الوصول لازم اصل ..
اسعدك الله
عمر علي حسن
الاخ اسعدك الله دوما شكرا على الكلام الجميل اغنية حسنك امر من الاغانى الجميله جدا كلمات واداء مميز من صلاح بن الباديه
Post: #13 Title: Re: مهما صعب درب الوصول لازم لازم لازم اصل Author: عفاف أبو حريرة Date: 04-29-2011, 09:58 PM Parent: #12
Post: #14 Title: Re: مهما صعب درب الوصول لازم لازم لازم اصل Author: ود الباوقة Date: 04-29-2011, 10:03 PM Parent: #13
شيخ العرب ابو احمد
نسال الله ان يديم الاندياح بينكما
بعدين ورينا الزعلة دي فكت كيف
للاقتداء بكما
مودتي
Post: #16 Title: Re: مهما صعب درب الوصول لازم لازم لازم اصل Author: خالد المحرب Date: 04-29-2011, 10:25 PM Parent: #14
Quote: شيخ العرب ابو احمد
نسال الله ان يديم الاندياح بينكما
بعدين ورينا الزعلة دي فكت كيف
للاقتداء بكما
مودتي
صديقى الباوقه اول حاجه الزعله انا الليله مشيت جبت بطيخه لان عفاف بتحب البطيخ اما كان داير تقتدى بينا قدم استقالة من المؤتمر الوطنى ههههههههههههههه وش ضاحك جد يا حبيب
Post: #17 Title: Re: مهما صعب درب الوصول لازم لازم لازم اصل Author: ود الباوقة Date: 04-29-2011, 10:29 PM Parent: #16
Quote: مشيت جبت بطيخه لان عفاف بتحب البطيخ
شيخ العرب
دي زعلة جلافية ساي
المرة الجاية جهز نفسك لسوق الذهب ....
اصلو الزعلة بتبدأ بي بتيخة ...
Post: #19 Title: Re: مهما صعب درب الوصول لازم لازم لازم اصل Author: عفاف أبو حريرة Date: 04-29-2011, 11:52 PM Parent: #17
Quote: شيخ العرب
دي زعلة جلافية ساي
المرة الجاية جهز نفسك لسوق الذهب ....
اصلو الزعلة بتبدأ بي بتيخة ...
والله يا ود البا وقه ما كانت جلافيه كانت في كلاي وانا بحب البطيخ
لما يكون نورك القمر وبتمشي على البلور يكون في حشاك اجمل زول بتمشي على الالماس وخالد هو خالد وتاج لي الراس
Post: #15 Title: Re: مهما صعب درب الوصول لازم لازم لازم اصل Author: خالد المحرب Date: 04-29-2011, 10:16 PM Parent: #13
والله يا ام احمد مفروض افتح بوست عديل كدا الزى يغلط والمثلك يسامح لك احنى هامتى احتراما
Post: #18 Title: Re: مهما صعب درب الوصول لازم لازم لازم اصل Author: طارق ميرغني Date: 04-29-2011, 10:37 PM Parent: #15
الزعله لو بتفكها بطشيخه
ما مشكله زعلا مرتين في الشهر
هههههههههههههههه
يا خي مسمحك يا حبيبي دي براها بالدنيا
لكن احقو تنزلا في البوست التاني
Post: #20 Title: Re: مهما صعب درب الوصول لازم لازم لازم اصل Author: صديق الموج Date: 04-30-2011, 02:11 AM Parent: #18
Quote: مشيت جبت بطيخه لان عفاف بتحب البطيخ
كضب السواااااااااااااااد جاب البطيخه خايف من السكين.. هييييييييييييييييع عفيت منك عفاف صاحبتى.. احيييييييييييى انا ماكان تقطعى بيها البطيخه يابت القبائل السكينه دى خليها جنب راسك البطيخه افقشيها ساكت تانى امش اغلط والله كان جبت معاها شمام وقرع مانسامحك يا ابدربا ماكن... المديده حرقتنى لوووووووووووووووووووووول،،،
Post: #21 Title: Re: مهما صعب درب الوصول لازم لازم لازم اصل Author: نادية عثمان Date: 04-30-2011, 09:03 AM Parent: #20
Quote: وخالد هو خالد وتاج لي الراس
عفاف ياربي لا تفوتي لا تموتي وخالد بيك محظوظ والله !
