بدور أنســى ....

بدور أنسى .....

وحات الحبّ سنين ما خان ...
وحات الشالك ورده نديه لا ماتت ولا ذبلت ...
شذاها النور تضوع تحنان ..
وحات زولاً وهبك عمرو ...
وكنت الحلم العايش فيهو ..
صبحت العمر البحلم بيهو ..
وحات زولاً عزيز بالحيل ..
رادك يوم وحبيته ....
غشاك هلكان وحيد مظلوم ...
وفي عينيك ختيته ....
وحات زولاً سقيته أمان ...
وحات طفلاً جميل بالحيل ...
رسمت خطاهو في عينيك ...
وشلنا حنان وشالنا وطاف ....
لي بحراً منابعو الشوق ومالي ضفاف ...
لي جزراً سماها الريد وموجه عفاف ...
شالنا وطاف ...
عبير أيام مضمخه بي نداوة السعد ...
مترفه بي ظلال الشوق ومسقيه ....
ساعات حالمه ورديه ...
جنان سندس إشراقات فرايحيه ...
لا طافت ولا مست خيال إنسان ...
وحان الكان ...
وحاتك إنت يا زولي بدور أنسى ....
بدور أقتل وفاي هسا ...
عشان أرســـى...
مع زولاً جميل بالحيل أصيل بالحيل صبح قدري ...
بدور أديهو من عمري ...
كان فضلت فيهو رفات ....
كان عمري الجديد ما مات ...
بدورو أمان وبيت مستور ...
عشان يا روحي ما اتعودت في يوماً أكون غدار ولا مغرور ...
بخاف جنياتنا يلقوك جوّه في عينيّ
وفي صدري الملاهو النور ....
بخاف من سطوة الإجحاف ولحظة زور ...
بخاف أظلم معاي إنسان ...
بدور انفكّا من عهداً مع عينيك ...
انسى البيّه تنسى البيك ...
وحات كل الجميل الكان ...
بدور أنسى...
بدور تناساني يا أنسان ....
بدور أنسى ....


إدريس محمد إبراهيم

وحات طفلاً جميل بالحيل ...
رسمت خطاهو في عينيك ...
وشلنا حنان وشالنا وطاف ....
لي بحراً منابعو الشوق ومالي ضفاف ...
لي جزراً سماها الريد وموجه عفاف ...
شالنا وطاف ...

عشان يا روحي ما اتعودت في يوماً أكون غدار ولا مغرور ...
بخاف جنياتنا يلقوك جوّه في عينيّ
وفي صدري الملاهو النور ....
بخاف من سطوة الإجحاف ولحظة زور ...
بخاف أظلم معاي إنسان ...
بدور انفكّا من عهداً مع عينيك ...
انسى البيّه تنسى البيك ...

***

Quote: وحات زولاً سقيته أمان ... وحات طفلاً جميل بالحيل ... رسمت خطاهو في عينيك ... وشلنا حنان وشالنا وطاف .... لي بحراً منابعو الشوق ومالي ضفاف ... لي جزراً سماها الريد وموجه عفاف

أسعد الله مساءاتك بكل خير يا زول يا جميل


كلام يدخل مسارب الروح وما يطلع..


كيفنك يا ادريس يا اخوي

Quote: Quote: وحات زولاً سقيته أمان ... وحات طفلاً جميل بالحيل ... رسمت خطاهو في عينيك ... وشلنا حنان وشالنا وطاف .... لي بحراً منابعو الشوق ومالي ضفاف ... لي جزراً سماها الريد وموجه عفاف

Quote: أسعد الله مساءاتك بكل خير يا زول يا جميل كلام يدخل مسارب الروح وما يطلع.. كيفنك يا ادريس يا اخوي

محمد خليل أبو إبراهيم صحبي .. الرجل الجميل الذي دائماً ما تملؤني كلماته بالراحة والتفاؤل ...

أسعد الله أيامك أنت وجميع من حولك .. وأبقاك لنا دائماً غيمة معطاء تنثر العبير وحلو الكلام ... شكراً لا تكفي لمرورك الجميل .. أتمنى أن تكون دائماً أنت وجميع من حولك في أروع مما تتمناه وتأمله يا أبا إبراهيم ...

مع خالص حبي الذي تعرف ؛؛؛

إنت بتدور تنسى ، و نحن سنظل نتذكر هذا الإندياح

لي بحراً منابعو الشوق ومالي ضفاف ...
لي جزراً سماها الريد وموجه عفاف ...

لي عودة

دمتم إدريس

Quote: إنت بتدور تنسى ، و نحن سنظل نتذكر هذا الإندياح لي بحراً منابعو الشوق ومالي ضفاف ... لي جزراً سماها الريد وموجه عفاف ... لي عودة دمتم إدريس

شكراً كتير يا ريّس على هذا الكلام الجميل .. وهذا ليس مستغرباً أن يصدر من العزيز جلال الرجل الفنان الشفيف ....

سلمت يا حبيب .. وفي انتظار عودتك الموعودة على أحر من الجمر ... فما تطوّل بالله ....

مع خالص حبي وتقديري ؛؛؛

بدور أنسى ....

وحات كل الجميل الكان ...
بدور أنسى...
بدور تناساني يا أنسان ....
بدور أنسى ....

بدور أنسى

***

***

Quote: عشان يا روحي ما اتعودت في يوماً أكون غدار ولا مغرور ...

أي والله
أنا أشهد





سلامات يا صاحب

لغتنا السودانيه فيها كلمات ليها احساس عميق
بدوووور
والرييييييييد

بالجد كلماتك رائعه وجميله
وفعلا بدور انسى