|
|
|
 Re: قالو لي بتسجر - كمان بقيت بتسف - اوعا من القزازة - أوعا أوعا بكرة تلف (Re: فيصل نوبي)
|
لا حوللاااااااااااااه !!
دا شنو يا رووميو !! والله العظيم أغنية أحب دينك ودين سماحتك ديك ارقى مليون مرة من ناس القزازة ديل !!
ويجي عادل نجيلة يقول الأغنية ديك اسوأ من راجل المرة !! طيب دي تقول عليها شنو ؟!!
بعدين البيغنوا ديل اظني فارز فيهم صوت احمد البنا وسامي عز الدين ؟!
مش كدة ولا أنا غلطان ؟؟!!
نسأل الله السلامة من السجارة والقزازة واللف والسف !!
| |
  
|
|
|
|
|
|
|
|
Re: قالو لي بتسجر - كمان بقيت بتسف - اوعا من القزازة - أوعا أوعا بكرة تلف (Re: فيصل نوبي)
|
بالله الفن السوداني وصل الدرجه دى من الرقي؟
حليلنا وحليل اللي ما بكاء علينا وعلي حالنا .
حليل زمن روائع الحقيبه وحليل القمم الذين افنو زهرة شبابهم ليخدمو الذوق السوداني .
نبكي علي الود ولا بتتعلم من الايام ولا علي الحزن القديم وجميله ومستحيله ويوم رحيلك من البلاد ولا نبكي علي قمتنا الراحله ( مصطفي سيداحمد) الذى لو كان حضر هذا الزمن كان مات حسرة وليس بالمرض.
________________
ولسع نعيش وياما حنشوف مادام بدا هذا الطريق ......السقوط نحو الاسفل واقع لامحال .
| |
|
|
|
|
|
|
|
|
 Re: قالو لي بتسجر - كمان بقيت بتسف - اوعا من القزازة - أوعا أوعا بكرة تلف (Re: طارق جبريل)
|
| Quote: نسأل الله السلامة من السجارة والقزازة واللف والسف !! |
في هذه الاغنيه ادانة واضحة للتدخين و السف ,
ويتجلى قمة المنع التربوي في المقطع ( اوعا من القزازة - أوعا أوعا بكرة تلف ) ,
وغني عن القول ان تكرار( أوعا أوعا ) مع اللف يدل دلاله واضحة عن راي الشاعر لخطره الكبير
في مواجهة القزازه ..
هذه قيمة فنية شعرية عاليه وتربويه جدا . شكرا للجمال يا غاليين :) .
| |
|
|
|
|
|
|
|
|
|
Re: قالو لي بتسجر - كمان بقيت بتسف - اوعا من القزازة - أوعا أوعا بكرة تلف (Re: شهاب الفاتح عثمان)
|
يا جماعه حاولو ركزو مع النصف الممتلئ من (القزازة), و اوعا بكرة تلف
حتلقو انو الشباب ديل عندهم رسالة بحاولو يوصلوها للمتلقي
و كل اغانيهم بتعبر و بتنقد الاثار السالبه في المجتمع
يعني لو اخدنا جولة سريعه كدا و بدينا بي غنية (الشمار الجابو منو) للشاعر الما معروف ذاتو منو!!
الغنيه بتقول
انا شماري ما قُلتو
في الحله الجابو منو
شمار جاني في الحله
شمار جابو عبدالله
بنلقي انو الغنيه بتنتقد القطيعه و الشمار, بالرغم من انو عبدالله زول شليق, جاء قاصي و استلم الطَلَس كلو و جا كباهو في الحله, و اللقا لقى و الما لقى يتمو بكا... او كما قال حماده جبره
نمشي خطوتين لي قدام, و نشوف غنية كاشفين اموركم, و دي شاعرها بقول فيها
انحنا كاشفين اموركم
و مراعين شعوركم
الكريمات الخلعه
و اللون ابيض بي سرعه
و من اب نجمه جرعه
نبرى ما شفنا الترعه
و بابا زعلان يا رندا
و قال ماشي ايرلندا
و بابا كاتلاهو زنقه
غالبو سقف البرنده
الغنيه دي الشاعر قال انو بتجمجر في البنات البيدعو الحنكشه و البنات الضاربين اللون والضاربين المستعار في حين انو نفس الشاعر دا ضارب اللون و كريمات الشعر
غايتو بحاول ارفع ليكم غنية كاشفين اموركم دي
و أووووعا من القزازة
| |
|
|
|
|
|
|
| |
فيصل نوبي
طارق جبريل
ناذر محمد الخليفة
نوفل عبد الرحيم حسن
عمر الفاروق
Ashraf El Bagir
شهاب الفاتح عثمان
حسبو عكاشة
Magdi Ahmed Elsheikh
فيس بوك
تويتر
انستقرام
يوتيوب
بنتيريست