نحن شنو؟ قصائد

نحن شنو؟


زقلونا (١)

خلاص ما قلتْ، كفاك يا زول!
نحن شنو؟
ونحن منو؟
أنحن الطين
ونحن عجين
نحن أم درّ بيوت ساكنين
وفي الخرطوم شقق عاملين
وفي بربر وليه شندي في زقلونا في الكاملين
في أم ضبان وفي خماس قطاطي الطين
هداكَ وحيد، نشوف زلط الجزيرة يبين
بالأمجاد وبالباصات وبالبنزين
بالكداري، بالسداري بالجازولين
وبالكارو، قصاد العرسة ديك ماشين
جنب السكي، في بركات قعدنا سنين
ولي مدني ولي كسلا الجمال حابين
وجنب الكوشة في الراكبوبة محبوسين
وعند السوق وجنب السور معو لافين
بيوتنا الفي الصقيعة تبين
وجنبها لا شجرات، ولا ياسمين
وغنيمات الله قرضو التين
وورق الكوشة ليو لايكين
وصفق المنقة ليو أكلين
وفيهو يشربو موية الطين
مبالغة، نحن ناس حلوين!
نحن شنو؟