Post: #1
Title: وزير العدل دا جادي ولا عاوز يونسنا ساكت؟
Author: نصار
Date: 04-26-2011, 09:33 PM
امس حضرت كلام لوزير العدل مع صحفيين ركز فيهو على الفساد و هدر المال العام و الاستيلاء
عليه و الثراء الحرام.. اتحدث عن ضوابط و تشريعات و آليات و كلام كتير يخلي زميله
وزير العدل النرويج يستحي من تفريطه في حق شعبه الما عنده (دوسه) و انا زاتي قلبي
رق علي (المفسدين) المساكين من المصير الكرب الراجيهم...
دا كله هين اخونا دوسة جاب ضقلها يكركب لمان جاب سيرة انه الدستور و القانون يحرموا
بتاتا على المسؤولين القيام بعمل آخر او امتلاك و ادارة عمل خاص!!! امك!!
غايتو مابعرف وزير العدل لكن مافي مسؤول كبير او متوسط او صغير ما عنده عمل خاص
و مهام استشارية و عضويات في كمية مجلس ادارة وبهلوان و حاوي و عيييييييييك
كما قال طيب الذكر فلان الفلتكاني...
بس خلونا مع المتعافي الصرح بلسانه انه عنده بزنس و يؤمن بانه الما عنده بزنس
ناجح يبقى غير مؤهل لشغل منصب عام.. دستور يا اولاد ماما برضو تقول لي وزير العدل
قال ايهو ترك ايه..
لو المتعافي ما استقال او وهب مؤسساته لبيت المال تكون ونسة وزير العدل دي
خشنة و يوم بتكتل ليها زول
|
Post: #2
Title: Re: وزير العدل دا جادي ولا عاوز يونسنا ساكت؟
Author: نصار
Date: 04-26-2011, 09:39 PM
Parent: #1
الجدية الكان بوحي بيها كلام وزير لا تترك لامثال المتعافي خيارا في ان يستقيل او يوهب ماله للدول
كما ذكرت، غفر الله لي، بل يجب ان تنزع املاكه و يفصل من الوزارة
|
Post: #3
Title: Re: وزير العدل دا جادي ولا عاوز يونسنا ساكت؟
Author: د.السيد قنات
Date: 04-26-2011, 10:33 PM
Parent: #2
سلام بصار
أهو كلام ساكت ،
ولكن العبرة بالتنفيذ
أولا :
ما هو تاريخ بداية إقرار الذمة؟؟؟
هل تبدأ من 30/يونيو/ 1989 ؟؟؟
ولا من 26/4/2011؟؟؟؟؟
هذا هو المهم؟؟؟؟
ولكن دا كلو كلام للإستهلاك وونسة وفقاعات صابون
قال إنتفاضة قانونية قال،
هل ستبدأ وتنتهي بإقرار للذمة؟؟؟؟
يديكم دوام الصحة وتمام العافية مع الإقرار الكامل للإنتفاضة العدلية
|
|