Post: #1
Title: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 02:02 PM
Parent: #0
مللتُ من طول صبري عليك ، على عنجهيتك وتسلطك ، على غرور روحك التي تظن أنها قد إمتلكت مفاتيح غرف القلب وسيطرت على مسارات الزفير والشهيف داخل دمي !
|
Post: #2
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 02:06 PM
Parent: #1
جلست أتفاكر مع روحي التي ضاقت ذرعاً بالخنوع في بلاط جلالتك !
قررت أن أتحرر من ديكتاتوريتك التي شلت حراكي سنينا عجافاً !
اليوم فقط ؛ قررتُ أن أعلن عليك ( الثورة) حتى السقوط !
|
Post: #3
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 02:11 PM
Parent: #2
حملتُ لافتاتي وخرجتُ الى ميدان الروح الخضراء ؛ من الآن لن تهمني سياطك التي تُدمي بها جسدي ، فيُقطّر دماً ، تستلذ به أنت وتُخضب به كالحناء (شاربك) ليكتسب اللون الأحمر الناري فتزيد وسامةً وأزيد إصراراً على الإنتصار !
تطل من فوق برجك العالي لتقول لي : ( الآن فهمتك) فهذا ما فعله
( بن علي) يوم أن فهم ما يريده (التوانسة ) ولكن جاء فهمه لهم متاخراً جداً !
|
Post: #4
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 02:13 PM
Parent: #3
الكبت يولد الإنفجار قلتها لك مراراً وتكراراً وأنت كعادتك منذ أن إعتليت عرش القلب لا تسمع إلا لصوت جبروتك وعنجهيتك !
حذرتك من إن تُمارس معي أساليب التعذيب في بيوت أشباحك التي حبستني فيها ، وحرمتني ضوء الشموس ، ونور القمر ، ووجه أمي التي نزفت آخر قطرة من روحها وهي تدعو لي بالفكاك والخلاص من قبضتك الحديدية !
|
Post: #5
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 02:16 PM
Parent: #4
اليوم يا أمي الحبيبة سأنفذ وصيتك وأنتصر لقلوب كثيرات أدمتها قسوة هذا الرجل الديكتاتور !
أيها المتسلط .. لن أقل لك دع التهاون بي والتقليل من شأن (ثورتي ) بالعكس تماماً ؛ فأنا أستمتع جداً بهذا التضليل الذي يمارسه عليك غرورك وحسك الأمني ( البايظ) الذي يحدثك بان ثورتي ما هي إلا ثورة ( طفلة) تلهو قليلاً !
كن هكذا إلا أن تجد نفسك مجبراً لا (بطل ) مغصوباً على التنحي عن عرش قلبي الذي ماعاد يريدك بين ضلوعه !
مارس فعل التجاهل لثورتي كما فعل ( حسني مبارك) بثورة شعبه في ميدان التحرير ولكن لا تنتظر أن يكون مصيرك غير مالاقاه ( فخامته) من مصير بائس ومحزن ومميت !
|
Post: #6
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 02:20 PM
Parent: #5
لن ينال الإرهاق من بدني حتى ترحل عن قلبي أيها المتخاذل ال######## !
لن أضع لافتاتي أرضاً ، وسأظل أحملها أمام كل الفضائيات لتكون شاهدة على رحيلك المخزي صاغراً ، مذلولاً ، حسير القلب والرجولة !
نعم كل القلوب التي عذبتها تريد إسقاطك !
كل الشرايين تهتف بقوة الإرادة في يوم الغضب ..!
النبض يريد إسقاط الـ (....) !
ولك أن تضع بين القوسين عاليه كل مفردات القُبح الإنساني التي يمكن أن تهتف بها ضدك القلوب التي عذبتها ، وكويتها بنيران زيفك وخداعك المؤسس !!
|
Post: #7
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 02:24 PM
Parent: #6
الست أنت من إقتحمت القلب يوماً عبر ( دبابة) غرورك الذي صور لك أن كل قلوب المدينة ملك يمينك ولك أن تلهو بها وقتما وحيثما وكيفما تشاء ؟!
ورغم إقتحامك القسري ذاك للقلب فقد كنتُ أكرم منك وأعطيتك الفرصة لتثبت حُسن نواياك ؛ ولكنك سرعان ما كشفت عن وجهك القميء ونزعتك الدموية ، وعشقك للتدمير وترويع القلوب الآمنة !
اليوم لم يعد لك في العرش مكان ، فهل ستتخلى عن صولجانك وسطوتك سلميا ؟!
لا أظن .. وقد أثبتت التجربة أن مثلك لا يزحزحه إلا ( تسونامي الثورة) !
إحفظ عليك قنابلك فلم يعد غازها يحرق وجهي !
لم يعد رصاصك يخترق جسدي ، وقوة إرادتي وإصراري على إسقاطك هي (الواقي ) من رصاصك المطاطي وذخيرتك (الحية ) التي تموت خوفاً من الدخول في تفاصيل جسدي وقلبي المغبون من ظلمك الطويل !
سترحل أيها المجنون بكرسي العرش .. سترحل فقد لفظتك الأوردة والشرايين ولم يعد لك في القلب مكان !
|
Post: #8
Title: Re: القلب يريد ( الزول) التمام !! يوجد ( جنون) !!
Author: نور الدين عثمان
Date: 04-26-2011, 02:27 PM
Parent: #7
حاضر وجالس القرفصاء ذى حبيب نوره وانتى كبى الجرسة وخلينا النشوف اخرها .
|
Post: #9
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 02:28 PM
Parent: #7
ساظل ها هنا في ساحة الروح الخضراء معتصمةً وسأهتف ملء الفم والفؤاد وأقول : داون داون (...........( لم يربيني والدي على بذاءة الألفاظ ولك أن تضع بين القوسين ما ترآه مناسباً لوصفك .. يا هذا !!
نعم .. وسأهتف مطالبة بالتغيير والإصلاحات العاجلة لما خربته بيدك التي لا تخاف الله ، وأقول : القلب يريد الزول التمام !
ولا تراجع .. لا إستسلام .. ثورة .. ثورة .. إلى الأمام .. الى الأمام !!
و
الجن بداوى .. كعبة الإندراوة !!
نادية عثمان مختار
( نقلاً عن اجراس الحرية)
|
Post: #11
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 02:41 PM
Parent: #6
غايتو كمبيوتر بكري بتاع حركات !!
الشخبطة دي ( ال ج ب ا ن ) !!
فيها حاجة دي ياخ ( وش مدردم)
|
Post: #10
Title: Re: القلب يريد ( الزول) التمام !! يوجد ( جنون) !!
Author: إسماعيل حميم
Date: 04-26-2011, 02:38 PM
Parent: #5
نادية سلامات
طوبة
حجز خانة
ونعود إن شاء الكريم بعد إكتمال الفكرة
إسماعيل حميم
.
|
Post: #12
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 02:48 PM
Parent: #10
الأكرم نور الدين عثمان
| Quote: حاضر وجالس القرفصاء ذى حبيب نوره وانتى كبى الجرسة وخلينا النشوف اخرها |
هههههههه
أنا بكتب بس لكن ( الجرسة) يكبوها ناس تانيين ما أنا ( وش مدغمس) !
|
Post: #13
Title: Re: القلب يريد ( الزول) التمام !! يوجد ( جنون) !!
Author: saif massad ali
Date: 04-26-2011, 02:56 PM
Parent: #12
نادية عثمان
ازيك
انا في البداية قايل في زول رمي ليك الشرك
وجنون الحب حصل
علا الله ستر
لي فوق
|
Post: #14
Title: Re: القلب يريد ( الزول) التمام !! يوجد ( جنون) !!
Author: PLAYER
Date: 04-26-2011, 03:00 PM
Parent: #13
حكمة اليوم
ان لم تجد من تحب...فحب من تجد
|
Post: #21
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 03:51 PM
Parent: #14
| Quote: ان لم تجد من تحب...فحب من تجد |
بلير الحكيم
حبااااااابك أخوي وحباب حكمك السمحة والله
|
Post: #19
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 03:41 PM
Parent: #13
سيف مساعد أخوي
حبااااااااااابك ملايين
الزمن ده في جنون ( بقر) بس !! هههههههه
تسلم يارب
|
Post: #15
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 03:12 PM
Parent: #10
إسماعيل
حبااااااااااابك
| Quote: ونعود إن شاء الكريم بعد إكتمال الفكرة |
تسلم
يلا راجياك الفكرة أصلاً مكتملة وهي عمود (مفاهيم) نشر في صحيفة ( أجراس الحرية) !
|
Post: #16
Title: Re: القلب يريد ( الزول) التمام !! يوجد ( جنون) !!
Author: Kostawi
Date: 04-26-2011, 03:20 PM
Parent: #15
الزولة دي جنت
مسكوها الدرب
|
Post: #17
Title: Re: القلب يريد ( الزول) التمام !! يوجد ( جنون) !!
Author: أحمد الشايقي
Date: 04-26-2011, 03:31 PM
Parent: #16
Quote: جلست أتفاكر مع روحي التي ضاقت ذرعاً بالخنوع في بلاط جلالتك !
قررت أن أتحرر من ديكتاتوريتك التي شلت حراكي سنينا عجافاً !
اليوم فقط ؛ قررتُ أن أعلن عليك ( الثورة) حتى السقوط ! |
... القلـب يريـد ... إسقاط الحبيـب ....
|
Post: #18
Title: Re: القلب يريد ( الزول) التمام !! يوجد ( جنون) !!
Author: عبدالمجيد الكونت
Date: 04-26-2011, 03:40 PM
Parent: #17
ده كلام خطييير
والله صحي
|
Post: #22
Title: Re: القلب يريد ( الزول) التمام !! يوجد ( جنون) !!
Author: نوفل عبد الرحيم حسن
Date: 04-26-2011, 04:25 PM
Parent: #18
حرب قلبيه حامية ا########س
خلفت ورائها كثير من الخسائر في الوجدانيات والمشاعر والاحاسيس
ثورة قلبيه جوارحيه طاردت القلب شريان شريان بطين بطين صمام صمام
|
Post: #28
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 06:24 PM
Parent: #22
نووووووووفل
حبابك
| Quote: ثورة قلبيه جوارحيه طاردت القلب شريان شريان بطين بطين صمام صمام |
ومن القلب نزلت الأمعاء طاردت الكرشة غليظ غليظ ومرئ مرئ ( وش طوحال ومفشفش)
|
Post: #27
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 05:44 PM
Parent: #18
ياكووووووووونت
حبابك أخوي تسلم يارب
Quote: ده كلام خطييير
والله صحي |
خطير الزمن الجابك .. تسلم ياراقي شديد
|
Post: #20
Title: Re: القلب يريد ( الزول) التمام !! يوجد ( جنون) !!
Author: سيف اليزل الماحي
Date: 04-26-2011, 03:44 PM
Parent: #17
.
قيل ..
كيدهن جميل
.
|
Post: #24
Title: Re: القلب يريد ( الزول) التمام !! يوجد ( جنون) !!
Author: معتصم دفع الله
Date: 04-26-2011, 04:59 PM
Parent: #20
إذن أنها الثورة ..
وألف مرحب بهذا الجنون ..
|
Post: #43
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-28-2011, 07:09 AM
Parent: #24
مووووو
مشتاقين يا شقيقي
كيفك والزمان والأسرة الكبيرة والأسرة الصغيرة الجميلة
Quote: إذن أنها الثورة ..
وألف مرحب بهذا الجنون .. |
أجل أجل هي الثورة المجنونة لا شك !
وهل هناك ثورة عاقلة ؟!
|
Post: #39
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-27-2011, 10:51 PM
Parent: #20
سيف اليزل
حبااااااااابك
و
قيل أن حضورك الأجمل !
تسلم يارب
|
Post: #26
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 05:15 PM
Parent: #17
مولانا أحمد الشايقي سلام
Quote: ... القلـب يريـد ... إسقاط الحبيـب ....
|
إن كان ( حبيباً) بحق لما أسقطه القلب أبداً ولكن !!
|
Post: #23
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-26-2011, 04:54 PM
Parent: #16
كوستاااااااااا
Quote: الزولة دي جنت
مسكوها الدرب |
مااااااااا قلنا الجن بداوى صاح ؟
بقولوا كعبة (الإندراوة) علا ماعرفتها يعني شنو .. إنت عارف ؟
|
Post: #25
Title: Re: القلب يريد ( الزول) التمام !! يوجد ( جنون) !!
Author: Isa
Date: 04-26-2011, 05:13 PM
Parent: #23
| Quote: اليوم فقط ؛ قررتُ أن أعلن عليك ( الثورة) حتى السقوط ! |
(الأخ) دا برضـو بحجم وطـن ولا شـنو؟..
سـلامات يا نادية.. غايتو كده أنا (فهمت) إنتي ليه عايزة تخلصي من البوتيك! لا كما فهم بن علي هرب..
|
Post: #29
Title: Re: القلب يريد ( الزول) التمام !! يوجد ( جنون) !!
Author: قيقراوي
Date: 04-26-2011, 09:09 PM
Parent: #25
Quote:
ولا تراجع .. لا إستسلام .. ثورة .. ثورة .. إلى الأمام .. الى الأمام !!
|
طوبى للثوار
المجد للاحرار
طريق الثورة هدى الاحرار
طوبى لك ..
|
Post: #30
Title: Re: القلب يريد ( الزول) التمام !! يوجد ( جنون) !!
Author: آدم صيام
Date: 04-27-2011, 03:58 AM
Parent: #29
من لا يشاهد الملائكة والشياطين في محاسن الحياة ومكروهاتها...
يظل قلبه بعيدا عن المعرفة ونفسه فارغة من العواطف.
جبران خليل جبران
إن المحبة المحدودة تطلب امتلاك القلوب
أمّا المحبة المتناهية فلا تطلب غير ذاتها
جبران خليل جبران
ندوية إنت ثورتك دي جدجد!
آدم صيام
|
Post: #31
Title: Re: القلب يريد ( الزول) التمام !! يوجد ( جنون) !!
Author: محمد عبد الماجد الصايم
Date: 04-27-2011, 07:41 AM
Parent: #30
لا مجال للتنحّي .. ولن أتزحزح شبرا واحدا!
إلى الأمام .. إلى الأمام
قلب قلب .. شريان شريان .. وريد وريد!!
|
Post: #32
Title: Re: القلب يريد ( الزول) التمام !! يوجد ( جنون) !!
Author: Abdlaziz Eisa
Date: 04-27-2011, 08:49 AM
Parent: #31
هو ده البوتيـــــــــك !!!!!
بعد الشليع ده كله لسه قاعد!!!!!
|
Post: #33
Title: Re: القلب يريد ( الزول) التمام !! يوجد ( جنون) !!
Author: Abdlaziz Eisa
Date: 04-27-2011, 09:16 AM
Parent: #31
هو ده البوتيـــــــــك !!!!!
بعد الشليع ده كله لسه قاعد!!!!!
|
Post: #34
Title: Re: القلب يريد ( الزول) التمام !! يوجد ( جنون) !!
Author: احمد محمد احمد عتيق
Date: 04-27-2011, 10:33 AM
Parent: #33
الجنون ..بيداوا ...ولكن ..الا جنون النساء ...!!!
|
Post: #35
Title: Re: القلب يريد ( الزول) التمام !! يوجد ( جنون) !!
Author: ابوحراز
Date: 04-27-2011, 11:13 AM
Parent: #34
طلبعاً كما يقول المصريين { إتخضيت }
وأنا اتابع البوست قلت الا الزولة دي قابلها سواق { دبابة } متهور وصدمها
الراجمات والصواريخ والدفاعات الأرضية والجوية دي كلها في { راجل }
هل يعقل أن تكون قلوب الرجال وصلت لهذه الدرجة من القساوة
والله دي مشكلة كبيرة
فانا اعرف ان كثيرون منهم قلوبهم جميلة وصافية كالحليب ونقية كاللؤلؤ !!!
وإن من القلوب لما يتفجر فيخرج منه الماء
وتتدفق منه العواطف
ان شاء الله وبركة { القبل } الأربعة كل يوم يدوك شاكوش حتى نستمتع بمثل هذا الكلام الجميل
حديث راقي
من القلب الى القلب
ومن الأهداب الى الأهداب
حديث في منتهى الجمال والأدب
وكما تقول دكتورة اشراقة يقتل كل البكتيريا الضارة بالجسم
ويزرع ملائيين من شتول الأمل على اودية القلب
ذكرتيني 00 عندنا واحد حالج صامولة
جننتوا قروش ساي
اها عندنا واحدة معرفة شناتها تروب الموية عديل
يوم قلنا ليهو رايك شنو نعرس ليك الزولة دي
الراجل ضحك ضحكة على غير عادته
وقعد يصفق في يديهو
قال والله تكرروا كلامكم دا تاني انا الجن دا ذاتو أخليهو ليكم
شنو مما تشوفوا ليكم واحدة شينة ترموها لينا هنا
وانتو تقعوا ناس هيفاء وهبي ونانسي
عليكم الله دا زول مجنون
قال وهبي قال !!!!
|
Post: #36
Title: Re: القلب يريد ( الزول) التمام !! يوجد ( جنون) !!
Author: Abd-Elrhman sorkati
Date: 04-27-2011, 11:22 AM
Parent: #35
العزيزة نادية
ثورة ثورة حتي النصر
|
Post: #37
Title: Re: القلب يريد ( الزول) التمام !! يوجد ( جنون) !!
Author: Abdlaziz Eisa
Date: 04-27-2011, 02:55 PM
Parent: #36
Quote:
القلب يريد ( الزول) التمام !! يوجد ( جنون) !!
|
القلب يريد البريد............
توجد طوابع...
اقصد..(توجد شجون)
|
Post: #61
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-29-2011, 08:46 PM
Parent: #37
عبد العزيز
وجنون !!
|
Post: #38
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-27-2011, 10:18 PM
Parent: #36
الكريم عبد الرحمن سوركتي
| Quote: ثورة ثورة حتي النصر |
بل حتى القصر !!
تسلم يارب على مرورك الباهي شديد
|
Post: #40
Title: Re: القلب يريد ( الزول) التمام !! يوجد ( جنون) !!
Author: قيقراوي
Date: 04-28-2011, 02:15 AM
Parent: #38
حبيب ألبي يا صيام ياخ انت!!
Quote: من لا يشاهد الملائكة والشياطين في محاسن الحياة ومكروهاتها...
يظل قلبه بعيدا عن المعرفة ونفسه فارغة من العواطف.
جبران خليل جبران
إن المحبة المحدودة تطلب امتلاك القلوب
أمّا المحبة المتناهية فلا تطلب غير ذاتها
جبران خليل جبران |
تعرف طول ما بقرأ في بوست ندوش الكلو اسلحة و دمار شامل دا و انا متخيل ليك المسكين دا يلقي في خطابات الحناسة : لم اكن انتوي الترشح لفترة قلبية جديدة .. ولسان حالو يردد :
"لا تفارقنا، لا تفارقنا، فالمحبة لا تعرف عمقها...إلا ساعة الفراق"
لانو كان مسيطرة علي المحبة او : هنا http://www.youtube.com/watch?v=56Na8-5GaFI&feature=youtu.be و ما ادراك ما المحبة؟ اذ قال وجدي الأسعد الأسعد :
Quote:
التقاء الثلاثي اللبناني جبران والرحابنة وفيروز
واط أفورملا ياخ؟!
|
و تلاقت قممٌ يا مرحي .. و تلاقت قممٌ يا مرحي!!
وظلّ المصطفى، المختارُ الحبيب
الذي كان فجراً لذاته...
ينتظرُ سفينتهُ ...في مدينة اورفليس
وفي السنة الثانية عشر، في السابع من شهر الحصاد
صعِد الى إحدى التلال ونظر صوب البحر، ورأى سفينته غافيةً
فصلّى في سكون نفسه، وقال في قلبه :
"كيف امضي عن هذه المدينة ....واعبر البحر من غير كآبة؟"
وعندما دخل المدينة ...
استقبله الشعب ، كانوا يهتفون :
"لا تفارقنا، لا تفارقنا، فالمحبة لا تعرف عمقها...إلا ساعة الفراق"
حينئذٍ قالت الذكرى ، حدّثنا عن المحبة، فقال:
"إذا المحبة اومت اليكم، فاتبعوها...
إذا ضمّتكم بجناحيها، فأطيعوها...
إذا المحبة خاطبتكم، فصدّقوها..
المحبة لا تعطي إلا ذاتها
المحبة لا تأخذ إلا من ذاتها
لا تملك المحبة شيئا
ولا تريد أن أحد يملكها
لأن المحبة مكتفية بالمحبة
-----
يا صيام عملتو لينا شنو في السلام الاخضر؟
|
Post: #41
Title: Re: القلب يريد ( الزول) التمام !! يوجد ( جنون) !!
Author: آدم صيام
Date: 04-28-2011, 02:34 AM
Parent: #40
Quote: المحبة لا تعطي إلا ذاتها
المحبة لا تأخذ إلا من ذاتها
لا تملك المحبة شيئا
ولا تريد أن أحد يملكها
لأن المحبة مكتفية بالمحبة
-----
يا صيام عملتو لينا شنو في السلام الاخضر؟ |
قيقراوي يشهد الله أنت زول جميل
يا أخي استمتعت بفيروز ذات الصوت البازخ و النص
تحياتي عبركم لنادية ست البوست
قلت الحب الأخضر؟
شغالة فوقو الأنيسة أمونة
|
Post: #42
Title: Re: القلب يريد ( الزول) التمام !! يوجد ( جنون) !!
Author: haroon diyab
Date: 04-28-2011, 04:34 AM
Parent: #41
كلام جميل يابنت العم
سلامات....
وذاك الصباح اهو لاح
|
Post: #60
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-29-2011, 07:27 PM
Parent: #42
هارون دياب
حباااااااااابك
Quote: كلام جميل يابنت العم
سلامات....
وذاك الصباح اهو لاح
|
إنت الأجمل يا شقيقي وتسلم يارب ،
|
Post: #57
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-28-2011, 06:23 PM
Parent: #40
قيقا
Quote: تعرف طول ما بقرأ في بوست ندوش الكلو اسلحة و دمار شامل دا و انا متخيل ليك المسكين دا يلقي في خطابات الحناسة : لم اكن انتوي الترشح لفترة قلبية جديدة .. ولسان حالو يردد :
"لا تفارقنا، لا تفارقنا، فالمحبة لا تعرف عمقها...إلا ساعة الفراق"
|
وهو كل مايقول كدا أنا أعتصم زيادة في ميدان الروح الخضراء وأهتف بالصوت العالي
موش حانخاف موش حانطاطي إحنا كرهنا الصوت الواطي !!
لقيتني كيييف ياقيقاااااا ؟
|
Post: #53
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-28-2011, 03:59 PM
Parent: #35
أبو حراز يا شقيقي
حبابك
Quote: طلبعاً كما يقول المصريين { إتخضيت }
وأنا اتابع البوست قلت الا الزولة دي قابلها سواق { دبابة } متهور وصدمها
الراجمات والصواريخ والدفاعات الأرضية والجوية دي كلها في { راجل }
هل يعقل أن تكون قلوب الرجال وصلت لهذه الدرجة من القساوة
والله دي مشكلة كبيرة
فانا اعرف ان كثيرون منهم قلوبهم جميلة وصافية كالحليب ونقية كاللؤلؤ !!!
وإن من القلوب لما يتفجر فيخرج منه الماء
وتتدفق منه العواطف
ان شاء الله وبركة { القبل } الأربعة كل يوم يدوك شاكوش حتى نستمتع بمثل هذا الكلام الجميل
حديث راقي |
خذلتني ياصديقي المرة دي فيما يتعلق بالغوص في أعماق كتابتي وفهمها تصدق ؟
قلت لي كيف ؟
أقول ليك الآتي :
ياخ ( راجل) بتاع الساعة كم ؟ و( شاكوش) بتاع ماذا ؟!
معقولة بس ؟!
أقول ليك ثورة تقول لي شاكوش ؟!
ويحك يارجل !!( وش ثوري) !
عالم تفكيرها فقط في الشواكيش ياخ !!
|
Post: #59
Title: Re: القلب يريد ( الزول) التمام !! يوجد ( جنون) !!
Author: ابوحراز
Date: 04-29-2011, 06:52 PM
Parent: #53
والف مرحب ايتها الشقيقة نادية
Quote: خذلتني ياصديقي المرة دي فيما يتعلق بالغوص في أعماق كتابتي وفهمها تصدق ؟
قلت لي كيف ؟
أقول ليك الآتي :
ياخ ( راجل) بتاع الساعة كم ؟ و( شاكوش) بتاع ماذا ؟!
معقولة بس ؟!
أقول ليك ثورة تقول لي شاكوش ؟!
ويحك يارجل !!( وش ثوري) !
عالم تفكيرها فقط في الشواكيش ياخ !! |
رسام المونوليزا الشهير يقال أنه أقام معرضا لعرض لوحاته الفنية
وبالطبع كان معروضاً للجمهور البسيط
ومنهم من تبحر في التشكيل
والآخرون أناس عاديون أمثالنا
لكن المدهش أن أحد زوار المعرض وقف بجوار احدى اللوحات متأملها بشدة
وكان دافنشي يرقبه من بعيد
وحينما طالت فترة المشاهدة والتأمل نهض دافنشي وأتى للرجل وحياه
فسأله الرسام: هل اعجبتك اللوحة لهذه الدرجة ؟؟
فرد عليه 00 وبشدة وإنني لن أخرج الا واللوحة معي وسأدفع فيها ماتريد!!!
فقال له الرسام وماذا اعجبك فيها ؟؟
رد عليه : لأنني أحب الطبيعة والعصافير وشقشقتها والزهور والأشجار !!!
وماهي لحظات حتى قام الرسام بتحطيم اللوحة
وقال للرجل : أنك خذلتني ولم تغوص جيداً في رسوماتي
لأن لوحتي هذه ليس لها علاقة بالعصافير
وانما هي تتحدث عن احدى الحروب الايطالية الشرسة !!!!!
وأنا دخلت الى لوحة القلب والجنون
قراتها من زاويتي الخاصة
وبحكم أنني رجل شرقي اسخر من نفسي ومن تصرفات بعضنا
وتحدثت كثيراً عن انتفاضات النساء ضدنا
وثوراتهن التي بلا دماء !!!!
والشاكوش الذي اعنيه ماهو الا مزحة وشترة من شتراتي
وشوتة ضفارية استخدمها كثيرا لاضافة بعضا من بهارات متنوعة على الكتابة
بن علي ادوه شاكوش
وكذلك حسني
وربما يلحق بهم مجنون ليبيا
ومعتوه اليمن !!!
وليس الشواكيش معناها بذلك المعنى القريب الذي نفهمه جميعا
لك كل اعتذاري ان كانت ريشتي لم تستطع أن تتعمق جيداً في الوانك
أو أن الواني قد اندلقت بطريقة شوهت لوحتك !!!
واتمنى مستقبلا وفي قراءات أخرى أن يكون هناك انسجام
وتوافق بلا حدود ما بين الريشة والألوان
مابين المساحات وتفاصيل اللوحة
لك مودتي واشواقي
|
Post: #65
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-30-2011, 08:35 AM
Parent: #59
أبو حراز
حبااااااااابك
Quote: وبحكم أنني رجل شرقي اسخر من نفسي ومن تصرفات بعضنا
وتحدثت كثيراً عن انتفاضات النساء ضدنا
وثوراتهن التي بلا دماء !!!!
والشاكوش الذي اعنيه ماهو الا مزحة وشترة من شتراتي
وشوتة ضفارية استخدمها كثيرا لاضافة بعضا من بهارات متنوعة على الكتابة
بن علي ادوه شاكوش
وكذلك حسني
وربما يلحق بهم مجنون ليبيا
ومعتوه اليمن !!! |
خليني أقول ليك أنت رجل شرقي جميل الدواخل وأنا بعتز بيك جدا
لكن لقيتك حراز حساس محمد حساس عدددديل هههههه
حبابك وحباب مداخلاتك بلا حساسية يازول ياسمح القلب والروح
وتأكد إنو دخولك في أيا من بيوتاتي الإسفيرية بملأني فرح فوق العادة !
خليك دائما هنا وهناك وفي كل مكان أكتب فيهو لأنه وجودك باعث على الفرح سمح؟
|
Post: #51
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-28-2011, 03:40 PM
Parent: #34
أحمد عتيق
حبااااااااابك مليون مرة
| Quote: الجنون ..بيداوا ...ولكن ..الا جنون النساء ...!!! |
جنون النساء يكون بمقدار إخلاصهن لمن يكتشفن أنه لا يستحق إلا الاسقاط من على كرسي عرش القلب !!
تسلم يارب
|
Post: #49
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-28-2011, 09:48 AM
Parent: #33
عبد العزيز ؟؟
Quote: هو ده البوتيـــــــــك !!!!!
بعد الشليع ده كله لسه قاعد!!!!! |
الله يكتلني كان فهمت حاجة ياخ !!
|
Post: #47
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-28-2011, 08:45 AM
Parent: #31
ود الصايم أخوي وصديقي الغالي شديد
حبااااااابك
Quote: لا مجال للتنحّي .. ولن أتزحزح شبرا واحدا!
إلى الأمام .. إلى الأمام
قلب قلب .. شريان شريان .. وريد وريد!! |
نعم .. يجب أن يرحل قبل أن ( يدقه) القلب دق العيش !!
موش في غنية كدا بتاعة حسين الصادق فيها ( دق القلب) وكلام زي ده ؟!
|
Post: #46
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-28-2011, 08:30 AM
Parent: #30
آدم صيام
حبابك مليوووون
| Quote: ندوية إنت ثورتك دي جدجد! |
جدجد ده سؤال ولا إستفسار ولا إجابة ؟!
تسلم ياراقي شديد
|
Post: #45
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-28-2011, 08:21 AM
Parent: #29
قيقا ؟
( طوبة) ليك أنت ده ياخ ( وش مدردم) !
قلت لي شنو ؟!
|
Post: #48
Title: Re: القلب يريد ( الزول) التمام !! يوجد ( جنون) !!
Author: قيقراوي
Date: 04-28-2011, 09:31 AM
Parent: #45
Quote:
( طوبة) ليك أنت ده ياخ ( وش مدردم) !
|
قريتيا على ضوء المداخلة التانية مش؟
بعد قول جبران خليل جبران و فيروز انا كمان عندي قول تاني؟
المحبة لذااااتها
بالمناسبة الغنية عاملة ماتشنغ مع العنوان لكن ما مع المتن الكلو دبابات دا
ياخ الحب و الثورة علاقة غريبة ملهمة جداً حد الجنون*
-----------
* ح اعترف ليك بسر .. بس ما تكلمي زول .. سمح؟ :
ياخ انا من زماااان حاسي انو جواي شاعر ..
لكن للاسف ما لقيت زول يتبناني، و يرعى موهبتي الشعرية دي!؟
مفيش حظ ....
هرمنا هرمنا في اجل هذه اللحظة التاريخية
قيقا شاعر ..
شاعر ببداية الجنون القالتو نادية في العنوان [ يوجد ( جنون) !! ]
|
Post: #44
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-28-2011, 08:05 AM
Parent: #25
عيسى أخوي
حبابك وعساك طيب يارب
| Quote: سـلامات يا نادية.. غايتو كده أنا (فهمت) إنتي ليه عايزة تخلصي من البوتيك! لا كما فهم بن علي هرب.. |
أها أنت ( فهمت) وللأسف أنا أول مرة ما (أفهم) أنت ( فهمت) شنو !! تصدق ؟!
|
Post: #50
Title: Re: القلب يريد ( الزول) التمام !! يوجد ( جنون) !!
Author: Abdlaziz Eisa
Date: 04-28-2011, 11:54 AM
Parent: #44
Quote:
عيسى أخوي
حبابك وعساك طيب يارب
Quote: سـلامات يا نادية.. غايتو كده أنا (فهمت) إنتي ليه عايزة تخلصي من البوتيك! لا كما فهم بن علي هرب..
أها أنت ( فهمت) وللأسف أنا أول مرة ما (أفهم) أنت ( فهمت) شنو !! تصدق ؟! |
الاستاذة نادية
الكلام الفوق ده انا ما فاهمه..
انت جمّعتي مداخلاتي فغمّت عليي...
لكن ما اتذكره..
كأني وضعت لك البوتيك مكان الحبيب..
والبوتيك راح, اتشلع, جنّ, نار... وهلمجرا
حروفي بسيطة على ادّها
|
Post: #52
Title: Re: القلب يريد ( الزول) التمام !! يوجد ( جنون) !!
Author: Kostawi
Date: 04-28-2011, 03:46 PM
Parent: #50
|
Post: #54
Title: Re: القلب يريد ( الزول) التمام !! يوجد ( جنون) !!
Author: ود الباوقة
Date: 04-28-2011, 04:07 PM
Parent: #52
نادية
اصبري واحتسبي ...
مودتي
|
Post: #55
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-28-2011, 04:32 PM
Parent: #54
ود الباوقة ؟؟
سجمنا المات منو يازول ؟!( وش متزمزع)
|
Post: #56
Title: Re: القلب يريد ( الزول) التمام !! يوجد ( جنون) !!
Author: محمد أبشر
Date: 04-28-2011, 04:53 PM
Parent: #55
Quote: لا مجال للتنحّي .. ولن أتزحزح شبرا واحدا!
إلى الأمام .. إلى الأمام
قلب قلب .. شريان شريان .. وريد وريد!! |
برضوا فهم إنتفضوا لقلوبكم ذلك أذكى لكم؟؟
تحية للرائعة صاحبة البوست الجميل
|
Post: #58
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-29-2011, 02:48 PM
Parent: #56
راجعة
|
Post: #62
Title: Re: القلب يريد ( الزول) التمام !! يوجد ( جنون) !!
Author: قيقراوي
Date: 04-29-2011, 11:47 PM
Parent: #58
Quote: وهو كل مايقول كدا أنا أعتصم زيادة في ميدان الروح الخضراء وأهتف بالصوت العالي
موش حانخاف موش حانطاطي إحنا كرهنا الصوت الواطي !!
لقيتني كيييف ياقيقاااااا ؟ |
و اللاهي ي ... اممممممممممممم؟
زي كل مرة
لووووووووووول
-----
انت النسألك ..
في غنية الطيب عبد الله ديك ..
بقول لقيتو واقف منتظر ... اللخ اللخ
و يرجع تاني يقول :
لكنو آآآه يخلق من الشبهه اربعين!
ما يبقى على رأي واحد هو الشاعر دا : لقاهو هو .. و لّ لقى واحد من التسعة و تلاتين الباقين البشبهوهو ديل؟
|
Post: #64
Title: Re: القلب يريد ( الزول) التمام !! يوجد ( جنون) !!
Author: عفاف أبو حريرة
Date: 04-30-2011, 00:04 AM
Parent: #62
في الجنون مرات تلاقي دروب تتوهك
ومرات كتيرة توصلك
خليك في جنونك
انتي صاح
|
Post: #63
Title: Re: القلب يريد ( الزول) التمام !! يوجد ( جنون) !!
Author: نادية عثمان
Date: 04-30-2011, 00:03 AM
Parent: #52
كوستاوي يا كوستاااااااا
غايتو بالغت بطبق المرارة ده ياخ !!
هههههههههه
موووووبالغة شديد !
|
Post: #66
Title: Re: القلب يريد ( الزول) التمام !! يوجد ( جنون) !!
Author: Abdlaziz Eisa
Date: 05-01-2011, 08:19 AM
|
|