Post: #1
Title: والله الدنيا دى كان ما فيها موت كنا متنا بالمغسة!!!!!!!!!!
Author: jini
Date: 04-26-2011, 12:57 PM
Parent: #0
ناس البشير والنافع يتفرعنوا علينا شئ بلع ناشف وشئ نبلوا ونشربوا وشئ لحس كوع!
وبقية العقد الفريد اختلاس وتربح وتكسب وفصل وتشريد وتعذيب وسحل وتنكيل وقتل!
ناسيين الموت وبيتا رملو دقاق!
جنى
|
Post: #2
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: jini
Date: 04-26-2011, 01:32 PM
Parent: #1
يفرتقوا بلدنا يقولوا احسن ليكم يخصخصوا مؤسساتنا الرابحة يبيعوها لانفسهم يقولوا لينا كانت خسرانة!
يسوقوا اولادنا يكتلوهم فى الجنوب يقولوا لينا شهداء يرجعوا تانى يقولوا لينا فطايس!
اها غير موت الله وسؤال المبكين البساوينا منو!
أمانة يا موت الله ما بتفش مغستنا!
كل إبن أنثى وإن طالت سلامته يوما على آلة حدباء محمول
انا قنعت من الثورة راجى موت الله ولا عزرائيل برضو يلحس كوعه!
جنى
|
Post: #3
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: العوض المسلمي
Date: 04-26-2011, 01:45 PM
Parent: #2
Quote: كل إبن أنثى وإن طالت سلامته يوما على آلة حدباء محمول
انا قنعت من الثورة راجى موت الله ولا عزرائيل برضو يلحس كوعه!
|
لكن يا جني لكل اجل كتاب ...
مرحلتك دي مرحلة يأس من المناضلين لاغير ..
ستحدث ثورة ولكن من حيث لايتوقع احدا ..
صبرا يا جني فان موعدكم النصر ..
|
Post: #4
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: jini
Date: 04-26-2011, 01:51 PM
Parent: #3
يا مسلمى
الابالسة الامريكان سيدعمون هؤلاء الاغبياء المنبطحين الى ان يتحول بلد محجوب شريف الحدادى مدادى الى دولة مايكرسكوبية!
جنى
|
Post: #5
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: jini
Date: 04-26-2011, 02:03 PM
Quote:
لن أحيد
أنا لست رعديدا ًيُكبل خطوه ثِقل الحديد
وهناك أسراب الضحايا الكادحون
العائدون مع الظلام من المصانع والحقول
ملؤوا الطريق
وعيونهم مجروحة الأغوار ذابلة البريق
يتهامسون
وسياط جلاد تسوق خطاهمو
ما تصنعون؟
يجلجل الصوت الرهيب
كأنه القدر اللعين
وتظل تفغر في الدجى المشؤوم أفواه السجون
ويغمغمون
نحن الشعوب الكادحون
وهناك قافلة تولول في متاهات الزمان
عمياء فاقدة المصير و بلا دليل
تمشى الملايين الحفاة العراة الجائعون مشردون
في السفح في دنيا المزابل والخرائب ينبشون
والمترفون الهانئون يقهقهون ويضحكون
يمزقون الليل في الحانات في دنيا الفتون
والجاز ملتهب يؤج حياله نهد وجيد
وموائد خضراء تطفح بالنبيذ و بالورود
لهب من الشهوات يجتاز المعالم و السدود
هل يسمعون ؟ صخب الرعود ؟
صخب الملايين الجياع يشق أسماع الوجود ؟
لا يسمعون !!!
في اللاشعور حياتهم فكأنهم صم الصخور
وغدا ًنعود
حتماً نعود
للقرية الغناء للكوخ الموشح بالورود
ونسير فوق جماجم الأسياد مرفوعي البنود
تزغرد الجارات
والأطفال ترقص و الصغار
والنخل و الصفصاف
والسيال زاهية الثمار
وسنابل القمح المنور في الحقول و في الديار
لا لن نحيد عن الكفاح
ستعود أفريقيا لنا
وتعود أنغام الصباح |
Quote:
نحن الشعوب الكادحون
وهناك قافلة تولول في متاهات الزمان
عمياء فاقدة المصير و بلا دليل
تمشى الملايين الحفاة العراة الجائعون مشردون
في السفح في دنيا المزابل والخرائب ينبشون |
|
Post: #6
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: osama fadlalla
Date: 04-26-2011, 02:09 PM
والله ياجني مغصتك تشق
ياخي نحنا بقينا نبكي بس .. ما عارفين النعملو زاتو شنو !!
بعد مرات بقول ده كابوس واكيد الواحد بصحى منو .. لكن كل ما ليه يكبس زاده....احسن الواحد ينوم صاحي احلام زاتها مادايرنها.
|
Post: #7
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: jini
Date: 04-26-2011, 02:33 PM
Parent: #6
Quote:
والله ياجني مغصتك تشق
ياخي نحنا بقينا نبكي بس .. ما عارفين النعملو زاتو شنو !!
بعد مرات بقول ده كابوس واكيد الواحد بصحى منو .. لكن كل ما ليه يكبس زاده....احسن الواحد ينوم صاحي احلام زاتها مادايرنها. |
ودا كله عشان شنو!
لو انت فاطر ومريت على جماعة بفطروا وعزموك بتقول ليهم شكرا انا فطرت!
يعنى ما بتقدر تتغدى او تتعشى مرتين او تلبس بدلتين او تركب سيارتين فى نفس الوقت!
يا اخى الواحد يسرق ليه ويسرق شعب عيان وفقران وعريان!
يا اخى والله البحصل فى السودان فى الاحلام مافى!
يا اخى الواحد يمرق من السجن فى قضية اختلاس تلقاهو يتجدع ويتضرغ فى الشارع التقول كان معتقل سياسي وسجين راى!
غايتو النؤتمر الوطنى دا اكاديمية لا يشق لها غبار فى تخريج اللصوص والمنافقين!
جنى
|
Post: #8
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: Elbagir Osman
Date: 04-26-2011, 07:28 PM
Parent: #7
جني
قالت الإغنية الحكمة السودانية:
"ما دوامة
الدنيا ما دوامة"
الباقر موسى
|
Post: #9
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: عبدالعزيز الفاضلابى
Date: 04-26-2011, 08:22 PM
Parent: #8
ياجنى عزرائيل ده ما ملك الموت.
|
Post: #10
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: jini
Date: 04-26-2011, 09:06 PM
Parent: #9
وكأن المتنبى عناهم حيث يقول:
ما يقبض الموت نفسا من نفوسهـم
إلا وفـي يـده من نتنهـا عـود
من كل رخـو وكاء البطن منفتـق
لا في الرحـال ولا النسوان معـدود
ياجنى عزرائيل ده ما ملك الموت.
دا سؤال تقريرى أم نفى !
على حسب علمى ان عزرائيل هو ملك الموت وعندما ياتى لقبض روح النافع النتنة فربما يقول له النافع ألحس كوعك!!!
جنى
|
Post: #11
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: عبدالعزيز الفاضلابى
Date: 04-26-2011, 09:11 PM
Parent: #10
| Quote: دا سؤال تقريرى أم نفى ! |
نفى
ملك الموت اسمو ملك الموت. ملك الموت ده كلنا مفروض نجهز حالنا لملاقاته
إنت ياجنى مغلب حالك مع الناس ديل مالك
سيب الامور على الله فهو يسمع ويرى
|
Post: #12
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: jini
Date: 04-26-2011, 09:14 PM
Parent: #10
Quote: جني
قالت الإغنية الحكمة السودانية:
"ما دوامة
الدنيا ما دوامة"
الباقر موسى |
"ولو دامت لغيرك لما آلت إليك"
سبحانك مالك الملك تؤتى الملك من تشاء وتنزع الملك من تشاء!
لاحظ الفرق بين تؤتى وتنزع!
تنزع الملك تقلعو قلعة ضرس من الجذور!
عندنا حبوبة صديقنا تسال لماذا اطلق على نميرى رئيس المخلوع!
اكيد عشان همزوهو اتخلع وقام نط!
دا حيكون الرئيس الفار!
لانه قال ما بسلم كديسة للامريكان!
جنى
|
Post: #13
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: عبدالعزيز الفاضلابى
Date: 04-26-2011, 09:17 PM
Parent: #12
جنى الليلة خبارك مساهر? ضرسك موجعك ولا شنو?
|
Post: #14
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: jini
Date: 04-26-2011, 09:31 PM
Parent: #13
Quote:
نفى
ملك الموت اسمو ملك الموت. ملك الموت ده كلنا مفروض نجهز حالنا لملاقاته
إنت ياجنى مغلب حالك مع الناس ديل مالك
سيب الامور على الله فهو يسمع ويرى |
طيب عزرائيل دا ملك الجاز!
دايرنى اطلب من بكرى يسحب البوست!
كشف وتعرية هؤلاء الجبابرة جزء من تجهيز حالنا لملاقاته فهى كلمة حق امام سلطان جائر يا فاضلابى!
انت شايفنى عصرت على الناس ديل شديد!
قفزت من\ فكرة البوست الى محولة ضربه بانكار ان عزرائيل ليس ملك الموت ثم توجيه النصحى لى بدلا عنهم ثم توبيحخى على تسخيرى الوقت لمنافحتهم ثم سؤالى ان سبب سهرى عوسؤالى عما ا1ا كنت اعانى من جع ضرس بالرغم من ان الساعة الان الحادية عشرة مساءا وبضع دقائق!
سؤالى لك هل وصلك راس السوط أم أمروا لك بشئ!
ولك محبتى
جنى
|
Post: #15
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: عبدالعزيز الفاضلابى
Date: 04-26-2011, 09:40 PM
Parent: #14
| Quote: سؤالى لك هل وصلك راس السوط أم أمروا لك بشئ! |
ياريت ياجنى على الاقل كان رجعنا اهلنا وبلينا
شوقنا فى الناس الوحشننا بدل الغربة والبهدلة دى.
محبتك مابناباها على الفيك اتعرفت .
|
Post: #16
Title: Re: والله الدنيا دى كان ما فيها موت كنا متنا بالمغسة!!!!!!!!!!
Author: jini
Date: 04-26-2011, 09:50 PM
Parent: #15
Quote: ياريت ياجنى على الاقل كان رجعنا اهلنا وبلينا
شوقنا فى الناس الوحشننا بدل الغربة والبهدلة دى.
محبتك مابناباها على الفيك اتعرفت . |
لووووووووووووول
تأمرون الناس بالبر وتنسون أنفسكم؟
هسة ما قلت مفروض نستعد كلنا للموت!
ولا جهنم بقت مكندشة!
وتانى محبتى
جنى
|
|