قاتل الله البوليتيكال كوركتنس..... اهو دا رايي, سجن, سجن... غرامة, غرامة!

http://www.sudanradio.info/php/vb.353/showthread.php?t=11794

افتح الرابط واسمع المارشات, بتذكرك بشنو?

اها...... بالانقلابات!

و تييييب!

دا رايي


--
البوليتيكال كوركتنس "political correctness" هو انك تنطم و ما تقول الحقيقة!

مع ملاحظة ان المرفودين من الجيش و المعاشيين يجدون ان الانقلاب هو الوسيلة الوحيدة للرجوع للجيش و السلطة!

يحاكون العساكر وقع الحافر على الحافر!

سلامات يا بدرالدين

لم استمع إلي الاذاعة حتي الآن ولكن لفت نظري المصطلح والذي حسب ما افهم له معني مختلف

Quote: political correctness

والذي اعتقد انه فيما يعني الصوابية السياسية او الافراط في التطابق مع الافكار السياسية بشكل يخل بالهدف

واذا صح اعتقادي فان بوستك هذا لا بندرج في اطار political correctness

موش في حاجة تانية بتشبه الكلام ده اسمها النقاء الايدولوجي؟

قلت شنو؟

أنا قلت عمكـ بدر الدين دا بقى
ياكل كورن فلكس مع كلوركس!!!


اتلفظ يا زول!!

عبدالله عيدروس

اهلا

المصطلح بوليتيكالي كوركت يستعمل في الاحوال التي تضطر فيها الي تحوير التعبير لكي لا يجرح الاخرين مباشرة, مثلا في امريكا يعتبر بوليتكالي كوركت ان لا تقول للشخص من اصول افريقية اسود, بل تقول له افريكان امريكان. او عندما تتحدث او تكتب ان لا تتحدث بصيغة المدكر او المؤنث فقط بل تقول او تكتب مثلا هو\هي بحيث تكون مخاطبتك محايدة جندريا.

اما البوست فانا حاولت ان المح لرايي لما يجري في حركة سياسية سودانية تعتريها الخلافات هده الايام. ولو صرحت مباشرة فسوف يرى اهلها اني اتشفى او اني مغرض لكن حقيقة ما يدور هو انقلاب كامل الدسم.
والسكوت قد يكون بوليتكالي كوركت لكن والله العظيم غلبني! اسوي شنو? اموت كاتم?

شكرا

محمد عبدالماجد الصايم

ياخ يا ريت لو لميت في نوع ملاحك دا
ياخ الكورنفليكس والكلوركس قالو بفك الامساك, ههههه

ياخ حالتي والله سعبة خلاس!

رسل لي من الملاح دا ب DHL بالله

ود الصايم

نسيت اسالك!


اها في ذمتك انقلاب و لا ما انقلاب?

لماذا يصمت الناس عنهم?

Quote: لماذا يصمت الناس عنهم?

بالله طلع لينا حقنا كااااااش

انا غايتو قلت زي ي ي ي ما طلبت انت فوق بالضبط بالحرف الواحد " انا شايفو انقلاب كامل الدسم"
و ما تقرير قطعتوا من راسي كدا اعتسافاً و جيت قلت لزول اتنباهو، بل كان كلام محيث ( وبرضو اديت الكرديت لاي زول ما شايف كدا انو يكون لقصور ذاتي!!؟ )
قرار بسحب الثقة من السيدة /هالة عبد الحليم، وإقالتها من رئاسة حركة حـق

لكن تصدق لا في زول سجني و لا غرموني حاجة!
بالعكس شكروني على ابداء رأيي دا( راجع الرابط المرفق)

انت يا بدر يا اخوي ما تقول رايك توووووشفي محلو ..
انت قاعد وين؟
لوووووووووووووووول
ناس الحملات الدفتردارية ديل ناسكم يا اخوي

تعرف مصطلحكم الاتغالطو فيو انت و عبد الله عيدروس دا انا في اللول، اول ما طقش عيني كنت قايلو بشبه مصطلح د. بيان ( self-righteous ) او قول المعادل الموضوعي لـ "ربا" في لغة الراندوق .

Quote: ناس الحملات الدفتردارية ديل ناسكم يا اخوي

ذكـي ولماح دائمآ ... وما بتخـذل .

يا بدرالدين خلي إنقلابنا نحن ـ إنتوا الدهـس الجمهوري حقكم ده ما تورينا رايك فيهو شنو؟

واوعك من البتاع القالوا ود الصائم فوق ده ( ال بوليتكال شنو كده مع بتاع المنظفات الريحتو... )

ولاالسجن والغرامه و ( ما خفي ) هنا ضمان..؟

قيقراوينا النحرير

كاش شنو يا قيقراوي
هدا كلامك الانت كتبته للاخ ابوجودة في البوست الانت وفرت رابطه اعلاه
""اتمنى ليكم كل التوفيق
الحاصل دا بعين بتعاين لي قدام، لي مستقبل الديمقراطية في البلد و مؤسساتها السياسية و بتشوف بعين بصيرة، كلام ما كعب ابداً.
مخاض عسير اي نعم. لكن ياها الديمقراطية حاااااارة كدا.""



كلامك الفوق دا يا قيقراوي انا لما قريتو قروني قامو فووووق
انت ترى ان الحصل-انه مجموعة في تنظيم وبعضهم في الحقيقة مستقيل تصدر بيان بفصل رئيسة التنظيم-انت تري انه كلام ما كعب, بل انت اعتبرته مخاض ديمقراطي وهو ابعد ما يكون عن ذلك هو انقلاب.
انت ما قلت ليهم ان ما قاموا به انقلاب.
الا اذا عدلت موقفك بعد داك!

يا قيقراوي شفت عشان حكاية ناسنا وناسكم دي, اغلب الناس حتى ما عايزة تعلق!
ناسنا وين عملوا حملة دفتردارية?
ممكن زول يستقيل, ولا مجموعة تنقسم وتمشي, لكن الانا شايفه دا ما اظن حصل عندنا!

يا قيقراوي ما ممكن زول يقنعني انه استقال من تنظيم, وتم قبول استقالته, يعطي نفسه حق الرجوع قسرا ومش كدة وبس بل يفصل رئيسة التنظيم!???
البعرفو انا, انهم كان ممكن يستانفوا قرار قبول استقالتهم في مؤتمر, واذا المؤتمر قرر ارجاعهم, بعد داك عندهم حق العضوية. لكن غير كدة الجكاية دي ما طبيعية ولا مبلوعة.

انا رايي صبرت عليه, وهسع بقول,ه لكن عشان تعرف ليه اخرته اقرا مداخلة منى التجاني!

بعدين انا ما غالطت عبدالله عيدروس, انا كتبت بوليتيكال كوركتنس وعارف معناها, وما ممكن اكتب كلام وانا ما عارفه, هو سال وجاوبته لكن لو داك ما كفاية شوف التعريف في الويكيبيديبا:
"Political correctness (adjectivally, politically correct; both forms commonly abbreviated to PC) is a term which denotes language, ideas, policies, and behavior seen as seeking to minimize social and institutional offense in occupational, gender, racial, cultural, sexual orientation, religious belief, disability, and age-related contexts, and doing so to an excessive extent. In current usage, the term is primarily pejorative,[1][2] while the term politically incorrect has been used as an implicitly positive self-description. Examples of the latter include the conservative The Politically Incorrect Guide published by the Regnery editorial house[3] and the television talk show Politically Incorrect. In these cases, the term politically incorrect connotes language, ideas, and behavior unconstrained by a perceived orthodoxy or by concerns about offending or expressing bias regarding various groups of people."
http://en.wikipedia.org/wiki/Political_correctness


ولو عايز تشوف صور بتعبر عن المفهوم هاك شوف
http://www.google.com/search?q=political+correctness&hl...sAQ&biw=1003&bih=554

وحا تشوف انه يعني في بعض الاحيان صمة الخشم, والسكوت, عشان الكلام ما يجيب اللوم.
انا حقيقة شايف انه مفروض اي انسان يوضح رايه في الاجراء دا بالتحديد مهما كان



لو ما ياهو كلامي غلطان بعتذر !

قيقراوينا

رجعت قريت كل مداخلاتك ولقيت مداخلتك دي:

"""ثالثاً و رابعاً في اعتقادي مفروض كان يتبادلن لو في امل مؤسس..
ليه ما اتقدمت ثالثاُ وكت اصلو لسه [ لا يزال مؤيدو القرار يأملون أن يثوب الطرف المتعنت إلى رشده ]
لانو شكل الكلام التقريري الفوق دا قمة الشمولية و امتلاك الحق و الحقيقة! و في نظري ما كافي ابداً لاقالة نائب الرئيس، لو فرضنا جدلاً لمصلحة النقاش ما اكتر انو السبب كافي إقالة الرئيس!.. وتعيين ( طرف ) من يحب و يرضى!! دا - من وجهة نظري - انقلاب كامل الدسم ما اكتر. طالما في اقرار بـ [ عضوية الحركة المنقسمة ]، و وجود [ الطرفين]. و بفرغ ( رابعاً ) من محتواها. للاسف امل غير مؤسس و لا مبني على ثقةالبنزع كل الحقوق و بقصرها في [ وقبول لجنة مشتركة من الطرفين للتحضير لمؤتمر ديمقراطي ]!!!
امكن لقصور ذاتي مني .. لكن انا ما شايف اي فرق بينو بين الانقلابات العسكرية.
السيطرة على القيادة .. الاذاعة .. بيان رقم ( 1 ) .. تعطيل القرارات السابقة، و الانتقال من الشرعية الدستورية للشرعية الثورية.
نقاص شنو تاني!؟""""

لا ليك قرشين كااااااش ولو عايز شيك ,اخوك يكتب اها!
كلامك كان ملان. لكن دغمسته على بالكلام التاني بتاع ديمقراطية ومخاض وكلام المسقفاتية داك هههههههه.

يبقى نحن في نفس السرج في الموضوع دا.


انقلاب, انقلاب.

يا بدرنا الذي هو في السماء
كتبت

Quote: انت ما قلت ليهم ان ما قاموا به انقلاب. الا اذا عدلت موقفك بعد داك!

و رجعت استغفرت براك و كتبت :

Quote: رجعت قريت كل مداخلاتك ولقيت مداخلتك دي:

Quote: لا ليك قرشين كااااااش ولو عايز شيك ,اخوك يكتب اها! كلامك كان ملان. لكن دغمسته على بالكلام التاني بتاع ديمقراطية ومخاض وكلام المسقفاتية داك هههههههه. يبقى نحن في نفس السرج في الموضوع دا.

اها القرشين عفيتم ليك .. لكن اسمح لي اخت الوش دا بس

لسببين :
اول حاجة المداخلة الجبتها اول دي هي التانية و الاستدركتها و قريت و استحقيت عليا انا قرشين دي الاولى!!
انتو يا اخوانا الرياضيات غيروها؟
اها برضو نخش في مغالطة رياضياتية بجاي؟

اهن ..
الكلام السخرت منو بانو دغمس الاول .. لأنو انقطع العشم الفي الاول بالرد عليها ..
يبقى اقول شنو تاني!؟

سم سانين : شنو يا معلم طوالي عملت الحالة واحدة و ركبت معاي في سرج واااحد وضايقتني فيو؟
وين حق السبق .. المبادرة و حفظ حق مثل ضهارينا السري " البتلفت كتير ما بخرأ قريب"
يا زول دا مال يتامى.


------

اما بخصوص الحملات الدفتردارية - و الكلام لسيدنا محسن خالد " قدس الله سره - كان احسن تنسى .. هاك المناعة الهومرالية دي :

Quote: هل "الشويعي" كائن مألوف في أساسه، وله تعريف لدى البيئات العمليّة التي يجب أن يوجد فيها، هل رآه إنسانٌ في تلك الأنحاء دون أن يتسلَّق له شجرةً ويكمن له بجوف دكّة قصب؟ هل بوسع الريف أن يرى ذلك "الشويعي"، دون أن يترك العقارب خلفه تسعى ومعايشه مغروزة في غدر نهر؟ أم نتوكَّل على الله ونكتفي منه وفيه بتعريف الحرم بت حاج طيفور؟ خصوصاً أنَّ هذه البلاد في تنظيماتها كلّها، لا تحتوي على أي حزب يهتم بالدراسات الواقعية والاقتصادية والاجتماعية في توجّهه العملي صوب الناس. ولا تمتلك فكرة التغيير هذه للواقع من منظور المعرفة والعلم، فكلّها أحزاب تتحدَّث عن الآخرة أكثر عمّا هو حادث في واقع الناس، بدءاً بجميع أنواع الإخوان المسلمين والسلفيين الآخرين وانتهاء بآخر صوفي كان. والأحزاب الطائفية الكبرى، والدينية الكُبرى، تتمركز في هذا الريف الذي لم يَرَ "الشويعي" بعد. أمَّا الأحزاب التي نشأت حديثاً هذه كلّها، فتشبه لي جماعات الفانز الـFans. كلّهم فانز ومشجعون ومشجّعات لأعطيات الحضارة الغربية بعد تأسيسها، ولا يمتلكون فكرة واحدة عن كيفية تأسيس الحضارة من حيث تليهم. إنَّهم جماعات فانز لجماعات حقوق الإنسان والبيئة والحيوان الغربيات، الديموقراطيات منهن والليبراليات، حيث فرغ الناس من الأساسيات وضروريات البقاء، وانطلقوا نحو الكمال. وفانز لجماعات تحرير المرأة، والفيمنيزم وما بعد الفيمنيزم، ودعاة الحداثة وما بعد الحداثة، وكيفيّة إلصاق "تاء التأنيث" في آخر الكلمات لمساواتها بالرجل ورد حقوقها؟ بينما المرأة الواقعية في الريف السوداني لا تنقصها أية تاء تأنيث حالياً، وإنّما ينقصها المقوت والهدم والكركار وفك الحرف ذاته بخشم الباب والدرب العديل! وإن ألصقوا لها مائة تاء تأنيث من فئة الألف، وهي في غيّابة الجب هذه، فلن تستطيع قراءتهن ولن تربح شيئاً. والحزب الشيوعي ذاته لا يمتلك بنية تحتية من الدراسات والخُطط النظرية حالياً، ولا يدفع بأي جهودٍ على أرض الواقع العملي، الصلد الـSolid، ولكن بأقل تقدير هو يمنح هذه الرؤية حظاً من الاهتمام والتفاكر في أحلامه إن صادف واجتمع سامِرُهُم بعد خمسين ستين سنة، ونيف. وهو حزبٌ مُحَصَّنٌ ضد النَّقْد من الخارج، لأنَّه معروفٌ بردود أفعاله الدفتردارية، كما هو ذو مناعة هومورالية لتثبيط النقد من الداخل، ضد أي صوت طامح، أو يحلم بما هو أكثر من بياته الشتوي الذي لا ينتهي هذا، كي يفيق ويقود الناس. ولكن كيف يقودهم، وهو الذي شأنه ما رويتُه عليكم أعلاه، حيث بيئاته التي يجب أن يكون فيها ويخضرّ ويترعرع؟ وكادره جلّه من برجوازية مدن لا تفهم لغة ذلك الريف ولا تملكُ من طرائق وأفانين التأثير في ذلك الريف نِكْلَةً، لأنَّها تجهله ولا تشبهه في شيء.

الأخ الكريم بدر الدين احمد موسى.

في البدء أعتذر بشده عن الخلط الذي وقعت فيه بين إسمك وإسم الأخ بدرالدين إسحاق والناتج عن الإستعجال الشديد وممكن تقول اللفحي كمان.
وثاني أرجو أن تتقبل إعتذاري .
وثالثا أمسح لي في وشي أني ضميتك للجماعه.
ورابعآ وده المهم ... كلو من قيقراوي ده .. إتسبب في تدليسي بالعباره الأنا كوتها... شكيتو وما عفيتو.

مرة ثانيه بعتذر. وبالمناسبه دي ما أول مره أعك في البورد ده . بس المره الأولي ما كانت بايخه زي دي.

يا قيقراوي ما تلحقني بمحاية ولا علاج من عندكم يزيل عني غمة اللفحي دي وأجرك عند الله .

مساعدة الصديق حال زنقه صدقه جاريه او كما يقولون.

سلام.

ازيك يا منى ياخ

Quote: وبالمناسبه دي ما أول مره أعك في البورد ده . بس المره الأولي ما كانت بايخه زي دي. يا قيقراوي ما تلحقني بمحاية ولا علاج من عندكم يزيل عني غمة اللفحي دي وأجرك عند الله .

تابعتها و قريت ليك يس " و جعلنا من بين ايديهم سداً .. "

لكن ديك عادية صراحة
و دي برضو عادية ..

بدرنا الذي هو في السماء من اكتر البورداب علماً و ادباً و فهما .. و اكاديمي ضليع من النوع البقعد ليك الكلام ..
و دا عيبو في نفس الوكت .. بالاضافة لإنو " شيوعي " طبعاً.

تاني ما عندو عيب كلو كلو



--------

بالجمبة كدا
ليك وحشة و الله

متابع جيد و الله .. و أجلنا السلام
اهو خفنا نسلم تجيب ليها سجن و لّ غرامة كمان

قيقراوينا النحرير

الفسالة شنو يا قيقراوي ياخ ما نشاركك الراي?

لا يا قيقراوي انا رايي من قولة تيت, ومحيث في دماغي, ولما فتحت البوست دا, جيت افتش عن القطط بمنطق "اين القطط?"
لكن كمان البنية الفوق دي بصراحة كدة, واقطع ضراعي لو هي عارفة بتتكلم مع منو, ولا عن شنو.
ما علينا!

لكن كمان يا قيقراوي ما تبالغ ياخ ما ممكن تجيب كلام محسن وتاخده دليل قاطع على حملات دفتردارية ياخ

""""والحزب الشيوعي ذاته لا يمتلك بنية تحتية من الدراسات والخُطط النظرية حالياً، ولا يدفع بأي جهودٍ على أرض الواقع العملي، الصلد الـSolid، ولكن بأقل تقدير هو يمنح هذه الرؤية حظاً من الاهتمام والتفاكر في أحلامه إن صادف واجتمع سامِرُهُم بعد خمسين ستين سنة، ونيف.
وهو حزبٌ مُحَصَّنٌ ضد النَّقْد من الخارج، لأنَّه معروفٌ بردود أفعاله الدفتردارية، كما هو ذو مناعة هومورالية لتثبيط النقد من الداخل، ضد أي صوت طامح، أو يحلم بما هو أكثر من بياته الشتوي الذي لا ينتهي هذا، كي يفيق ويقود الناس.
ولكن كيف يقودهم، وهو الذي شأنه ما رويتُه عليكم أعلاه، حيث بيئاته التي يجب أن يكون فيها ويخضرّ ويترعرع؟
وكادره جلّه من برجوازية مدن لا تفهم لغة ذلك الريف ولا تملكُ من طرائق وأفانين التأثير في ذلك الريف نِكْلَةً، لأنَّها تجهله ولا تشبهه في شيء."""""

يا قيقراوي لو ناس الحزب ما حايدافعوا عنه امام اي هجوم براني يبقى فايدتهم شنو?
في فرق بين نقد المواقف, والحشرية.
يعني لما واحد يستقيل ويمشي ينتمي, ولا يكون حزب, مفروض يكون منصف لو عايز ينتقد مواقف سياسية مافي مشكلة, لكن لو عايز يتدخل في مبادئ تنظيمية مفروض يتوقف!
ياخ حتى في جسم الانسان الجسم بحارب الخلايا بتاعته اذا شعر بانها بقت خارجة من النص!
يعني كلام محسن كلام انشا وبس, لكن ما دليل عشان تقول لي ناسكم هم الدفتردار ذاتو!

منى التجاني

حياك الله

مافي مشكلة ياخ كتيرين بلخبتو بيني و و اسحق

شفتي الحمدلله الما رديت عليك امبارح!
اولا اتنفشت, و قلت اداوسك, لكن شعرت انك ما فارزاني من ناس العك الجمهوري فقلت اصبر!

يا منى, انا حق دي والله بحاول اتجنب الخوض في امورها, لكن السكوت عن الحاصل عندكم دا ممكن يكون غلط كبير!
وممكن يكون سابقة تنقص تطور الديمقراطية في الاحزاب والتنظيمات السياسية السودانية, و تشوهها,
يعني اي مجموعة ما عاجبها الحال, تكتب ليها بيان, و تقيل, وتعين, زي ما عايزة! كدة ما كويس.

اذا الانسان استقال من اي مجموعة او نشاط, بكون فقد حق التدخل لانه هو من قام بكتابة الاستقالة.
ولو عايز يتراجع عن الاستقالة, مفروض يتبع الاجراءات بتقديم طلب تراجع, و ينتظر لغاية ما التنظيم او المجموعة تبت و تقرر.
لكن الزول يستقيل ولما تتقبل استقالته يقوم يرفد التنظيم دا ما منطق

شكرا

الصديقة منى
لا عليك و بدر دا حقنا ياخ
و ما بيناتنا اعتذارات
و الله دا من اصلك بس
ما تعتذري و لا حاجة
بس بطلي اللفحي و ختف المحافض تاني .. سمح؟

اما بدرنا الذي هو في السماء
فما عندنا ليك اي رافة .. بل نزيدو ليك كمان بل ( دا جزء من التدريب لحدي ما تلحقوا ناس حق ديل )
اسي عليك الله يا بدر دا ما قمة الرقي؟

Quote: يا منى, انا حق دي والله بحاول اتجنب الخوض في امورها, لكن السكوت عن الحاصل عندكم دا ممكن يكون غلط كبير!

ممكن!!؟
خليني اسألك سؤال طيب؟
بوستيك دا اسي معناو شنو؟
فضفضة ساي يعني؟
يا بدر لو رايك دا زي ما زعمت هو محيث ومقعد او واقف على كرعين معناتا [ ممكن ] بتاعتك دي زائدة بلا معنى؟ و ما اضافت الى النشيد سوى النشاز بس!
يا كمان تكون لسة مرتبك و ما قادر تحسم انو الحاصل دا غلط ام ( ممكن ) ساي!؟

اها اسمع مني انا دا
الحاصل دا غلط
و موقفك المتردد دا غلط
و بوستك دا اسي غلط

يا بدر كدي خلين اسرح بيك شوية كدا ..
اتخيل لو كتبت رايك دا في البوست المعني ..
و أي زول عندو الرأي اد اتخت هناك .. و في آخرين كتبو نففففس الرأي الزميل عبد الله احيمر مثالاً
بي كدا مش كان اتشكل رأي عامل مناهض؟ و مجموع الاراء دي كان بقى موقف راسو عديل؟
وضح ليك خطأ موقف التردد و ايثار السلامة الاتخذتو انت؟ من وجهة نظري
اها بوستك دا ذاتو ما عندو طعم ...
وكت بخلت بمشهادك في محل مفيد .. كمل فسالتك و احتفظ برايك
باذلو ليه اسي؟
تنظير منك مثلا؟



-----

محسن خالد ما بتاع انشاء. و لا الحزب الشيوعي غريب عليو، و لا هو غريب على الحزب و لا انا
خلاس بديت الحملة الانتقامية .. نستعد يعني ؟
و مقال :
[ الحزب الشيوعي السوداني

حزب الترابلة، الرواعية، المياومة والعمّال
أم لوج الطلائع المدينية البرجوازية ]

كان مفروض يتنشر في الميدان ..
تابع هنا Re: شرح الدقّة!

قيقراوينا النحرير

قلت لي ضرب غرائب الابل بلا رأفة??
الله في!

يا قيقراوي "ممكن" دي اتعلمناها من الخواجات اتخيل!
زي ممكن بسموها الكواليفايرس "qualifiers" لان الخواجات ما بحبو الكلام باطلاق فابنصحو انك تضيف الكوالفايرس عشان تبتعد من التاكدية, والاطلاق!
انا طبعا كنت بتكلم عن السكوت عما يدور في حركة حق والانقلاب العجيب, ووصفي للسكوت بانه غلط ما مفروض يكون باطلاق!
ممكن واحد زهجان مني لوجه الله, يجي ويثبت لي انه السكوت دا اصح موقف-اتخيل دا كان رايي انا شخصيا واسأل حسن حيدر عنه!
وممكن يجي واحد تاني ويقنعك بان السكوت غلط-زي موقفي الجديد دا.*
عشان كدة في حالة زي دي وفي وجود سفاسطة على وجه الارض دي لازم اعمل كواليفيكيشن لكلامي
حصل قريت مقال ارسطو عن "الدحض السفسطائي"?
هاك لوجه الله على الرغم من انك مركب لي وش كبك اليومين ديل http://classics.mit.edu/Aristotle/sophist_refut.1.1.html

في الدنيا دي لازم تو كفر يور بيهايند-cover your behind- زي ما بقولو اهلنا الامريكان, فهمت علي?

ياخ غيرت رايي يا قيقراوي, وقلت ادلي بدلوي, بدل تقول لي بخ بخ, تعمل لي محاكمة ضمير?
ما كنا اصحاب ياخ!
اها عشان تشوف كلامي نفع, امشي بهناك و شوف كيف صاحبك نزل ثلاثة مداخلات, جلد فيها ماركس بالجنزير,
كله انتقام مني, شفت المحن!
وزي ما بقولو ناس الطب: تعرف الدواء نافع, لما يحرق!
تتذكر الملح في الجرح??!

هو زي ما انت وانا قلنا انقلاب مافي كلام!
لو ما خانتني الذاكرة كان في نص في مسرحية "نبتة حبيبتي" عن الانقلاب ان شاء الله متذكره?
طبعا اخوك مصفي, وكلام المسقفاتية دا ولا بقعد في دماغو!


---
*ما تجي تقول لي: رأيك متذبذب وكدة, كله فوق راي, زي ما قالت القعونجة!

انقلاب!

حتى لو ود الصايم زاغ من الاجابة على السؤال! ههه

حتى, فيه بيان اول عديل كدة!

و الله انت بدر السماء في علاهو عديل ..

Quote: هاك لوجه الله على الرغم من انك مركب لي وش كبك اليومين ديل http://classics.mit.edu/Aristotle/sophist_refut.1.1.html

لوووول

قيقا لو بعرف انقليزي قدر دا كان اسمو " قيقا " سليقة كدي!؟

كان غزيت الـ ( د ) دي زي الترتيب قدام اسمي و بقيت د.قيقا " همسلف
و اصبح لينا مرسى نرتاح في عنيهو ...
و دقيقة دقيقة نخاف عليهو ..

لوووووول

ابو العلوم ما بناباهو لكن الفيك انعرفت تب




-------

يا بدرنا ما تتعامل مع الحاجات بحساسية زايدة ياخ ..
يعني شنو جلد ماركس بجنزير؟ ..
لوووول .. ماركس ميت .. ميت .. ما بتعمل ليو الحبة دي!
مش انت مقتنع انو كلام ( ساي ) و مش انت مقتنع بحق اي زول يكون عندو رايو ..
و مش مقتنع انو قرص الشمس دا ما بتغطى بمصبع؟
و تيب!؟
حارق رزك مالك .. و مقلقلنا معاك مالك

قيقراوينا النحرير

يا قيقراوي الانجليزي كمان بختو ليه "د." قدام اسم?
ياخ تعال حلتنا, هنا حتى الشفع بتكلمو انجليزي! او كما قال ترباس!

في دي اتلومت يا قيقراوي ياخ: "ماركس ميت .. ميت .. ما بتعمل ليو الحبة دي!"

اخير صحبي كان كدا! على الاقل بجلدو بالجنزير عشان يقتلو!!
انت تهيل عليه كوم تراب, وعايز تواسيني, شينة منك والله!
يعني صاحبك يعمل انقلاب, ولما نتكلم, يقع في ماركس معط, وتقول لي حساسية?!!
كيف ما احرق رزي?!!
انا البعرفو اني عندي حساسية ضد الفراولة و بس, وكل ما امشي لدكتور يسالوني عن الحساسية "بحدسم" بالفراولة.
علا الناس ديل سكتو مالم?
حصلت ردة, ولا الانقلاب نجح?
تلقى صاحبك لابد في البيت ويسمع الاذاعات, منتظر اعلانات القبض!
بمناسبة الردة, شفت القذافي قاعد يشرب من نفس الكاس السقا بيها الناس?
يمهل ولا يهمل.
وماني غرقان في الشماتة!

بدر الدين احمد موسـى سلام وسؤال

انت انتهيت من الامتحانات ؟

ود اسحق

حياك الله

لا والله يا وداسحق ما انتهيت, لكن تقول شنو للدودة?

ليه عملتو كدة في قوش?

دا احسن من يلعب الادوار اياها!

كدا الموساد يزعل منكم

اها سؤال مقابل:

انقلاب ولا ما انقلاب?

Quote: انقلاب ولا ما انقلاب?

ابداً وحاتك ..
دا تقديم وتأخيــر بـس ..