لجنة تحكيم سحر القوافى ... روعة حد الروعة

رغم اننى لا افهم كثيرا فى الشعر
الا ان لجنة التحكيم فى برنامج سحر القوافى
لفتت انتباهى فى تمكنها و حباديتها
حقيقة روعة حد الروعة
لهم التحية

ده كلام صاح يا ابو حميد ..
كنت بي صدد كتابة نفففس الموضوع وبي نفس طريقتك دي لاني برضو مابفهم في الشعر..
لكن من خلال متابعتي لي كتير من البرامج العربية والعالمية المعتمدة على لجان التحكيم ما شوفت في حياتي زي اللجنة دي..
لجنة تقويمية في المقام الأول ..ما فيها شغل الموازنة والمجاملة أو التشفي..
يعني ما عشان فلان وفلان قالوا القصيدة سيئة يقوم التالت يخالف ويحاول يخفف..
أو مش عشان اتنين قالوا قصيدة جميلة التالت يقوم يعاكسهم الرأي..
تشعر بيهم بيعملوا في تناغم وتواصل عفوي وكل زول بيقول البيمليهو عليهو ضميرو وإن كان أزهري محمد علي عندو شويييييية حنية كده مرات ..
تحية ليهم وتحية لي حضورهم الأنيق من حيث الهندام واللغة ..
وصدقني دي ما لجنة بقدر ما هي محاضرات مجانية يستفيد منها المشاهد قبل المتسابق..

اثني واثلث واربع
حقيقة مثلكم تماما لا افهم الشعر ولا اميل للاستماع اليه بل تجدني احيانا استغرب من الناس الذين يرددون كلمات الاستحسان لما يقال من الشعر
واعلم ذلك لعدم دراية او معرفة مني وليس انتقاصا من الشعر والشراء
ولكن,,,,,
هذه اللجنة اجبرتني علي حضور الحلقة كاملة حتي ولو كانت معادة