Post: #1
Title: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-23-2011, 05:08 PM
Parent: #0
عنكوليب فداسي الزارعنو فوق تراسو
هبالو النسيم واتزرقن فصاصـــــــو
ريقك يمسح اللافنو فوق اكاياســــــــو
هيييييييييييييع كع
|
Post: #2
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: طه إبراهيم عبد الله
Date: 04-23-2011, 05:19 PM
Parent: #1
الطيب عنّك طيب آزول
..
تاااني عنكوليب ؟
إنت في زول بنقي ليك ولّ عاجباك ضروسك وبتنقي براك ؟
سمح أجدع لينا ربطة
|
Post: #3
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-23-2011, 05:30 PM
Parent: #2
طه ود ابراهيم
Quote: تاااني عنكوليب ؟
إنت في زول بنقي ليك ولّ عاجباك ضروسك وبتنقي براك ؟
سمح أجدع لينا ربطة |
لا لا دا عنكوليب غير آآآآآ اللخو - شوف وصفو تحت هنا كيف
| Quote: ريقك يمسح اللافنو فوق اكياسو |
|
Post: #4
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: Alshafea Ibrahim
Date: 04-23-2011, 05:50 PM
Parent: #3
حبابك يا ودشيقوق
الأخبار بما فيها الخاص ..
بالله شوف هبالوا النسيم واتزرقن فصاصو ... تقول لي الأعشى وأمري القيس ومن لف لفهم ...
يالله جيب باقى الكلام الطاعم ...
الشفيع ابراهيم
|
Post: #5
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: خـالد سـوميت
Date: 04-23-2011, 06:02 PM
Parent: #4
فداسي البتطيع العاصي
مع التحية
|
Post: #6
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-23-2011, 06:06 PM
Parent: #4
الشفيع ود عمي ابراهيم
| Quote: بالله شوف هبالوا النسيم واتزرقن فصاصو ... تقول لي الأعشى وأمري القيس ومن لف لفهم ... |
ات عارف الناس ديل لما الواحد فيهم يطرب ويخت اصبعو في اضانو ويتلولح يمين وشمال ويقول كدى يرمي النمة تاني الجن ما بناطقهم
|
Post: #7
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: طه إبراهيم عبد الله
Date: 04-23-2011, 06:47 PM
Parent: #3
| Quote: لا لا دا عنكوليب غير آآآآآ اللخو - شوف وصفو تحت هنا كيف |
يا الطيب أخوي
شفتو بالحيل علا عملت ما شايف
إنت ما سمعت بالرقابة الذاتية .. ما ياها دي ذاتها
..
تسلم
|
Post: #8
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-23-2011, 07:13 PM
Parent: #7
| Quote: شفتو بالحيل علا عملت ما شايف |
هههههههههههههههها يعني بقيت تشوفو وبتجي دايس فيهو ابنص ساااااااااى؟
|
Post: #9
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-23-2011, 07:16 PM
Parent: #8
خالد سوميت
| Quote: فداسي البتطيع العاصي |
صدقت والله - الله يخليك
|
Post: #10
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: عباس محمود
Date: 04-23-2011, 07:57 PM
Parent: #9
ودشيقوق
سلامي
اللافنو فوق اكياسو...........شنو
معليش انااصلا من الناطقين بغيرها
سلامي
|
Post: #11
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-24-2011, 05:33 AM
Parent: #10
عباس
| Quote: اللافنو فوق اكياسو...........شنو |
دا البسكويت المحشي
|
Post: #12
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: Yousif A Abusinina
Date: 04-24-2011, 09:20 AM
Parent: #11
شكيت محنك المسنوح محل ما تشوف ليك شجرة عنكوليب عراقيك فى سنونك
وتقول يا واحد
ناس فداسى عرفوووا ليك بالحيل وشركوووا ليك كويس ......انا صارقيلك عنكوليب آآآآآآ المسنوح
والله ادردقت تمام
لكن انا عارف الشى موعنكوليب الشى تانى ......الله يستر
انا بشغل مصادرى الخاصة وبتبع الامور بدقة ....مرة فى موقع فداسى ومرة عنكوليب فداسى
والله قال بقولك كان عرفت شى تانى
فتك بعافية
|
Post: #13
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-24-2011, 09:36 AM
Parent: #12
| Quote: لكن انا عارف الشى موعنكوليب الشى تانى ......الله يستر |
ما تتعب يا مسنوح الشي الجاري تكوس ليهو دا قلنا:
الريقو يمسح اللافنو فوق اكياسو
تفتكر شنو تاني؟ ولا قاصد ليك كشف حال ساكت ؟
|
Post: #14
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: عزام حسن فرح
Date: 04-24-2011, 12:43 PM
Parent: #13
عنكوليب فداسي الزارعنو فوق تراســو
مَيَلْ عـودو ساي شبال منيحه لِحُراسـو
هبالو النسيم واتزرقن فصاصـــــو
وزادو الهبوب جِرْسه وإتْكَشْكَشت أجراسو
ريقك يمسح اللافنو فوق اكياســـــو
هَمْلو سيد الحـق رزْقـو ومعاه وُراثـو
|
Post: #15
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: سيف الدولة كامل
Date: 04-24-2011, 12:53 PM
Parent: #14
المسنوح ,,حبابك
البسكويت المحشي ده في فداسي الحليماب ولا فداسي العامراب؟
ومحشي شنو يا اللخووو , كريمة ولا شوكلاته؟
وحات بت المكي العنكوليب بجيب أجلك يا المسنووووووووووح.
|
Post: #16
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-24-2011, 02:36 PM
Parent: #15
عزام
Quote: عنكوليب فداسي الزارعنو فوق تراســو
مَيَلْ عـودو ساي شبال منيحه لِحُراسـو
هبالو النسيم واتزرقن فصاصـــــو
وزادو الهبوب جِرْسه وإتْكَشْكَشت أجراسو
ريقك يمسح اللافنو فوق اكياســـــو
هَمْلو سيد الحـق رزْقـو ومعاه وُراثـو |
تسلم يا الحبيب
|
Post: #17
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-24-2011, 02:47 PM
Parent: #16
ود الكامل
Quote: فداسة : فرع قبلي في منطقة النيل الازرق منسوبون الى فداسي.
فداسي :اسم لأكثر من مكان بالجزيرة وغيرها مثل فداسي الحليماب وفداسي العامراب.
فداسي : جبل في اقصى حدود جبل بني شنقول وبلدة بالقرب منه على الحدود بين السودان واثيوبيا كانت فيها مشيخة للفونج شيخها محمد الأمين الفونجاوي . |
المصدر : موسوعة الانساب والقبائل السودانية .
الجزء : الرابع
الصفحة :1762
نقلا عن:
http://www.sudaneseonline.com/vb/showthread.php?t=21120
في انتظار الاخ اسحاق بلة الامين لتبيان الحقيقة
عبارة تراسو الواردة في صدر الابيات يستشف منها ان المقصود هي احدى قرى فداسي الجزيرة لان العنكوليب في مشروع الجزيرة يزرع عادة على التروس
|
Post: #18
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: saif massad ali
Date: 04-24-2011, 03:03 PM
Parent: #17
حليلك يالزين
وين بلدوك والله الشوق بحر
ربي يخدر قلمك ويزيد فهمك
ويبعد عنك الحمي والقرهيب
شن خبرك يالحبيب
القوم جت
|
Post: #19
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: Yousif A Abusinina
Date: 04-24-2011, 03:16 PM
Parent: #18
تفتكر شنو تاني؟ ولا قاصد ليك كشف حال ساكت ؟
ياههههههههو زاتو الفتش عليه .......آآآآآآه شن رايك
يشهد على ود الكامل
وشوف لك فداسى تانى غير هولاتنا ديل.....
|
Post: #20
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: Sana Khalid
Date: 04-24-2011, 04:07 PM
Parent: #19
سلام يا ود شيقوق ليك و لضيوفك..
مرة قريت معلومة ما متأكدة من صحتها.. و هي إنو (فداسي) كلمة نوبية معناها (الأرض الطيبة)
لكن بالإضافة للمعنى إن صح تأويله.. فالاسم ليهو وقع جميل على الآذان..
و فداسي جميلة و مدللة.. و حق لها الدلال
|
Post: #21
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-24-2011, 05:57 PM
Parent: #20
ود مساعد - دخرينا
Quote: حليلك يالزين
وين بلدوك والله الشوق بحر
ربي يخدر قلمك ويزيد فهمك
ويبعد عنك الحمي والقرهيب
شن خبرك يالحبيب |
يطول عمرك يا العشاء، والله حبيت اخد انجمامة من سودانيز لكن الشوق ليكم غلب والله - عشرتنا كووووولها بقت اسفيرية
|
Post: #22
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-24-2011, 05:59 PM
سنو
| Quote: وشوف لك فداسى تانى غير هولاتنا ديل..... |
عييييييييييييك كان بقى فزعك ود الكامل خم وصر
|
Post: #23
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-24-2011, 06:11 PM
Parent: #22
الاستاذة سناء بت خالد
الف مرحب بيك
Quote: مرة قريت معلومة ما متأكدة من صحتها.. و هي إنو (فداسي) كلمة نوبية معناها (الأرض الطيبة)
لكن بالإضافة للمعنى إن صح تأويله.. فالاسم ليهو وقع جميل على الآذان..
و فداسي جميلة و مدللة.. و حق لها الدلال |
عمنا خالد الشيخ حاج محمود قال فداسي اساساً هى غابة فحم أي ارض الفحامة وعندما ما مر بها احفاد الحليماب لاحظوا أن الأرض خصبة ومنتجة لذلك قالوا لأهلها أن الأرض فدوس و(فدوس) في لغة النوبة تعنى الأرض الخضراء المنتجة ) فأصبح الاسم فداسي .
لمزيد من التفاصيل راجعي :
http://azazah.com/forum/archive/index.php/t-4843.html
اطيب امنياتي
|
Post: #24
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: Gafar Bashir
Date: 04-24-2011, 06:45 PM
Parent: #23
ومخداتنا عكاكيز ...
((ما تقول لي اوع تكون اتحسستا))
اتحسستا عكازي
|
Post: #25
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-24-2011, 06:53 PM
Parent: #24
جعفر ولد بشير
ازيييييييك
| Quote: ومخداتنا عكاكيز ... |
اصلها مخدات هلاري كلنتون؟
دحين سمعت بيها ؟
|
Post: #26
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: اسامه خليفه
Date: 04-24-2011, 06:58 PM
Parent: #24
Quote: ومخداتنا عكاكيز ...
((ما تقول لي اوع تكون اتحسستا))
اتحسستا عكازي |
ودشيقوق .. سلام
شكلو مجزاجك رايق يا ودشيقوق ..
شايف الموضوع جاب ليهو عنكوليب وعكاكيز قلت بالمره اسلم عليك وعلي الاتحسس عكازو ولدنا جعفر بشير ..
تقديري ..
|
Post: #27
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-24-2011, 07:10 PM
Parent: #26
ود الخليفة
| Quote: شايف الموضوع جاب ليهو عنكوليب وعكاكيز قلت بالمره اسلم عليك وعلي الاتحسس عكازو ولدنا جعفر بشير |
يا دخرينا و النبي جابك حنانك لي ولا جعفر بشير ولا جابك الحنان للعنكوليييييييييييييييب؟
دحين جربت عنكوليب مسقط ولا مسافر اباطك والنجم؟
|
Post: #28
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-24-2011, 07:10 PM
Parent: #26
ود الخليفة
| Quote: شايف الموضوع جاب ليهو عنكوليب وعكاكيز قلت بالمره اسلم عليك وعلي الاتحسس عكازو ولدنا جعفر بشير |
يا دخرينا و النبي جابك حنانك لي ولا جعفر بشير ولا جابك الحنان للعنكوليييييييييييييييب؟
دحين جربت عنكوليب مسقط ولا مسافر اباطك والنجم؟
|
Post: #29
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: اسامه خليفه
Date: 04-24-2011, 07:23 PM
Parent: #28
| Quote: دحين جربت عنكوليب مسقط ولا مسافر اباطك والنجم؟ |
دا كلام يا ودشيقوق لابد من اختبار المنتج المسقطي (product test)والباقي شلناهو معانا تقاوي ...
|
Post: #30
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: عبدالكريم الامين احمد
Date: 04-24-2011, 08:09 PM
Parent: #29
هلا يا شيقوق
ويعلم الله وشيخي شكر الله شوقنا طال وشغلت البال
ودي القعدة قرفصاء في حضرة العنكوليب
|
Post: #31
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-24-2011, 09:09 PM
Parent: #30
ود الخليفة
| Quote: دا كلام يا ودشيقوق لابد من اختبار المنتج المسقطي (product test)والباقي شلناهو معانا تقاوي ... |
خم وصر امشي شيل التقاوي العندك دي كان تزرع في كولا لامبور
|
Post: #32
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-24-2011, 09:14 PM
Parent: #31
كيكي - نبق سودانيز
والله الشوق ليك مطر يا باشمهندس
Quote: ويعلم الله وشيخي شكر الله شوقنا طال وشغلت البال
ودي القعدة قرفصاء في حضرة العنكوليب |
توارد خواطر غريييييييييييب عندي احساس تكون مشتهي ليك عنكوليبة تنقيها
|
Post: #33
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: حبيب نورة
Date: 04-24-2011, 09:53 PM
Parent: #32
كععععع
جيداً جيت يا البخيييييييييييييت
|
Post: #34
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-25-2011, 05:19 AM
Parent: #33
حبيب نورة وحبيب الكل
| Quote: جيداً جيت يا البخيييييييييييييت |
كيفك وكتر خيرك ومتابعك رغم البعاد يا العشاء اب لبن
|
Post: #35
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: عبدالرحيم أبراهيم العبيد
Date: 04-25-2011, 08:54 AM
Parent: #34
شيخنا
العنكوليب ده
مزروع ولا بروس
مع تحياتنا للجمبع
|
Post: #36
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-25-2011, 11:02 AM
Parent: #35
اخي عبد الرحيم
Quote: العنكوليب ده
مزروع ولا بروس |
مزروع وفي بادوبة كمان
|
Post: #37
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: عادل نجيلة
Date: 04-25-2011, 11:13 AM
Parent: #35
العزيز الأريحي الطيب شيقوق .. يوصل و يسلم له شرق النيل الأزرق ,,
وها أنت تستحضر سيرة العنكوليب دلالة عن العسل الهش والذي لا يقارن بعسل القصب الصلد الذي ربما يحتاج إلى فأس لعمل شرائح القصب لتصبح و تحاكي فص العنكوليب الهش ,, هي لحظة جعلتني أستحضر أبياتآ لود فراج يجادع فيها رابح الكناني وكان من بادية سنجة عبدالله و التي سحرت العبادي حينما كان هو و سرور ونفر من قبيلة الفن قادمون إلى سنجة وتوقف بهم قطار (سنار التقاطع } وقتها فأقلتهم فيات الأستاذ زين العابدين كوكو إلى سنجة لحضور زواج عمي على نجيلة ومنها خرجت الأغنية الشهيرة (يالسايق الفيات)..
أشعر ود فراج قائلآ في شأن القصب الحلو مسداره الشهير والذي يعاكس العنكوليب :
ود اللدر الفي وادي كبنا
جرينا جرينا لمان سال عرقنا
تومتي بريدة تب قناصك غلبنا
و جو الناس القبيل عزلو الحلو من قصبنا..
أما مسدار ود فراج في شأن (عسلية بني حسين) وبنو حسين هم من كنانة النيل الأزرق حيث نزل عليهم ود فراج ضيفآ عليهم وهاله ما رآه من جمل وطبيعة النيل الأزرق من جهة سنجة وأبوحجار حتى الرصيرص فنظم مسداره الشهير عن عسلية بني حسين .. وحتى لايذهب البعض بعيدآ فكلمة عسلية مقصود بها (إبل بني حسين) ,, ولي عودة في شأن عنكوليب ود شيقوق وقصب و عسلية ود فراج .. ودمتم في رعاية الله.
|
Post: #38
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: Abdlaziz Eisa
Date: 04-25-2011, 11:38 AM
Parent: #37
Quote: عنكوليب فداسي الزارعنو فوق تراسو
هبالو النسيم واتزرقن فصاصـــــــو
ريقك يمسح اللافنو فوق اكاياســــــــو
|
المسنوح
عوافي
كنا جايين من بدري, بس فيسل كان بفتش للعكاز المضبب داك..
دحين هو واقف استاندباي جنب الباب..
اي عنكبة في البوست ده ولا المدعو عنكو ذاتو حنجيب خبرو
الناس بتاكلوا العنكو اخدر..
بس الوردة... (الواو مكسورة زي كسرة العين)
احي يا الموليتة!!
|
Post: #39
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-25-2011, 04:45 PM
Parent: #38
عادل ود العز
سلام واشواق مطر
| Quote: وها أنت تستحضر سيرة العنكوليب دلالة عن العسل الهش والذي لا يقارن بعسل القصب الصلد الذي ربما يحتاج إلى فأس لعمل شرائح القصب لتصبح و تحاكي فص العنكوليب الهش ,, هي لحظة جعلتني أستحضر أبياتآ لود فراج يجادع فيها رابح الكناني وكان من بادية سنجة عبدالله و التي سحرت العبادي حينما كان هو و سرور ونفر من قبيلة الفن قادمون إلى سنجة وتوقف بهم قطار (سنار التقاطع } وقتها فأقلتهم فيات الأستاذ زين العابدين كوكو إلى سنجة لحضور زواج عمي على نجيلة ومنها خرجت الأغنية الشهيرة (يالسايق الفيات).. |
نعم اخي عادل فدعني اهتبلها سانحة لانقل لكم هنا ما تفضل به الدكتور احمد القرشي عن اغنية السايق الفيات والشاعر الراحل العبادي حيث قال:
Quote: أغنية سايق الفيات للشيخ إبراهيم العبادى لها قصة بروايات مختلفة حيث أورد الأستاذ مبارك المغربي في سفره القيم رواد شعراء الأغنية السودانية إن سرور كان سائقا ومعه أمين نابرى وزين العابدين كوكو وقد تحركوا من سنار إلى سنجة في عربة فيات خاصة عن طريق الرماش ....أما محمد الحسن الجقر فى كتابه روائع حقيبة امدرمان فلقد ذكر أن سرور خرج مع الخواجة مستر برسى لورين المندوب السامي في مصر ا لرحلة صيد في كنفوى من سيارات شركة الفيات العاملة في السودان في ذلك الوقت إلى سنجة ...وتخلف منهم سرور وانضم إلى العبادى والأمين برهان في ضيافة زين العابدين كوكو نائب المأمور و انضم لهم محمد البنا وأمين نابرى وكان سايق الفيات سرور...بينما ذكر معاوية حسن يسن في كتابه الغناء والموسيقى في السودان نفس قصة محمد الحسن الجقر مع إضافة أن العبادى كان يعمل في حسابات المقاولات المرتبطة بأشغال خزان مكوار (سنار) وحلّ عليه الأمين برهان ضيفا فتحركوا جميعا إلى سنجة مع سرور...أما مبارك حسن بركات فلقد ذكر لبرنامج ظلال التلفزيوني إن سرور كان سائقا بشركة الفيات وطلب منه أن يقوم برحلة من سنار إلى سنجة لعمل دعاية للشركة فاصطحب معه العبادى والتقيا في سنجة بنائبي المأمور زين العابدين كوكو وأمين نابرى وواصلا الطريق إلى سنار....والروايات لاتختلف عن بعضها كثيرا ومما لاشك فيه إن العبادى عمل بخزان مكوار والتقى بالشيخ محمد ودالرضى هناك الذي قال قصيدته المشهورة متى مزاري أوفى نذارى واجف هذا البلد المصيف فشطرها العبادى الذي انتابه نفس الإحساس في سنار..المهم ان القصيدة قيلت بين سنار وسنجة والى القصيدة.....
ياسايق الفيات عج بى وخد سنده.....بالدرب التحت تجاه ربوع هنده
*****
أوصيك قبل تبدا سيرك داك .......طريقك سابق الربده
منك بعيد جبده حى هنده.....المراد عج بى ربوع عبده
*****
اطوى الارض واضرع من......افكارنا سيرك يالفيات اسرع
ميل على المشرع لا تريع...........القطيع..... بتجفل الادرع
******
شقا حشا الطريق وأتيمم الحلال....زفنو الكلاب مانالن إلا علال
فاضلات ثواني قلال بينك..........والغروب داك مشرع الشلال
******
شوف سايق الفيات الليله كيفن هاش.......والشجر الكبار بقى شوفنا لينا طشاش
قولي دح وين ماش فارقت.................... الطريق......... أتيا من الرماش
******
يازين الشباب ياطيب الأخلاق......يا أمين الصديق والناس على الإطلاق
من ايدى الصناعة يبعد المعلاق..............انظر للطبيعة ومجد الخلاق
******
شوف النهر مار بخشوع تقول هجسان.......أو مر المنام بى مقلة النعسان
جلت قدرته ما اكفر الانسان.......كم ينسى الجميل ويجحد الاحسان
*******
انزل ياصديق وشوف يد القدرة....شوف حسن البداوه الما لمس بدره
وراد النهر اردونى ما بدرى.......الكاتل الصفار أم نضرة الخضره
******
مانفرن تقول سابق الكلام الفه......عطشان قلت ليهن وصحت البلفه
مافيش كاس قريب قالن دون كلفه........تشرب بكفوفنا لما تتكفى |
| Quote: و جو الناس القبيل عزلو الحلو من قصبنا.. |
نعم نعم نعم يا عادل اخوي كلام ود فراج دا هو البخلي الناس تعرف نبل المقاصد !! من اطلاق مفردة العنكوليبة
| Quote: ولي عودة في شأن عنكوليب ود شيقوق وقصب و عسلية ود فراج .. ودمتم في رعاية الله. |
في انتظارك ولي زمن قانص في الصقيع الاسفيري دا
|
Post: #40
Title: Re: عنكوليب فداسي الزارعنو فوق تراسو هبالو النسيم واتزرقن فصاصـــــــو
Author: الطيب شيقوق
Date: 04-25-2011, 04:49 PM
Parent: #39
عزو
Quote: كنا جايين من بدري, بس فيسل كان بفتش للعكاز المضبب داك..
دحين هو واقف استاندباي جنب الباب..
اي عنكبة في البوست ده ولا المدعو عنكو ذاتو حنجيب خبرو |
زولك دا كان جاء بهنا فلق بدراب و بودي لينا البوست دا الخور
Quote: الناس بتاكلوا العنكو اخدر..
بس الوردة... (الواو مكسورة زي كسرة العين)
احي يا الموليتة!! |
مسنووووووووووح عارفك قاصد شنو بس خليك حريف كدا ارمي الدرابة تحت الحروف علا يدقوها فتاشة عشان يجيبوا خبرها
|
|