لووب المناتلين هِىَ فوق نيلا إنت فوق أم كم السيدح صفية كلاب الامن شيبون مرقد الخنازير يتبع...

أنا من القراء الراتبين لهذا المنبر قبل أن أنتمي إليه. أمبارح بعد تحنيس للنوم شديد، نمت، لكن صحيت مفزوع جداً. السبب كابوس وكان عبارة عن قطعة قماش لونا بوردي وكبيرة جدا مكتوب فيها كلام كتير بالاسود(الكلام مكتوب بي طريقة العنوان والعنوان مؤكد جزء من الكلام). القطعة كانت بعيدة جدا لكن كتابتا واضحة، كانت بتقرب مني شوية شوية و الموضوع عادي "لغدي"* هنا. أها القطعة الكبيرة جدا جدا دي بقت مقربة علي لحدي ما لمس طرفا وشي وبعداك انهالت علي وبدت تتلفلف فيني زي شريط الضغط، بقيت أفرفر لكن مافي فايدة، عدمتني النفس التافـهة وكنت على شفا حفرة من الموت. أها دي اللحظة القمت فيها مفزوع جدا. انا عموما ما زول كوابيس و الزمن الانفقتو في سودانيز اونلاين قبل ما أنوم ما اتجاوز الزمن الكنت بقضيهو فيها قبل كدا. أها بما انكم بقيتو جزء من كوابيسي قلت أحيطكم علما وكدا.

والله يا جماعة و ما طالبني حليفة، القصة دي كانت عصيبة جدا.



______________________________________
لغدي دي كلمة ولفها صاحبا لي زمان (من غير قصد) من كلمتيْ لغاية و لحدي

تنويه هام جدا:

العنوان كُتب بهذه الطريقة لتوضيح الكابوس فقط ولا علاقة له بتقييم الأشخاص المذكورين صراحةً أو ضمناً عبر ما كتبوا.