Post: #1 Title: زفة الرئيس .. و.. الليلة سار يا عشايا !! Author: نادية عثمان Date: 04-21-2011, 09:57 AM Parent: #0
Quote: مفاهيم زفة الرئيس !! نادية عثمان مختار
حال بعض الرؤساء في الدول العربية من حولنا يغني عن السؤال، ولو أخذنا على سبيل المثال الرئيس المصري محمد حسني مبارك نجد أنّ الرجل قد قارب على الموت ( كمدا) من الحال التي أصبح عليها بين عشية وضحاها ، حيث فارق وثير الكرسي، وفارق ( مخدته) وفراشه بريش النعام وهو الآن في حالة مرضية وصحية متردية يوماً بعد يوم، طريح السرير الأبيض في إحدى المستشفيات مثله مثل أي مريض مصري حزين وبائس !! وما بين حال الرجل اليوم وحاله بالأمس وقفت أتأمل كيف نستقبل ( نحن الشعوب) رؤساءنا وكيف نودعهم !! في الغالب تستقبل الشعوب الرؤساء بالفأل الحسن والتفاؤل والبشارة والغناء والأهازيج والزغاريد بحسبان أنّ الرئيس الجديد هذا وكأنّه (المهدي المنتظر) الذي سيريح البلاد والعباد من كل المشكلات ويوفر للمواطنين كل سبل الراحة والرفاهية والهناء ولكن !! أذكر على سبيل المثال أنّ الرئيس عمر البشير وعلى الرغم من أنّه جاء بانقلاب عسكري إلا أنّ بعض الشعب هلل لمجيئه واستبشروا خيراً وفرحوا بالقادة الجدد بحسبان أنّهم ( المنقذون) وأنّ (ثورتهم) هي المُخلّصة للشعب من فوضى الأحزاب وفسادها وتخبطها آنذاك؛ بحسب اعتقاد البعض في ذلك الوقت!! وأذكر أنّ الفنان كمال ترباس كان قد ظهر بشكل (عاجل) على شاشة التلفزيون القومي؛ ولا أدري متى نظم الشاعر تلك الكلمات ومتى تم تلحينها وتوزيعها وتجهيزها للغناء على الشاشة البلورية؛ ووقف الفنان ترباس مغنياً ( هبت ثورة الإنقاذ.. يوم الجيش للشعب انحاز)..! وكانت سرعة الرجل في غناء هذه الكلمات قد أفرزت ظناً وحديثاً مازحاً بوصف ترباس وكأنّه أحد مُنفذي الثورة وقادتها الأشاوس..!! و يبدو أنّ الفنان صاحب الصوت الجميل كمال ترباس مثله مثل الكثيرين توسم الخير الوفير للوطن والشعب على يد الحكومة الجديدة في ذلك الزمان ولا أدري إن كان مازال ( ثابتاً) على تفاؤله ذاك أم أنّ رأيه قد اختلف الآن بعد موجة الثورات وأنفلونزا المطالبات بإسقاط الحكومات التي تجتاح الدول العربية في الوقت الراهن بما في ذلك المطالبة بإسقاط حكومتنا ؟!! واقع الحال الآن أنّ الشعوب تململت من حكامها وانتهجت نهج التغيير والإصلاح وتبدّل ميزان القوى من الحكام للمحكومين..!! لم تعد الشعوب تخاف من حكوماتها ولم يعد البطش يهمها، بل إنّه يزيدها إصراراً على مواصلة النضال لتحقيق الأهداف المشروعة التي تضمن حياة كريمة لها وللأبناء والأحفاد من بعدها..!! الشعوب صارت هي التي تمنح وتأخذ من حكوماتها وليس العكس.. الشعوب هي التي تعطي الحكومات شرعيتها ، وهي التي من حقها إبطال مفعول هذه الشرعية والمطالبة بالتغيير وفقاً لما يريده الشعب..! ومثلما تزفّ الأمهات أبناءهنّ (بالعديل والزين) لعوالم السعادة، أيضاً تزف الشعوب الرؤساء والزعماء وحتى الملوك إمّا للتربع على عروش الحكم وسدتها، وإمّا لغياهب السجون وظلماتها..!! والليلة سار يا عشايا...!! ( نقلاً عن أجراس الحرية)
Post: #2 Title: Re: زفة الرئيس .. و.. الليلة سار يا عشايا !! Author: محمد مصطفي مجذوب Date: 04-21-2011, 10:26 AM Parent: #1
Quote: والليلة سار يا عشايا
العزيزه ناديه انا عندي keyboard (مصلط) وانا عشان بعد العيشه في اروبا زي تلاتين صنه بقيت زي المصتشرقين ..جلدي تخن و لصاني بقي عريض ... دايما بقلب حرف (الصين) صاد عشان كدي ظينتك بتقولي (الليله صار ...........! ) ما ياهو؟ ....
حكاية (عشايا) دي يا بت عثمان .. ما ركبت في دقنوصي ده .. عشان انا بفتكر انها هي الخلت (الرؤصاء ) وناص كشا مشي البتعزمهم شعوبهم فطورا بدري ... بجوهم عشا .. هي البتقلب الموازين وتخلي كتير من (الرؤصاء) يفكروا بي نظرية (جوع ك ل ب ك ...يتبعك ) ويقوموا هم ومصتشارينهم اولاد المصارين البيض يتغدوا بالشعوب قبال الشعوب ما تتعشي بيهم لكن بيني وبينك قالوا (ا ل ك ل ب) اكان جاع .. ياهو الدايما وابدا بعضي الليد الخانقاهو ... لكم مين يقرأ ومين يصمع
ناديه اختي
الفهم قصمة من الله يا بت الناص ...دحين بي قولة (الليله ...صار) دي .. انتي دايره تقولي (الريص) بدور يتلت واللا شنو؟ قولي ليهو يا زول اعمل حصابك .. قالوا التالته واقعه
يديكي العافيه يا بت عثمان
Post: #5 Title: Re: زفة الرئيس .. و.. الليلة سار يا عشايا !! Author: نادية عثمان Date: 04-21-2011, 12:36 PM Parent: #2
أستاذ محمد مصطفى
حبابك ملايين والله
Quote: الفهم قصمة من الله يا بت الناص ...دحين بي قولة (الليله ...صار) دي .. انتي دايره تقولي (الريص) بدور يتلت واللا شنو؟ قولي ليهو يا زول اعمل حصابك .. قالوا التالته واقعه
ههههههههه
السؤال هو التالتة ( وأقعة) وين ؟
تسلم وربنا يسلم بلدنا يارب
Post: #3 Title: Re: زفة الرئيس .. و.. الليلة سار يا عشايا !! Author: Elmosley Date: 04-21-2011, 11:35 AM Parent: #1
ا
Quote: وتوزيعها
يا جميل دي دوشة البوتيك ولا شنو
Post: #4 Title: Re: زفة الرئيس .. و.. الليلة سار يا عشايا !! Author: محمد مصطفي مجذوب Date: 04-21-2011, 12:17 PM Parent: #3
جدو موصلي الكاسر فيني ضلعه .. انو دايما وجهك صبوح ومنور وابتسامتو العريضه ... طال الزمن تب ما بتتغير كيفك يا احلي الناس ...وكيف الدنيا معاك؟ والله زمان .........!
Post: #6 Title: Re: زفة الرئيس .. و.. الليلة سار يا عشايا !! Author: محمد مصطفي مجذوب Date: 04-21-2011, 01:06 PM
ناديه يا ست البنات سؤال
Quote: هو التالتة ( وأقعة) وين ؟
يا زوله ...الله غالب ...والزارعا الله ..اكان جري واللا اكان طيران ..فوق شارع الظلط تقوم
والمكتوب علي الجبين يا بت عمي لا بد تراه العين ومحل ما ترسي تمسي .. اصلو النبي عربي والسعوديه من زمان قالو حجة وزوغه ما ياهو؟
Post: #12 Title: Re: زفة الرئيس .. و.. الليلة سار يا عشايا !! Author: نادية عثمان Date: 04-22-2011, 08:57 AM Parent: #6
ود مصطفى
حبااااااابك
Quote: والمكتوب علي الجبين يا بت عمي لا بد تراه العين ومحل ما ترسي تمسي .. اصلو النبي عربي والسعوديه من زمان قالو حجة وزوغه ما ياهو؟
ههههههههه
ياهو وخصوصا السعودية زمان كانت الزوغة فيها فرض عين لكن هسي باقيلك بقت زي زمان ؟!
عايزنا نرجع زي زمان قول للزمان أرجع يا زمان ماياهو ؟
Post: #8 Title: Re: زفة الرئيس .. و.. الليلة سار يا عشايا !! Author: Elmosley Date: 04-21-2011, 03:33 PM
الحبيب مصطفى وينك انت ياخ نعلك في لندن عشان عندي فكره اجي هناك واكمل دكان ناس سيف بشير ديل كيري ساكت مودتي ومشتاقين والله
Post: #13 Title: Re: زفة الرئيس .. و.. الليلة سار يا عشايا !! Author: نادية عثمان Date: 04-23-2011, 00:47 AM Parent: #8
Quote: الحبيب مصطفى وينك انت ياخ نعلك في لندن عشان عندي فكره اجي هناك
أنا ذاااااااتي ماشة لندن سمح؟
Post: #11 Title: Re: زفة الرئيس .. و.. الليلة سار يا عشايا !! Author: نادية عثمان Date: 04-21-2011, 10:42 PM
Quote: الكاسر فيني ضلعه .. انو دايما وجهك صبوح ومنور وابتسامتو العريضه ... طال الزمن تب ما بتتغير
والله صدقت ربنا يحفظه أبو هديل الغالي يارب
Post: #7 Title: Re: زفة الرئيس .. و.. الليلة سار يا عشايا !! Author: نادية عثمان Date: 04-21-2011, 01:41 PM Parent: #3
