Post: #1
Title: حتى لو كره الباشمهندس ومنبره البرشلوني ..
Author: طلحة عبدالله
Date: 04-21-2011, 08:00 AM
كلما تكتب الر يال تنكمش تبقي زي كيس النايلون الهبشتو نار ..
دا شنو يا باشهمندس ياخ ..
خلي عندك اخلاق رياضية والكورة غالب ومغلوب ..
مافي داعي للحركات دي ..
المهم عايز أقول ليك :
رغم التحجيم فسيظل
ال ر يال هو الر يال
ومع الفريق الملكي مش ح تقدر تغمض عينيك
وكأس الملك ملك حر لزملاء الكوبرا كريستيانو رونالدو
والملوك وحدهم من يصافحون الملك خوان كارلوس والملكة صوفيا ...
ورررووك وعيك عوك
اولييي أوليييييي
أوليييييي أولييييي
يتبع ..
|
Post: #2
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-21-2011, 08:09 AM
Parent: #1
وبالمناسبة ذهاب واياب دوري أبطال اوربا يوم 27 أبريل و3 مايو برضو
ح نعمل ليكم موية ضهر ونطقطقكم والشمس حية ..
قال بارسا قال
اها حجبات ميسي دا كشفناها وأبطلنا مفعولا تاني إلا تغلبونا غلاط ساي
والفكي بتاعنا حرم ياكل الكباية ويخلي الشاي واقف في الهواء براهو
الله ورقبتو ..
يتبع ....
|
Post: #3
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-21-2011, 08:12 AM
Parent: #2
إرتفع لأعلي ..
|
Post: #4
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-21-2011, 08:26 AM
Parent: #3
طبعا فوز الر يال بالكأس دي منح الملك مورينيو لقب أول مدرب يفوز بلقب الكأس
مع أربعة فرق من بلدان مختلفة كما فعل مع بورتو البرتغالي سنة 2003 ومع تشلسي الانجليزي
سنة 2007 ومع الإنتر الإيطالي سنة 2010 وأمس مع الر يال
والحال هكذا فأكيد أكيد الزول الإسمو مورينيو دا مخطط انو يكون أول مدرب في التاريخ يفوز
بلقب دوري أبطال أوربا مع ثلاتة أندية من دول مختلفة بعدما حقق اللقب أول مرة مع بورتو البرتغالي
سنة 2004 وتاني مع إنتر ميلان الإيطالي سنة 2010 برضو .
عشان كدا يا باشمهندس وكل البرشلوناب تعالوا يوم 27 مردفين ساي لأنو جالدنكم جالدنكم ..
يتبع ..
|
Post: #5
Title: Re: حتى لو كره الباشمهندس ومنبره البرشلوني ..
Author: GamarBoBa
Date: 04-21-2011, 08:27 AM
Parent: #2
يا طلحة
برشلونة يتعادل مع الريـال مرة ما مشكلة...يتغلب مرة ما فرقت
لكن يتغلب ليكم المرات الجاية دي صعبة
ابيدال وغيابه والدفاع فيه اشكال صغير
امس برشلونة لعب كورة محترمة جدا
انا قوارديولا قاعد اقول انه عنصري وهو عنصري مما فك ايتو ويايا توريه انا مكجنه
لكن المباريات الجاية حقت برشلونة
بالمناسبة اصلا الكتلونيين من بدري بقولوا انو كاس المكل ده ما بنعترف بيه..لكن بنحب نشيله
_
الليقا كيف؟؟
|
Post: #6
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-21-2011, 08:34 AM
Parent: #5
قمر بوبا يا برشلونابي صهيوني كاره لواقع فريقو بتاع اللاعب الواحد
يا زول ما تغالط ساي يوم 27 راشنكم راشنكم .
|
Post: #7
Title: Re: حتى لو كره الباشمهندس ومنبره البرشلوني ..
Author: ياسر بيناوي
Date: 04-21-2011, 08:37 AM
Parent: #5
| Quote: ومع الفريق الملكي مش ح تقدر تغمض عينيك |
والله ياطلحة الليلة نظرت في سقطي
انا كنت مفتكرك من الناس البيعرفوا كورة صاح الصاح
لكن للاسف طلعت زيك وزي حبيب نورة
ياخي ستين الف مرة قلنا ليكم الريال دا مريخ اسبانيا
( صابر ديمة ) كل سنة يلم النجوم وما يقدر يعمل حاجة
هسه عليك الله قون رونالدو دا مازكرك ساكواها
عموما هنيئا لكم الفوز الذي يأتي كل سبعة سنوات
وغااااااااااااااااااااااااااااااااغ بالاسبانية
خالص الود
|
Post: #8
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-21-2011, 08:56 AM
Parent: #7
بيناوي يا حبيب
البوست دا عملتو مكاجرة ساي عليك الطلاق ..
انا والله الكورة الاسبانية دي غير المنتخب ما بشجع فيها أية حاجة
لكن دخلت البوست بتاع عمر اللايوق لقيت لي تلاتة أربعة كدا بشجعوا
برشلونة فطوالي بقيت أشجع الر يال كيتا في التلاتة أربعة ديل ..
المشكلة أنو جيت اعمل بوست عن الر يال لقيت أنو كلمة الر يال
لما تكتب حروفا ملصقا بتنكمش زي ما هو حاصل في العنوان بتاع
بوست ود الفاروق ..
اها الحركة دي زادتني إصرارا عن المكاجرة .. 
|
Post: #9
Title: Re: حتى لو كره الباشمهندس ومنبره البرشلوني ..
Author: طارق جبريل
Date: 04-21-2011, 08:56 AM
Parent: #7
يا طلحة كيفنك
برشلونة امبارح لعب كورة قمة في الرقي
برشلونة كان بيلعب كرة قدم والريال بيلعب كرة يد
معقولة فريق بيدافع بـ12* لاعب 120 دقيقة
ــــــــــــــ
* حتي جمهور الريال كان مدافع
|
Post: #10
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-21-2011, 09:12 AM
Parent: #9
سلامات يا طارق جبريل
وياخي الر يال دا خلاص كشفن نومتكم وتاني كونو تغلبوهو ولا حتى في أحلامكم
معتمدين على فرد زول والحمدلله أمبارح الحاجة الرابطا فوق ضراعو دي جبنا
الفكي بتاعنا البياكل الكباية ويخلي الشاي واقف براهو في الهواء وإنتهي
منها ..
تاني تشموها زي ريحة الجبنة البكر وما نديكم إلا التنى*
* الجبنة البكر والتنى دا كلام كبار على ناس نوبي والفاروق وتامبا وجرجير ..إلخ شلة الحناكيش .
|
Post: #11
Title: Re: حتى لو كره الباشمهندس ومنبره البرشلوني ..
Author: ياسر بيناوي
Date: 04-21-2011, 09:22 AM
Parent: #10
يا حبيبنا بطل مكاجرة والحق نفسك من بدري
الجماعة ديل ماتشوفم كدي ما بيقدموهو والله
بعد 10 بس تلقاهم رجعوا لي نغمة نهواه في كل الظروف
وعاين كلام قمر بوبا دا ما تديهو الواطا
Quote: بالمناسبة اصلا الكتلونيين من بدري بقولوا انو كاس المكل ده ما بنعترف بيه..لكن بنحب نشيله
|
يعني الكاس الشالوهو دا
زي كاس السودان ههههههههههههههه
خالص الود
|
Post: #12
Title: Re: حتى لو كره الباشمهندس ومنبره البرشلوني ..
Author: GamarBoBa
Date: 04-21-2011, 09:29 AM
Parent: #10
طارق جبريل...طلحة شابكنا فريق اللاعب الواحد وهم كريستانيو ودي ماريا واوزيل بس...باقي الريـال فكة ساي
ياخي ميسي عنده ميزة غير لعبه السمح والانجاز لازم يوتر الخصم..بعد داك شوف انيستا شافي بيدرو
فيا امس كان برة الفورمة تماما...من بدري لو كان طلع فيا وختا اي زول بدله كان انجز..ما كان يومه
|
Post: #13
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-21-2011, 10:16 AM
Parent: #12
يا بوبا Quote:
طلحة شابكنا فريق اللاعب الواحد وهم كريستانيو ودي ماريا واوزيل بس...باقي الريـال فكة ساي
|
الظاهر عليك وبي كلامك دا صحيت عمالقة عشاق الفريق الملكي ..
هاك دا رد من الحبيب عبد اللطيف بكري أحمد :
Quote: رغم التوقف عن المشاركة بالكتابة إلا أنني أتابعك قراءةً ولك الشكر على
بوست الريال
عليك الله ترد علي قمربوبا البقول الريال فريق اللاعب الواحد ووقول ليهو
هاك دي تشكيلة تاني لريال مدريد جيب لينا تشكيلة تانية لبرشلونة:-
دوديك
اربلوا ء-- غاراي ء--- البيول --- راموس
كاكا - لاس غرانيرو
هيجوايين -- كناليس
بنزيما
--
لو محتج علي ظهور راموس ممكن يرجع لاس في مكانه ويدخل أي من
اللاعبين بيدرو ليون ، او غاغو
الريال الان بفضل اصرار اللمدرب علي تعاقدات الشتاء ممكن يلعب
مبارايتين في وقت واحد
اما البارشا واله لوغاب ميسي بقية مبارياتهم يخسروها جميعها
سلام ياحبيب وممكن تززززيييع |
يا اخوانا ما تكابروا ساي ..
|
Post: #14
Title: Re: حتى لو كره الباشمهندس ومنبره البرشلوني ..
Author: طارق جبريل
Date: 04-21-2011, 10:43 AM
Parent: #13
يا بوبا ياخي لعب انيستا وزافي براهو متعة
خليك من ميسي
طلحة دة مستغرب كيف يشجع المريخ والريال
دة انفصام عديل كدة
مفروض مع الريال دة يكون بيشجع الهلال
|
Post: #18
Title: Re: حتى لو كره الباشمهندس ومنبره البرشلوني ..
Author: ياسر بيناوي
Date: 04-21-2011, 02:29 PM
Parent: #14
Quote: دة انفصام عديل كدة
مفروض مع الريال دة يكون بيشجع الهلال |
والله الانفصام تراهو البسوي فيهو انت دا يا ود جبرين
هسع عليك الله قون امبارح دا ما زكرك قون سكواها الماسورة
وفرحة الريالاب بكاس السودان اقصد كاس الملك ما زكرتك فرحكم لمن تشيلوا كاس السودان
والله امبارح جاني احساس انو رئيس الريال حيفكر ينظم سيكافا بتاعة جنوب غرب ووسط اوربا
ياخ اقول ليك حاجة
غااااااااااااااااااااااااااغ بالاسباني
خالص الود
|
Post: #15
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-21-2011, 10:44 AM
Parent: #13
بيناوي يا حبيبنا
الر يال هو الريا ل
اتحزموا يا برشلوناب ..
التوالي جائي اعتبارا من يوم 27 أبريل و3 مايو وانت ماشى
|
Post: #16
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-21-2011, 11:10 AM
Parent: #15
بالعكس يا جبريل
المريخ والر يال وجهان لنجم واحد
كلاهما فريق الثراء والنعيم والبطولات والإنجازات
وكلاهما له ذات الخصائص النادرة ..
لهما عفنوان الحليم إذا غضب
وهوجة العواصف اذا هبت
ونقص القادرين على التمام ..
|
Post: #17
Title: Re: حتى لو كره الباشمهندس ومنبره البرشلوني ..
Author: محمد البشرى الخضر
Date: 04-21-2011, 01:31 PM
Parent: #16
ياخي ما تقوم تلف كدي ولاّ كدي
علي اليمين امس في لقطة كدا في الشوط التاني حارس برشلونة مرق لي كورة قصيرة و رجعها بكل استهتار للمدافع وداك بنفس الطريقة و مهاجمينك دي يتراوشوا وعملو فاول حسيت زي كانو تريعة البجا لاعبة مع الهلال تقول لي ريـال و عشرة بقرش
قوم لف بلا ياخد تنظيرك الما منو نكهة دا
|
Post: #19
Title: Re: حتى لو كره الباشمهندس ومنبره البرشلوني ..
Author: GamarBoBa
Date: 04-21-2011, 02:38 PM
Parent: #17
يا طلحة..السلام أمان بلغ تحياتي وسلامي الشديد لعبد اللطيف ومعاها تبريكات فوز الريال علينا (خلي كلمة الريال مكرفسة كدة في الكتابة)
قول ليه لو احترمت فريق الريال بحترمه عشان شجعه زول في قامتك وادبك واختلافك مع الناس بكل احترام
قول ليه ياخي، في ناس قلت ادبا فينا عادي وبلا سبب حقنا جانا لحدي عندنالانو ما بنغلط بسهولة..ارجع اكتب وناصر مغلوبين السودان بالكلمة ما تتوقف عن الكتابة بالشكل المثالي كدة وطوالي.
قال تشكيلة تانية قال..هو وينو كاكا شفاه الله من الاصابة المزمنة،هيقوايين الراجع زايد 16 كيلو..هم وين...طيب جايبين اديبايور لشنو لو دكة احتياطيكم عامل كدة التقول بيدرو في دكة الاحتياط ؟؟التقول الفريق الملكي ده نافع في حاجة..بس عندكم مدير اسمه مورينو..ده انجح لاعب عندكم.
_
ياخ ود البشرى ده بالجد مريح في كتابته
لكن متوقع ينتمي لحزب الامة قريب 
|
Post: #20
Title: Re: حتى لو كره الباشمهندس ومنبره البرشلوني ..
Author: عبدالعزيز الفاضلابى
Date: 04-21-2011, 02:55 PM
Parent: #19
سلامات يااستاذ طلحة
كنت داير اقول ليك : فى انتظار ودالبشرى لكن تراهو جاء والبوست انعدل.
غايتو انت وود البشرى ده زى الطردة ... خايفو يقوم يسميك تلحة بدل طلحة.
رايك شنو فى البارسا فى الشوط التانى ياطلحة.
|
Post: #21
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-21-2011, 08:45 PM
Parent: #20
يا بوبا عبداللطيف قبل ما أرد ليهو بلغتو الكلام القلت اوصلو ليهو دا رغم أني لغاية هسع
ما عارف الخلاهو يقيف شنو .. لكن حقيقة عبد اللطيف راجل شفيف وطيب وأخو أخوان وما شفت منو
غلط على زول هنا وأرجو والله أن يرجع اللحظة والتو لانو حقيقة إفتقدناه ..
باقي كلامك عن الريال بلو وأشرب مويتو .
.....................
واضح أنو الباشمهندس العزيز بكري صلح الحكاية لأنو كلمة (ريال) بقت ما بتتكرفس زي الأول
شكرا يا باش مهندس والآن فقط تأكدت أنك ريالابي تخين .
|
Post: #22
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-21-2011, 09:16 PM
Parent: #21
جرجير
لو جائى من لفة أخد ليك واحدة تانية ابوي انا
|
Post: #23
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-22-2011, 07:43 AM
Parent: #22
يا فاضلابي
ما عليك من جرجير دا فهو زول جرجير ساي كما انه جرجير ..
البارسا في الشوط الثاني زي البارسا في الشوط الاول ويوم 27 أبريل و3 مايو الجايات
لاعبم الواحد دا الجماعة يكتفوهوا وباقي الفريق يقعد كنب ..
البارسا حضارة سادت ثم بادت ..
البارسا ببح يا حبيب .
|
Post: #24
Title: Re: حتى لو كره الباشمهندس ومنبره البرشلوني ..
Author: Ashraf el-Halabi
Date: 04-22-2011, 08:03 AM
Parent: #23
Quote: كلما تكتب الر يال تنكمش تبقي زي كيس النايلون الهبشتو نار ..
دا شنو يا باشهمندس ياخ .. |
تصدق يا طلحة أمس كنت عايز أفتح بوست بخصوص كششان الريال دا!
على ما أظن المشكلة ما سستم بكري
لأنو عندي في الشغل على ويندوز اكس بي ما في مشكلة وفي البيت على ويندوز 7 بتظهر المشكلة دي
يعني ما عند كل الناس
إنتا شغال على ياتو ويندوز؟
يا معاوية ألحقنا
|
Post: #25
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-22-2011, 08:26 AM
Parent: #24
هلا يا أشرف
الظاهر كلامك صاح لأنو أنا من أمس باليل شغال بجهازي في البيت وبكتب ريال بتطلع زي ما رصاها الكيبورد
لكن قبلها لما كنت شغال بجهاز تاني في مكان آخر كانت الكلمة بتنكمش زي كيس النايلون الهبشتو نار
ولاحظت لى كم زول هنا بعاني من نفس المشكلة .
|
Post: #26
Title: Re: حتى لو كره الباشمهندس ومنبره البرشلوني ..
Author: محمد البشرى الخضر
Date: 04-22-2011, 10:08 AM
Parent: #25
| Quote: إنتا شغال على ياتو ويندوز؟ |
اشرف شنو يعني الاسئلة المحرجة دي
تنظير شن عرفو كمان بالوندوز و الامور دي
هو ما كتر خيرو العرف يشغل الكمبيوتر اصلا
|
Post: #27
Title: Re: حتى لو كره الباشمهندس ومنبره البرشلوني ..
Author: أمين محمد سليمان
Date: 04-22-2011, 02:42 PM
Parent: #26
الأخطبوط المدريدي ، سلام يا صاحب
(ملكيون) أكتر من الملك !!
المجد للريال و العار - كل العار - لانفصاليى كاتلونيا ..
|
Post: #28
Title: Re: حتى لو كره الباشمهندس ومنبره البرشلوني ..
Author: طلحة عبدالله
Date: 04-22-2011, 08:31 PM
Parent: #27
هلا والله بالبروفسور أمين
وصدقني كانت رأسية رونالدو في نهائي كأس الملك بداية النهاية لعهد الهيمنة الكاتلونية غير المستحقة
في الفترة السابقة .
إنكشف المستور وعرف الريالاب من أن أين تؤكل كتف البارسا فريق اللاعب الواحد ..
بعد ذلك لن يتعب مدرب الفريق الملكي نفسه كثيرا في وضع الخطط التى يواجه بها هذا الفريق..
كل ما عليه هو إصدار توجيهاته بوضع العفريت المدعو ميسي تحت الرقابة اللصيقة وإنتهي الفلم .
|
|