لماذا تاخر الاستاذ محمد ابراهيم نقد عن الاجتماع بدار حزب الامة امس ؟؟

اوردت صحيفة الوان في عددها اليوم ما يلي ..

انتظر رؤساء القوي السياسية طويلا امس مقدم سكرتير الحزب الشيوعي السوداني محمد ابراهيم نقد
وذلك لحضور اجتماعهم بدار حزب الامة القومي ..وبعد طول انتظار ..!اتضح ان الزعيم الشيوعي يحتاج
الي وسيلة مواصلات ..ولم يتوان القادة الذين حضروا ومن بينهم السيد الصادق المهدي في ارسال عربة
خاصة له في منزله واحضاره الي دار حزب الامة لحضور الاجتماع الذي وصفه احد قيادات القوي السياسية
بانه الانجح منذ تكوين تحالف قوي الاجماع الوطني ..اذ انه بدأ كما قال محدثي ..تجاوز واضح لخلافات كثيرة
كانت دائما ما تكون عائقا امام الخروج برؤية موحدة وقوية في القضايا المطروحة ...
واحدهم علق علي حكاية نقد امس بانه شيوعي قولا وفعلا !.

اخوتي واخواتي الكرام استاذنكم واستاذن قبلكم عضوية الحزب الشيوعي السوداني علي امتداد الوطن وخارجه ,,
في ان نتبني حملة حملة لشراء عربة لزعيم الحزب الشيوعي الاستاذ نقد ,,ليس فقط لانه لايملك عربة وليس لانه زعيم الحزب
الشيوعي ولكن لانه سوداني مهموم بقضايا الوطن منذ نعومة اظافره ولم يجد وقتا ليهتم بنفسه وحاله ليجمع مالا ولا
ليبني بيتا ,, بل كان اهتمامه هو انسان هذا السودان سعيا لرفعته واعلاء لشانه ...
وكم اسفت عندما طالعت ما اورته لكم في هذا البوست الا يجد نقد عربة توصله الا ان ترسل له من زعماء اخرين !!
قد تختلف ظروف كل واحد منهم في امتلاك عربة ولكن اجد من العيب الا نسعي نحن جزء من هذا الشعب لشراء سيارة لرجل في
قامة الاستاذ نقد ..عن نفسي انتظر موافقة من طلبت موافقتهم ومشاركتهم لي الراي هذا ومن بعد ذلك ما اسهل ان نشتري هذه
السيارة ...
دمتم اخوتي بخير .. ولمزيدمن التواصل [email protected]

الاقتراح هو شراء عربة للاستاذ نقد ..
المقترحات يااهل المشورة ..

العزيز عوض مسلمى
وهو لكن نقد قال ليكم ما عندو سيارة عشان ما عنده قروش ؟؟؟؟
ونقد لو كان داير يركب سيارة باى طريقة تفتكر كان بتكون ما عنده ؟؟
مع احترامى يا عوض فالفكرة يغلب عليها منطق ناس الكرين ...
انو العربيه قروش ...

دا اذا افترضنا جدلا صحة الكلام الذى اوردته الوان ..
لانو هسه فى صحيفة جمبى قالت نقد لم يحضر الاجتماع غاب عنه
يعنى لا جاء فى الميعاد ولا متاخر ..
وبرضو كلام الوان ما صحيح لانى بى عينى دى شفت اكتر من مرة
نقد سايق براااهو ولو طلع دا ما ياهو يبقا انا فاكاها فى روحى
ساى وما بعرفو .. الله يستر ما يطلع مابسوق ذاتو .. وتطلعونى كذابه

غايتو ما بمنعكم لموها التبرعات لكن هو ح يمقلبكم ويديها لى
ناس الميدان يحلحلو بيها مشاكلهم كعادتو دايما فى الايثار على نفسه ..












ــــــــــــــــ
هسه انا ياعوض لما قريت عنوانك دا قايلاك داير تقول
نقد اتسدا فى الاحزاب وعايز يقول ليهم اها المرة
دى حضرتوا ولم تجدونى ... واحده بى واحده !

هذا ما يعرف في الفقه الإسلام بـــ (( المن والأذي ))


ليت أحد المشايخ بالبورد كتب وفسر لنا الآية 264 من سورة البقرة ...

شكرا جعفر بشير علي سؤ الظن بي ..

اهلا دينا ..
يا زولة انا قصدي خير ويمكن زي ما قلتي نظرة السوق واثرها في النفس ..
تاني شئ والله كتبت هذا الكلام من جوة ولا شكورا الا فقط اريد ان نعلي شأن قائد من قادتنا سواء اختلفنا معه او اتفقنا ..
اذا ما محتاج عربية وعنده فعلا قروش عربية وانتوا يا ناس مكة ادري بشعابعها خلاص نعمل زوغبير

Quote: هسه انا ياعوض لما قريت عنوانك دا قايلاك داير تقول نقد اتسدا فى الاحزاب وعايز يقول ليهم اها المرة دى حضرتوا ولم تجدونى ... واحده بى واحده !

لوووووول ..فاتت علي المرة دي ,,كانت فعلا ستكون رسالة ابلغ هههههه

سلامات يا مسلمي

انا بشكك في صحة الخبر لانو نقد ده من اكتر السودانيين إنضباط في مواعيدو العادية ناهيك عن مواعيد الاجتماعات المقدسة
لكن الجميل في الموضوع هو إهتمام المختلفين مع استاذ نقد في الرأئ لكن متفقين في وطنيتو و نضافة يدو و حرصو علي البلد
انا شايف انو ده اهم جانب في البوست كلو انو حتي المختلفين مع نقد بحترموهو و بسمعوا ليهو و حريصين علي وجودو في كل الملمات
البتهم البلد.
فياخي شكرا ليك و شكرا للاستاذ نقد و شكرا للحزب الشيوعي الذي جعل ذلك ممكنا

موضوع العربية ده كدي واصلوا فيهو و انا مؤيدو معاكم بالمناسبة و دي حا تكون لفته جميلة انو سودانيين ( ليس لهم علاقة بالمؤتمر الوطني )
يتبنوا حملة و حملات من اجل تثمين ادوار قادة سياسيين او اكاديميين او فنانيين او .. الخ في هدايا عينية قد يكونوا ماليا ما محتاجين ليها لكنها
فقط تعبير عن تقدير السودانيين لهؤلاء القادة.


شكرا يا مسلمي

Quote: لكن الجميل في الموضوع هو إهتمام المختلفين مع استاذ نقد في الرأئ لكن متفقين في وطنيتو و نضافة يدو و حرصو علي البلد

ود الخلاني اقترح شراء عربة للاستاذ نقد يا خدر اخوي ...

Quote: موضوع العربية ده كدي واصلوا فيهو و انا مؤيدو معاكم بالمناسبة و دي حا تكون لفته جميلة انو سودانيين ( ليس لهم علاقة بالمؤتمر الوطني ) يتبنوا حملة و حملات من اجل تثمين ادوار قادة سياسيين او اكاديميين او فنانيين او .. الخ في هدايا عينية قد يكونوا ماليا ما محتاجين ليها لكنها فقط تعبير عن تقدير السودانيين لهؤلاء القادة.

وباذن الله نواصل ولا نتوقف حتي نصل بهذا المقترح الي نهايته ..
علي الاقل رد جميل لكبارنا ..

Quote: بى عينى دى شفت اكتر من مرة نقد سايق براااهو ولو طلع دا ما ياهو يبقا انا فاكاها فى روحى ساى وما بعرفو .. الله يستر ما يطلع مابسوق ذاتو .. وتطلعونى كذابه

ياهو زاتو بلاقيهو كتير خلاص يا دينا اول مره وتاني مره كنت برفع يدي بسلم عليهو حركات السلام على المشاهير ديك لمن الموضوع بقى كتير بقيت ما بقبل عليهو قلته الشيوعين ديل مهجسين اسي يفتكرني راصدو ولا حاجه سايق براهو (لانسر) و طواالي قزازو فاتح بالضرورة معناها ما بشغل مكيف بنفس منطق ناس الكرين معناها ما عندو حق بنزين للمكيف

Quote: الاقتراح هو شراء عربة للاستاذ نقد .. المقترحات يااهل المشورة

شيخ العوض بما إنو طلع عندو عربية بقترح انو نغير ليهو لون بوهية عربيتو للأحمر

Quote: يتبنوا حملة و حملات من اجل تثمين ادوار قادة سياسيين او اكاديميين او فنانيين او .. الخ في هدايا عينية قد يكونوا ماليا ما محتاجين ليها لكنها فقط تعبير عن تقدير السودانيين لهؤلاء القادة.

اقصد الاكاديميين و القادة السياسيين .. الخ قد يكونوا ما محتاجين ماليا لقيمة الهدايا دي

اهلا مورتا والف حبابك ومنورنا ..

Quote: سايق براهو (لانسر) و طواالي قزازو فاتح بالضرورة معناها ما بشغل مكيف بنفس منطق ناس الكرين معناها ما عندو حق بنزين للمكيف

فرصة ياشامية رشوا ناس الكرين لمن يقولوا الروب

Quote: شيخ العوض بما إنو طلع عندو عربية بقترح انو نغير ليهو لون بوهية عربيتو للأحمر

طالما انه عنده عربية فانا خلاص اقتراحي شكله حيفقد معناه ,,ولكن بناء علي كلام خدر اري نستمر في الحملة ولتكن اظهار تقدير لكبارنا ..
ويا مرتضي تغيير اللون عليك انت

يا سلام يا العوض المسلمى على الروح الجميله التى كتبت بها البوست ..
ومحمد ابراهيم نقد يخص كل السودانيين ..
والحزب الشيوعى ليس حكرا على أحد .. ملكيه عامه للشعب السودانى

جوهر ما خلصت اليه من حكاية ألوان ..
ان ممارسة السياسه فى السودان .. ليست فى مطلقها قذره
وان هناك ما قد يسمى ب " السياسه " النزيهه والنضيفه والعفيفه ..
بحيث يبقى من يمارسها طاهر اليد واللسان والروح كاستاذنا نقد ..

أتفق مع "دينا" أن المسأله ليست فى شراء عربه لمحمد ابراهيم نقد ولكن فى النضال من أجل وطن يتمكن فيه سكرتير الحزب الشيوعى من ركوب المواصلات بطريقه محترمه تضمن وصوله للاجتماعات ..

شكرا يا عزيزي ..
شكرا جزيلا ..

الاخ مسلمي
تحياتي
ارجو ان تذهب للمركز العام للحزب
وتقول اقتراحك مباشرة للاستاذ نقد وان تنقل لنا رد الاستاذ نقد هنا .
معظم ظني انه سيرفض العرض ...
سبق ان عرض صلاح ادريس بل اشترى سيارة لمحجوب شريف رفضها محجوب بكل لطف ..
وقال له ان اردت التبرع فتبرع للحزب .. فاختفت العربة !!
تبرعوا للحزب
نقد ماعندوا مشكلة مواصلات
لك احترامي

اثمن غاليآ مداخلة خدر ومداخلة المشرف
أحيي الرجل البركة عوض المسلمي على مبادرته وعلى روحه
أطور الإقتراح : ان يستمر في حملة جمع التبرعات مع توسيعها وتغيير اسمها وغرضها
لتكون حملة لدعم الميدان لتصدر يوميآ وتعوض خساراتها بسبب مصادرات
جهاز الأمن لها بعد أن تطبع

المبررات : نقد سوف يجد من يوصله ، بقليل من التنسيق
لكن الميدان مهم جدآ ان تصدر يوميآ وان تكون قادرة على الصدور في أي وقت
لأنها ، ميدان الشعب

المسلمي ،
تحياتي

Quote: نقد سوف يجد من يوصله ، بقليل من التنسيق لكن الميدان مهم جدآ ان تصدر يوميآ وان تكون قادرة على الصدور في أي وقت لأنها ، ميدان الشعب

تحياتي

Quote: كنت برفع يدي بسلم عليهو حركات السلام على المشاهير ديك لمن الموضوع بقى كتير بقيت ما بقبل عليهو قلته الشيوعين ديل مهجسين اسي يفتكرني راصدو ولا حاجه

لووووووووووووب يا مرتضى !!
دى قويية قويييييييييية








ابو ساندر !! لوبييين
طلعت انتهازى واعى لكن احييييييييك
العربه مقابل الميدان ..

اعجبنى تناول المتداخلين للبوست ..والزواية التى
نظروا بها لموضوع البوست ..


سلام ياشيخ العوض

شكرا المسلمي
اتفق مع مضمون البوست الذي يحفظ لنقد منزلته ومكانته وسط حتى معارضية، فقد ظل معارضا شريفا نزيها لم يتلوث
واذا (وسع) الناس الموضوع لدعم الميدان، فهو افضل ولو بالاعلانات او الاشتراكات باكثر من نسخة

والحكومة لازم تغير سياسة (افقار) الاحزاب


عادة بقرأ البوست كويس ومن اول مرة
قرأت كلام اخونا ود المشرف

Quote: أتفق مع "دينا" أن المسأله ليست فى شراء عربه لمحمد ابراهيم نقد ولكن فى النضال من أجل وطن يتمكن فيه سكرتير الحزب الشيوعى من ركوب المواصلات بطريقه محترمه تضمن وصوله للاجتماعات ..

وشكيت ورجعت وما لقيتو
انتو دينا دي قاعدة تكتب بالحبر السري ولا شنو؟

تحياتي لكم جميعا

القرايه زاملة سيدها يا شفيع ..
أو حاجه قريبه من المعنى ده ..

تحياتى ..


_________
بعدين "دينا" دى انا طوالى متفق معاها, ومنذ 2007 وحتى اللحظه !!
ووردلووووب