Post: #1
Title: وزير الدفاع لا يستبعد التدخل في الجنوب لوقف دعم متمردي دارفور
Author: محمد المسلمي
Date: 04-21-2011, 01:27 AM
Parent: #0
الخرطوم: هيثم عثمان ـ المثنى عبد القادر
قال وزير الدفاع الفريق أول ركن عبد الرحيم محمد حسين، إن القوات المسلحة يمكن أن تتدخل في الجنوب إذا دعا الأمر لذلك، حتى توقف دعم متمردي دارفور الموجودين بالجنوب، بيد أنه أشار إلى أن خيار التدخل العسكري يظل خياراً ثانوياً. في وقت أكملت فيه القوات المسلحة كافة الإجراءات المتعلقة بتسريح منسوبيها من الجنوبيين. وقال الوزير لحكومة الجنوب بلهجة تهديد «ارفعوا أيديكم عن دارفور.. وطلعوا المتمردين». ووصف الوزير في برنامج «حتى تكتمل الصورة» بقناة النيل الازرق مساء امس الاول بحسب موقع بريد السودان، وصف انفصال الجنوب بأنه أكبر فاتورة دفعها السودان من أجل السلام والتعايش، وقال إن مشكلة الجنوب ليست مع الشمال كما يتصور البعض، وإنما مع نفسه. وقال إن الصراعات في الجنوب قبلية ولا توجد مؤسسات دولة. وحول المشكلات الحدودية والحزام الأمني وغيرها من القضايا المرتبطة بالتعايش بين الدولتين، قال وزير الدفاع: «نحن أبدينا حسن النية والوضع غير طبيعي الآن». وقال إن الحدود السودانية ــ الجنوبية طويلة جداً وتصل إلى «2170» كيلومتراً، وزاد «تصعب عملية حراستها».
ــــــــــــــــ
http://www.alintibaha.net/arabic/index.php
|
Post: #2
Title: Re: وزير الدفاع لا يستبعد التدخل في الجنوب لوقف دعم متمردي دارفور
Author: محمد المسلمي
Date: 04-21-2011, 01:32 AM
Parent: #1
لكنه قال إن السودان لديه مشكلات حدود مع دول أخرى لكنها لم تكن سبباً في الحروب أبداً. وحول أوضاع الجنوبيين في القوات المسلحة قال: «سنعيدهم إلى أهلهم سالمين»، لكنه تحفظ على عملية استيعاب الشماليين من جيش الحركة الشعبية في القوات المسلحة الشمالية، وقال: «يمكن أن نستوعب البعض منهم في القوات المسلحة». وفي السياق دفعت القوات المسلحة بتحذيرات شديدة اللهجة لحكومة الجنوب لجهة تعرض أيٍّ من منسوبيها العائدين للشمال لأعمال عدائية بالجنوب، في وقت كشفت فيه مصادر خاصة لـ «الإنتباهة» عن نصب قوات تتبع لحركة العدل والمساواة لكمين بمنطقة «مفال» بشمال مقاطعة أويل في ولاية شمال بحر الغزال للقوات العائدة.فيما قال الناطق الرسمي باسم القوات المسلحة العقيد الصوارمي خالد سعد إن حكومة الجنوب ستتحمل مسؤولية أي مكروه أو اعتداء يطول عناصر الجيش العائدين، وذكر في تصريح لـ «الإنتباهة» أمس أن حكومة الجنوب تأوي بصفة قاطعة عدة حركات دارفورية منذ نوفمبر الماضي، وأبان أن النظام بالجنوب يقيم معسكرات تدريب لعناصر الحركات، ونبّه لإنشاء حكومة الجنوب لمعسكر تدريب خاص لقوات حركة العدل والمساواة بقيادة سليمان صندل في مقاطعة راجا، ونوّه لفتح حكومة الإقليم مجالاً واسعاً لحركة تحرير السودان جناح مني أركو مناوي. وكشف الصوارمي عن اتفاق بمجلس الدفاع المشترك قضى بتسريح الجنوبيين من القوات المسلحة اعتبارًا من التاسع من أبريل الماضي مبيناً أنه من المتوقع أن يتم تفعيل هذا الاتفاق لتتم عملية التسريح للجنوبيين بأثر رجعي.
|
Post: #3
Title: Re: وزير الدفاع لا يستبعد التدخل في الجنوب لوقف دعم متمردي دارفور
Author: Tragie Mustafa
Date: 04-21-2011, 01:44 AM
Parent: #2
محمد المسلمي
قول لهم تتدخلوا وين ولا وين يا حلوين؟؟!!
الفيلم سخن بالحيل؟؟؟
مش كفايه محاولة تدخلكم في ليبيا(هههههههههه)!!
اها بماذا عادت عليكم(وجه غامز وشامت)!!
كدي جربوا أهبشوا هناك...نشوف البدق الجرسه بعد شويه منو؟!
|
Post: #5
Title: Re: وزير الدفاع لا يستبعد التدخل في الجنوب لوقف دعم متمردي دارفور
Author: Elhadi
Date: 04-21-2011, 02:28 AM
Parent: #3
والهجوم على بورتسودان ما اتكلم عنو ؟؟
ولا ما متوفرة ليهو تفاصيل عشان يتكلم عنها ؟؟
وبعدين عبد الرحيم محمد حسين ده موش اللي لمن ضربوا مصنع الشفاء قال في ناس شافوا الطيارات جاية من جهة أبو حمد ؟؟
أبو حمد دي يكون شافا في ياتو رادار بالله ؟؟ في رباطابي كان معلق طشت وشاف الطيارات جاية ومشى أدى الإشارة للقيادة العامة ولا كيف ؟؟
ولا الزول الماسك شغلانية الرادار دي في وادي سيدنا أحوص ؟؟
بدل الجنوب وما الجنوب حاول أعمل ليك جيش زي الناس ، رادارات وأنظمة دفاع جوي وسلاح طيران زي الناس
أما إنك تكون قاعد في السهلة وتجي تتفاصح فالمرة الجاية الطيارات بتاعت أبو حمد ديك بتلقاها جاياك من جهة أبو سعد..
|
Post: #4
Title: Re: وزير الدفاع لا يستبعد التدخل في الجنوب لوقف دعم متمردي دارفور
Author: Adil Hamza
Date: 04-21-2011, 02:07 AM
Parent: #1
يا ود المسلمى سلام
الجنوب ما عاد الجنوب الذى تعرفون
لو كنتم تعلمون لما فرطتم فى وحدة السودان
ـــــــــــــــــــــــ
تحسبو لعب
|
Post: #6
Title: Re: وزير الدفاع لا يستبعد التدخل في الجنوب لوقف دعم متمردي دارفور
Author: waleed nayel
Date: 04-21-2011, 02:34 AM
Parent: #4
Quote: وزير الدفاع لا يستبعد التدخل في الجنوب لوقف دعم متمردي دارفور[/QUOTE
ما سالوا الطياره الضربت بورتسودان جات بوييين
قال ادخل الجنوب!!!!!!!!!!!!!
|
Post: #7
Title: Re: وزير الدفاع لا يستبعد التدخل في الجنوب لوقف دعم متمردي دارفور
Author: حبيب نورة
Date: 04-21-2011, 03:00 AM
Parent: #6
أسدٌ علي وفي الحروبِ نعامة
|
Post: #8
Title: Re: وزير الدفاع لا يستبعد التدخل في الجنوب لوقف دعم متمردي دارفور
Author: shammashi
Date: 04-21-2011, 06:50 AM
Parent: #7
غايتو الفصاحة فالحين فيها جنس فلاحة. والغلبتو مرتو مشى يأدب حماتو.
إنتو الجنوب دا ما بتتوبوا منو. لقيتوو شنو من الحرب معها غير الذلة والهوان.
والله يا أبو ريالة إنت بعد شوية الحمام ما تقدر تدخلو.
|
|
|