Post: #1
Title: لقد هرمنا من أجل هذه الكأس ياريال
Author: فدياس نجم الدين
Date: 04-19-2011, 12:25 PM
سبعه عشره عاماً بالتمام والكمال ونحن بعيدين عن الكوبآ ديريه
سبعه عشر عاماً وسيد أوربا يفشل بالفوز بكأس ملك إسبانيا
القديس كاسياس الذي لعب آحدى عشر عاماً للريال وفاز بكل شئ
يفشل بالفوز بهذا الكأس الملعون
كاسياس بطل دوري أبطال أوربا وبطل الدوري الإسباني
وبطل أوربا بل بطل كاس العالم ... يفشل بالفوز بهذا الكأس
|
Post: #2
Title: Re: لقد هرمنا من أجل هذه الكأس ياريال
Author: فدياس نجم الدين
Date: 04-19-2011, 12:28 PM
Parent: #1
لقد هرمنا من أجل هذه الكأس يا ريا ل
|
Post: #3
Title: Re: لقد هرمنا من أجل هذه الكأس ياريال
Author: فدياس نجم الدين
Date: 04-19-2011, 12:37 PM
Parent: #2
أصبحنا كالشيوعيون في هذه البلاد
لا نستطيع إن نجاهر بعشقنا للملكي
أصبحنا خلايا نائمه
وعشاق البرسا صوتهم يعلو ويعلو حتى يصن الآذان
لا
نحن نحب هذا الأبيض
منذ إن لعب له
ريتندوا الأرجنيتني الأنيق
منذ إن لعب له ستيف ماكمنمن الإنجليزي الحريف
حتى زمن المبدع زيدان
لكننا وفي زيدان وفيجو ورونالدو الظاهره وربرتو كارلوس وبيكهام لم نحرز كطأس الملك
لذلك
هرمنا من أجل هذه الكأس
|
Post: #5
Title: Re: لقد هرمنا من أجل هذه الكأس ياريال
Author: فدياس نجم الدين
Date: 04-19-2011, 12:46 PM
Parent: #3
غداَ يوم جديد
غداً نتوجه للمستايا ونحن نحلم بقهر ميسي
نعم قهر ميسي
فالبلوغرانا فريق الرجل الواحد
لو تمكن بيبي من مواصله نجاحه في التضييق على ميسي فلن يكون هناك برشلونه
سيكتفوا بتمرير الكره في منتصف ملعبهم كما حصل في الكلاسيكو الماضي
علينا القبض على هذا الداهيه
وأتمني أن يبدأ مسعود آوزيل اللقاء
ليكون التشكيل كالآتي
كاسياس في المرمى أمامه سيرجو راموس وكارفالهو على اليمين آربيلو وعلى الشمال مارسيلو
في المنتصف بيبي وآلونسو وخضيره وآمامهم آوزيل وعلى الجناح كريستيانو رونالدو وفي المقدمه وحيداً إديبايور
مع الإحتفاظ بآنخل زي ماريا وكريم بن زيمه وهيجواين وديارا في بنك الإحتياط والدفع بهم حسب مجريات المباراه
|
Post: #4
Title: Re: لقد هرمنا من أجل هذه الكأس ياريال
Author: عمران حسن صالح
Date: 04-19-2011, 12:38 PM
Parent: #2
يا فدياس
صدقني حا ( يزعمطونــا ) زي المافي حاجة 
مورينهو عمل فريق ما عندو طعم
وكورة الأربعاء الفاتت مثال وااااضح
الله يكفينا شر الشياطين ديل
|
Post: #6
Title: Re: لقد هرمنا من أجل هذه الكأس ياريال
Author: صبري طه
Date: 04-19-2011, 12:55 PM
Parent: #4
لاعبي البارسا لم يستنفدوا طاقتهم في مباراة السبت الماضي لأنها تحصيل حاصل ...
والزعمطة واقعة زنقة زنقة 
خصوصاً وأن فيا سيلعب على أرضه وبين جمهوره 
كما أن البارسا سيلعب بأعصاب باردة لأنه شبه ضمن الدوري
|
Post: #9
Title: Re: لقد هرمنا من أجل هذه الكأس ياريال
Author: فدياس نجم الدين
Date: 04-19-2011, 01:42 PM
Parent: #6
| Quote: خصوصاً وأن فيا سيلعب على أرضه وبين جمهوره |
يا صبري
فيا دي مرتزق ساكت
بدأ في سبورتنغ خيخون ومنها مشي ريال سرقسطه وبعد داك جاء فالنسيا
يعني فالنسيا لا أرضه لا جمهوره
وهو الأيام دي زي الزفت إنشاء الله يتواصل النحس المعاهو ده
|
Post: #7
Title: Re: لقد هرمنا من أجل هذه الكأس ياريال
Author: فدياس نجم الدين
Date: 04-19-2011, 01:32 PM
Parent: #4
| Quote: صدقني حا ( يزعمطونــا ) زي المافي حاجة |
عمران
من المهم إن نجاهر بحبنا للريال وعدم ترك الساحه لهؤلاء الكتلان كي يسرحوا ويمرحوا
مالازم نبقي زي الشيوعين في البلد دي الواحد يقول ليك انا تقدمي إشتراكي
أنا
مدريدي ولو هزمنا البارسا عشره صفر
|
Post: #8
Title: Re: لقد هرمنا من أجل هذه الكأس ياريال
Author: فايزودالقاضي
Date: 04-19-2011, 01:35 PM
Parent: #4
فدياس ..عمران ...سلامات ..
| Quote: لقد هرمنا من أجل هذه الكأس ياريال |
انتو هرمتو الليلة ولا امس !! ليكم 81 سنة هارمكم الهلال فرقت الــ17 سنة يعني...
|
Post: #10
Title: Re: لقد هرمنا من أجل هذه الكأس ياريال
Author: فدياس نجم الدين
Date: 04-19-2011, 01:46 PM
Parent: #8
Quote: نتو هرمتو الليلة ولا امس !! ليكم 81 سنة هارمكم الهلال فرقت الــ17 سنة يعني...
|
ود القاضي في الأول حمد لله على سلامتك يا مان
فعلاً لقد طال بعدنا عن البطولات لكننا نحاول وسنصل إنشاء الله
لكن أخوك عنده مرقات يعني في السعوديه محل إنت قاعد بشجع الهلال وهو الزعيم هناك وأحسب إنك إما نصراوي هرم من البعد من المنصات أو إتحادي ( طراش بحر )
وفي المحروسه نشجع فريق القرن ( الأهلي ) سيد أفريقيا
آها شفت المرقات دي كيف؟؟؟
|
Post: #11
Title: Re: لقد هرمنا من أجل هذه الكأس ياريال
Author: محمد يوسف الزين
Date: 04-19-2011, 02:59 PM
Parent: #10
ياخي ياخي
ياخي
____________
أما اذا حدث الحدث فلا مكان الا للحدث
والا يطيرو ناس صبري طه ديل والكم مليون سوداني الزيو
|
Post: #12
Title: Re: لقد هرمنا من أجل هذه الكأس ياريال
Author: محمد يوسف الزين
Date: 04-20-2011, 08:45 AM
Parent: #11
|
Post: #13
Title: Re: لقد هرمنا من أجل هذه الكأس ياريال
Author: مرتضى احمد عبد القادر
Date: 04-20-2011, 10:22 AM
Parent: #12
يا حليلكم يا ريالاب
الكورة بين برشلونه والريال بقى ما عندها فرق من الكورة بين برشلونه وخيخون
|
Post: #14
Title: Re: لقد هرمنا من أجل هذه الكأس ياريال
Author: محمد عبد الماجد الصايم
Date: 04-20-2011, 10:26 AM
Parent: #13
خيخون في وشكـ يا مورطا!
|
Post: #15
Title: Re: لقد هرمنا من أجل هذه الكأس ياريال
Author: فدياس نجم الدين
Date: 04-20-2011, 01:40 PM
Parent: #14
| Quote: خيخون في وشكـ يا مورطا! |
ود الصايم يا عمك
آزيك
خيخون مش يا هو الغلبنا في البرنابيو وإنتهي من الرقم القياسي بتاع المو
شكيتهم علي الله
لكن تصدق إسمهم تحس بيهو شتيمه شتيمه ( خيخون ) زي المريخ وأحد
تسمع الإسم ... تحس بالقرف
|
Post: #16
Title: Re: لقد هرمنا من أجل هذه الكأس ياريال
Author: ياسر نجيلة
Date: 04-21-2011, 05:29 AM
Parent: #15
امس ساهرت للصباح قلت عشان احضر مباراة البرشا والريال
مع انو لا ناقة لى ولا جمل في تشجيع أي منهما ... البشيل الكاس يشيل ... مافارقة
انا بشجع المريخ ... وبس
والفرق السودانية او الفريق القومي السوداني ... في المنافسات الخارجية ..
وكل الفرق الأفريقية في جميع المنافسات العالمية ...
يعني مامكن تعقد 120 دقيقية تشوف قون واحد بس ...
ومباراة ناعمة بشكل ...
بالله دكتور واحد يدخل الملعب مافي ...
اللعيبة براهم بساعدو في بعض ... ويرفعوهم من الارض ... اقصد البساط
والغريبة ... عربية إسعاف واحده ما عندهم ..
والملعب نظيف ...
والجمهور بشجع بصوت واحد ... التقول موسيقي لخلفية لفلم ...
والباصلات يملسوها مليس ... من لاعب لى لاعب ..
ديل ماشافو دورينا ... او مباراة في البطولات الافريقية ..
اول حاجة عربية الاسعاف دي لازم نغيير ليها العجلات كل مباراة ..
من كثرة الدخول والجري في الملعب ..
وكمان جزمه جديدة لكل الطاقم الطبي ... أول كل مباراة
ولازم يجرو اكتر من اللعيبة ... بنعمل ليهم تمارين لياقة خاصة ...
وبنختارهم حسب اللياقة البدنية وليس المؤهلات الطبية ..
لانو المطلوب فقط ... التدلتك بالتلج ... وتفريغ علبة مخدر ...
وأهم شرط لضيافة المباريات توفير لوري تلج .. وبوكس مخدر ..
تستهلك في اللعيبة ... والباقي للجمهور عشان يفلقو بيهو بعض ...
والعجب الباصات بين اللعيبة ... لازم صوت الباص " لب " تسمعو في التلفزيون ..
انت قايل ملاعبهم في اوروبا حلوة وجميلة كده ليه ..
عشان الباص بتاعم بملسوهو مليس ..
نحنا باصنا ... اللاعب لازم يشيل معاهو مترين نجيلة ...
وأربعة "كواريك" رملة ... وإلا ... لا يعتبر باص ...
والعجيبة منطقة المرمي ... دي لازم تكون "بادوبه " و "دلجة"
عشان الحارس والمهاجمين بعد المباراة ... ياخدو اجازة شهرين ...
وده كلو كوم والجملة التالية التي تظهر لك في الشاشة كل خمس دقايق كومين :
نعتذر للمشاهدين عن انقطاع الصورة من المصدر ....
التقول المصدر ده ماليهو علاقة بقناة البث .... أو مسؤوليتهم ...
توبه ... تاني ما مساهر واحضر دوري أوروبي ولا سجم ..
خلوني في الدوري البقوم النفس ويرفع الضغط ده ....
ودمتم ياشباب ....
|
Post: #17
Title: Re: لقد هرمنا من أجل هذه الكأس ياريال
Author: وليد عبد اللطيف
Date: 04-21-2011, 07:34 AM
Parent: #16
فدياس نجم الدين .... سلامات
Quote:
غداَ يوم جديد
غداً نتوجه للمستايا ونحن نحلم بقهر ميسي
|
اشرقت الشمس ورجع الحق الى اصحابة
الكبير كبير ونتوقع مستويات افضل من ذلك
وخلاص مورينو سوف يوقف سيل البارسا في كل مره
Quote: توبه ... تاني ما مساهر واحضر دوري أوروبي ولا سجم ..
خلوني في الدوري البقوم النفس ويرفع الضغط ده .... |
هههههههههه
|
Post: #18
Title: Re: لقد هرمنا من أجل هذه الكأس ياريال
Author: فدياس نجم الدين
Date: 04-21-2011, 02:11 PM
Parent: #17
| Quote: اشرقت الشمس ورجع الحق الى اصحابة |
وليد وكل عشاق البلانكو
هي فرحه زوجين رزقا بالطفل الأول بعد ثمانيه عشر سنه زواج
أنظر يا وليد لعدد العصافير التي ضربناها بهدف الدونج
تحطيم أسطور غراديولا الذي لا يخسر في أي نهائي
تحطيم وهم برشلونه الفريق الذي لا يهزم
هدف من كريستيانو بالذات الذي لم يسجل أمام البرسا إلا من ركله جزاء قبل أربعه أيام وفي لقاء الدوري
لم يسجل وهو يلعب المان يونايتد ولم يسجل وهو يلعب معنا
لكنه سجل في الوقت الذي إحتجنا إن يسجل فيه
ماذا بعد ؟؟
معنويات في السماء لمباريات دوري الأبطال
كسبنا لاعب وسط مهول ( بيبي ) الذي أوقفته العارضه من التسجيل وهو يرتقي ولا أفضل مهاجم
شكراً مورينيهو ... شكراً كاسياس ... شكراَ رونالدو .. شكراً زي ماريا
شكراَ بيبي ... شكراً سيرجيو راموس .. شكراَ كرفاليهو ... شكراَ مارسيلو
شكراَ الونسو .. شكراَ اوزيل ... شكراً خضيره ... شكراَ آربيلوا .. شكراً إديبايور
شكراً جرانيرو ..... وأخيراً شكراً بيريز
ياسر نجيله
بنرجع للدفسي والرفس حقنا قريباً
|
Post: #19
Title: Re: لقد هرمنا من أجل هذه الكأس ياريال
Author: khaleel
Date: 04-21-2011, 02:15 PM
Parent: #18
هلا يا صاحب الازميل
والله بالي في كورة الرد بتاعة الافريقي
ما شغال بريال ولا جنيه
لكن برضو مبروك للريال
البرشا كجنتو مما شطب ايتو
|
Post: #20
Title: Re: لقد هرمنا من أجل هذه الكأس ياريال
Author: فدياس نجم الدين
Date: 04-21-2011, 02:54 PM
Parent: #19
| Quote: والله بالي في كورة الرد بتاعة الافريقي |
حبيبنا خليل
ما تشيل هم
ما إن يشتغل المريخاب ضد الهلال فتأكد إنه سينتصر
|
|