Post: #1
Title: قصة الجنيهات المزورة الايام دى شنو؟ (صــــورة)
Author: Mohammed Awad
Date: 04-18-2011, 01:46 PM
استقر بى المقام الاسبوع المُنصرم بجوبا
فى احدى جولاتى بالسوق توقفت لشراء بعض الموز
عند محاولتى الدفع بالنقود تفاجأت بالشخص يرفض ويحذرنى
من عملة من فئة الجنيه كنت احملها ولا ادرى بالضبط من اين تحصلت عليها
تعلل بأنها من فئة مزورة وان جميع العملات التى تبدأ بحرف ال AG مزورة
بعد ذلك الحديث تمعنت جيدآ ولاحظت بعض الفرق حقيقة عندما قارنتها مع اخريات
وجدت ان نوع الورق مُشابه للبلاستيك وان الاطراف غير متساوية فى مُعظم الاحيان
عند النظرة الاولى سوف تعتقد انها غُسلت مع بعض الملابس كما يحدث عادة..
احتفظت بهم للذكرى مع الحرص ولكن...
تفاجأت بالكم الهائل من هذا النوع من الجنيهات عند عودتى للخرطوم
الباقى الذى يأتيك من الدكان يحتوى على بعض الفئات
الصيدلية برضو مامقصرة
محطات الوقود
القصة شنو؟؟؟
|
Post: #2
Title: Re: قصة الجنيهات المزورة الايام دى شنو؟ (صــــورة)
Author: ود العجمى
Date: 04-18-2011, 02:04 PM
Parent: #1
اثنى
|
Post: #3
Title: Re: قصة الجنيهات المزورة الايام دى شنو؟ (صــــورة)
Author: العوض المسلمي
Date: 04-18-2011, 02:34 PM
Parent: #2
كيفك طبنجة وشنو ياخي معلن الصور كمان ؟؟
يا طبنجة اخوي يشهد الله انا بتعامل بيها طوالي ولا جائب خبر؟
|
Post: #5
Title: Re: قصة الجنيهات المزورة الايام دى شنو؟ (صــــورة)
Author: HAIDER ALZAIN
Date: 04-18-2011, 02:41 PM
Parent: #3
| Quote: انا بتعامل بيها طوالي ولا جائب خبر؟ |
حبيبنا شيخ العوض ...
غير الشواوويل بس .. الشغلة مضروبة يا عمكــ
ـــــــــــ
علكم طيبين بس .. وعذرنا مقدم لمن اكلمك
|
Post: #8
Title: Re: قصة الجنيهات المزورة الايام دى شنو؟ (صــــورة)
Author: Mohammed Awad
Date: 04-19-2011, 11:06 AM
Parent: #3
Quote: كيفك طبنجة وشنو ياخي معلن الصور كمان ؟؟
يا طبنجة اخوي يشهد الله انا بتعامل بيها طوالي ولا جائب خبر؟ |
شيخ العوض والله ليك وحشة غير مزورة ياخ
الشى التانى القصة دى والله انا شايف انتشرت شديد
قلنا قبل ما يقوم بينا جنيه يبيتنا فى الحراسة احسن نشوف معانا منو تانى
واهو ماشاء الله ... عمدان الاكل شكلها حتكون كتيرة 
|
Post: #4
Title: Re: قصة الجنيهات المزورة الايام دى شنو؟ (صــــورة)
Author: HAIDER ALZAIN
Date: 04-18-2011, 02:35 PM
Parent: #2
Quote: الصيدلية برضو مامقصرة
|
كفارة :)
|
Post: #9
Title: Re: قصة الجنيهات المزورة الايام دى شنو؟ (صــــورة)
Author: Mohammed Awad
Date: 04-19-2011, 11:31 AM
Parent: #4
كفارة ليك انت يازول!!
كنت مرجوج يالطريفى ولا شنو؟
|
Post: #6
Title: Re: قصة الجنيهات المزورة الايام دى شنو؟ (صــــورة)
Author: مزمل خيرى
Date: 04-18-2011, 02:50 PM
Parent: #2
طبنجة .. سلامات
فعلاً .. بعد شفت البوست راجعت جزلانى ولقيت ورقتين من ابو جنية
ولاحظت برضو انو خامة الورق مختلف ..!!
الحكاية شنو .؟
|
Post: #7
Title: Re: قصة الجنيهات المزورة الايام دى شنو؟ (صــــورة)
Author: Abd Alla Elhabib
Date: 04-18-2011, 09:37 PM
Parent: #6
سلامات يا محمـد
عمـلات مـزورة !
طيارات تقع من طرف
وأباتشي تشوت الهدف
حركات مسـلحــــة
بلـد مشــلــحــة
فسـاد وإفساد شديد
نظام حكم غبي وبليد
مدفع يخم الكيزان يا طبنجة !
|
Post: #11
Title: Re: قصة الجنيهات المزورة الايام دى شنو؟ (صــــورة)
Author: Mohammed Awad
Date: 04-19-2011, 11:51 AM
Parent: #7
Quote: سلامات يا محمـد
عمـلات مـزورة !
طيارات تقع من طرف
وأباتشي تشوت الهدف
حركات مسـلحــــة
بلـد مشــلــحــة
فسـاد وإفساد شديد
نظام حكم غبي وبليد
مدفع يخم الكيزان يا طبنجة ! |
غايتو يالحبيب فى لستتك دى نسيت حاجة واحدة
(وماخُفى اعظم )
|
Post: #10
Title: Re: قصة الجنيهات المزورة الايام دى شنو؟ (صــــورة)
Author: Mohammed Awad
Date: 04-19-2011, 11:40 AM
Parent: #6
Quote: طبنجة .. سلامات
فعلاً .. بعد شفت البوست راجعت جزلانى ولقيت ورقتين من ابو جنية
ولاحظت برضو انو خامة الورق مختلف ..!!
الحكاية شنو .؟ |
بالله شوف
القصة تخصص ناس الامن الاقتصادى
ناس الامن الاقتصادى بيسالو الحاية شنو!!!
فتأمل
|
Post: #12
Title: Re: قصة الجنيهات المزورة الايام دى شنو؟ (صــــورة)
Author: Mohammed Awad
Date: 04-20-2011, 11:06 AM
Parent: #10
ظهرت اليوم عملة جديدة مزورة من فئة العشرين جنيه
فى مدينة بورتسودان وحتمآ حتكون فى منها فى الخرطوم برضو
توخــــــــــــــوا الحـــــــذر
|
Post: #13
Title: Re: قصة الجنيهات المزورة الايام دى شنو؟ (صــــورة)
Author: Nasruddin Al Basheer
Date: 04-20-2011, 02:03 PM
Parent: #12
مافي غيرها المسنوحة..
بقصد
إسرائيل..
استهدفتنا حتى في جنيهاتنا
اللهم عليك بإسرائيل
|
Post: #14
Title: Re: قصة الجنيهات المزورة الايام دى شنو؟ (صــــورة)
Author: فايزودالقاضي
Date: 04-20-2011, 02:26 PM
Parent: #13
ياطبنجة ..سلامات ...ليك وحشة ...اتصلت عليك الجوال قال لي (هذا المشترك في مهمة امنية في دولة مجاورة) ..
انا مافهمت الـ AG دي شنو ؟ وهل ماموجودة في الجنيهات التانية ؟يعني هل في حروف مختلفة في الاوراق المامزورة ؟!! واذا كانت المامزورة ليها حروف مختلفة فهل الزور الجنيه غلبوا يزور الحروف ؟ ولا في حروف صعبة وحروف سهلة ؟!!
اخيراً.. هو الغبي ده يزور جنيه في حضرة العملات الاعلى مقاماً وصرفاً ؟!!
ـــــــــــــــــــــ
الجنيه ده لو صناعة سودانية اعتقد يكون سليم بس سيئ الطباعة والخامة ..
|
Post: #15
Title: Re: قصة الجنيهات المزورة الايام دى شنو؟ (صــــورة)
Author: Mohammed Awad
Date: 04-20-2011, 02:46 PM
Parent: #14
| Quote: ياطبنجة ..سلامات ...ليك وحشة ...اتصلت عليك الجوال قال لي (هذا المشترك في مهمة امنية في دولة مجاورة) |
دى قوية شديد
والله ياود القاضى انا زاتى ماعارف لكن صديق قريب ما افضلو عليك
وضًح لى الحكاية دى ... يبدو انو الحروف دى لسة مااشتغلو بيها ولا ماشغالين بيها ماعارف
| Quote: اخيراً.. هو الغبي ده يزور جنيه في حضرة العملات الاعلى مقاماً وصرفاً |
صدقنى الزول دا حريف... الفئتين ديل اكثر تداولآ بين العامة
عشان كدا السوق بيكون مسخن ومافى زول بيجيب ليهم خبر
| Quote: الجنيه ده لو صناعة سودانية اعتقد يكون سليم بس سيئ الطباعة والخامة |
فى توارد خواطر فى الحتة دى..
برجع ليك بتلفون بس اخلص من المُهمة الامنية دى
|
Post: #16
Title: Re: قصة الجنيهات المزورة الايام دى شنو؟ (صــــورة)
Author: Shaker Hamid
Date: 04-20-2011, 03:16 PM
Parent: #15
محمد عوض سلامات
انا سحب قروش من البنك الفرنسى واودعتها فى بنك الادخار
وعند عملية الايداع اكتشفت الموظفة بالبنك ان هناك عشرة جينهات
مزورة ضمن المبلغ وقامت بتخريم مبلغ العشرة جنيهات بالخرامة
وقالت لى اعيدها للبنك الفرنسى وفعلا اعتدها للبنك وكان لم يكن شيئا
مع انى كنت خايف ان يكون هناك سين وجيم وبوليس كيس
لكن موظفةالبنك الفرنسى امنت انى قبل ربع ساعة سحبت المبلق من النبك
السؤال اذا كان المواطن العادى ممكن تفوت فيهو العملة المزورة
البنك ده بيعمل فى شنو يستلم عملة مزورة ويصرفها للمواطن
|
Post: #17
Title: Re: قصة الجنيهات المزورة الايام دى شنو؟ (صــــورة)
Author: أحمد الشايقي
Date: 04-20-2011, 04:12 PM
Parent: #16
Quote:
عمـلات مـزورة !
طيارات تقع من طرف
وأباتشي تشوت الهدف
حركات مسـلحــــة
بلـد مشــلــحــة
فسـاد وإفساد شديد
|
|
Post: #18
Title: Re: قصة الجنيهات المزورة الايام دى شنو؟ (صــــورة)
Author: Mohammed Awad
Date: 04-21-2011, 07:16 AM
Parent: #16
سلام شاكر
مع عملتنا السودانية دى احتمال يكون مافى تشديد خالص
لكن شوف عينى واحد شايل 100 دولار مزورة فى صرافة وروهو الويل
فى 5 دقايق كان فى فرد من الامن الاقتصادى (ممكن نستفسر مزمل خيرى)
وعسكرى بوليس وسين وجيم خلو ليك الزول بالله نسى التحويل زاتو...
غايتو لو وقف الاجراء على الخرامة دى انا زاتى بزوٍر
|
Post: #19
Title: Re: قصة الجنيهات المزورة الايام دى شنو؟ (صــــورة)
Author: محمد إبراهيم علي
Date: 05-22-2011, 08:42 PM
Parent: #18
بختكم شايف بقيتو من المشاهير وبجيبوكم ناس الجرايد
ولا عزاء لحيدر الزين وعوض المسلمي وكل من لفهم من المغمورين
Quote:
اثار موضوع فتح فى منتدى "سودانيز اونلاين" الشهير قبل ايام لقطا يتعلق بفئة الواحد جنيه، الموضوع فتحه احد الاعضاء ويسمى محمد عوض الذى قال: "استقر بى المقام الاسبوع المُنصرم بجوبا وفى احدى جولاتى بالسوق توقفت لشراء بعض الموز واضاف عند محاولتى الدفع بالنقود تفاجأت بالشخص يرفض ويحذرنى من عملة من فئة الجنيه كنت احملها ولا ادرى بالضبط من
اين تحصلت عليها، تعلل بأنها من فئة مزورة وان جميع العملات التى تبدأ بحرف ال "AG" مزورة، بعد ذلك الحديث تمعنت جيدا ولاحظت بعض الفرق حقيقة عندما قارنتها مع اخريات، ووجدت ان نوع الورق مُشابه للبلاستيك وان الاطراف غير متساوية فى مُعظم الاحيان،عند النظرة الاولى سوف تعتقد انها غُسلت مع بعض الملابس كما يحدث عادة..احتفظت بهم للذكرى مع الحرص ولكن...تفاجأت بالكم الهائل من هذا النوع من الجنيهات عند عودتي للخرطوم، الباقي الذي يأتيك من الدكان يحتوي على بعض الفئات، الصيدلية "برضو مامقصرة"، محطات الوقود، وتساءل العضو محمد "القصة شنو؟"، عضو اخر يسمى مزمل خيرى ذهب فى السياق وقال "فعلاً .. بعد شفت البوست راجعت جزلانى ولقيت ورقتين من ابو جنيه ولاحظت برضو انو خامة الورق مختلف ..!! الحكاية شنو .؟". اما العضو فايز ود القاضى تساءل قائلا "انا مافهمت الـ AG دي شنو ؟ وهل ماموجودة في الجنيهات التانية ؟يعني هل في حروف مختلفة في الاوراق الما مزورة ؟!! واذا كانت الما مزورة ليها حروف مختلفة فهل الزور الجنيه غلبوا يزور الحروف ؟ ولا في حروف صعبة وحروف سهلة ؟!!واضاف هو الغبي ده يزور جنيه في حضرة العملات الاعلى مقاماً وصرفاً ؟!!" ورد عليه صاحب الموضوع "صدقنى الزول دا حريف... الفئتين ديل اكثر تداولا بين العامة، عشان كدا السوق بيكون مسخن ومافى زول بيجيب ليهم خبر " عضو اخر يسمى شاكر حامد اثرى النقاش بمداخلة مفادها "انا سحبت قروش من البنك الفرنسى واودعتها فى بنك الادخار وعند عملية الايداع اكتشفت الموظفة بالبنك ان هناك عشرة جنيهات مزورة ضمن المبلغ وقامت بتخريم مبلغ العشرة جنيهات بالخرامة وقالت لى اعيدها للبنك الفرنسى وفعلا اعدتها للبنك وكأن لم يكن شيئا مع اننى كنت خايف ان يكون هناك "سين وجيم وبوليس كيس" لكن موظفة البنك الفرنسى امنت اني قبل ربع ساعة سحبت المبلغ من البنك السؤال،واضاف قائلا اذا كان المواطن العادى ممكن تفوت فيهو العملة المزورة البنك ده بيعمل فى شنو يستلم عملة مزورة ويصرفها للمواطن؟.
مساهمة الاعضاء فى هذا الموضوع جاءت موضحة بصور الجنيه من ذات الفئة، اذن بنك السودان وحده قادر على الاجابة على هذه التساؤلات، والقصة شنو؟
|
السوداني 22/5/2011
لقطا : كاتبنها ناس الجريدة كدة وطبعا هو قاصد لغطا
|
|