Post: #1
Title: عصابة تهاجم منزل مدير شرطة أمدرمان بالسواطير .!
Author: مزمل خيرى
Date: 04-18-2011, 09:10 AM
Quote: الخرطوم_ الصحافة: سلمى آدم: نفذت عصابة يشكلها أربعة من معتادي الاجرام، عملية نهب مسلح على منزل مدير شرطة محلية أم درمان اللواء تاج السر عباس واصابته هو وابنه بالأذى الجسيم بواسطة «سواطير».
وعلمت «الصحافة» من مصادرها ان عصابة مكونة من أربعة معتادي اجرام ومسلحة بأسلحة بيضاء «سواطير» هجمت على منزل مدير شرطة محلية أم درمان اللواء تاج السر عباس بضاحية الحتانة بغرض السرقة، لكنه أحس بهم ودخل معهم في معركة أدت إلى اصابته هو وابنه بالأذى الجسيم ونهبت العصابة هاتفه الجوال ولاذت بالفرار.
وأكدت ذات المصادر تدوين بلاغ تحت مواد الأذى الجسيم والنهب بقسم شرطة الحتانة وتشكيل فريق من شرطة مباحث أم درمان والخرطوم للبحث عن الجناة، وقالت إن فريق المباحث توصل إلى اثنين من المتهمين بمنطقة أمبدة، وبالتحري معهما اعترفا بالتهمة المنسوبة إليهما وما زالت التحريات مستمرة للتوصل إلى بقية المتهمين وتقديمهم للمحاكمة.
|
|
Post: #2
Title: Re: عصابة تهاجم منزل مدير شرطة أمدرمان بالسواطير .!
Author: مزمل خيرى
Date: 04-18-2011, 09:12 AM
Parent: #1
الخبر نيابة عن الحبيب نيستا الذى طال غيابة من المنبر
|
Post: #3
Title: Re: عصابة تهاجم منزل مدير شرطة أمدرمان بالسواطير .!
Author: محمد حسن العمدة
Date: 04-18-2011, 09:18 AM
Parent: #2
وبرضو يقولو ليك زمن الديمقراطية ما كان في امن والرباطة يقطعو الخيران هو البوديك الخيران شنو ؟
حسي بقى في القطع داخل بيوت كبار رجالات الامن
تعرف يا مزمل قبل سنتين تلاتة وزير الداخلية عندو قصر في جبرا رغم الحراسة المشددة الحرامية سرقوهو اكتر من مرة وفي كل مرة بيكتبو ليهو حضرنا ولم نجدكم حتى اضطر للرحيل لقصر جديد ولا ادري من سدد تكاليف السكن الجديد الشعب ام الوزير ؟!!
|
Post: #4
Title: Re: عصابة تهاجم منزل مدير شرطة أمدرمان بالسواطير .!
Author: Amira Elsheikh
Date: 04-18-2011, 09:45 AM
Parent: #3
كلام كعب شديد يامزمل خيري وما مطن اصصصصصصصصصلو ..
بمعنى دا مدير شرطة امدرمان .طيب نحن الحيحصل لينا شنو
|
Post: #5
Title: Re: عصابة تهاجم منزل مدير شرطة أمدرمان بالسواطير .!
Author: شكرى سليمان ماطوس
Date: 04-18-2011, 09:56 AM
Parent: #4
هــــل ينطبق القـول الشهير
1- (سـيدى بســيدو) ؟
2- باب النجار مخلع
3- أمن المشروع الحضارى فى أوضح تجلياته !!! ؟؟؟
مبالغة يالإنقاذ
---------
سلام و شكراً مزمل و ضيوفكم
ش
|
Post: #8
Title: Re: عصابة تهاجم منزل مدير شرطة أمدرمان بالسواطير .!
Author: قرشـــو
Date: 04-18-2011, 10:22 AM
Parent: #5
هل يعقل ان مدير الشرطة ليس مسلحاً ؟؟؟؟
الموضوع فيه ان ..
|
Post: #6
Title: Re: عصابة تهاجم منزل مدير شرطة أمدرمان بالسواطير .!
Author: موسي عيسي
Date: 04-18-2011, 10:01 AM
Parent: #4
عاش نضال شرفاء الحرامية يا دوب عرفتوا محل
تسرقوا صالح بدل تنطوا للمساكين الغلابة الملقطنها
رزق اليوم باليوم امشوا لناس ديل العندهم القروش
بالشولات والدهب بالصفائح .
هزلت و الله حكومة المؤتمر الخشمي !!!
|
Post: #7
Title: Re: عصابة تهاجم منزل مدير شرطة أمدرمان بالسواطير .!
Author: موسي الراجل
Date: 04-18-2011, 10:15 AM
Parent: #6
تحياتى للجميع
دا شنه دا ؟
دى جساره وعين قويه ؟
والد المحن لا بد يلولى صغارن
واضف الى كيمان الوجائع صره صغيره وبكره تكبر
|
Post: #9
Title: Re: عصابة تهاجم منزل مدير شرطة أمدرمان بالسواطير .!
Author: Hisham Ibrahim
Date: 04-18-2011, 10:52 AM
Parent: #7
عجبني ليهـــو ....ّ
جزاء ما إقترفت يداهـ
خليهو يلبس ملكي وما يفصح عن هـويتو ويباري البلاغ زي الناس الغلابه ..
عشان يعرف نعمة الأمن الهو مسؤول عنو ...
والله ناس المباحث وناس الشرطة الا يوروهوا إنو هم ما قاعدين يشتغلوا وما شايفين شغلهم ،،
بس دبورتي ودبورتك وعلاوتي وترقيتكـ وقريبي وقريبكـ ،،
ناس المباحث تمشي تجيب عربيه وتلف بيهم وتصرف عليهم فطور ورصيد ومصاريف ،،
لمده ما تقل عن إسبوع ،، وبعد داكـ لمن يلقوكـ قنعت يحفظوا البلاغ ويبدوا هم في حاجات ما بتنقال ...
كل من تولى منصب وقصر فيهو، إنشاء الله يشرب من نفس الكأس يارب ...
بوست يفش الغبينه ....
الشرطة في خدمة الشعب ..
تلقى عربية الشرطة مشت تودي مرة الضابط تعزي في بِكيات امبارح ، ولمن تجي عندكـ مصيبه يقولوا ليك جيب عربية ..
حتى إستحى سااااكت مافي ،،
وناس المرور والله قوال عديل كدا كان عندكـ حادث ،، وكان إنت راجل أمشي منهم بدون ما تدفع ليهم ،،
قريبي عمل حادث مرور قلت ليهو ليه تدفع ليهم !، قال لي كان ما دفعنا ليهم بجونا
في البيت بعروفوا ابوي ،، والبلاغ إحتاج لي توقيع وكيل النيابه ، والله العظيم مشينا
ليهو في البيت مع العسكري ومضى لينا جمب باب بيتهم ..
حسبنا الله ونعم الوكيل ..
|
Post: #10
Title: Re: عصابة تهاجم منزل مدير شرطة أمدرمان بالسواطير .!
Author: الطيب رحمه قريمان
Date: 04-18-2011, 11:01 AM
Parent: #9
الاخ مزمل خيرى
لك التحية الطيبة
Quote: وعلمت «الصحافة» من مصادرها ان عصابة مكونة من أربعة معتادي اجرام ومسلحة بأسلحة بيضاء «سواطير» هجمت على منزل مدير شرطة محلية أم درمان اللواء تاج السر عباس بضاحية الحتانة بغرض السرقة، لكنه أحس بهم ودخل معهم في معركة أدت إلى اصابته هو وابنه بالأذى الجسيم ونهبت العصابة هاتفه الجوال ولاذت بالفرار.
|
اعتقد جازما ان الدافع لم يكن السرقة .
هجوم و بالسواطير... !!!!
عادة اللصوص لا يهاجمون
و انما يتلصصون و يتخفون و اذا احس بهم يهربون.
|
|