سوداني نت - صحف: وجه الرئيس عمر البشير بضرورة إستيعاب الإختصاصيين للعمل بالولايات. وقال إن الإختصاصيين عددهم كبير، وزاد: كما هو معروف فإن الولايات بها مشاكل في الفصل الأول ورواتب الأطباء. وقال: ((الغريبة أن هنالك ولايات لو رفتت (4) من الدستوريين (الما عندهم شغل) يمكن أن يتم تعيين (20) إختصاصياً بمخصصات هؤلاء الدستوريين))، وأضاف البشير خلال جلسة مجلس الوزراء حسب التلفزيون القومي أمس، أن هذا الأمر سنرعاه إن شاء الله، وتابع: نقول لهم إذا رفتم عدداً من معتمدي الرئاسة ومستشاري الوالي يمكن أن يتم إستيعاب أطباء في أماكنهم لأن الأطباء الإختصاصيين يعالجون المواطن، بينما أولئك عبء على المواطن، كما أن مخصصاتهم يدفعها المواطن.
Quote: - صحف: وجه الرئيس عمر البشير بضرورة إستيعاب الإختصاصيين للعمل بالولايات. وقال إن الإختصاصيين عددهم كبير، وزاد: كما هو معروف فإن الولايات بها مشاكل في الفصل الأول ورواتب الأطباء. وقال: ((الغريبة أن هنالك ولايات لو رفتت (4) من الدستوريين (الما عندهم شغل) يمكن أن يتم تعيين (20) إختصاصياً بمخصصات هؤلاء الدستوريين))، وأضاف البشير خلال جلسة مجلس الوزراء حسب التلفزيون القومي أمس، أن هذا الأمر سنرعاه إن شاء الله، وتابع: نقول لهم إذا رفتم عدداً من معتمدي الرئاسة ومستشاري الوالي يمكن أن يتم إستيعاب أطباء في أماكنهم لأن الأطباء الإختصاصيين يعالجون المواطن، بينما أولئك عبء على المواطن، كما أن مخصصاتهم يدفعها المواطن.
هلا يا الشفيع.. وده تصريح مضحك وغريب وعجيب وياهو زااتو شغل اللتيق والانبعاج النظامي.. الدستوريين ديل من البداية تم تعينهم كيف طالما البشير عارفهم ماعندهم شغل.. ثانيا..طالما ماعندهم شغل مخلينهم صارفين مواهي وقروش من جبين الشعب ده ليييه وثالثا لو فرضنا بان اتلقي لهولا الدستورين شغل ما حيكون في اخصائيين ولا الحل حيكون شنو..؟؟ يا هندسة ده كلام موغل في الهرجلة واللخبتة بتاعة الكيمان وبعكس ازمة ادارية لموارد البلد دي وجوطة وفوضي ادارية شديدة ومفاجاة ومضحكة تماما.. البلد مش مفروض يكون فيها ميزانية واضحة ومتابعة لصيقة لدولاب العمل بالمسطرة والمنقلة ولاششششششششنو...؟؟؟
Quote: هلا يا الشفيع.. وده تصريح مضحك وغريب وعجيب وياهو زااتو شغل اللتيق والانبعاج النظامي.. الدستوريين ديل من البداية تم تعينهم كيف طالما البشير عارفهم ماعندهم شغل.. ثانيا..طالما ماعندهم شغل مخلينهم صارفين مواهي وقروش من جبين الشعب ده ليييه وثالثا لو فرضنا بان اتلقي لهولا الدستورين شغل ما حيكون في اخصائيين ولا الحل حيكون شنو..؟؟ يا هندسة ده كلام موغل في الهرجلة واللخبتة بتاعة الكيمان وبعكس ازمة ادارية لموارد البلد دي وجوطة وفوضي ادارية شديدة ومفاجاة ومضحكة تماما.. البلد مش مفروض يكون فيها ميزانية واضحة ومتابعة لصيقة لدولاب العمل بالمسطرة والمنقلة ولاششششششششنو...؟؟؟
عليك الله يا كيكي بذات الروج المتوثبة دي داير تكتب لينا كلمتين تلاتة في العضُم في موضوع (الفساد) الرئيس ذات نفسه قال في فساد نائب الرئيس الشيخ قال في فساد الشعب كوووووولوا عارف في فساد طيب هو وين المفسدين العملوا الفساد ديل ؟؟! عليك الله كلمتين كدة زي الفوق ديل خلينا نقرأ ونبكي
Quote: الرئيس هنا بتكلم (كمواطن عادي) هو رئيس وهو مواطن في نفس الوقت
معقولة يا الشفيع عاوز تبعيني الترماي... الرئيس ودستوريا لمن يجي يتكلم في شووون البلد العامة بتكلم كرئيس (هو يمارس في مهام الرئاسية دستوريا)وكل كلمة بتطلع منو فهي (حالة رئاسية) وكلمة رئاسية ولانو مودي القسم علي هذه الشغلة ولانو الرئس ومجرد ما يطلع من بيته فهو ليس بمواطن عادي... بطلع وبترتيبات ليس كتريبات طلعتي او طلعتك او طلعة حسن فرعون... --------- وجايييك يا احمد موسي مع تحياتي
شخصي الضعيف المواطن العادي جدا جدا كتبت عن هذا الموضوع اكثر من بوست خلال السنوات المنصرمة وازيدك في الشعر بيت السنة الفاتت لما عملنا ندوة عن الوحدة والانفصال بالرياض هنا وكان احد المتحدثين الرئيسين بروفسور الاصم رئيس المؤتمر الوطني هنا سالتوا قلت ليه بلد ميزانيتها مترنحة تعينو مائة وزير اتحادي؟ اجابني وبنص العبارة :( ايوة عشان نجيب السلام)
اها زي ما قال كيكي لو المية وزير ديل لقوا ليهم شغل الاطباء ديل يطيروا؟ الشفيع ازيك
شايفك مجتهد شديد في ظل غياب عدد كبير من مطبلي المؤتمر الوطني الله يعينك الشيلة تقيلة عليك براك
Post: #11 Title: Re: البشير: راتِب (4) دستوريين ولائيين (ما عِنْدهُم شُغُلْ) يكفي مُسْتحقّات عِشْرون طبيباً إختص Author: علاء الدين صلاح محمد Date: 04-16-2011, 06:08 PM Parent: #10
Quote: الرئيس هنا بتكلم (كمواطن عادي)
ده شنو ده يا الشفيع والى المسلمين في دولة المشروع الحضاري التي لم تاتي الا لتنزل قيم السماء وتمكنوا في الارض بارادة القوي الجبار وامير المؤمنين حكومة شمولية حتى النخاع يتكلم في صميم واجباته كمواطن عادي بالغت والله
الشفيع في ماركة سلعة عالمية البراند نيم JUST DO IT فبالله قول لوالي المسلمين في امارة المشروع الحضاري عمر حسن احمد البشير JUST DO IT
Quote: الرئيس ذات نفسه قال في فساد نائب الرئيس الشيخ قال في فساد الشعب كوووووولوا عارف في فساد طيب هو وين المفسدين العملوا الفساد ديل ؟؟!
هلا يا احمد موسي وتحياتي.. ودي حكاية فعلا محيرة وبتعكس اول ما تعكس (التحلل من المسئولية) وبتعكس ايضا استهبال ولعب علي دقون هذا الشعب الطيب.. فالنظام هو نظام البشير وكل اعوانه يتحدثون وكانهم كانو متفرجين وليس كحكام مباشرين طيلة هذه العشرون سنة ونيف.. حكام عليهم تششيد نظام مراجعي ورقابي صارم يقي اموال البلاد والعباد من اللصوص والفاسدين وده العمل والمسئولية التي باسمها كانو يلعلون ويغبشون الوعي والبلد ينهب بالليل والصباح ..
وفعلا وكما قالت الدكتورة اعلاه القذافية يبدو بانها بدات تتشغل والشفيع كانه وعلي طريقة (اخنق) وفطس الشهيرة بيعمل (فصل ازموزي) للبشير مرة مواطن لمن يقووول كلام زي الفوووق ده...ورئيس لمن يقول هيييييييييييع ويرقص..!!
ياخي لما أصدرت الجمعية الطبية بالرياض ..بيان وقلنانفس الكلام دا..وطالبنا فيهو الحكومة وقلنا يا جماعة أدوا الاطباء قروشهم الشوية دي...إنت واحد من الناس علي ما أذكر...تداخلت في البوست...وإنتقدت الكلام دا...الليلة جايي تقول نفس الكلام عشان قالوا الرئيس....
حقيقة أستنكر.(.رغم أني لم ألتقيك ولا أعرف أين تعمل ولا أين تقيم).... بشدة أسلوب التطبيل السلبي دا
دا كلام ما مسؤول عمر الحلول ما كانت كدا يعني عشان اوظَّف لازم ارفد ؟؟ طيب لو لازم ارفد موظف من الاول لي شنو؟ يعني بكرة الاطباء ديل يمكن يترفدوا عادي جدا عشان يحل محلهم سواقين
والله الواحد ما عارف يقول شنو
الله يصلح حالك يا سودان والله حالك يحنن العدو
Post: #20 Title: Re: البشير: راتِب (4) دستوريين ولائيين (ما عِنْدهُم شُغُلْ) يكفي مُسْتحقّات عِشْرون طبيباً إختص Author: محمد إبراهيم علي Date: 04-16-2011, 08:27 PM Parent: #16
يعني لو بشار الاسد طار ممكن نلقى عمر البشير في ابو جنزير وشايل ليهو لافتة الشعب يريد تغيير النظام
يا اما الزول ده ما عارف انو رئيس يا اما ما عارف انو رئيس وانا برجح الاولى
Post: #18 Title: Re: البشير: راتِب (4) دستوريين ولائيين (ما عِنْدهُم شُغُلْ) يكفي مُسْتحقّات عِشْرون طبيباً إختص Author: علاء الدين يوسف علي محمد Date: 04-16-2011, 08:13 PM Parent: #14
قالت شذى بلّة
Quote: القذافي دة ما عمل فينا خير اصلو
و أقول: ولا شهيد الأهلية الجيتي بكيتيهو لينا هِنا بدمع ثخين برضو ما عمل فيكم خير أصلو أصلو
Quote: والشفيعكانه وعلي طريقة (اخنق) وفطس الشهيرة بيعمل (فصل ازموزي) للبشير مرة مواطن لمن يقووول كلام زي الفوووق ده...ورئيس لمن يقول هيييييييييييع ويرقص..!!
والله يا كريمو غايتو (حنا) ذاتنا احترنا في الزول ده ... مره مركب مكنة مايكل جاكسون ولابس الكداره بتاعة (راقص)... ومره مركب وش (كــلب) وعامل فيها واعر ... والمره دي عامل فيها (شيوعي) ولاعب ثيردباك في فريقي النضال في راطة الكدرو او (العجيجه)
_______________________________ لكن الحاجه الوحيده المامكن تتغير انو الزول ده كضاب بس
هلا هلا يا كريمو في عالم التجضيمات البشكيريه اقصد البشيريه
وتجضيمتو في ( القله) دي تجضيمه من النوع (ابو كلـــب) يا كريمو ...
لكين لو عزفو ليهو بتاعة خت العضم وما تشاغل في الفته ام توم ... كان عراقيهو (نصل) وتكتو اتحلت
_
_____________________________________ *البشير ده بيذكرني بمبروك (الغسال) الاتشاكل مع بتاع المويه ...قام ضب ليهو حمارو (كربون) والحمار قام عضاهو في اباطو
يا جماعة الخير خبر عاادي نقلناهو ليكم من الموقع الجديد سوداني نت وقلنا نعرفكم بالموقع وما كنت متوقع يلقى التفاعل ده كله الاعمى شايل المكسر وكيكي مرق من جخانينه وشايل كراكيبه ود ابراهيم جاي ناطي فيني جوز وووو الحكاية ابسط مما تتخيلون الانقاذ ح تبدأ تصحح اخطاءها، تقولوا ليها حسناً فعلت ولا تقعدوا تتريقوا؟
ياخي لما أصدرت الجمعية الطبية بالرياض ..بيان وقلنانفس الكلام دا..وطالبنا فيهو الحكومة وقلنا يا جماعة أدوا الاطباء قروشهم الشوية دي...إنت واحد من الناس علي ما أذكر...تداخلت في البوست...وإنتقدت الكلام دا...الليلة جايي تقول نفس الكلام عشان قالوا الرئيس....
حقيقة أستنكر.(.رغم أني لم ألتقيك ولا أعرف أين تعمل ولا أين تقيم).... بشدة أسلوب التطبيل السلبي دا
جيب مداخلتي دي، امكن اكون نسيتها، او تكون ذاكرتك (خربة)