Post: #1 Title: دايماً ...أطيب خاطرك الغالي.. Author: عمر الفاروق Date: 04-16-2011, 09:45 AM Parent: #0
تحتار مع أبو عفان تسمع شنو وتخلي شنو .. أجمل عرس حضرتو في حياتي كان بي عثمان حسين ..في ظل جوطة وفورة الفنانين الشباب أحيا الفنان عثمان حسين زواج جيرانا .. الناس كلها هاجت وقالت ده ح يكون أبيخ عرس..والناس عايزة تهجج .. ما بنسى المشهد والمسرح لم تفارقه الشلوخ والخدود السادة ..وصوت زغرودة من حاجة عمرها 70 سنة ..وشبال ومشاط ..
دايما أطيب خاطرك الغالي وأسامحك لو نسيت ودعت من يهواه قلبي يقربك مهما نئيت
كم مرة كم حاول يفرق بينا حاسد أو عزول كم مرة قالوا جنيت عليه بدلت ضو أيامي ديل لكني يانور العذاب أنا مابغير حبي قول تلقاني دايما فى هواك تلقاني فى حبك أصون
أسأل عليك الليل ونجموا وكل أنوار الصباح من كل طائر في سماهوا أسأل مشاعرك عن هوانا وليه حنانك لي راح الليل يجن غاية الألم والام تروح مع الرياح
حيران أسائل نفسى إيه كان السبب أصل الخصام يمكن يكون فى حقك إتلومت فى ساعة ملام لكن دة ما أظن يكون أنا قلبى ليك حفظ الغرام ما أظن من عرف الهوي يعرف عداوة مع السلام
Post: #3 Title: Re: دايماً ...أطيب خاطرك الغالي.. Author: عمر الفاروق Date: 04-16-2011, 09:50 AM Parent: #1
كنت بفتكر إنو شجن هي أجمل وأروع ما تغنى بيهو عثمان حسين خصوصاً لما يقول أغفرلو يا حنين وجاوز لو ظلم ..مع إنو بازرعة يديهو العافية بيقول انا والنجم والمسا هي الأغنية المفضلة والأجمل .. وبعد بازرعة مفروض ما نتكلم فهو سيد الشي زاتا..
Post: #5 Title: Re: دايماً ...أطيب خاطرك الغالي.. Author: عاطف عمر Date: 04-16-2011, 10:31 AM Parent: #1
خاطرك الغالي كلمات الأستاذ عوض أحمد خليفة لحن وغناء الأستاذ عثمان حسين
دايماً أطيب خاطرك الغالي وأسامحك لو نسيت ودعت من يهواك وقلبو بقربك مهما نأيت *** كم مرة كم حاول يفرق بينا حاسد أو عزول كم مرة قالوا جنيت علي بدلت ضو أيامي ليل لكني يانور العذارى أنا مابضيع حبي قول تلقاني دايما فى رجاك غناى في حبك رسول *** أسأل عليك الليل ونجمو وحتى أنوار الصباح كل طائر في سماهو في شريعتو الحب مباح أسأل مشاعرك عن هوانا وليه حنانك لي راح خليتني في غاية الألم آمالي تذروها الرياح **** حيران أسائل نفسى إيه كان السبب أصل الخصام يمكن أكون فى حقك إتلومت فى ساعة ملام لكن دا ما معقول يكون أنا قلبى ليك حفظ الغرام ما أظنو من عرف الهوي يعرف عداوة مع السلام
سلامات وتحيات يا عمرنا الفاروق
في آخر لقاء تلفزيوني أشاهده لأستاذنا الراحل المقيم عثمان حسين بصحبة المرحوم الأستاذ حسن ساتي والفنان عصام محمد نور ، إجتهد الفنان عصام في أداء نماذج من أغاني الفنان الكبير بـ ( كلماتها ) الصحيحة وبنفس اللحن كان هناك ثمة هنات في بعض الكلمات أو اللحن لذلك كانت ( وصية ) الراحل العظيم للفنان عصام بعد أن أثنى على أدائه أن " يهتم أكثر بحفظ كلمات الأغاني كما كتبها شعراؤها " لذلك قمت - بعد إذنك - بتعديل بعض ما ( أضرسني ) في نصك
دايماً أطيب خاطرك الغالي وأسامحك لو نسيت ودعت من يهواك وقلبو بقربك مهما نأيت *** كم مرة كم حاول يفرق بينا حاسد أو عزول كم مرة قالوا جنيت علي بدلت ضو أيامي ليل لكني يانور العذارى أنا مابضيع حبي قول تلقاني دايما فى رجاك غناى في حبك رسول *** أسأل عليك الليل ونجمو وحتى أنوار الصباح كل طائر في سماهو في شريعتو الحب مباح أسأل مشاعرك عن هوانا وليه حنانك لي راح خليتني في غاية الألم آمالي تذروها الرياح **** حيران أسائل نفسى إيه كان السبب أصل الخصام يمكن أكون فى حقك إتلومت فى ساعة ملام لكن دا ما معقول يكون أنا قلبى ليك حفظ الغرام ما أظنو من عرف الهوي يعرف عداوة مع السلام
Post: #7 Title: Re: دايماً ...أطيب خاطرك الغالي.. Author: عمر الفاروق Date: 04-16-2011, 10:46 AM Parent: #5
عارف يا عاطف يا ولدي :) انا النص كمان اضرستني كتابته لكن كنت في عجلة من أمري وعملت كوبي بيست من النت للنص ومع إني والله شوفت الأغلاط لكن كنت في صراع مع الزمن ولو إتأخرت ثانية كان البوست طفش لأنو كانوا قررو يعملو ريستارت للسيرفر :).. تشكرات كتارات يا زعيم وسلامتك من الضريسة ..
Post: #8 Title: Re: دايماً ...أطيب خاطرك الغالي.. Author: عمر الفاروق Date: 04-16-2011, 10:50 AM Parent: #7
هارون يا دياب: لا طبعاً أسرار ما معانا خصوصاً في الحاجات دي .. الشغلانة دي صعبة ..نحن بعد تعب اقتنعنا سميرة دنيا تغني اغاني الاستاذ ..:) مع التحية لي سميرة الدنيا التي هذبت اغاني ابو عفان .. وشكراً للنص تاني مع إنو عيبو بي الأحمر..
بالله ركز في المقطع الأخير من الأغنية ده مش بيقطع القلب ؟
Quote: حيران أسائل نفسى إيه كان السبب أصل الخصام يمكن أكون فى حقك إتلومت فى ساعة ملام لكن دا ما معقول يكون أنا قلبى ليك حفظ الغرام ما أظنو من عرف الهوي يعرف عداوة مع السلام
قال الشاعر الكبير حسين بازرعة ذات لقاء أنه كتب كلمات أغنية ( قصتنا ) وفي باله ، أن يلحنها ويؤديها غناء الفنان الكبير محمد وردي ، وأنه قد أعطى القصيدة بالفعل للأستاذ محمد وردي . ظلت الأغنية كلمات حبيسة أحد أدراج الفنان الكبير وردي الذي لم يتعود ( في تلك الأيام ) على تلحين الأغاني ذات القوافي المتعددة. وفي لحظة صدق مع النفس أخذ الأستاذ وردي قصيدة ( قصتنا ) وذهب بها للأستاذ عثمان حسين وبأسلوب وردي القاطع خاطب عثمان حسين بالقول
" ياخ أنا كلام ( زولك ) بازرعة دا غلبني ألحنو ، شوف القصيدة دي لو بتنفع معاك لحنها وغنيها ، أصلو يا هو زولك وإنت متعود على كلامو "
فكانت ....
( قصتنا ) بالمودة بالمعزة البينا بي أغلى الصلات بالهوى العشناهو بي أعصابنا خمس سنين ومات بالعذاب الشفتو والسر الكتمتو وباقي الطيبات أستحلفك أترك سبيلي وسيبني لوحدي أقاسي مر الذكريات **** أنا بى حناني الغالي خصيتك وحبيتك بكل جوارحي وعواطفي العميقة أنا شلت من أجلك هموم الدنيا وقاسيت من جراحا وكل ضيقا لى سعادتك إنت كم ضحيت وإتغربت وما خليت طريقة في مسيري المضني من أجل الحقيقة *** كل طاير مرتحل عبر البحر قاصد الأهل حملتو أشواقي الدفيقة ليك يا حبيبي للوطن لترابو لشطآنو للدار الوريقة لكن حنانك لى أو حتى مشاعرك نحوي ما كانت حقيقة كانت وهم كانت دموع مسفوحة في أحرف أنيقة **** ما بإيدي لو ضباب الغيرة أعماني وزيف لى الحقيقة إنت نبع حناني إنت كياني إنت الدنيا بهجتا وشروقا إن حصل زلت خطاى معاك أو ضلت طريقا هل تصدق تنتهي قصتنا يا أجمل حقيقة نحنا عشناها بدموعنا بالضنى في كل دقيقة لم تزل قصتنا قصة حب أقوى من الحقيقة
_____________
محاور عديدة يمكن إستنباطها من رواية سلطان الشعراء حسين بازرعة كل محور منها يجيب على سؤال لماذا كان ذلك الزمان جميلاً
يا سلاااام يا عاطف على قصتنا .. واحدة من النجرات فيها قالوا إنو اخر مقاطع دي تمت إضافتها والقصيدة إنتهت مع : لكن حنانك لى أو حتى مشاعرك نحوي ما كانت حقيقة كانت وهم كانت دموع مسفوحة في أحرف أنيقة
لكن قالوا ليهو ياخ الاغنية كده مؤلمة فزيدها فقاموا أضافو المقاطع البعدها .. وطبعاً دي نجرة حكاها لي زول كللل ما الاقيهو أزرزرو بيها .. قصتنا دي بتذكرني المهندسين حقت السودان ما حقت مصر..
عمر الفاروغ ممكن تورينا عرس جيرانكم ده كان سنة كم ؟؟؟؟ ههههههههههه عثمان حسين من أميز مدارس الغناء في السودان فله لونية خاصة في التطريب والالحان والشجن الاليم الذي يغوص داخل دواخل النفس ,, ( قصتنا - الوكر المهجور - أطيب خاطرك - شجن - لا وحبك - ذكرتني - طيبة الأخلاق - ربيع الدنيا - الخ ........ ) بالله شوف كلمات وألحان الاغاني دي وأداءها تاني يا عمر الواحد بيسمع لي أغاني الزمن ده ،، وبرضوا يقول ليك الأغنية الشبابية ،،، وأزيدك في الشعر بيت ،، أنا في نومي بتقلب حرامي القلوب تلب ،،، مش حرام يا عمر البيحصل ده ...
تقبل سلامي وإحترامي .. ودايماً تغيب وتجينا بي حاجات ما تخطر على بال يا عمر ،، بس كمان ما تنقطع للدرجة دي يا حنين .. ياسر العيلفون
