Post: #1 Title: Slide show ,,,,,,,,,,,,,,,,,,,,, Author: Amira Elsheikh Date: 04-16-2011, 08:34 AM Parent: #0
يوم السودان بفندق الريتز,,,,,,,محتاجين Slide show .........(اتمنى يكون المسمى صحيح)
يعرض الحياة السودانية من اوجه مختلفة ...طبيعة ..وجوه......موسيقي ,,رقص ..الخ
فكرة اليوم,,,,, كموظفين مخصص 3 ايام من كل الشهر ل3 من الجنسيات لعرض ثقافتهم بكافة اشكالها ويتم العرض بكافتيريا العاملين بحضور كل الاسصطاف ومدراء الادارات ولك مطلق الحرية ان تقدم بلدك بالطريقة التى تراها مناسبة .. بما اننا ثلاثة موظفين من 500 موظف و47 جنسية مواجهين بتحدى كبير اول مرة من تاسيس الفندق يكون السودان حاضر ... فلسفة الهوتيل قايمة على احترام التنوع ومحاولة التعرّف على الاخر وخلق حوار حتى يتثنى لك امكانية التواصل معه ,,,
طلب المساعدة دا مفتوح على مصراعيه....وعرضنا يوم الخميس 21/04
Post: #2 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-16-2011, 08:38 AM Parent: #1
ياشباب يدكم معانا
Post: #3 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-16-2011, 08:49 AM Parent: #2
ما اظن مدة الاسلايد مشكلة .. لانو مكان العرض متحرك(كافتيريا) يعنى ممكن نعمل اعادة تدوير عادى فى كل مرة ..
ممكن يكون من عشرة دقائق ل نصف ساعة
Post: #4 Title: Re: Slide show ,,,,,,,,,,,,,,,,,,,,, Author: سامي صلاح محمد Date: 04-16-2011, 09:00 AM Parent: #3
أميرتنا سلام أول حاجة يبدو لي إنو يكون في تخطيط للشريحة يعني أولاً مقدمة عن السودان و الجغرافيا و التاريخ و الإستقلال و العلم و العملة و عدد السكان و ما عارف شنو و لأغراض الشغل ذاتو و تناسباً مع أهداف العرض لازم يكون في كلام عن التنوع الثقافي و تعدد الإثنيات و القبليات و الثقافات و الأديان في السودان بعداك عرض المعلومات حسب ترتيب محدد يعني مثلاً المناخ، الخريطة الديموغرافية، السياحة و بعد تبني العضم يجي ترشيح الصور حسب كل موضوع
أهم حاجة الإبتعاد عن الهتافية و التطويل و صور الجماعة إياهم
سؤال أخير حتعرضو البريزينتشين عن السودان قبل و الا بعد الإستفتاء
Post: #6 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-16-2011, 09:07 AM Parent: #4
ياسامي نحن ماحنركز على الكلام والهتافية لانو 90 بالمية من الناس ديل مابفهمو عربي ... عندنا وسائل تانية غير الاسلايد ..مثلا اطباق سودانيةحتتقدم وفى ركن قهوة سودانية الحاجات دى كلها تامة فى وقت واااحد.... ما عاوزين افكار ياسامي بقدر محتاجين تنفيذ للفكرة ذاتها زى ما قلت ليك نحن عددنا بسيط ومالينا فى شغل التكنولجيا كتيير
يعني زول يقول اوكى بعمل ليكم الشغل دا حبا فى السودان وحرصا على اليوم دا
Post: #5 Title: Re: Slide show ,,,,,,,,,,,,,,,,,,,,, Author: محمد إبراهيم علي Date: 04-16-2011, 09:01 AM Parent: #2
حقو تعملي مسابقة بين البورداب والمتصفحين والعرض البفوز تكون الجائزة قضاء ليلتين في فندق الريتز كارلتون على حسابكم انتو التلاتة لووول
بعدين حقو تنبهي الناس انو Slide Show مفروض يكون بالانجليزي ولو عاوزة تقضي الليلتين انتي اديك الطريقة اعملي Power Point Presentation يكون بالطريقة الاتية الصفحة الاولى تكون كلام مختصر جدا عن موقع السودان الجغرافي وبعض المعلومات مثل عدد السكان معدل النمو السكاني معدل النمو الاقتصادي وما الى ذلك من المعلومات العامة والتي تعطي المتلقي فكرة عن السودان وحالوي ابعدي عن الاسهاب والتطويل يعني نقاط مختصرة جدا الصفحات التالية تخشي طوالي على التنوع الديمقرافي وحاولي تقسمي السودان جغرافيا يعني الجنوب (الذي مضى) والشمال والشرق والغرب وتكلمي عن التاريخ والازياء والعادات والتقاليد مثل عادات الزواج وعادات النفير والتضامن الاجتماعي والموروث الغنائي وانواع الايقاعات مع امثلة منها لو امكن حاولي ركز على الصور اكتر (النت مليان) وبرضو ممكن تضيفي فيديوهات قصيرة بعد تنتهي ممكن تحولي التـ PPT لفيديو فلاش (مش زي بتاع جمال العملو لحسبو) وتضيفي اي موسيقى كخلفية والافضل ان تكون من الايقاعات الشعبية يعني تبعدي من فنانين الوسط وحاولي سمعي الناس دي شكل جديد من الموسيقى
وبكدة اكون انا استحيقت خصم خاص لا يقل عن 50% في فندق الريتز لقضاء اجازتي القادمة
Post: #7 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-16-2011, 09:16 AM Parent: #5
سؤال أخير حتعرضو البريزينتشين عن السودان قبل و الا بعد الإستفتاء
والله العظيم يا سامي ..بنعمل فى سليكشن لمعرض الصور مع الزول المسئول من التصميم والطباعة واقترحت ليه شكل محدد لخريطة السودان ... قال لى لكن دى خريطة السودان القديم ؟؟؟
اجابتى كانت لا لا لاالمسالة دى لسة ماتمت وفى القلب حسرة ,,,
Post: #8 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-16-2011, 09:30 AM Parent: #5
اعملي Power Point Presentation يكون بالطريقة الاتية ....
وووب ياباشمهندس ..انا كان بعرف قدر دا كنت محتاجة افتح البوست .....??
الصفحة الاولى تكون كلام مختصر جدا عن موقع السودان الجغرافي وبعض المعلومات مثل عدد السكان معدل النمو السكاني معدل النمو الاقتصادي وما الى ذلك من المعلومات العامة والتي تعطي المتلقي فكرة عن السودان وحالوي ابعدي عن الاسهاب والتطويل يعني نقاط مختصرة جدا الصفحات التالية تخشي طوالي على التنوع الديمقرافي وحاولي تقسمي السودان جغرافيا يعني الجنوب
الجزء دا حيكون معروض فى البامفيليت وباللغة الانجليزية وحيتوزع على كل الناس ,,,,
Post: #9 Title: Re: Slide show ,,,,,,,,,,,,,,,,,,,,, Author: محمد إبراهيم علي Date: 04-16-2011, 10:01 AM Parent: #8
يبقى العرض بتاعي قائم انا ببدا امل ليك واحد وربنا يسهل نتمو ليك قبل يوم 21 وكلفي برضو كيكي اللعين وهو معلم في حكاية البريزنتيشن دي وعشميهو بعشاء في الريتز او قولي ليهو حاشجع الهلال لووول
سؤال مهم عايزة العرض يكون كم دقيقة ولا عايزاهو يكون Continuous Play
بعدين شايفك است######تيني في موضوع المكافاة وجليتي الموضوع
Post: #11 Title: Re: Slide show ,,,,,,,,,,,,,,,,,,,,, Author: Abdlaziz Eisa Date: 04-16-2011, 10:11 AM Parent: #9
بت الشيخ سلامات
كلام الاستاذ/ محمد ابراهيم ده عين الشغل.. والتحفيز كويس.. الناس بتقوم بالدفرة.. نحن ممكن نجدع ليك من بعيد لكن لو فيها حافز حياخدو لي كيكي
معك
تحياتي
Post: #15 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-16-2011, 11:28 AM Parent: #11
Quote: نحن ممكن نجدع ليك من بعيد لكن لو فيها حافز حياخدو لي كيكي
سلام ياعبدالعزيز ياعيسي ..
ياجماعة شنو شابكننا كيكي كيكي .....انتو قال ليكم الدوحة دي مافيها مهندسين غير كيكي ولا شنو؟؟؟؟
خليل دا ما عاجبكم ولا كيف ؟؟
يلا اجدع اجدع ..ان شاءالله رابط بتاع صور مميز
Post: #13 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-16-2011, 11:19 AM Parent: #9
Quote: بقى العرض بتاعي قائم انا ببدا امل ليك واحد وربنا يسهل نتمو ليك قبل يوم 21
ياتو عرض فى العروض يا باشمهندس لالالا ربنا حيسهل وحتمو قبل يوم21
كيكي منو يازول ما سمعت مقولة زمّار الحي لا يطرب .....و كيكى مقرّض عليها شديد .شان كدا ماحيعمل .. فكرة الريتز ماحتكون مغرية بالنسبة ليه على الاقل فى اليومين ديل
Quote: بعدين شايفك است######تيني في موضوع المكافاة وجليتي الموضوع
ينظر ويفاد ..لكن السيرفر اتلوم معاك بحليل ...
Post: #14 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-16-2011, 11:24 AM Parent: #13
Quote: سؤال مهم عايزة العرض يكون كم دقيقة ولا عايزاهو يكون Continuous Play
exactly...... Continuous Play
شكرا مقدما ياباشمهندس وانشاءالله ما عدمناكم
Post: #10 Title: Re: Slide show ,,,,,,,,,,,,,,,,,,,,, Author: ياسر التجاني Date: 04-16-2011, 10:08 AM Parent: #8
جاهزين يا اميرة بس ادينا زمن العرض والخطوط العريضة للمحتويات بمهني التركيز علي التنوع الثقافي من قبائل وسكان التنوع في البيئة الخ...
Post: #12 Title: Re: Slide show ,,,,,,,,,,,,,,,,,,,,, Author: هواري نمر Date: 04-16-2011, 10:28 AM Parent: #10
أميرة ...كيفنك؟ وزي ما قُلنـــــــــــا..
الصور عليك , بناجي الملك أو حاتم كاهن , طبعاً النت مليان , لكن الاتنين ديل بجيبو ليك صور نضيفة شديد الموسيقي المصاحبة أقترح , موسيقي (عاصم الطيب قرشي , حافظ عبد الرحمن , فرقة السمندل )
__ عليك الله في الآخر قولي لي مدير الفندق ياخ تعال افتح فرع عندنا في السودان أن شاء الله 3نجوم واكسب أجر , وشغل لينا أخوانا وأخواتنا ..
Post: #16 Title: Re: Slide show ,,,,,,,,,,,,,,,,,,,,, Author: نجلاء قرافي Date: 04-16-2011, 11:33 AM Parent: #12
جزء من العرض نفسه يااميروف واعتقد حيكون لذيذ ومدهش توب سوداني وطريقه لبسه وجلابيه سودانيه بكامل اناقته وهيبتها
ــــــــــ التوب علي توبي عبدالواحد عسلي اللون
Post: #20 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-16-2011, 11:48 AM Parent: #16
Quote: جزء من العرض نفسه يااميروف واعتقد حيكون لذيذ ومدهش توب سوداني وطريقه لبسه وجلابيه سودانيه بكامل اناقته وهيبتها
نجلاء قرافى ..سلام ووين اراضيك ...done يانجلاء نحن الاتنين حنلبس تياب وزميلناا حيكون فى كامل جلابيته وملفحته وطاقيته .. بالاضافة لخمسة من زميلاتنا (مختلف الجنسيات) حيلبسو معانا توب سودانى فى شو لمدة عشرة دقاقيق ومعاه رقيص رقبة IMG]http://www.sudaneseonline.com/db/attention/010_Smile.gif[/IMG]
ياخ ما تخلينا نكشف الورق كلو هنا
Post: #18 Title: Re: Slide show ,,,,,,,,,,,,,,,,,,,,, Author: عبدالكريم الامين احمد Date: 04-16-2011, 11:35 AM Parent: #12
Quote: كيكي منو يازول ما سمعت مقولة زمّار الحي لا يطرب .....و كيكى مقرّض عليها شديد .شان كدا ماحيعمل .. فكرة الريتز ماحتكون مغرية بالنسبة ليه على الاقل فى اليومين ديل
هلا يا زولة يا حقاراااات لووول وشكرا يا ود ابراهيم.. واميرة دي مخلوعة ساااكت والموضوع ده الخبرات المحلية هنا قادر علي توضيبه..لوووول اسمعيني يا اميرة في (بور بوينت ) ساعدت فيهو ناس رابطة جبال النوبة في قطر فيهو تنوع ثقافي واجتماعي واقتصادي ورهيب جدا.. ممكن نجيبو ليكم كنموذج عشان لو عجبكم ممكن يتجضم ليكم وااحد بنفس التبويب والتكنيك...(موسيقي وصور متحركة كيف كيف وزمن مزبط ومرتب زيينة)... وما داير منكم حاجة كثيرة غير (كيس تمباك) عشان اقدر امخمخ ليكم كويسس -------------------- بكرة انا من الساعة واحدة متواجد في كراكير فندقكم ده وخلونا نتلاقي ونباصر خطة العمل يا مريخابية يا رعديدة
ياكيكي بالله ماتخمنى انت لا حترحم ولا حتخلي رحمة ناس محمد ابراهيم وياسر التجاني تنزل ..
الموضوع داانت عارفو من شهر ..تجى اسي تبلبص لى ..نو ويي ...
غايتو ياكيكي الله يخليك
Post: #19 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-16-2011, 11:42 AM Parent: #12
هواري يانمر يا صديق . طبعا انت متابع معاي من البداية وبالنقطة والشولة .. الصور بالله جيب ليّ لنكات هنا ...ولا على كيفك .. وبرضو ممكن تشوف حاتم كاهن وناجي الملك . .......
قال شوفى قال ..انت ممتحن ؟.
كل الحاجات الاتفقنا عليها ماشة فى طريق التنفيذ ..بالجد الجرى كتير ونحن شوية .,,,
Post: #17 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-16-2011, 11:34 AM Parent: #10
Quote: جاهزين يا اميرة بس ادينا زمن العرض والخطوط العريضة للمحتويات بمهني التركيز علي التنوع الثقافي من قبائل وسكان التنوع في البيئة الخ..
تسلم يا ياسر التجاني ...لما نزلت الطلب كان عشمي كبير وكنت متاكدة ماحتخزلونى ....
عايزة اقدم صورة عن السودان لناس مابتعرف عن السودان غير وجه الحرب والقتل والدمار والتخلف . صورة من الحياة السودانية بمختلف اشكالها ..موسيقى... رقص.. مناطاق اثرية ....وجوه ....نيل ....بحر ... كل شئ يا ياسر بتشوف انو ممكن يكون جميل ويعبر عني وعنك وعن ناس كتار بتحلم بانو البلد يستاهل كل خير
شكرا كتير يا ياسر
Post: #22 Title: Re: Slide show ,,,,,,,,,,,,,,,,,,,,, Author: Sana Khalid Date: 04-16-2011, 11:53 AM Parent: #17
غايتو حركات السودانيين دي أصلكم ما بتخلوها.. هسة جاية تكلمينا يوم الوقفة؟ الموضوع دا فضل ليهو أسبوع.. أسبوع بس.. واخدة بال حضرتك؟ هسة كان وصيت ليك أماني ترسل ليك جردلين كعك و جردل مشكل من عند جارتهم ديك.. المرة الجاية كلمينا بدري شوية :)!
أنا ماليش في البوربوينت و الاسلايد شو يا أميرتنا .. لكن قريبي ما قصر و الشباب كلهم ما شاء الله..
و كمان بعد كيكي مسك الموضوع خلاص ختي في بطنك بطيخة صيفي و إنت أصلك ما شاء الله ما بيتخاف عليك --
ما تنسوا تقدموا كركدي و تبلدي.. ما بعيد يعجبوا ناس الفندق و يقوموا يضيفوهم لقائمة المشروبات
--
يا ريت لو الفنانين عصام عبدالحفيظ و ناجي الملك يسمحوا للناس باستعمال بعض من ابداعهم مع حفظ حقهم الأدبي بكتابة أسماءهم عليها إذا كان العمل غير ربحي
Post: #28 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-17-2011, 08:58 AM Parent: #22
Quote: غايتو حركات السودانيين دي أصلكم ما بتخلوها.. هسة جاية تكلمينا يوم الوقفة؟ الموضوع دا فضل ليهو أسبوع.. أسبوع بس.. واخدة بال حضرتك؟
ياسناء ياسنوية ..ابدا وحاتك .. من فترة شغالين وانجزناغالبية الحاجات وكنا معتمدين على زول يعمل لينا الاسلايد شو وفشلنا موظف التصميم بالهوتيل اجتهد معانا وماقصر .وعمل سلايد شو بس طلع ما ظابط او بالاصح ما زي نحن عاوزين لانو ما سودانى واكيد ماقادر يصل او يعرف بالضبط نحنا عايزين شنو..اها قلت هنا ديل ناس وجعتنا ومحبتنا اكيد حيفهموها وهى طايرة ..
Quote: سة كان وصيت ليك أماني ترسل ليك جردلين كعك و جردل مشكل من عند جارتهم ديك.. المرة الجاية كلمينا بدري شوية :)!
ياسنوية كانك بتقرى افكارنا وفعلا مفكرين فى مسالة الكعك ومالقيت زول حريف للاسف .. حنعمل كعك وفطير فى الغالب
Quote: و كمان بعد كيكي مسك الموضوع خلاص ختي في بطنك بطيخة صيفي و إنت أصلك ما شاء الله ما بيتخاف عليك
كيكي دا ضل دليب برمي بعيد ياسنوية
Quote: ما تنسوا تقدموا كركدي و تبلدي.. ما بعيد يعجبوا ناس الفندق و يقوموا يضيفوهم لقائمة المشروبات
Done
Quote: ا ريت لو الفنانين عصام عبدالحفيظ و ناجي الملك يسمحوا للناس باستعمال بعض من ابداعهم مع حفظ حقهم الأدبي بكتابة أسماءهم عليها إذا كان العمل غير ربحي
ياريت ...
Post: #21 Title: Re: Slide show ,,,,,,,,,,,,,,,,,,,,, Author: عبدالكريم الامين احمد Date: 04-16-2011, 11:51 AM Parent: #10
Quote: نحن ممكن نجدع ليك من بعيد لكن لو فيها حافز حياخدو لي كيكي
هلا يا عزيز وليك علي القصة دي لو فيها حافز اسكو ليك (زنقة زنقة)
(Culture and Customs of Sudan (Culture and Customs of Africa Publisher: Greenwood | ISBN: 0313344388 | edition 2008 | PDF | 224 pages |
Amid a Sudan's dark history, saturated with conflicts and tragic current events, lies a culture with deep roots, going back as far as 8000 BC. With several hundred ethnic groups and languages, Sudan is one of the world's most diverse countries. Learn how these cultures have blended and collided throughout the centuries, and examine how traditions and customs are kept alive today. Religious beliefs, social customs, arts, literature, and cuisine are among the topics discussed in this volume, which is ideal for high school and undergraduate students.Chapters include coverage on historical background, religions and worldviews, literature and media, art and architecture, cuisine and traditional dress, gender roles, marriage, and family, social customs, and music and dance.
الكتاب متوفر فى موقع امازون دوت كوم بسعر 49.50 دولار امريكى (من غير مصاريف الشحن). www.amazon.com
Post: #26 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-17-2011, 06:19 AM Parent: #25
.
Post: #27 Title: Re: Slide show ,,,,,,,,,,,,,,,,,,,,, Author: امير طمبل Date: 04-17-2011, 06:27 AM Parent: #26
الاميرة بت الشيخ
شكلنا راح يفوتنا يوم لذيذ وصلت الان الي الرياض ... بالله انا بوصي البت حرم اخونا سفيان لازم بتي سماح تكون حااضرة ليها في الحاجات دي كويس اتمني لكم يوما ممتعا يعكس كل حاجاتنا السمحة مودتي
الأخت أميرة ربنا يوفقكم على تقديم Presentation عن السودان. المهمة ليست بالسهلة وتحتاج لتركيز، نظرا لمحدودية وقت العرض. كثير من الشعوب الأخرى، لا تحب كثرة الكلام، فأرى من الأجدى والأنفع التركيز على الصور ومقاطع الفيديو، على أن تكون هذه منتقاة ومعبرة ومأخذوة من مناطق مختلفة، مصحوبة بخلفيات موسيقية من واقع بيئآتنا المحلية المتنوعة مثل إيقاع الطنبور والوازا والعزف على الحطب والرقصات الشعبية المعبرة. مع خالص أمنياتي لكم بالتوفيق
Post: #42 Title: Re: Slide show ,,,,,,,,,,,,,,,,,,,,, Author: الامين موسى البشاري Date: 04-17-2011, 03:39 PM Parent: #41
الاخ محمد مصطفي المجذوب ...سلام ..... متابعة فى الاسلايتات لسة..
شكرا على المساهمة ,,,,,,
مرحبتين حبابك
Post: #55 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-18-2011, 10:51 AM Parent: #43
صبري طه.. ازيك ياخ .... البريستيشن دا مالقيت طريقة تعمل شخيت سيرفر بكري لصورة عمك البسير دى .. المحيرنى جات منك انت ما من زول غيرك
Post: #44 Title: Re: Slide show ,,,,,,,,,,,,,,,,,,,,, Author: معتصم دفع الله Date: 04-17-2011, 04:16 PM Parent: #42
يا مرمر .. إزيك شديد ياخ ..
عارفه أول ما دخلت البوست وشفت طلبك .. قلت خلاص تركزي على موسيقى عاصم الطيب .. سبحان الله لقيت هواري نمر سبقني وكمان مرتضى ما قصر جاب النجيضة .. ممكن تجيبي تسجيلات لعاصم الطيب وتعمليها في ملف كامل وتختيها جنب قعدة الجبنة .. بالنسبة للبرسنتيشن الح يتعمل ركزي على الصور ولازم تكون بحجم كبير وعالي الدقة .. زي ما قالوا الشباب أستعيني بعصام أو ناجي وخليهم يدوك الصور الأصلية موش المضغوطة في النت .. بالجد عمل كبير ومقدر .. بالتوفيق إن شاء الله ولكل المعاك ..
تسلم ياخ واكيد اقتراحك موضع محبة وتقدير قبل التنفيذ ....
Post: #50 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-18-2011, 07:54 AM Parent: #42
االامين البشاري ..سلام ..
اسلايدك دا انترناشوينال شكلو...
برضو الزول فهم حاجة تسلم ,,
Post: #49 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-18-2011, 07:45 AM Parent: #41
فأرى من الأجدى والأنفع التركيز على الصور ومقاطع الفيديو، على أن تكون هذه منتقاة ومعبرة ومأخذوة من مناطق مختلفة، مصحوبة بخلفيات موسيقية من واقع بيئآتنا المحلية المتنوعة مثل إيقاع الطنبور والوازا والعزف على الحطب والرقصات الشعبية المعبرة.
الاخ اسحق بلة الامين ...سلام...
بالضبط هذا مانريده وانت قلت المختصر المفيد ..
شاكرين وممتنيين لمساندتك والسودان دايما فى القلب
Post: #51 Title: Re: Slide show ,,,,,,,,,,,,,,,,,,,,, Author: محمد عبد الماجد الصايم Date: 04-18-2011, 08:43 AM Parent: #49
بالتوفيق يا بت الشيخ .. غايتو نساعد بالصفقة!
Post: #52 Title: Re: Slide show ,,,,,,,,,,,,,,,,,,,,, Author: Abdlaziz Eisa Date: 04-18-2011, 08:48 AM Parent: #51
Quote: أمير الشيخ كتبت: صبري طه.. ازيك ياخ .... البريستيشن دا مالقيت طريقة تعمل شخيت سيرفر بكري لصورة عمك البسير دى .. المحيرنى جات منك انت ما من زول غيرك
يا أختي أنا لقيت اليوتيوب جاهز مشيت أفتّش للأغنية عشان أعمل نفس اليوتيوب الجبتو دة لقيتو جاهز حمدت الله ... البشير شفتو ولكن عشان أشيلو عايز زمن عشان أفك الفيديو إلى لقطات وتركيبو تاني وعيييييييييييك ... برنامج طويل أسهل منو تغيير النظام
Post: #61 Title: Re: Slide show ,,,,,,,,,,,,,,,,,,,,, Author: محمد إبراهيم علي Date: 04-20-2011, 00:01 AM Parent: #60
تحياتي اميرة معليش اتاخرت عليك لكن ظروف ومشغوليات العمل و السفر عملت ليك اسلايد شو حاولي اديهو عبد الكريم او اي واحد من الشباب الاتداخلو هنا وعندهم خبرة في الباور بوينت يعمل ليهو مراجعة ويضيف الصوت انا لو قدرت بكرة بعمل الحاجات دي لكن خايف اتزنق الرابط التحت ده ممكن تنزلي منو الملف عرض تقديمي -
Post: #62 Title: Re: Slide show ,,,,,,,,,,,,,,,,,,,,, Author: Amira Elsheikh Date: 04-24-2011, 06:41 AM Parent: #61
شكرا يا شباب ..شكرا كتيييييييييير لكل من ساهم وشارك براي او فكرة .. شكرا لكل من دعمنا ماديا ومعنويا ... يومها كنت فخورة بانى سودانية ,,, فخورة بناسي وبلدي... فخورة بثقافتي جد فخورة باني سودانية سودانية ,,,,,
Post: #63 Title: Re: Slide show ,,,,,,,,,,,,,,,,,,,,, Author: محمد أبوالعزائم أبوالريش Date: 04-24-2011, 07:23 AM Parent: #62
exactly...... Continuous Play
