أفتونا ياأهلنا دقيق+سكر توزع للغنى والفقير بواسطة اللجان الشعبية ما هذا؟؟؟؟؟؟؟؟؟؟؟

تمشى تسجل أسمك ،

تصرف 10 كيلو سكر + 12 كيس دقيق،

الناس بتسأل ما هذا ؟؟ مافى أجابة،

ماذا يعنى ذلك فى هذا الوقت،

بعض الناس رفض استلام الكوتة باعتبارها ذكاة،

لكن هل يجوز توزيع الذكاة فى كل الاحياء مثل العمارات والمهندسين و......؟

والله عاوزة اجابة شافية لذلك.

مثلا بعض الناس بقولوا أنو الموضوع دا من الحكومة عشان الناس الما شغالة فى الحكومة وماادوهم المنحة بتاعة غلاء المعيشة.

بعض الناس بقولوا دا موضوع عشان الناس ما تتكلم فى الغلاء،،

وبعض الناس بقولوا ناس الانقاذ خايفين من الشارع وعاوزين يسكتوا نا ،

اها يا اخوانا لو فى زول يجينا بالنجيضة يكون احسن عشان نجاوب لناس البتسأل من الكلام دا،

ممكن صدقة .......

وممكن رشوة ....وفى كلتا الحالتين فى سماسرة فى النص مستفيدين من القصة دى ..

مافي اى حسن نية يابت عم سيد احمد فى المسألة دي

Quote: ممكن صدقة ....... وممكن رشوة ....وفى كلتا الحالتين فى سماسرة فى النص مستفيدين من القصة دى .. مافي اى حسن نية يابت عم سيد احمد فى المسألة دي

بت الشيخ أذيك،

والله ممكن تكون ليها مقاصد اخرى عشان كدا عاوزين نعرف حقيقة الاشياء دى،

بعدين لو صدقة منو المستحق للصدقة دى؟؟

دا كلام تانى يابت الشيخ ،،

نجاة سلام عليكم
أكلو توركم وأدو زولكم
كان صدقة كان زكاة كان رشوة في النهاية من مال الشعب
الما محتاج ما يخلي حقو للحرامية اليشيلو ويديه بمعرفتو للمحتاج

تعرف ياودالبشرى المحتاج جد جد الموضوع دا ولا حيسمع بيه ....

Quote: نجاة سلام عليكم أكلو توركم وأدو زولكم كان صدقة كان زكاة كان رشوة في النهاية من مال الشعب الما محتاج ما يخلي حقو للحرامية اليشيلو ويديه بمعرفتو للمحتاج

ود البشرى سلام،
اتفق معاك دا من مالنا لكن عاوزين أجابة لذلك؟

لو كانت صدقة او ذكاة او اى شئى لماذا الأن،يشتروا سكاتنا ولا عشان يشغلونا من التفكير؟

شكرآ بت الشيخ،

منتظرين اللجان الشعبية يورينا الكلام دا ويجينا بالنجيضة.