Post: #1 Title: القٌبلة التي اسكرتني .. Author: عفاف أبو حريرة Date: 04-15-2011, 09:20 PM Parent: #0
تعب الغلابة .. وخشوع العابدين وريحة المطر الدعاش .. وأول ساعات الفجر مع نسيم الدغش .. ولعبة اطفال تحت ضوء القمر شليل وينه شليل وين راح وغبشة اهلنا وطيبة نفسم ..ونقاوة روحهم فرحة غامرة وامل كبير انه الدنيا لســه بي خير كل الصور الرائعه دي اتجسدت لي وشفتها في قبلة عفاف الصادق لي ابو عركي البخيت ... هنا فجاءة شعرت كأني انتقلت لعالم خيالي " اصبحت كجنيه اخرى ضغيرة منوره انضمت لبيتر بان " وحسيت بالورود تفتحت حوليا ..وهاله سماويه من الفرحة احاطت بي .. في نفس اللحظة رجعت لي حلاوة الغبش المعفرين بي التراب و ضارباهم الشمس كل ما زادت حرارة الشمس كل ما صهرت معدنهم وبينت اصالته .. اصلو ربي خلقهم من معدن جميل ناس حبابك ادخل الباب مفتوح
Post: #2 Title: Re: القٌبلة التي اسكرتني .. Author: Adil Osman Date: 04-15-2011, 09:23 PM Parent: #1
كتابة صادقة وجميلة
Post: #4 Title: Re: القٌبلة التي اسكرتني .. Author: عفاف أبو حريرة Date: 04-15-2011, 09:32 PM Parent: #2
اخي عادل .. صدقني كل الجمال انا شفته في الاستاذ ابو عركي البخيت والدكتوره عفاف الصادق الزول ده لمن تعاين في عيونه .. ودي ارجع ليها في في الصورة المنزله ليه في بوست بورداب الرياض ..تشوف اي شئ في الدنيا دي .. تشوف كل الحب وكل الوجع وكل الالم ..
Post: #7 Title: Re: القٌبلة التي اسكرتني .. Author: سيف بخيت موسي Date: 04-16-2011, 08:52 AM Parent: #6
أم أحمد
صباح الخير ، وسلام للمعاك كوولهم
عركى وعفاف جديرين بأي إحتفاء، ثنائي من زمن وطينة فريدة
نتمنى لهم دوام العشرة السمحة والعافية وطول العمر
تحياتي ليك وسلامي للجميع
----------------------- والله يا عفاف وما طالبني حليفة ، انت وحبيبنا خالد المحرب كمان جديرين بالإحتفاء والاحترام
Post: #8 Title: Re: القٌبلة التي اسكرتني .. Author: ismeil abbas Date: 04-16-2011, 09:24 AM Parent: #7
أختى العزيزة عفاف ..الرايقة.
أهلنا زمان من الحنية الشديدة كانو بنفطروا على بعض يعنى لما الزول يموت ليهو زول بحبو شديد يقولو ليك كبدته إتقصت على فلان.
المحنة الفيهم تكفى العالم وتفيض.
الحب ما كلمات بنعبر بيها وبس...أحاسيس ومشاعر نترجمة على الواقع.
من زمن بدرى أنا معجب بهذه العلاقة الجميلة الحميمة وهى نموذج لحياة اسرية مثالية.
حتى تعامل أبوعركى مع اولاده وترك ألأختيار لهم فى حياتهم نوع من منهج الحياة الحضارى الراقى.
بدأ بمحمد الموسيقار المبدع وسيبوية وذويزن وسماهر ولينوفر وسيريرام وسيزار(. كل واحد ماخد من واحد فيهم لمحة جمال..الله يحفظهم جميعآ ويسعدهم ياكريم.
الحب وألأحترام والمودة أساس لحياة أسرية سعيدة..أنتم أيضآ روعة من الجمال الله يحفظكم ويسعدكم.
Post: #12 Title: Re: القٌبلة التي اسكرتني .. Author: عفاف أبو حريرة Date: 04-16-2011, 10:44 AM Parent: #8
Quote: أهلنا زمان من الحنية الشديدة كانو بنفطروا على بعض يعنى لما الزول يموت ليهو زول بحبو شديد يقولو ليك كبدته إتقصت على فلان.
المحنة الفيهم تكفى العالم وتفيض.
الحب ما كلمات بنعبر بيها وبس...أحاسيس ومشاعر نترجمة على الواقع.
من زمن بدرى أنا معجب بهذه العلاقة الجميلة الحميمة وهى نموذج لحياة اسرية مثالية.
حتى تعامل أبوعركى مع اولاده وترك ألأختيار لهم فى حياتهم نوع من منهج الحياة الحضارى الراقى.
بدأ بمحمد الموسيقار المبدع وسيبوية وذويزن وسماهر ولينوفر وسيريرام وسيزار(. كل واحد ماخد من واحد فيهم لمحة جمال..الله يحفظهم جميعآ ويسعدهم ياكريم.
الحب وألأحترام والمودة أساس لحياة أسرية سعيدة..أنتم أيضآ روعة من الجمال الله يحفظكم ويسعدكم.
دي شهاده من زول تنحني له القامات الله يحفظك يابو احمد انت واسرتك الجميله في حضرت الجمال لازم تكون موجود خليك قريب
Post: #11 Title: Re: القٌبلة التي اسكرتني .. Author: عفاف أبو حريرة Date: 04-16-2011, 10:37 AM Parent: #7
Quote: أم أحمد
صباح الخير ، وسلام للمعاك كوولهم
عركى وعفاف جديرين بأي إحتفاء، ثنائي من زمن وطينة فريدة
نتمنى لهم دوام العشرة السمحة والعافية وطول العمر
تحياتي ليك وسلامي للجميع
مولانا كيف حالك تعبنا من كتر الكلام كل الناس تبكي علي الوطن لما بقي البكاءعاده وكل الناس بقي بس همهم اتكلمو موقف كان نفسي اشوفه من زمان لما اختصر الاستاذ عركي الكلام وقال الخلاصه وجعه علي بلد مابتستاهل الحصل فيها ولا الحصل لي اهلها حتي غبشتهم راحت منهم ومن كتر الوجع تخن جلدم واعتادو علي الصفع وده ياسيف اخوي خلي الاستاذ عركي يرفض اي تكريم اي كان شكله ولسان حاله كيف اوكرم والوطن مهان لما عفاف بمنتهي العفويه والتلقايئه حنت علي عركي وقبلته انا عندي ده كان اجمل تكريم واؤفي واصدق شعور كانت منتهي الامومه
Post: #9 Title: Re: القٌبلة التي اسكرتني .. Author: عفاف أبو حريرة Date: 04-16-2011, 10:17 AM Parent: #6
الطيب شيقوق والله يا الطيب الشعور الانا حسيته في الموقف النبيل ده كان عالم كامل اتمنيت لوما اطلع منه واكاد اجذم انه حتي الطرطور والحجاب اللبستم ليك امك من العين حتي ملاح الورق الكان في هدومك انا في اللحظه ديك حسيته ابقي قريب
Post: #10 Title: Re: القٌبلة التي اسكرتني .. Author: عبدالله ود البوش Date: 04-16-2011, 10:23 AM Parent: #9
لايقدر مثل هذه المشاعر النبيلة ولا يحس بها الا من يحملها في جنبيه
Post: #13 Title: Re: القٌبلة التي اسكرتني .. Author: عفاف أبو حريرة Date: 04-16-2011, 10:58 AM Parent: #10
Quote: لايقدر مثل هذه المشاعر النبيلة ولا يحس بها الا من يحملها في جنبيه
انتم اهل الوفاء والنبل
Post: #14 Title: Re: القٌبلة التي اسكرتني .. Author: بله محمد الفاضل Date: 04-16-2011, 11:29 AM Parent: #13
هذا ما قد كان بيومٍ في خيالٍ ربما...
والتقيتُ بالندى.. إلى شاعرتنا الجميلة الإنسانة: عفاف الصادق حمد النيل
قرأته عليها حين جمعنا بها صاحبي وابن اختها وزميل البورد أيضاً (أمير مصطفى) بمنزله العامر بجدة، وقد تكرمت واستجابت وقرأت علينا ما لا يمل أو يشبع منه حتى تلملم الصباح وطبخ/كاد لليل والأرواح لم تزل محلقة على أجنحة عباراتهافانتشرنا في البقاع... إنسانة ملائكية التقت بصنوها واتحدا ليملأ أركان الدنيا بما يحبذ ويستحق الإقتداء به والتكريم والتقريظ والمحبة
شكراً لك أختي على هذا الكلام المطرز بالمحبة
Post: #15 Title: Re: القٌبلة التي اسكرتني .. Author: عفاف أبو حريرة Date: 04-16-2011, 11:45 AM Parent: #14
Quote: قرأته عليها حين جمعنا بها صاحبي وابن اختها وزميل البورد أيضاً (أمير مصطفى) بمنزله العامر بجدة، وقد تكرمت واستجابت وقرأت علينا ما لا يمل أو يشبع منه حتى تلملم الصباح وطبخ/كاد لليل والأرواح لم تزل محلقة على أجنحة عباراتهافانتشرنا في البقاع... إنسانة ملائكية التقت بصنوها واتحدا ليملأ أركان الدنيا بما يحبذ ويستحق الإقتداء به والتكريم والتقريظ والمحبة
شكراً لك أختي على هذا الكلام المطرز بالمحبة
الاخ العزيز بله عفاف الصادق غيمه ماطره اينما ذهبت تنثر الفرح والحب والامل انه بكره اكيد احلي
Post: #16 Title: Re: القٌبلة التي اسكرتني .. Author: Adil Osman Date: 04-16-2011, 01:59 PM Parent: #1
عفاف الصادق بلهجة البقارة
Post: #17 Title: Re: القٌبلة التي اسكرتني .. Author: خالد المحرب Date: 04-16-2011, 05:57 PM Parent: #16
ياسلام يا عفاف على هذا الشعور الذى اعرفه تماما فانت رفيقة الدرب تتدفقين حبا والتحيه للدكتوره عفاف الصادق التى ترسم خارطة الوفاء والحب لزول جميل مثل عركى . اليكم جميعا اهدى هذه الاغنيه للعملاق عثمان حسين
Post: #18 Title: Re: القٌبلة التي اسكرتني .. Author: خالد المحرب Date: 04-16-2011, 09:18 PM Parent: #1
شكرا مولانا سيف بخيت ربنا يكرمك دنيا واخره انشاء الله
Post: #19 Title: Re: القٌبلة التي اسكرتني .. Author: الطيب شيقوق Date: 04-17-2011, 05:27 AM Parent: #18
Quote: حتي الطرطور والحجاب اللبستم ليك امك من العين حتي ملاح الورق الكان في هدومك انا في اللحظه ديك حسيته
ما شاء الله يا ام احمد - نمسك الخشب بس - عندك ذاكرة يحسدوك عليها
بس نسيتي القنبور البهبهب مع النسّام زى ريشة النعام في صنغور العربية بقدام
Post: #20 Title: Re: القٌبلة التي اسكرتني .. Author: طارق عبد اللطيف نقد Date: 04-17-2011, 10:21 AM Parent: #19
تسجيل حضور واعجاب
Post: #21 Title: Re: القٌبلة التي اسكرتني .. Author: طارق ميرغني Date: 04-17-2011, 10:33 AM Parent: #20
اختنا العزيزه عفاف ابوحريره
كلام ينم عن دواخل نظيفه ومعدن اصيل
رغم قناعتي ان حنية اخي خالد المحرب لا تقل عن تلك
فقط ان ابوعركي بتغني بها
وعفاف تتفوه بها
يللا امرقي الجواك
Post: #22 Title: Re: القٌبلة التي اسكرتني .. Author: عفاف أبو حريرة Date: 04-21-2011, 09:28 AM Parent: #21
Quote: اختنا العزيزه عفاف ابوحريره
كلام ينم عن دواخل نظيفه ومعدن اصيل
رغم قناعتي ان حنية اخي خالد المحرب لا تقل عن تلك
فقط ان ابوعركي بتغني بها
وعفاف تتفوه بها
يللا امرقي الجواك
العزيز الغالي طارق ميرغني صدقني انا سعيده جدا انو الحياة خلتني اعرف ناس بي روعتكم انت و فوزيه .. وابو عركي وعفاف الصادق فأنتم تضاهوهم في الروعه ..
Post: #23 Title: Re: القٌبلة التي اسكرتني .. Author: العوض المسلمي Date: 04-21-2011, 09:45 AM Parent: #22
سلام ام احمد ... تابعت ما كتبتي واعجبني بوح هذا الصباح .. وانتهز هذه الفرصة لاسلم علي الغالي ابو احمد صديقي الذي قصرت في حقه واقول له يا ابو احمد سامحنا في التقصير .. وتحياتي يا بنت اختي العزيزة ..
Post: #25 Title: Re: القٌبلة التي اسكرتني .. Author: عفاف أبو حريرة Date: 04-21-2011, 10:28 AM Parent: #23
Quote: سلام ام احمد ... تابعت ما كتبتي واعجبني بوح هذا الصباح .. وانتهز هذه الفرصة لاسلم علي الغالي ابو احمد صديقي الذي قصرت في حقه واقول له يا ابو احمد سامحنا في التقصير .. وتحياتي يا بنت اختي العزيزة ..
الخال العزيز العوض المسلمي .. كيفك انت والاسره الكريمه .. يا سيدي مافي لوم ولا الزيك بيتلوم اصلو اللوم بيجي بي الغفلات
كامل الود
Post: #26 Title: Re: القٌبلة التي اسكرتني .. Author: عفاف أبو حريرة Date: 04-21-2011, 10:38 AM Parent: #23
Quote: سلام ام احمد ... تابعت ما كتبتي واعجبني بوح هذا الصباح .. وانتهز هذه الفرصة لاسلم علي الغالي ابو احمد صديقي الذي قصرت في حقه واقول له يا ابو احمد سامحنا في التقصير .. وتحياتي يا بنت اختي العزيزة ..
الخال العزيز العوض المسلمي .. كيفك انت والاسره الكريمه .. يا سيدي مافي لوم ولا الزيك بيتلوم اصلو اللوم بيجي بي الغفلات
كامل الود
Post: #24 Title: Re: القٌبلة التي اسكرتني .. Author: عفاف أبو حريرة Date: 04-21-2011, 10:23 AM Parent: #20
Quote: تسجيل حضور واعجاب
طارق نقد .. شكــــرا على المرور
Post: #27 Title: Re: القٌبلة التي اسكرتني .. Author: يوسف السماني يوسف Date: 04-21-2011, 11:06 AM Parent: #24