أغـــانـي للـســــودان

وطـنـي الـسـودان
*****

كلمات : سيف الدين الدسوقي
ألحان : برعي محمد دفع الله
الغناء : إبراهيم عوض

*******
احب مكان وطني السودان
لان حسانو اعف حسان
وطيرو صوادح وروضو جنان
*****
الانسام بالطيب تخشاه
والاقمار حفت بسماه
الازهار تبسم في رباه
فيها رقة وفيها حنان
*****
فيهو النيل النيل الخالد
فيهو الخال والعم والوالد
فيهو تراث من طارف وتالد
والخيرات اشكال والوان
*****
السودان اشراقة جديدة
في افريقيا وبسمة سعيدة
فيهو عروبة وجوها عديدة
من اداب وفنون وبيان
*****
لينا الغد الزاهي المبهر
لي افريقيا ونورا الاخضر
للسودان وشبابو الاسمر
للاحرار في كل مكان
**********
هنا بصوت كورال كلية الدراما و الموسيقى



.

عـزه في هواك
*****
الكلمات : خليل فرح
*****

عزه في هواك ... عزه نحن الجبال
و للبخوض صفاك ... عزه نحن النبال
*****
عزه في الفؤاد سحرك حلال
و نار هواك شفى و تيهك دلال
و دمعي في هواك حلو كالزلال
تزيدى كل يوم عظمه إزداد جلال
*****
عزه جسمي صار زي الخلال
و حظي في الركاب صابوا الكلال
و قلبي لسه ما عرف الملال
أظنه ودقبيل و كريم الخلال
*****
عزه ما نسيت جنــة بلال
و ملعب الشباب تحت الظلال
و نحن كالزهور فوق التلال
نتشابي للنجوم و أنا ضافر الهلال
*****
عزه مابنوم الليل محــــال
و بحسب النجوم فوق الرحال
خلقة الزاد كمل و أنا حالي حال
متين أعود أشوف ظبياتنا الكحال
****
عزه ما إشتهيت نوم الحجال
و لا السوار بكى في يمينا جال
و عزه في الفريق لي ضيق مجال
قبيلة بت قبيل ملأ الكون رجال
*****
عزه ما سليت وطن الجمــال
ولا إبتغيت بديل غير الكمــال
و قلبي لي سواك ما شفتوا مال
خذيني باليمين وأنا راقد شمال
*****
عزه شفتي كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
*****
عزه في حذا الخرطوم قبال
و عزه من جنان شمبات حبال
و عزه لي ربوع أم در جبال
و عزه في الفؤاد دوا يشفي الوبال
**********

بصوت خليل فرح




.

عزه في هواك هنا بصوت الفنان عثمان مصطفى





.

صه يا كنار
*****
كلمات: الصاغ الاستاذ محمود ابوبكر
الحان: الموسيقار إسماعيل عبد المعين
*****
صَهْ يا كنارُ وضعْ يمينكَ في يـدي ودعِ المزاحَ لذي الطلاقـةِ والددِ
صه غيرَ مأمـورٍ وهـاتِ هـواتناً دِيَماً تهشّ علـى أَصِـيد الأغـيد
فإذا صغـرتَ فكـنْ وضـيئاً نَيّراً مثلَ اليراعـةِ في الظـلام الأسود
فإذا وجـدتَ من الفكـاك بوادراً فابذلْ حياتَـكَ غـيرَ مغلـولِ اليد
فإذا ادّخـرتَ إلى الصباح بسالـةً فاعلمْ بأن اليومَ أنسبُ من غـد
واسـبقْ رفاقَكَ للقيـود فـإنني آمـنتُ أنْ لا حـرَّ غيرُ مُقيَّد
وأمـلأْ فـؤادَكَ بالـرجاء فإنها «بلقيسُ» جاء بها ذهـابُ الهدهـد
فإذا تبدّد شـملُ قومكَ فاجْمَعنْ فإذا أبَوْا فاضربْ بعزمـة مُفـرَد
فالبندقيـةُ في بـدادِ بيوتـهـا طلعـتْ بمجـدٍ ليس بالمتبـدّد
صه يا كنارُ فما فـؤادي في يدي طـوراً أضـلُّ وتارةً قد أهتدي
وأرى العواذلَ حين يملكني الظما فأمـوت من ظـمأٍ أمامَ المـورد
وأرود أرجـاءَ البـيانِ دواجـياً فأضـيق مـن آنائـه بالشُّرَّد
أنا يا كنارُ مع الكواكـبِ ساهدٌ أسـري بخفـق وميضها المتعدّد
وعرفتُ أخلاقَ النجـومِ، فكوكبٌ يهبُ البيانَ وكوكبٌ لا يهتدي
وكويكبٌ جمُّ الحياءِ وكوكـبٌ يعصـي الصـباحَ بضوئه المتمرّد
إن كنتَ تستهدي النجومَ فتهتدي فانشدْ رضايَ كما نشدتَ وجَدِّد
أو كنتَ لستَ تطيق لومـةَ لائمٍ فأنا الملـومُ على عـتاب الفرقد
صه يا كنارُ، وبعضُ صمتِكَ موجِعٌ قـلبي ومُـوردِيَ الردى ومخلّدي
أرأيتَ لولا أنْ شـدوتَ لما سرتْ بي سارياتُكَ والسُّرى لم يُحمَد
حـتى يُثوِّبَ للكمـاة مُـثَوِّبٌ ليذيبَ تاموري ويحصب موقدي
أنا لا أخاف مـن المنون وريبِها مـا دام عزمي يا كنارُ مُهنَّـدي
سـأذود عن وطني وأهلك دونَهُ في الهالكـين فيا ملائكةُ اشهدي
**********

أداء مجموعة من الفنانين





.

like

Quote: like

نلايكك في الأفراح إن شاء الله يا سنو

تحياتي

أنا سوداني
********
الكلمات : محمد عثمان عبدالرحيم
الغناء: حسن خليفة العطبراوي
**********
أنا سـوداني
كل اجزائه لنا وطن اذ نباهي به و نفتتن
نتغنى بحسنه ابدا دونه لا يروقنا حسن
حيث كنا حدت بنا ذكر ملؤها الشوق كلنا فده
نتملى جماله لنرى هل لترفيه عيشه ثمن
خير هذي الدماء نبذلها كالفدائي حين يمتحن
بسخاء بجرأة بقوى لا يني جهدها ولا تهن
تستهين الخطوب عن جلد تلك تنهال وهي تتزن
*****
أيها الناس نحن من نفر عمروا الارض حيث ما قطنوا
يذكر المجد كلما ذكروا وهو يعتز حين يقترن
حكموا العدل في الورى زمنا اترى هل يعود ذا الزمن
ردد الدهر حسن سيرتهم ما بها حطة ولا درن
نزحوا لا ليظلموا احدا لا ولا للإضطهاد من امنوا
وكثيرون في صدورهم تتنزى الاحقاد والاحن
دوحة العرب اصلها كرم والى العرب تنسب الفطن
ايقظ الدهر بينهم فتنا ولكم افنت الورى الفتن
*****
يا بلادي يا بلادا حوت مآثرنا كالفراديس فيضها منن
فجر النيل في اباطحها يكفل العيش وهي تحتضن
رقصت تلكم الرياض له وتثنت غصونها اللدن
وتغنى هزارها فرحا كعشوق حدا به الشجن
حفل الشيب والشباب معا وبتقديسه القمين عنوا
نحن بالروح للسودان فدا فلتدم انت ايها الوطن
**********


.

بلد الخير
الكلمات : السر أحمد قدور
الحان : برعى محمد دفع الله
الغناء : إبراهيم الكاشف

أرض الخيرأفريقيا مكاني
زمن النور و العزة زماني
أرض جدودي جباههم عالية
مواكب ما بتتراجع تاني
اقيف قدامها واقول للدنيا انا سوداني
*****
أنا بلدي .. بلد الخير والطيبة
ارضه خزاين .. فيها جناين
نجومه عيون بالخير بتعاين
قمره بيضوي ما بغيب ابدا دايما باين
نوره بيسقي ليالي حبيبة
عليها بغني واقول للدنيا انا سوداني
*****
شمسك طلعت وأشرق نورها بقت شمسين
شمس العزة ونورها الاكبر
هلت شامخة زي تاريخي قوية وراسخة
ملت الدنيا وخيرنا بيكتر
شمس ايماني باوطاني
ده الخلاني اقول للدنيا أنا سوداني
*********

بصوت الفنان خالد محجوب



.

كلمات خوالد (تنتزع) القشعريره إنتزاعاً لكل عاشق لتراب هذا الوطن

من غيرها لتوحد الأبناء تخلد في حنايانا ...تعبر عن تميز إنسانا مديد الدهر

تسلم وتربت يداك و(أصبعك) أباالحسين

اخونا أمير سلام

إديك العافية و تسلم أصابعك كلها

أمانة في أعناقنا وطن نعتز بيه و نفتخر إننا منو

تحياتي

وطن الجدود

الكلمات: محمد عوض الكريم القرشي
الغناء: عثمان الشفيع


وطن الجدود نفديك بالأرواح نجود
وطــــنــي ..

وطن الجدود نِعم الوطن
خيراتو كم يتدفـــــقـــن
آن الآوان أن نـُُـمتحـــن
في سبيلو لا نطلب ثمن
*****
وطن الجدود نحن الفداء
من المكائــــد والعـــــدا
نتمنى ليك دايما تســـود
بدمانا نكتب ليك خــلـود
هيا يا شباب هيا ياجنـود
هيا حطمــوا هذي القيود
*****
هيا يا شباب هيا للأمام
سودانّا قد ملّ المــــــلام
حرية كاملة هي المُرام
تؤخذ ولا يجدي الكلام
حذاري أن وطنك يضام
حذاري أن يصبح حطام
جهلٌ .. وفقرٌ .. وانقسام
فلنتحد ويجب نعــيــــد
لوطنّا أمجاد الكرام
*****
هيا ياشباب ضموا الجنوب
القافلة ســــــارت لن تؤوب
حيوا السلام دكوا الحروب
وماء نيلنا يكون عـــذوب
*****
أهتف معي قل يا أخي
يحيا الكفاح وينتقي
فليخرج الباغي الشقي
ويرفرف العلم الأبّي
*****



و هنا مجموعة أغاني و أغاني



و هنا آسيا مدني

.

اليوم نرفع راية استقلالنا
**************
الكلمات : عبد الواحد عبد الله يوسف
الغناء : محمد وردي
*****
اليوم نرفع راية استقلالنا
ويسطر التاريخ مولد شعبنا
يا إخوتي غنو لنا اليوم
*****
يا نيلنا ..يا أرضنا الخضراء يا حقل السنا
يا مهد أجدادي ويا كنزي العزيز المقتنا
يا إخوتي غنو لنا
*****
كرري ..كرري تحدث عن رجال كالأسود الضارية
خاضو اللهيب وشتتو كتل الغزاة الباغية
والنهر يطفح بالضحايا بالدماء القانية
ما لان فرسان لنا بل فر جمع الطاغية
يا إخوتي غنو لنا
*****
وليذكر التارخ أبطالا لنا
عبد اللطيف وصحبهو
غرسو النواة الطاهرة
ونفوسهم فاضت حماسا كالبحار الزاخرة
من أجلنا سادو المنون
ولمثل هذا اليوم كانوا يعملون
غنو لهم يا إخوتي ولتحيا ذكرى التاريخ
يا إخوتي غنو لنا
*****
إني أنا السودان أرض السؤدد هذه يدي
ملأى بألوان الورود قطفتها من معبدي
من قلب إفريقيا التي داست حصون المعتدي
خطت بعزم شعوبها آفاق فجر أوحد
فأنا بها وأنا لها
وسأكون أول مقتدي
يا إخوتي غنو لنا
**********************




كورال كلية الموسيقى و الدراما

الـوصـيـــة
الكلمات : موسى حسن
الغناء : ميرغني المأمون و أحمد حسن جمعة

جدودنا زمان وصونا على الوطن
على التراب الغالي الما ليهو تمن
*****
نحن حافظين للوصية
جوه في قلوبنا الوفية
ذكراهم بتلهمنا
وتشجينا بعزيمة قوية
ليك يا بلدنا عاد
صارفين روحونية
صاينين للتراب
وحافظين للوصية
جدودنا زمان وصونا على الوطن
على التراب الغالي الما ليه تمن

*****
بي سواعدنا القوية
حققنا استقلالنا ورفعنا علم الحرية
بيهوا الشعب احتفل
يوم جمع صفوفو
واتشمر للعمل
بي وحدة نضالو
كم حقق أمل
جدودنا زمان وصونا على الوطن
على التراب الغالي الما ليه تمن
******
و في وادينا المصانع حققت إنتصار
و نيلنا الجاري نم أرضنا بالخضار
نحميه من الطامع و من شر الودار
******







.

يـا وطــنـــــي
******
الكلمات : إبراهيم رجب
غناء : سيد خليفة
***********
يا وطنى يا بلد أحبابى فى وجودى احبك وغيابى
يا الخرطوم يا العندى جمالك ..جنة رضوان
طوول عمرى ما شفت مثالك
فى اى مكان
انا هنا شبيت يا وطني
يا وطني يا بلد أحبابى فى وجودى احبك وغيابى
يا الخرطوم يا العندى جمالك ..جنة رضوان
طوول عمرى ما شفت مثالك
فى اى مكان
انا هنا شبيت يا وطني
زيك ما لقيت يا وطني
فى وجودى احبك وغيابى
ياحليلك وياحليل ايامك
على ليالى زمان
وقلبى عايش لغرامك ما بعد غرام
كانت أيام يا وطني
زى الأحلام يا وطني
بتذكر فيك عهد صبايا
على شاطئ النيل
حبيبى جالس حدايا
أسمر وجميل
انا بفخر بيك يا وطني
بالروح افديك يا وطني





كورال كلية الموسيقى و الدراما



.

أنا أم درمان
كلمات : عبد الله محمد زين

أنا أم درمان ... أنا السودان
أنا الدر البزين بلدي ... أنا البرعاك سلام وأمان
أنا البفداك يا بلدي
***
أنا أم درمان لسان حالك أريتك تدري بحالي
أنا القدرت أحوالك وحبك بدري أوحالي
أقوم بأعظم الأدوار .. وأكون الساحة للثوار
وأبقى البقعة للأحرار .. وأمثل عزة السودان
***
أنا أم درمان سليلة السيل قسمت الليل وبنت صباح
أنا الولدوني بالتهليل ... وهلت فوقي غابة رماح
أنا الطابية المقابلة النيل ... أنا العافية البشد الحيل
وأنا القبة البتضوي الليل ... وتهدي الناس سلام وأمان
***
أنا أم درمان نصرت الدين وكنت هداية للإسلام
وروحوا حولي ناس صادقين ... بناهم في حياتي غرام
وقالوا المبدأ والفكرة ... وخلدوا أعظم الذكرى
ودخلوا المدرسة الكبرى ... ونالوا شهادة الإيمان
***
أنا أم درمان سقاني النيل رحيق العزة من كاسو
أنا اللي مجدوا كنت دليل وآية الوحدة لناسو
أنا الفي الشاطيء الغربي ... سقوط غردون مهر حربي
وأنا النيل طلب قربي ... ومزج بين كافة الألوان
***
أنا أم درمان أنا الواحة وري البسقي للعطشان
فنوني تضوي لواحة وتهدي الساري والضهبان
مرقو وشدو فوقي الناس ... ونادوا بقية الاجناس
وللتعبير بقيت مقياس ... وللتقدير بقيت ميزان
***
أنا أم درمان دا ميلادي وميلاد البشيل أسمي
أنا القدمت أولادي شرافه وسيف على وسمي
وكنت القوة والحولة دست وفزت بالجولة
كنت الراية والدولة وفي التاريخ بقيت عنوان
***
أنا أم درمان معبد الميس اصيلة وشوني رجال
لكن القدرة والتقديس أرادني شايق الاجال
تقلبت فوق ربوع داري .. ونفس انفاس أقداري
أريتم يعرفوا مسداري ويجلوا زماني للفرسان
*************************

هنا بصوت الأمين البنا



هنا الفرجوني و سمية حسن




.